Medical physiology With Adrenaline Team🫀

طلاب بري تسعة وعشرة رح اشرح على هالقناة حيوية للتانية وإحصاء للتالتة بشكل مجاني الكل ينضم 👇 https://t.me/khdmed وكمان فيه بوستات تعريفية مهمة صارت نازلة لمواد السنة التانية

مساء الخير يا قوم هي قناتنا الرئيسية للبري 11 انضموا عليها (مشان تعملوا حالكن كبار) وضيفوا رفقاتكن وقرايبينكن البري 11 👀 https://t.me/adrenaline_pre_11

انتهى مشواركن بالسنة التحضيرية بعد صعوبات كبيرة وظروف متعبة، كنتوا أبطال وقدرتوا أنو تضلوا واقفين وتضلوا عم تدرسوا لآخر اللحظات رغم التعب والملل ورغم كلشي. الذكريات خلال هاد العام كبيرة كتير طبعاً وما رح تنحصر ببوست واحد، بس رح تضل الذكرى الباقية ع طول هيي اجتهادكن ووعيكن وتقديركن، ورح تضلوا حافرين بذهن كل حدا بفريقنا ذكرى حلوة وقصص بتنحكى للدفعة يلي بعدكن وللسنين الجاية. اليوم بدي قللكن لسا رحلتكن بإذن الله طويلة، وقطعتوا المرحلة الأولى (والأصعب) فيها، بس لسا فيه كتير مراحل بحلوها ومرها، واتأكدوا أنو رح كون دائماً موجود معكن بالسنين يلي جاية متل ما لحد هلا طلاب البري تسعة موجودين معنا عالغروبات. بالصبر وبالإيمان وبالتركيز بتحققوا كلشي بيتمناه البني آدم، وأنا واثق فيكن أنو رح ترفعوا راسي كتير ورح أفتخر فيكن بالمكان يلي رح توصلوا عليه. كل الشكر للفريق كاملاً بمشرفيه سواءً بري 8 أو 9 أو 10، ما قصرتوا أبداً وكنتوا جزء لا يتجزأ من اللوحة النهائية يلي قدمناها بكل المواد. ختاماً بخصوص حملة الكيميا، ادرسوا بكرا وبعدو من هدول الفيديوهات مع أي كتاب أو نوطة: https://t.me/AdrChemVID درسوا منهن كتير قبلكن ورفعوها. وبالتوفيق جميعاً 🫡

طمنونا👀🔥

وهيك بتكون خلصت رحلتنا مع كل المواد بتمنى نكون قدمنا كلشي علينا وما قصرنا معكم🤍 شو ما كان وضعك حالياً كون فخور بنفسك انك قاومت للأخير رغم كل الصعوبات والضغط لانو ما حدا بيوصل لهون إلا الي عنده قوة وعزيمة وإرادة وتصميم بغض النظر عن النتيجة (مو دايما النتيجة بتكون عقد التعب ، بس طبعاً كله للخير وربك بيعرف كيف يدير الأمور حاشاه انو يختار غير الخير 🤍) بدنا منك قوة عزيمة بآخر معركة بكرا ، اتذكر انو هي آخر فرصة الك فريق أدرينالين بيتمنتالكم كل الخير والتوفيق كم ساعة وبتنسوا كل التعب 😂🤍 تذكرونا بدعوة🤍 طمنونا بكرا بس تطلعوا

دورات سابقة للفصل ⬇️❤️‍🔥