بنات العام 2024 🦋

السلام عليكم 🫡 اخبار الطيبين؟ طالبات و طلاب دفعة 2026 شنو من اسئلة عدكم أجتكم بالمركزي ياريت لو تدزوها الي خلي نفيد الطلاب الباقين سواء طالبات براثا او غير براثا اهم شي اسئلة تستفادون منها من تقرون 🌺 جُزيتم خيرًا وموفقين ان شاء الله بالامتحانات❤️

شخباركم 🌝🌺 بشرونة شنقبلتوا وين صفى بيكم الدهر +تحتاجون شي لتستحون ؟

السلبيات اليوم جامعة الكوفة قررت تطبيق قرار الزي الموحد ما احس تعتبر سلبية بس اكو معاجبهم القرار المهم ضغط مستمر ع الطلاب بحيث توصل مرحلة تحس انو مواد الطب سهلة بس هم مصعبيها، صحيح الموديول اله ايجابياته بس المادة ضخمة بحيث كل اسبوع ناخذ سشن من كل موديول كل سشن عبارة عن محاضرتين ناخذهن بساعتين و اضافه الى السشن الجديد راح ناخذ اسئلة السمول گروب الي تخص السشن القديم و كذلك بساعتين عدهم الرصانة اهم شي فاذا انت مرحلة ثانية احتمال يرجعوك اولى لان ممستوفي حتلو مادة تافهه مثل البايوسيفتي او مصطلحات عادي يرجعوك اولى (او ممكن تحملها) سالفة انو كل سنة يغيرون ببعض التفاصيل بحيث ما يفيد اذا تسأل المرحلة الاكبر منك عن الوضع مثلا العام بالاولى جانت اكو حذوفات السنة رجعوا المنهج كامل او من جان اكو كوزات كل اسبوع تساعدنا نعرف نمط الأسئلة غيروها سوه سمستف محسوب ع السعي و انصدمنا بصعوبة الاسئلة بما انو حجينا ع الاسئلة، امتحان الفاينل هو اصعب شي تخيل لازم تراجع اربع موديولات و تمتحنها بامتحان واحد paper 1, اول يوم 3 ساعات عبارة عن 120 شورت انسر paper 2 ،ثاني يوم 3 ساعات عبارة عن 120 امسيكو بالمجموع 240 درجة تتقسم و اذا رسبت ✨بموديول واحد✨ ما يحسبولك السعي مالتك و تطلع دور ثاني ✨باربع موديولات✨ و الدور الثاني تنخصم منه 10 درجات حتى ما تطلع امتياز و اذا تحتاج قرار حتى تنجح يضيفون درجة القرار ع المجموع الكلي 240 مو على المعدل النهائي و من سلبياتها الاعداد هواي احنا دفعتنا 351 تعتبر اقل دفعة بالكوفة لحد هسه و عدنا 4 قاعات كل قاعة تتحمل بحدود 200 طالب و تصير اختناق بالتالي القاعات ما تكفي للطلاب فحتى يحلون المشكلة سوولنا الربط الفيديوي يقسمون الطلاب ع 3 مجاميع مجموعة ماستر يشوفون الدكتور گدامهم و مجموعتين ربط يسمعون صوت الدكتور (مو واضح) و يشوفون صورته بالشاشة(هم مواضحة) منگدر نحجي اكثر عن هذا الموضوع لاسباب امنية🫣💔

من ايجابياتها اول شي صيت و شهادتها معترفه ثاني شي نظامها و منهجها مطابق لجامعة لستر البرطانية الي هو فيزين: Phase 1 بيسك ندرسه ع نظام الموديول من الاولى للثالثة, كل سنة بيها سمسترين كل سمستر بيه اربع موديولات الموديول تبلش صعوبته من المرحلة الثانية لان راح نبدي ناخذ سستمز شلون يعني ؟ المقصود انو راح ندرس سستم مثل الcvs بهذا الموديول تاخذ تشريح ،انسجة، فسلجة ،امراض الى آخره عن القلب وحده و مثل ما گلت كل سمستر بيه اربع موديولات يعني عادي تدرس القلب و تفاصليه هذي و بنفس السمستر انت جاي تدرس موديول msk و تفاصيلها هاي شلون تعتبر ايجابية؟ من وجهة نظري اشوفها طريقة مناسبة لربط المعلومات و الطالب يگدر ياخذ صورة شاملة عن كل سستم بوقت قياسي بدال ما تدرس تشريح الجسم كامل بعدين فسلجة كاملة و تحاول بنفسك تربط المعلومات هي تجيك جاهزة بالموديول 🤷‍♀ صحيح بيها ضغط ع الطالب بس هذا الضغط بعدين راح تبين ايجابياته بامتحان الفيز Phase 2 هنا الكلينيكال و دارسته بلوكات و التطبيق يصير بمستشفى صدر بصف الكلية الشي الثالث هو تنوع الدكاترة (مدري اذا هذا الشي موجود بكل كليات الطب) بس كل موديول اله اكثر من دكتور يشرحه باعتبار احنا ندرس سستم و حتى اذا جان الموديول مو سستم، يعني في حال ما فهمت على دكتور ممكن يجي غيره يفهم و بالتالي ما ترسب و بما انو حجينا ع الفهم نذكر اهم شي و هو وجود فرق و قنوات تطوعية من قبل الطلاب الي من المراحل المتقدمة عدنا مثل بيفورمي، ستدي وذ مي و قبس من علم و غيرهم يساعدون الطلاب يسوولهم اسئلة و ملخصات و يشرحون المحاضرات كلهن و حتى يجاوبون ع استفسارات الطلاب 😞♥️ بعد الشي الي الكل يحسد الكوفة علموده(ع گولة الدكاترة) و هو السمول گروب هي عبارة عن مجامع كل مجموعة 60 طالب مقسمين تيبلات كل تيبل 7-8 طلاب يتناقشون و يحلون الاسئلة الي تخص اخر محاضرتين اخذوهن بس هاي الاسئلة مو بسيطة اكو بيها تحتاج بحث خارج الملازم و تخلي الطالب يفهم المادة اكثر من يبحث بنفهم او يناقش و مرات يسون سمنارات ممكن تشوفه شي تافه بس فعلا بيه فائدة من ناحية اجتماعية يساعدك و ممكن يفيدك من ناحية تطور طريقة دراستك واذا شي ما فاهمه يجي احد زملائك من التيبل يشرحه الك

السلام عليكم ورحمة الله وبركاته شلونكم بنوتات سمعت انفتح التقديم لذلك حبيت اشاركم معلوماتي عن كليتي ✨طب الكوفة✨ بلكت تفيدكم اذا جنتوا محتارين تقدمون عليها او لا

السلام عليكم تعرفون مدرسة حكومية تنطي استضافة للمسائي سادس علمي

#عاجل وزير التعليم ينصح طلبة السادس بالتقديم على اقسام الذكاء الاصطناعي والأمن السيبراني وكافة الأقسام البرمجية لاسيما قسم الذكاء الاصطناعي والانسان الآلي ويؤكد ان امتيازات هذه الكلية قبول مباشر في الدراسات العليا http://t.me/A_M_H1

سلام عليكم انطيكم تريك (خدعة) راح تساعدكم بعد الله بمزاجكم بنشاطكم وبكل شي ان شاء الله قبل لتبدي تدرس او اول ما تكعد من النوم سوي رياضة لو بس تمشي او تمارين خفيفة ١٠ د هم راح تفرق وياك وأثبت لك هالشي بدراسة صارت بامريكا الطلاب الي شاركت برياضات ترفيهية جابو معدلات اعلى بنسبة ٤٠٪؜ لنجاح السنة #الباقي عليك

الأنظمة الدراسية الجامعية في العراق. شرح مبسّط للطلاب الجدد. ، الجامعات بالعراق تعتمد على اربع أنظمة دراسية رئيسية، وكل نظام اله طريقته الخاصة بتوزيع الدرجات والنجاح: 🔻السنوي . 🔻الكورسات . 🔻الموديول . 🔻بولونيا. ♦️النظام السنوي أو الفصلي : 🔹هذا النظام يعتبر سهل وواضح من ناحية توزيع الدرجات والامتحانات، وما بيه تعقيد. والدرجات تكون موزعة كالتالي: ▪️امتحان الفصل الأول: 10٪. ▪️امتحان نصف السنة: 20٪. ▪️امتحان الفصل الثاني: 10٪. ▪️تقييم الأستاذ (حضور، نشاط، مشاركة): 10٪. 🔸المجموع = 50٪ (سعي سنوي). 🔸الامتحان النهائي (فاينل) = 50٪. ✅الطالب يعتبر ناجح إذا حصل على 50 من 100 فما فوق بالمادة. ❗طبعا اكو بعض الجامعات ماعدهم تقييم الأستاذ للطالب و يكون السعي 40٪ و الفاينل 60٪ واكو جامعات يكون تقسم الدرجة كالتالي: ▪️امتحان الفصل الأول: 12.5٪. ▪️امتحان نصف السنة: 25٪. ▪️امتحان الفصل الثاني: 2.5٪. 🔸الامتحان النهائي (فاينل) = 50٪. ♦️نظام الكورسات: هذا شويه يحتاج جديه من الطالب لأن مو مثل سهولة النظام السنوي بهذا النظام عندك كورسين بالمرحلة الوحدة الكورس الأول تدرس مواد ما تشبه مواد الكورس الثاني او نفس المواد بس مواضيع تختلف عن مواضيع الكورس الأول و كل كورس بيه امتحان نهائي. فتمتحن كل كورس امتحانين و كالآتي : -الكورس الأول : اول امتحان: نصف الكورس 30٪ او 40٪. ثاني امتحان: نهاية الكورس  70٪ او 60٪. -الكورس الثاني : كذلك اول امتحان: نصف الكورس 30٪ او 40٪. ثاني امتحان: نهاية الكورس  70٪ او 60٪. لازم تعرفه انو إذا رسبت بمادة الكورس الأول، راح تمتحنها بالدور الثاني، لأن احتمال الكورس الثاني يكون بيه مواد مختلفة أو نفس المواد بس تكون جديدة. كذلك، إذا – لا سمح الله – رسبت بمادة في الكورس الثاني، تمتحنها أيضًا بالدور الثاني، فقط بالمادة اللي رسبت بيها. يعني كل كورس يحسب بشكل مستقل، بس بالدور الثاني يشمل كل المواد اللي رسبت بيها سواء من الكورس الأول أو الثاني. ♦️هسه نجي ع نظام الموديول : اكثر نظام يحتاج تركيز مكثف و متابعة مستمرة و يتبع فقط في الكليات الطبية ( الطب العام ) موجود ( بغداد ، الكندي ، الكوفة ، واسط ، حمورابي ) هذا النظام يكون كالآتي : كل مرحلة متكونة من عدة سمسترات ، ممكن يكون 2 او 3. 🔹الـ سمستر الواحد يعتبر بمثابة سنة دراسية مصغّرة داخل نفس المرحلة، يعني المرحلة الدراسية تنقسم إلى سمستر أول وسمستر ثاني، وكل واحد إله مواده الخاصة وتقسيم درجاته مستقل ومختلف. -كل سمستر يتكون من عدة “موديولات”، والموديول هو عبارة عن وحدة دراسية مستقلة (مثل مادة أو جزء من مادة)، وتُحسب إلها درجات منفصلة وتقييم خاص بيها. يعني كل سمستر = مجموعة مواد + درجات + تقييم خاص النتيجة النهائية تجمع بين السمسترين. 🔹الموديول الواحد هو عبارة عن مجموعة مواد مترابطة، تمتحنها بامتحان واحد، في يوم واحد، وبدرجة واحدة. -الفكرة الأساسية من الموديول هي: انو تدرس كل هاي المواد مع بعض، وتكون فاهمها ومضبطها، لأن الامتحان راح يشمل الكل مرة وحدة، مو منفصل. يعني أكثر من مادة = موديول واحد   امتحان واحد يشمل الكل  درجة واحدة تنحسب للموديول كامل. حتى بالشرح معقدد..😅 درجة نظام الموديول: 🔷السعي 20٪ يتضمن الحضور النشاط الكوزات سمنرات تتوريلات نهاية الموديول. نهاية السمستر تكون 80٪. بنهاية المرحلة السادسة تمتحن امتحان شامل بكل مواد المرحلة الرابعة و الخامسة للسادسة. ♦️نظام بولونيا: نظام “بولونيا” نظام دراسي أوروبي الأصل، تم اعتماده حديثًا في العراق من قبل وزارة التعليم، وبدأ تطبيقه تدريجيًا ابتداءً من السنة الدراسية 2023-2024 ببعض الكليات والمعاهد. -توزيع الدرجات في نظام بولونيا: 🔻الامتحان النهائي (الفاينل): 50 درجة. 🔻المد (امتحان وسط الكورس): 10 درجات. 🔻السعي التكويني: 40 درجة (موزعة على كوزات، تقارير، حضور، سمنارات، وتقييم الدكتور). التقييم التكويني (السعي من 40) : إذا حصل الطالب أقل من 14/40 راح ينمنع من دخول الامتحان النهائي ويُعتبر راسب بالكورس الأول وما يحق له يمتحن دور ثاني بهاي الحالة. بعض المواد اكو مرتبطة (مثل الرياضيات) إذا رسب بالكورس الأول، ما يحق له يدرسها بالكورس الثاني. الطالب الراسب يعيد المادة كاملة (حضور، واجبات، تقارير، وامتحان جديد). الدرجة بين 45 – 49 بالفاينل للأستاذ هنا هو بكيفه يقرر يطلب من الطالب عرض تقديمي (Presentation) أو واجب اضافي وإذا أنجزه بنجاح  راح ينجح.أو يخليه يمتحن دور ثاني. محاولات الدور الثاني: 🔻يحق للطالب أربع محاولات دور ثاني مجانية. 🔻بعدها، ينطوا محاولتين إضافيتين بأجور (تُدفع للجامعة). 🔻وإذا فشل بالمحاولة السادسة، يتم فصله نهائيًا من الجامعة. http://t.me/A_M_H1

نداء الى الطلبة وأولياء الامور: ترى مو نهاية العالم إذا ابنك أو بنتك ما دخلوا طب. الحياة مو محصورة بهالكلية، ولا النجاح مربوط بلقب "دكتور"! الطبيب مهم، نعم، ونفتخر بيه، بس شلون تمشي الدنيا من غير المعلم؟ منو يبرمج الأجهزة اللي نستخدمها؟ منو يخطط للمدن؟ منو يكتب القصائد ويصنع المسرح والسينما؟ منو يحل مشاكل المجتمع؟ منو يزرع ويحصد؟ منو يخترع ويبحث؟ منو يبني ويصمّم؟ إذا كلنا صرنا أطباء، منو راح يكمّل باقي الأدوار؟ المجتمع ما يقوم على مهنة وحدة، وحتى الأمم المتقدمة نهضت لأن كل شخص لقى مجاله الحقيقي وأبدع بيه، مو لأنهم كلهم راحوا طب أو هندسة! .... فيا طلبتنا الأعزاء، لا تخلّون المعدل يسجنكم ... دوروا على الشي اللي تحبوه، اللي تحسون نفسكم بيه... ويا أولياء الأمور، لا تفرضون على أولادكم مستقبل أنتو تتمنوه، خلوهم يعيشون مستقبلهم هُم، مو أمنياتكم. النجاح الحقيقي مو بس بمعدل ولا بلقب، النجاح الحقيقي هو إنك تكون نافع، مبدع، وتحب اللي تسويه. https://t.me/Medical_cours1

نرفق لكم معلومات مهمة لطلبة السادس الاعدادي تخص التقديم على الجامعات الحكومية والأهلية 1- يوم الاثنين 2025/8/25 تفتح استمارة التقديم تروح تستلم الرقم السري من مدرستك وإذا طالب خارجي تستلمه من التربية.. الرقم السري هو اللي تقدم بي على الكليات 2- مواليد 2001 وفوق ينقبلون صباحي بالكليات، 2000 وجوا كليات مسائي..واذا كنت مواليد 2000 وجوا وجبت معدل فوك 90 يسمحولك تقدم صباحي استثناء 3- اذا كنت ذوي شهداء ينطونك 5 درجات اذا قدمت على المجموعة الطبية (طب عام ، أسنان، صيدلة ، معاهد طبية.. الخ) و7 درجات اذا قدمت على الكليات غير المجموعة الطبية مثلا تربية وقانون وغيرها 4* ذوي الشهداء تقديمكم عن طريق مؤسسة الشهداء تفعل الرقم السري من يمهم وتقدم بأي مكان على الرابط 5- كليةالقانون يحقلك تقدم عليها داخل َمحافظتك فقط ! يعني انت من الموصل تقدم قانون موصل فقط.. انت من بصرة تقدم قانون بصرة فقط ما يصير تقدم على غير محافظات قانون ! اما بقية الكليات عادي جدا 6- طالب الأدبي يقدم على 15 كلية و10 معاهد وممكن اكثر بكيفك.. طالب العلمي يقدم على 40 كلية و10 معاهد 7- اني دور ثاني شلون اقدم؟ وممكن ينسد التقديم؟ لا ما ينسد التقديم يبقى مفتوح حتى تطلع نتائج الدور الثاني وتشوفون معدلاتكم وتقدمون على راحتكم ويبقى التقديم يتمدد 8- يحقلك تقدم حكومي َوأهلي ومسائي وغيرها وتختار القبول اللي يعجبك! 9- يحقلك تقدم على كل جامعات العراق ما عدا كلية القانون لازم محافظتك مثلما وضحت فوك.. 10- على يا معدلات نعتمد بالتقديم؟ نفسها معدلات العام ممكن نفسها او اقل بشوية لو أعلى اني ما أريد اقدم حكومي اريد اقدم بس اهلي لو مسائي اي تقديم اخر يصير ؟ اي يصير هاي اهم الملاحظات الأساسية اللي تحتاجونها بخصوص التقديم اقروها وشاركوها مع اصدقائكم التقديم ينفتح يوم 25/8 تقريباً ويبقى يتمدد ويستمر لبعد نتائج الدور الثاني بأربعة أيام او وبعدها باسبوع ينسد. https://t.me/Medical_cours1

المنحة المجانية : هي منحة تطلقها وزارة التعليم العالي للطلاب الي معدلاتهم من 93% فما فوق تخص المجموعة الطبية فقط و هي // 1- طب عام 2- طب الاسنان 3- الصيدلة الي يريد يقدم طب الاسنان او الصيدلة ف لازم معدلة من 93 فما فوق و الي يريد يقدم طب عام ف لازم…

المنحة المجانية : هي منحة تطلقها وزارة التعليم العالي للطلاب الي معدلاتهم من 93% فما فوق تخص المجموعة الطبية فقط و هي // 1- طب عام 2- طب الاسنان 3- الصيدلة الي يريد يقدم طب الاسنان او الصيدلة ف لازم معدلة من 93 فما فوق و الي يريد يقدم طب عام ف لازم معدلة من 96 فما فوق المنحة المجانية بيها عدة امتيازات هاي الامتيازات بيها درجات تنضاف على المعدل . الامتياز الاول انه يكون الطالب مشمول ضمن الرعاية الاجتماعية ف ينضاف على معدلة 5 درجات الامتياز الثاني انه الطالب يكون يتيم سواء الاب او الام او الابوين كلاهما ف ينضاف على معدلة 6 درجات الامتياز الثالث انه الطالب او والده يكون ضمن الحشد الشعبي ف ينضاف على معدلة 3 درجات الامتياز الرابع و الأقوى انه الطالب من ذوي الشهداء الدرجة الأولى (الجد و الجدة من الاب او الام ، الاخ و الاخت ، الاب و الام فقطططط العم و الخال غير مشمول ) ف ينضاف على معدلة اذا كان والده او والدته هم الشهداء 7 درجات و اذا كان الاخ او الأخت او احد الاجداد ف ينضاف 3 درجات فقط بشرط ان يكون خريج السنة الحالية يعني تتخرج و تقدم منحة بنفس السنة الي طلعت بيها من السادس . فرصة القبول بطب الاسنان و الصيدلة عالية بس الطب شوية مقاعدة قليلة . تكدرين تقدمين على كل الجامعات الأهلية بكل العراق جامعات العتبة عدها نفس الشروط و هو نفس طريقة التقديم بس الي يريد يقدم على جامعاتهم كون يسوي مقابلة وياهم وحسب وضعة و ظروفة يقبلونة اذا كان مستحق . يعني اذا كانت ظروفج صعبة و عدكم بالعائلة افراد مصابين بأمراض او ظروف مادية او ظروف أخرى ف العتبة فرصتها اقوى الكم. الاختلافات بين العتبة و الوزارة إنه العتبة تسوي مقابلات و تقبلج حسب ظروفج الوزارة بدون مقابلات و تقبلج حسب الامتياز الي عندج .

بوابات التقديم انواع وهي *المركزي (الي هي الحكومي) *الموازي (تدفع فلوس زيادة علمود تحصل كم درجة يسمحلك تدخل لكلية حكومية) *الاهلي (من ٩٥ او ٩٦ لفوك طب و من ٨٥ اسنان وصيدلة) *المنحة (راح ادزلكم تفاصيلها برساله ثانيه )

و بس اعتذر لان ما اگدر اساعدكم بشي غير الطبية اعرف انو الطبية مو كلشي بس هو هذا المجال الوحيد الي طبيتله و اعرف بيه

و هذا گروب طلاب طب من كل الكليات هم يساعدوكم و يجاوبون على اسألتكم و حتى اذا جنتوا تريدون صيدلة او اسنان شوي عدهم معلومات او يطوكم گروبات صيدلة و اسنان https://t.me/medicalsyndrome24

و بس اعتذر لان ما اگدر اساعدكم بشي غير الطبية اعرف انو الطبية مو كلشي بس هو هذا المجال الوحيد الي طبيتله و اعرف بيه

و هذا گروب طلاب طب من كل الكليات هم يساعدوكم و يجاوبون على اسألتكم و حتى اذا جنتوا تريدون صيدلة او اسنان شوي عدهم معلومات او يطوكم گروبات صيدلة و اسنان https://t.me/medicalsyndrome24

ولو بعدكم ما تخطيتوا النتائج بس خلال هاي الفترة لازم تقررون مصيركم و وين راح ترحون +بخصوص فيديوهات ع اليوت عن اختيار التخصص المناسب هاي كلها شفتها ولا واحد فادني لان بالنهاية قرار الاهل فوق الجميع😘💔