المعهد التقني السماوة

#رسائلكم_وكلامكم أحدُ أعظمِ القنواتِ في مرحلة الدراسة الجامعية من القنواتِ التي نعتزُّ بها چانت ويّانا بكلِّ خطوةٍ تدعمُنا مرّةً وتدلُّينا مرّاتٍ وترشدُنا .. كلُّ ضبابيّةٍ توضّحها إلنا وبدونِ أيِّ جهود منهُ ندخلُ شايلينَ شتاتَ دنيا بتساؤلاتِنا إللي متخلّص ونرجع بهوايَ أجوبة كلش هوايَ شكرًا على كلِّ مجهودٍ من حضرتِك وكلِّ تعبٍ ويّانا نسألُ اللهَ يديمُ عليكم هل توفيقَ ولا يحرمُنا من نعمةٍ وخيرِ وجودِكم 🤍. من توصلني هيج رسائل منكم هذا الشي يفرحني وبنفس الوقت يخليني امام مسؤولية جبيرة وان شاء الله اكون كد ثقتكم وعد حسن ظنكم دائما وابدا راح تلكوني قريب منكم 🙏🙏🤍

#النصيحة_الأبدية لتخلون احد يختار الكم طريقكم والقسم الي راح تدرسون بي صح المشورة مطلوبة واخذ اراء الناس الاكثر خبرة ضروري بسسسس القرار الاخير الكم انتو لان محد راح يتحمل عواقب وايجابيات وسلبيات الاختيار غيركم انتو فقط.....

توضيح🔴 المعهد التقني الرميثة يحتوي على ثلاث اقسام طبية 1- قسم تقنيات الادلة الجنائية 2- قسم تقنيات الادارة الصحية 3-قسم تقنيات التجميل بالليزر (قسم مستحدث) قريبا سيتم افتتاحه بالنسبة لمعدلات الاقسام الطبية السنة السابقة اقل معدل تم قبوله في الدراسة الصباحية هو 71.2 اما التخصصات الهندسية يحتوي المعهد على قسمين 1-قسم تقنيات الطاقة المتجددة 2-قسم تقنيات الكهرباء الحد الادنى للقبول في هذه الاقسام للسنة السابقة هو 52.1 اما التخصصات الادارية يحتوي على قسم تقنيات المحاسبة حيث ادنى معدل للقبول للفرع العلمي هو 56.4 وادنى معدل للقبول للفرع الادبي 50.8 وبسسس🤍😊

#نصيحة السؤال الشائع حالياً شنو تنصحني اروح يا قسم ويا كلية وشلون؟ النصيحة الأهم لكل طلاب السادس هو اختاروا القسم الي تحبوه انتو وراغبيه وتحسون نفسكم راح تبدعون بي صح قبل جانت الأولوية للأقسام الي بيها تعيين بس هسه صار التعيين حسب الحاجة وهم صارت بي مشاكل اختارو قسمكم بعنايه ودقة وتذكروا كل الاقسام تكدرون تبدعون بيها وتمسكوا بأهدافكم واحلامكم واكو عبارة خلوها ببالكم (الي يترك حلمه يموت) ولاتخلون معدل السادس يغير ثقتك بنفسك ويقلل عزيمتك تراااا الي يبدع والي يريد يصنع شي لنفسه كل الاماكن يكدر يصنع بيها فارق ويكون هو النقطة المضيئة بهل مكان🤍🤍 ويااارب مثل ما هسه اكو طلاب تخرجوا وكملوا واكو بيهم تعينوا ولحد هسه يبشرونا بأنجازاتهم واهدافهم الي يحققوها انتو هم ان شاء الله نسمع عنكم بس الاخبار الطيبة والمفرحة وبسسسسسس😁🙏

المعهد التقني السماوة pinned a file

توضيح🔴 ملف شامل لكل أقسام المعهد التقني السماوة والكلية التقنية الهندسية يتضمن الأقسام الموجودة والمعدلات للصباحي والمسائي والموازي (معدلات السنة السابقة) هذا الملف راح يختصر الك الطريق هواي ويغنيك عن البحث

🔴توضيح طبعا كل إلي متابعني ومتابعين القناة يعرفوني أنو إني ما اخلي حقوق على أي خبر انشره أو توضيح أنزله ومرات أنزل توضيحات بالانفوجرافيك لانو بكل بساطة أريد الكل يستفاد وينقل الخبر لغيره حتى يستفاد بس كل إلي اطلبه من البيجات أو الصفحات إلي تقتبس الأخبار من القناة وكل الحب الهم أنو فقط لاينسبون الخبر لأنفسهم 🙏🙂 لانو اكو ملفات جاي اتعب بإعدادها 🤍🤍 وكل الحب الكم وانتظروا التوضيحات الزينة 😁

🔴توضيح ملاحظات انتبهوا عليها أثناء التقديم 1-اذا خليت كليات أعلى من معدلك بحيث مليت كل الاختيارات كليات ماتقبل معدلك ماراح يطلع الك قبول من تنعلن النتائج 2- حاول تطلع على دليل الطالب بصورة شاملة حتى تعرف الكليات والمعاهد الموجودة 3- لاتخلي ابو مكتبة يمليلك استمارتك واكرر على هاي النقطة لانو اكو طلاب يحير شيخلي فيكول لأبو المكتبة انت امليلي الخيارات وبعدين من يطلع اله قبول مايعجبه ويتورط بي يحير بنفسه. وقريبا راح أوضح الكم هواي أمور بأذن الله

#أستمارة_التقديم هذا نموذج تكدرون ترتبوه على شكل مسودة وحسب اختياراتكم وحسب معدلكم طبعاً وضروري ضروري لا تستعجلون بالتقديم اذا نفتحت الاستمارة لان اي خطأ أو استعجال راح يكلفك سنة كاملة وطبعاً ابتعدوا عن التقديم بالموبايل ابد. 🔰يمته ما وزارة التعليم فتحت الاستمارة راح ننزل الكم الرابط هنا أن شاء الله 🔰للطالب الحق في التعديل على الاستمارة لمرة واحدة يعني لنفترض قدمت وأرسلت الاستمارة بس اكتشفت عدك خطأ بأحد الخيارات الك حق تعدل مرة وحدة بس. ⭕الأمور الباقية نوضحها من ينفتح التقديم ان شاء الله

توضيح🔴

#عطلة رسمية قرر مجلس محافظة المثنى، خلال جلسته الاعتيادية المنعقدة اليوم الثلاثاء، تعطيل الدوام الرسمي في جميع دوائر المحافظة يومي الأربعاء والخميس الموافقين 5 و6 آب 2026، بإستثناء الدوائر الخدمية، التي يُترك أمر استمرار الدوام فيها أو تعطيله للسلطة التقديرية لمديري تلك الدوائر، وفقاً لمتطلبات العمل والمصلحة العامة. ويأتي هذا القرار لإتاحة الفرصة أمام زائري الإمام الحسين (عليه السلام) للعودة إلى مناطقهم بإنسيابية وأمان، بما يسهم في تسهيل حركة الزائرين وضمان سلامتهم، وبما لا يؤثر في استمرار تقديم الخدمات الأساسية للمواطنين.

توضيح🔴 الحدود الدنيا للقبول المركزي(الصباحي)في كليات ومعاهد الجامعة التقنية الجنوبية للسنة الدراسية السابقة

🟡انتبااه لتخلي احد يختارلك قسمك ويرسملك طريق هو اصلا مراح يمشي بي وانت راح تمشي بهذا الطريق مو بأرادتك الفكرة الي اريد اوصلها كل قسم تريد تقدم اله وتخلي ضمن خيارات الاستمارة توقع نفسك راح تنقبل بي وراح يكون عمرك كله بهذا التخصص او بهذا القسم المشاورة وتاخذ أكثر من رأي كلش حلوة و طبيعية رأي استاذك ممكن رأي احد قريب عليك رأي اهلك ووجهة نظرهم بسسس خلي ببالك القرار الاخير الك هو انت بتحديد ياقسم تريد تروح وشنو تدرس ابتعدوا عن فكرة فلان راح هيج قسم اني لازم اروح مثله او فلان راح بهذا القسم ونجح وابدع ممكن انت اذا رحت لنفس القسم مراح تبدع ممكن انت مكتوبلك تبدع بقسم انت مجنت تتوقعه لان ببساطة كل شخص وعنده قدرات مختلفة عن الثاني كل شخص عنده ظروف ممكن تخدمه وتساعدة ان يدخل هذا القسم وربما العكس فكلش ع كيفكم وعلى راحتكم بالاختيار وخلوها ببالكم بدال التعب الي تعبتوه ترا تستاهلون تكافئون نفسكم بقسم حلو انتو حابيه ومرتاحين اله.

#توضيــــــــح_مهم كل الطلاب الي نجحوا من السادس ويريدون يقدمون جامعات ضروري تقرون هذا الكلام. خلو بالكم شغلة ماكو شي اسمه توقعات للحدود الدنيا لهاي السنة(المعدلات) هواي جاي انسئل شنو توقعك لمعدل هذا القسم وشكد تتوقع معدل ذاك القسم طلاب ترا والله حتى الوزارة نفسها ماتعرف الحدود الدنيا إلا ورا ماتطلع القبولات وينتهي التقديم وكل شخص يتوقعلكم او يكول الكم امشوا على توقعي ترا راح تخسرون وتضيعون مستقبلكم وبيوم القبولات بعد مايفيد الندم ترا اني أكدر اتوقعلكم واخمن الكم بس هذا الشي خطأ واكبر خطأ لان هذا مستقبل طلاب و البوينت الواحد يأثر وممكن بسبب بوينت ماراح تنقبل بالقسم الي تريده وممكن هذا البوينت ينقذك فـ ابد ابد لاتعمتدون على التوقعات وسوالف المعدلات المقاربة ومن هذا الحجي فقط اعتمدوا على الحدود الدنيا مال السنة السابقة تفيدكم كلش وهي أقرب شي. 🔰وخلو بالكم الحدود الدنيا حتى وزارة التعليم ماتعرفها والله إلا بعد ماينتهي التقديم و تنعلن القبولات ذاك الوكت راح تعرفون الحدود الدنيا الخاصة بسنتكم❤️

توضيح🔴 هاي الحدود الدنيا والمعدلات للسنة السابقة لجامعة المثنى والمعهد التقني طبعا هاي معدلات الصباحي(المركزي) المسائي بعدين هو والموازي أوضح كلشي يخصهن مو هسه حتى ماتصير هوسه عليكم

توضيح 🔴 التعليم تؤكد رفع معدل القبول في كليتَي طب الأسنان والصيدلة من 85% إلى 90% في الكليات والجامعات الاهلية. - على أن يُطبَّق ذلك بدءًا من السنة الدراسية القادمة 2026–2027.

توضيح🔴 هذا ملف الحدود الدنيا (المعدلات) لكل الكليات والمعاهد الحكومية الصباحية السنة السابقة وطبعا كل سنة الها معدلاتها وحدودها بس ممكن يكون اكو تقارب وتكدر تشوفون معدلاتكم شنو مقبولة حسب حدود السنة الراحت 🔴جاي ارتب الكم بملف شامل وكامل أن شاء الله راح يغنيكم عن هواي اسئلة

توضيح🔴 طلاب السادس أن شاء الله بالأيام الجاية راح أشرح الكم كلشي يخص المعدلات والأقسام وشكد تقبل وشنو الاجرائات وكلشي ببالكم ضروري كل طالب سادس يكون داخل بالقناة لانو حيكون شرح مفصل هسااا تهنوا بنتائجكم وافرحوا وأخذوا ريست والأيام الجاية كلشي يجيكم بالتسلسل بحيل الله 🙏🙏🤍