فتاة جامعية بعفة فاطمية 🌱🤍

بنات اعتنوا بالنظافة الشخصية.. جسمج نظفيه. أظافرج نضفيها. شعرج اعتني بيه. بشرتج لا تهلكينها بمنتجات تأذيج.. . استخدوا لبان الذكر (علج مر) نكعوه بالمي ليلة كاملة وخلوه الوجهكم كلش مفيد.

هذه أفضل طريقة للسدر ومستحيل يسبب جفاف لشعرچ، بالعكس راح تحسي ترطيب بنفس الوقت تنبيه‼️ تخلي ساعة أو ساعة ونص وتغطي بكيس وفقط للفروة ولا تغسلي بشامبوا

طريقة استخدام السدر 2

طريقة استخدام السدر 2

طريقة استخدام السدر 1

السلام عليكم بنات جمعة مباركة. بنات الي تعانون من شعر خفيف او يستاقط او قشرة بالراس استعملوا السدر حرفياً كلش مفيد.. يطول الشعر ويثخنه. وينظف الشعر.. بس استعملوه بطريقة صحيحة نصيحة محبة الكم الله شاهد.. اني استعمله مثل ما علا تكول.. تشترونه من أي عطار.. اشتريه من سوك اليمنة. يمكن الكيلو الكامل بألف.. واذا ماتكدرين اخذي ورق سدر (نبگ) ويبسيه وطحنيه يصير عادي.

بنات صلاة الصبح جداً مهمة أصل لهواي بركات بحياة الأنسان.. جربوا قراءة سورة التوحيد بعدها راح هواي تستفادون وتتخلصون من ذنوب مداومين عليها.. الخير عادة والشر عادة. عودوا نفسكم على الخير.

الله يهدينا ويهديكم لما فيه الخير والصلاح يارب.. ويرزقنا الثبات على المبدأ والعقيدة.

لا المكياج يرفع منج ولا يحببج للناس.. ولا اللبس ولا الكعب والاكسسوارات.. وانتِ تحضرين نفسج الوظيفة أو الجامعة أو للمدرسة خلي الله بين عيونج.. وكلها شكد ماطول فترة وتنتهي.. وانتِ مقبلة على مرحلة تخرج تذكري هن شكم يوم ويخلصن من أكثر المراحل الدراسية يختبر بيهن الأنسان هن الأولى والأخيرة..

ابتعدوا عن الأفراد المنحرفين الي يمهدون الطريق الكم للغلط.. كم بنية دخلت للجامعة نظيفة وطلعت متلوثة بسبب حساب تابعته أو بسبب صديقة سوء رافقتها.. قد تكون الصديقة لابسة محتشم لكن داخلها ملوث.. الأنسان مامعصوم.. قيمة الأنسان بمحافظته على أخلاقه ودينه وإلتزامه.

بنات غاروا على نفسكم اذا محد يعلمكم الاحتشام الصحيح انتم تعلموا كافي تنشرون نفكسم. ويباوعكم الرايح والجاي..

كم بنية سمعنا بسترها وعلمها واخلاقها بس ولا شفنى الها صورة منشورة ولا شفنى مصورة اضفرها.. ولا مصورة عيونها بالشمس وهي لابسة نقاب.. ولا مصورة جزء جسمها العلوي وناشرته او مخليته صورة شخصية الحسابها.. شكم بنية امتنعت عن كتابة هذهِ المصطلحات ( نونة ،توتة ،ترفه ،نازكة ، ريحانة، وغيرها الكثير) ورع واحتياط.. الصلاح الداخلي خير بهواي من النشر الخارجي..

السيرة خير من الصورة..

الله يستركم جميعاً ويكتبلكم الخير ويرزقكم حسن التصرف بموضع الأبتلاء.. سواء كان عائلة أو دراسة أو أي مكان.

أعظم مهنة للمرأة بهذهِ الحياة أن تكون بنت صالحة وأخت صالحة وزوجة صالحة وأم صالحة.. تتميز بالأمانة ومخافة رب العالمين بالعفة والأخلاق. بالعقل المدبر والحكيم. بحسن التربية. بمداراة الناس ومراعاة مستويات عقولهم.. اعظم شي ان يكون الأنسان في داخله انسانية وضمير حي ومخافة رب العالمين وبعدها وين مايكون راح يكون خير وبركة.