آيــة 𓂆🇵🇸.

أنا دفءُ الشمس الذي لم يُقدره ظلامك ولن تجدهُ بين حضيضِ القناديل🌟 . . .

كتب كتابي💍 الحمد لله الذي بنعمته تتم الصالحات♥️ إنّ الرُوح إذا إلتقت بمَن يُشبهها ♥️ ترمّمت ، وتعافت و أما عنْ فرحة الحلال فلا إقتباس يصِفها ولا كلام يعبر عن شعورها💍♥️ ‎تم عقد قراني على من ارتضيت دينه وخلقه وحسبه ‎اللهم اجعله سندا لي واجلعني…

كتب كتابي💍 الحمد لله الذي بنعمته تتم الصالحات♥️ إنّ الرُوح إذا إلتقت بمَن يُشبهها ♥️ ترمّمت ، وتعافت و أما عنْ فرحة الحلال فلا إقتباس يصِفها ولا كلام يعبر عن شعورها💍♥️ ‎تم عقد قراني على من ارتضيت دينه وخلقه وحسبه ‎اللهم اجعله سندا لي واجلعني سندا له واجمعنا بمحبتك وفي طاعتك إن الخيره فيما اختاره الله وانت بدايه هذا الخير وختامه 💍🤍 الحمد لله حمدا كثيرا طيبا مباركآ فيه ❤️ الحمد لله الذى بنعمته تتم الصالحات 🤍 كتبنا الكتاب عقبال عندكم جميعا 🤲🤍 اللهم اجعله عقد تنعقد به سعادتنا 🤍💫💥 أحلى يوم ف حياتي 9/8/2026 وعقبال كل اصحابي واخواتي 💙

. الواقع علّمني إنو ما في كمية تضحية بتجبر زول يحبك وما في مقدار عطاء بيغيّر قلب أصلًا ما كان شايفك. ممكن تدي من وقتك ومن راحتك ومن قلبك وتعمل المستحيل عشان تشوف البسمة في وشوش الناس وبرضو في النهاية يحكمو عليك من زاوية ما بتشبهك. الناس ما بتشوفك بالحقيقة الكاملة بتشوفك على قدر إحساسها بيك وعلى قدر الصورة المرسومة جواها. الزول الما بحبك حتى لو نورت ليهو الدنيا كلها ح يفضل شايف الظلام. والزول البحبك حتى لو تعبت وسكتت وقصّرت حيفهم تعبك قبل ما يحاسبك وحيفتش ليك عن العذر قبل اللوم لأنو محبتو ليك ما كانت مربوطة ب ال بتقدمو كانت مربوطة بقيمتك عندو. عشان كده بطل تستنزف روحك في محاولة تثبت إنك كويس أو تشرح نواياك لكل زول أساء فهمك. ما كل الناس حتصدقك وما كل الناس حتشوف قلبك بالطريقة البتشوفو بيها إنت. خليهم يحتفظوا بالصورة البتعجبهم حتى لو كانت بعيدة عن حقيقتك. لأنو في النهاية قيمتك ما بتتحدد بنظرة الناس ليك ولا بتزيد بمدحهم ولا بتنقص بسوء فهمهم. وأجمل سلام ممكن توصّل ليهو إنك تعرف إنو ما عليك تقنع العالم كلّو بيك… عليك بس تعيش بصدق والبستحق يعرف حقيقتك حيعرفها من غير أي تبرير♡! .

أقسى الفترات في حياة الإنسان هي الفترات البتجي وهو ما فاهم الحاصل ليهو. يصحى كل يوم وهو بيحاول يكون بخير لكن جواه حرب ما شايفها زول. يضحك مع الناس وفي قلبو ألف سؤال ما لاقي ليهو إجابة. في الفترات الصعبة بتكتشف إنو الحياة ما بتمشي زي ما خططت ليها وإنو في حاجات مهما حاولت تتمسك بيها ما حتكون من نصيبك. وبتتعلم غصبًا عنك إنو التقبل مرات أصعب من الفقد ذاتو بتوجعك فكرة إنك كنت متأكد من حاجات وفجأة بقت كلها شك. أشخاص كنت فاكرهم سند طلعوا مجرد مرحلة. وأحلام كنت شايفها قريبة بقت أبعد مما تتخيل. لكن رغم الوجع الأيام دي بتعيد تشكيلك من جديد. الفترات الصعبة ما بتسرق منك الناس وبس بتسرق النسخة القديمة منك. وبعدها بهدوء شديد بتبنيك من أول وجديد. بتخليك تعرف قيمة راحة البال وقيمة الشخص البختارك كل يوم وقيمة إنك تحافظ على نفسك قبل أي حاجة. يمكن الليلة حاسس إنك تايه وإنو الوجع أكبر من قدرتك لكن صدقني الزمن ما بيثبت على حال. الأيام البتخليك تبكي الليلة ممكن تكون هي نفسها الأيام البتخليك بعد سنين تقول: "الحمد لله إنها حصلت لأنها صنعت مني إنسان أقوى." وأهم حاجة... أوعى تستعجل نهاية المرحلة دي. خليها تخلص بطريقتها وخليك واثق إنو ربنا ما بيمتحن قلب إلا وهو عارف إنو قادر يتجاوز الامتحان حتى لو هو نفسه ما كان شايف القوة الجواهو.! وبس يعني ♡.!

في مرحلة ما من الحياة لا يعود الإنسان يبحث عن الأشياء المبهرة كما كان سابقاً بل يبدأ بالبحث عن الأشياء الصادقة. عن حديث لا يحتاج إلى مجهودٍ كي يستمر وعن أشخاص لا يستهلكون روحه ليقنعوه أنهم يحبونه وعن أماكن لا يُضطر فيها ليكون نسخة مختلفة عن نفسه حتى يُقبَل. نكتشف متأخرين أنه أجمل ما يمكن أن يحدث لنا ليس الوصول إلى ما نتمناه بل الوصول إلى حالة من السلام تجعلنا نتقبّل ما يأتي وما يرحل بنفس القلب المطمئِن حينها نفهم أن النجاة ليست في الحصول على كل شيء بل بألا نفقد أنفسنا ونحن نحاول ♡.!

في أبواب في حياتك ما اتفتحت ليك عارف ليه؟ لأنها من البداية ما كانت مكتوبة ليك. وفي ناس طلعوا من حياتك ما لأنك ما كنت كفاية لكن لأن دورهم كان مجرد درس ولمن خلص الدرس خلص وجودهم. وفي أمنيات لمن هسه ما اتحققت ما لأنها مستحيلة لكن لأن ربنا عارف الزمن المناسب ليها ولسه ما جا. وفي حكايات وقفت في نص الطريق لأن لو كملت يمكن كانت تكون سبب في وجع أكبر ليك. فالخلاصة... كل حاجة ربنا كاتبها ليك حتجيك وما في رزق ولا خير حيفوتك. والبتتمناهو ح يجي لكن واحدة واحدة في الوقت البناسبك ما بالضرورة في الوقت الإنت دايرو. وأي صبر صبرتو وأي وجع عديتو ربنا بيعوضك ب حاجة تنسيك كل التعب. بس خلي قلبك مطمن لأن المكتوب ليك حيلقاك وين ما كنت💜.! .

🦋 لماذا لا نكتب ف خانه إنجازاتنا _كيف غادرنا الأماكن التي نحب _كيف إضطررنا على البدء من جديد _كيف أنتظرنا عودة صديق _كيف تجاوزنا عثرات الطريق _كيف أصبحنا أمنية ل نسختنا الجديدة _كيف تصرفنا بشجاعة عندما أجبرتنا الحياة أن نسلك طرق لا نحبها _كيف تجاوزنا مرحلة كنا نبكي منها سراً 💜💜💜.!

🦋 “لقد هُزمنا من الأصدقاء من الأحبةِ والأقرب إلى قلوبنا ومِن مَن كُنا نظن بهم خيرًا لم تأتي هزائمنا أبدًا من الاعداء ♡.”