Ahmed harb ❤️✌️

ضُموني الليلة معكم في كل دعوة 🥺❤️‍🩹

بتمنى من المؤسسات والجمعيات وحتى من المبادرين، يبدؤوا بإعطاء الشباب اهتماماً أكبر. صحيح أن التركيز على الأيتام وكبار السن والعائلات الفقيرة من خلال المساعدات الإنسانية أمر مهم وضروري، لكن هناك تقصيراً واضحاً بحق الشباب. فاليوم كثير من الشباب أصبحوا المعيل الوحيد لعائلاتهم، حتى لو كانوا غير متزوجين. فبعد أن خسرت كثير من العائلات أبناءها الذين كانوا سنداً لها، انتقلت مسؤولية إعالة من تبقى إلى شاب واحد يحمل على عاتقه عبء أسرة كاملة. لذلك نحن بحاجة إلى التركيز على المشاريع المستدامة أكثر من أي وقت مضى، لأنها لا تقدم مساعدة مؤقتة بل تخلق مصدر دخل دائم. فمثلًا جهاز لابتوب واحد قد يفتح باب العمل لشاب في مجالات العمل الحر، ويمنحه فرصة لتحقيق دخل شهري قد لا يقل عن 500 دولار، وهو مبلغ كفيل بستر أسرة، ويجعلها أقل اعتماداً على المساعدات. الاستثمار في الشباب ليس خدمة لهم فقط، بل استثمار في عائلات بأكملها، وفي مستقبل المجتمع كله.

قعدتُ نص ساعة مع شباب على باب بيتهم، كانت في بسة صغيرة بتمشي بالمكان، وفجأة طفلة عمرها حوالي سنتين ركضت نحونا بخوف، لكن على وجهها ابتسامة وحماس لما شافت القطة. وقفت بيننا، فحكيتلها "مالك يا عمو؟ لا تخافي هاي بسة حلوة" لما قربت البسة أكثر، ركضت الطفلة وارتمت في حضن واحد من الشباب وهي بتحكيله "بابا"، حملها ووضعها في حضنه، ففكرتها بنته. صدمني الشاب لما حكالي "أبوها استشهد من فترة، وهي بتحكيلنا كلنا بابا، كل شاب بالحارة بتناديه بابا" عارفين كم طفل في غزة اليوم عايش نفس القصة؟ آلاف الأيتام في كل شارع وفي كل حارة، يكبرون وهم يبحثون عن كلمة "بابا" في وجوه الناس. واقع مؤلم..

🔴هذه رؤيا لسيدة فاضلة يُشهد لها بالصلاح من #غزة تحمل رموز وإشارات كبيرة و بشرى .. سيدة ممن أكرَمَهُنَّ الله ببلسم الرؤى والصبر. هذه السيدة فقـ.ــ.ـدت بيتها الجديد في هذه الحـ.ـرب، رأت رسول الله عليه الصلاة والسلام أكثر من مرة قبلها .. و لكنها رأت هذه المرة في ساعات الفجر الأولى للاسابيع الاولى من الحـ.ـرب رؤيا عجيبة أحببت أن أشارككم إياها كما روتها تماماً، لعلها تكون بشرى وثباتاً لكل مؤمن.. تقول السيدة: ⚠️"كنت أمتلك بيتاً جديداً كبيراً لم أسكن فيه إلا تسعة شهور قبل الحـ.ــ.ـرب.. لما بدأت الحـ.ــ.ـرب وجاءت الهـ.ــ.ـدنة الأولى، رأيت مناماً عجيباً في ساعات الفجر.. رأيت بيتي يحتـ.ــ.ــ.ـرق ويتفـ.ــ.ــ.ـحم تماماً، ثم رأيت أن الله يعوضني عنه قصـ.ــ.ـراً من قصوري في الجنة.. كان منظراً مهيباً، قصراً كبيراً تعادل مساحته قريتنا بالكامل، فيه 600 غرفة من اللؤلؤ والمرجان، ليس كمثله شيء، ومحاطاً بأنهار من ثلج أنهار الجنة! ⚠️ كنت أعتقد أنني سأستشـ.ــ.ــ.ـهد، لكن الرؤيا كانت تخبرني بهـ.ــ.ـدم وحـ.ــ.ـرق بيتي، وقد حصل بالفعل.. ⚠️ الآن تستمر الرؤيا.. يهاتفني ملك في فناء بيتي ويقول لي: انظري إلى السماء وركزي أذنك وسمعك وبصرك للخطبة! وكأن ملكاً عظيماً يخطب كخطبة الجمعة في حشد عظيم من الملائكة.. أكثر شيء أتذكره وهو يقول: نحن الملائكة حزانى جداً لما يحدث لأهل غـ.ــ.ــ.ـزة.. لكن هذه الحـ.ــ.ــ.ـرب جاءت لسبب وهو نفاذ أمر مباشر من أوامر الله.. (وللعلم أنا لم أرَ الملائكة لكن أسمع أصواتهم لدرجة شعرت كأنهم اخترقوا رأسي).. ثم قالوا لي إن هناك سبباً آخر أغضـ.ــ.ــ.ـب الله.. ويتابع الملك ويقول: سيكون هناك آلاف الآلاف من الشهـ.ــ.ــ.ـداء والإصـ.ــ.ــ.ـابات! 💥وأهم ما لا يمكن أن أنساه، يقول الملك: أما بالنسبة لليهـ.ــ.ــ.ــ.ـود فسيدمـ.ــ.ــ.ـرهم الله وسيكـ.ــ.ـسرهم في "خمس مدن".. لم أستطع تذكر هذه المدن، لكن كانت منها مدينة في لبنـ.ــ.ـان ومدن أخرى في عالمنا الإسلامي.. ويتابع الملك: بشراكم يا أهل غـ.ــ.ــ.ـزة سيكون النصـ.ــ.ـر حليفاً للمقـ.ــ.ــ.ـاومة.. ثم ذكر لي الآية الكريمة: ﴿وَالَّذِينَ كَفَرُوا أعمالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّى إِذَا جَاءَهُ لَمْ يَجِدْهُ شَيْئاً وَوَجَدَ اللَّهَ عِنْدَهُ فَوَفَّاهُ حِسَابَهُ وَاللَّهُ سَرِيعُ الْحِسَابِ﴾. ⚠️وأقسم بالله يا أخي، صرخ بصوت عالٍ عالٍ هزّ رأسي وهزّ السماوات وهو يقول: التحـ.ــ.ـرير قادم لا محـ.ــ.ــ.ــ.ـال.. التحـ.ــ.ــ.ـرير قادم لا محـ.ــ.ــ.ـال.. التحـ.ــ.ـرير قادم لا محـ.ــ.ــ.ــ.ــ.ـال! قالها ثلاث مرات.. وقال: يا أهل غـ.ــ.ـزة أكثروا من (لا حول ولا قوة إلا بالله)، قالها أكثر من عشـ.ــ.ــ.ــ.ـر مرات." انتهى. 🚨ننشر هذه الرؤيا كما هي على لسان صاحبتها، عساها تكون بشرى وتثبيتاً لـ غـ.ــ.ـزة ومن ناصـ.ــ.ـرها ولكل من ينتظر فرج الله ونصره. 💥شاركوها لتصل للقلوب التي أنهـ.ــ.ـكت و أكثروا من لاحول ولاقوة الا بالله. #غزة #بشرى #لا_حول_ولا_قوة_إلا_بالله

لحتى اللحظة في ناس للأسف مقتنعة إن سبب كل إجرام إسرائيل في غزة والضفة والقدس هو "إحنا".. شوفوا شكل المستوطنين بالضفة، ما شاء الله من شكلهم مبينين أولاد عالم وناس، وكيوت جداً ! بقتحموا بالأسلحة والعصي والسكاكين، بس إحنا كفلسطينيين الله يسامحنا، بنتصدى إلهم وبنستفزهم. المفترض نتركهم يدخلوا بيوتنا بكل هدوء، يحرقوها بكل بساطة، ويكسرونا ويرمونا بالشارع، وبعدها يروحوا عادي.. ليش بنكبر القصص؟ وصحيح، هم لما احتلوا فلسطين سنة 48 دخلوا بالورود، بس إحنا الله يسامحنا مستفزين!! وطول هالسنين كانوا جداً كيوت معنا... بس إحنا الله يسامحنا.

هذا مش شوب، هذا نار جهنم.. شو صار فيكي يا غزة، روحنا بتطلع قاعدة بدون مكيفات ولا مرواح ولا بيوت!!!

🚫🚫⚽ 🏆 نهاية المباراة.. رسمياً منتخب إسبانيا يتوج بطلاً لكأس العالم عقب فوزه على منتخب الأرجنتين بهدف نضيف.. 🇪🇸🇵🇸منتخب إسبانيا 1-0 أبناء اليهودية 🇦🇷🇮🇱

القهر الحقيقي عندما تمشي بمنطقة الرمال وتتأمل العائلات التي جاءت لتُرفّه عن نفسها ولو قليلاً، ثم تكتشف أن كل عائلة تحمل معها جرحاً. ترى صبية مقعدة على كرسي متحرك، تتعاون شقيقاتها على دفعها. وأباً يسير بجانب أطفاله وقد بُترت يده، وطفلاً يرتدي طاقية تخفي إصابة شديدة في رأسه. وصبيةً تحاول أن تسند نفسها على عكازين وتمشي إلى جانب صديقاتها. مشاهد من الألم أصبحت حاضرة في كل شارع وكل محل، وكل مطعم وسوق، حتى باتت الجراح جزءاً من تفاصيل الحياة اليومية. ما تركوا بيت ولا أسرة بحالها، الألم طرق كل باب..

أكثر شيء مزعج، أن هناك فئة ليست قليلة من هذه الأمة ما زالت مقتنعة أن القضية الفلسطينية هي قضية الفلسطينيين فقط. الله يسامحك يا غزة ليش بتدفعي دائماً الثمن لوحدك؟ المنطق بقول لما يكون في عدو بهدد المنطقة كلها، المفروض الكل يفتح معه جبهة" ما بحكي فقط جبهة عسكرية، بل المواجهة بكل السبل" مش تُترك غزة وحدها تحمل كل هالضغط. ولهاي الفئة بحكي، أنا شخصياً كفلسطيني غزاوي، بحكيلك مش مجبر تتضامن معي ضد الاحتلال. عنجد إذا بدك تتضامن، تضامن لأنك مقتنع إن هذا سرطان، وإذا ما توقف اليوم، راح ياكل المنطقة كلها، وهو أصلاً من الآن ومن زمان ضاغط على كل المنطقة، وواقف بوجه أي ازدهار أو تطور عسكري لأي دولة عربية. بتضامنك مع الفلسطيني، أنت بالحقيقة بتحمي نفسك وبلدك ومستقبل المنطقة، قبل ما تكون بتحميني أنا. أما إذا بدك تتضامن عشاني..فلا، كثر الله خيرك فات الوقت، فات وفات. كل أنواع العذاب دقناها، وما ضل إشي تقريباً بصراحة تضامنك اليوم مش كثير حيغيّر بالنسبة إلي شخصياً. أنا عشت ألوان القهر من زمان، بطلت فارقة. (ملاحظة كلامي موجه لفئة معينة عارفة حالها منيح قرأت منشوراتها وتعليقاتها وجدا نزعجت وقلت الله يسامحك يا غزة.. أما المتضامنين الصادقين من يحملون هم كل مظلوم، هدول حبايبي وكل كلمة منهم، وكل موقف ع راسي والله)

1000 يوم 1000 ليلة ويوم من حياة قاتلة، ما عاشها إلا إحنا ولو تكررت بس حتتكرر فينا 1000 ليلة ويوم، ما كانوا كافيين حتى يشفعوا إلنا عند حدا 1000 ليلة ويوم، وإحنا شهود على أبشع سيناريو شافته البشرية 1000 مرة باليوم نزفنا صرخنا تألمنا فقدنا أحبابنا تهجرنا وقُتل منا من قُتل 1000 مرة باليوم كانت غزة بتنادي العالم بتنادي الضمير، بتنادي الإنسانية ولكن كان الصدى برجع فينا رصاصة موت 1000 يوم، وكل يوم كان عمر كامل من الخوف والجوع والفقد والانتظار والقهر والظلم ورغم كل شيء... بقيت غزة رغم وجعها واقفة بأهلها بصبرهم وبإيمانهم بأن لنا رب عادل رحمن رحيم جبار منتقم سيآتي بالعوض دون تأخير 1000 يوم ولسا ما خلصوا يخلصوا علينا

‏تخيل تكون وحيد أهلك وأبوك شهيد وإمك بتتعب عشان تشوفك بأعلى المراتب وتفرح بنجاحك وبسعادتك بهالحياة، تخيل تكون الأمل الوحيد لأهلك وتكون مصدر الشغف إلهم، وفجأة تغتالك ألة الحرب المجرمة وتنهي حياتك وكل حاجة جميلة بتزرعها بقلب أهلك وإمك بالتحديد. هذا ما جنته الشهيدة الطالبة رغد عاشور. مدينتي تعيش في كل أركانها ألم وفي كل زاوية دمعة. رحم الله الشهيدة ونطلب من الله العون والعوض.

قسماً بالله مقهور على حالنا من كل النواحي.. كيف وصلنا هيك، بذكر كنا كتير مناح مع بعض.. أنا ما الي بكل جيل الإنقسام الأسود، جيل الآن صاروا ختايرة، خربوا ديارنا، حقبة سودة في حياتنا.. بس ولكم حارتي حماس وفتح وجهاد ويسار، أصدقائي وقرايبي وجيراني، كنا كتير مناح مع بعض، نعزم بعض ونطش سوا، ونسلم على بعض، ونقعد على باب البيت في الحارة كلنا بنحب بعض! نصلي الجمعة سوا، نسلم على بعض بعد الصلاة، نتعانق، نصلي التراويح وصلاة العيد مع بعض..نهني بعض بالأعياد وبكل المناسبات الحلوة.. كيف صاروا الناس هيك، حزبية مقرفة، تجار فجار، ربوية، مستغلين، مبادرين حرامية.. يارب طلعني من كل هالبلد، هدول الناس أنا ما بعرفهم.. الناس كلها تغيرت وإلا في خير متخبي؟ فرجوني اياه هذا الخير لو ما زال موجود!!؟ يارب طلعني من غزة.. مش هدول الناس اللي كنت بعرفهم قبل الحرب.. طلعوني..والله كرهت الناس بهالحرب.. طبعاً في ناس ما راح يعجبها كلامي، رغم أني بحكيه من كل قلبي، في ناس بتموت بالكره وبالدم والحقد الدفين اللي كان متخبي.. يا الله ما أكذب هالناس، كانوا متخبيين بصورة مزيفة..

'' وَعَلَي اللَّٰهِ فَلْيَتَوَكَّلِ الْمُتَوَكِلُونَ.🤍

يا الله الإنسان في غزة قديش حامل في قلبه هم!! والمصيبة أنه ما حدا بفضفض وبحكي للثاني عارفين ليش؟ لما بدك تحكي لواحد والله فقدت بيتي.. راح يحكيلك وأنا والله فقدت ابني.. لو حدا قال والله فقدت ابني، الثاني بحكيله والله أنا الناجي الوحيد في عائلتي!! ولو مصاب بده يحكي فقدت رجلي، الثاني راح يحكيله اختي صبية فقدت كل أطرافها!! في وجع والله والله لا يطيقه جبال.. لهيك ماشيين بالشوارع مثل التايهين!! احكي لواحد السلام عليكم بده دقائق لما يستوعب أنك حكيت معه ويرد السلام!! احنا والله ما راح يرتاح قلبنا إلا في الجنة، بس في الدنيا خلص في وجع أزلي!! راح يرافقنا طول حياتنا للأسف!! الرحمة يارب.. الرحمة والانتقام.. @ahmed_harb

بمر عليك مقطع من مسلسل، كنت تشاهده قبل الحرب بشكل طبيعي يعني تركز بقصة الفيلم. لكن اليوم احنا بنركز بالشوارع، بالبيوت، بالاضاءة.. مبارح كنت بحضر مقطع من مسلسل، وبقول ياااه ما أحلى هالبيوت والشوارع النظيفة وانسيت أنه احنا بيوتنا وشوارعنا ومطاعمنا وكوفيهاتنا كانت مثل هيك وأحلى!! تقول نولدنا في الحرب، المشاهد الحلوة والنظيفة نمسحت من ذاكرتنا.. نتنفس اليوم الركام.. @ahmed_harb

بعد غزة والظلم اللي بصير، يا ريت الناس الكيوت يكونوا عرفوا ليش ربنا خلق النار.. عشان في كرة أرضية وسخة بدها حرق.. والله ما راح نرتاح إلا لما نشوف ربنا بقتص من كل حقير ظالم.. مجازر في كل شبر بغزة مع هالعيد... @ahmed_harb

يا عالم قسماً بالله استوينا.. ولكم أطفال العيد بتقتلوا بالشوارع.. بأي لغة أحكي.. يا الله أرواحنا تتصعد للسماء.. أكثر من سنتين ما ضل حيل.. يا اللللللللله @ahmed_harb

أي والله لو احنا قطط لكل العالم تعاطف معنا.. يلعن كل ظالم، مجازر متواصلة في هالعيد. والاحتلال استلم منطقة الرمال، المنطقة الأكثر اكتظاظاً بالناس والأسواق والنازحين.. وقتيش يا رب بده يُعترف فينا أنه احنا بني آدمين!!! الله يلعنكم، ويلعن كل متخاذل ظالم.. @ahmed_harb