الْيَاقُوتْ♡

قريت مقولة في مرة فحواها كـ التالي، انه لما تمشي و تعثر العيب مش في رجليك ، مرات يكون الحذاء هو السبب. يعني عمركم شفتوا حد عثر و طاح، و من بعدها حلف معاش يمشي؟ أكيد لا. هي هكي في كُل مناحي حياتنا ، كُل عثرة لازم وراها نوضة من ثاني. مانقعدوش في مكاننا نلوموا في حظنا، و نرددوا "ياريت ". كان لازم تمشي منها الطريق و كان لازم تعثر، لأنه حكمة ربي هكي بيش تعلمك. أكيدة فيها خِيرة أكيد، لعلّ العثرة هدي نتيجتها حـ تكون نجاتك في يوماً ما. الشيخ الشعراوي في إحدى تفسيراته قال أنه لعلّ الطريق يلي تأذيت فيه و تألمت، الطريق الاخر كان فيه مماتك. احني نظرتنا لليوم بس،أما ربي عمرنا كله معروض أمامه، فـ فرحتنا الانيّة قد يكون مقابلها حزن كبير القدّام، أما ربي فـ أقداره هي الأنسب و الأفضل لينا مهما شفناها تزعل. فـ احمدوا ربي في كُل وقت، و اطلبوا منه المعونة و الصبر و التوفيق، لانه عمرها ماكانت بـ شطارتنا ولا الوقت ولا شيء، لطالما كانت برحمة ربي و توفيقه🤍.

لن نغادر هذه الدنيا بما أخذناه، بل بما أعطيناه. فالصدقة لنا، وإن بدت للفقراء. والكلمة الطيبة لنا، وإن أسعدنا بها غيرنا. وجبر الخواطر لنا، وإن مس أثره قلوب الناس. والذي يسعى في حوائج الناس الدنيوية إنما يسعى في حوائج نفسه الأخروية. قال الله تعالى: ﴿إن أحسنتم أحسنتم لأنفسكم﴾

‏﴿ رَبِّ ابْنِ لِي عِندَكَ بَيْتًا فِي الْجَنَّةِ ﴾

لكلام كان في دماغي أحلى بس هذا يلي طلع، على فكرة لما نكتب أي شيء في هلبا مرات مايكونش شيء صار معاي أو حدث في حياتي أو مُناسبة معينة خلتني نذكره، عادي مرات شيء صار معاي ، أو نشوف شيء قدامي أو حتى في مسلسل أو رواية، و نتكلم عليه.. أكيدة فهمتوني🌸.

أنه معدن الإنسان و سجيّته يلي جُبّل عليها، و حقيقة المشاعر يلي يكنهلك تبان وقت الزعل. وقت يكون في سوء تفاهم أو مشكلة تصير بينكم أو أي شيء على غير عادة يلي بينكم. في من مرات مايكونش في حد غالط في حقيقة الأمر، أو الغلط و الصح حـ يكون نسبيّ إن صحّ التعبير. هنا ردود الفعل حـ تبان شفّافة قادرة تشوفي جوّف صاحبها من خلالها، و الكلمات بخطوط واضحة و عريّضة توصفلك ماهية الشخص يلي قدامك. فـ في يلي حـ يشتري خاطرك ( حتّى لو عمرك ما بادرتله) و مش حـ يهون عليه زعلك، و مستعد يراضيك مش لأنه غالط بس لأنه شاف الموضوع حز في خاطرك و ضايقك. و في من حـ تهون عليه، و يقولك مش مهم أو ما تكبّرش الموضوع، مش مستاهل، أو يغلطك غصب. و من برأيي..نحس المشاعر مايتساومنش، ولا يتناقش فيهم، ببساطة لأنه أني مش أنت و أنت مش أني ، يمكن العادي عندك مش عادي عندي، فـ من الغلط أنه نسفهوا مشاعر حد مهما كان الموضوع صغير أو كبير في عيوننا.

المهم فايقة فـ خلّي نقوللكم شيء من الأشياء يلي تعلمتها من مُدة طويلة الصراحة

مش كملنا إمتحانات؟! الأرق يلي ملازمني و نوم ثلاثة ساعات كُل 48 ساعة ، ماذا !!

ربِّ.. لا يضرني ضار ،ولا يمسني وصبٌ ولا نصب ، أنت وليي ّفي الدنيا والآخرة ، وأنت نعم المولى ونعم النصير.

"خلقَ اللهُ الدُّعاءَ ليُخبركَ أن لا تتنازلَ عمّا ذهبتْ إليه روحُكَ حتى يأتيكَ به إنَّا رَادُّوه إليكِ".

دُفعتيي الحمد لله على سلامتكم، و عسى نتائجكم تقرّ أعينكم زي ماتحبوا🌸🌸🌸.

الحمد لله حمداً كثيراً طيباً مُباركاً فيه، كملنا امتحانات سنة ثالثة و مرحلة ما قبل السريرية ـ pre clinical_ بأكملها، بفضل ربي كملت الامتحانات، الامتحانات يلي كانوا الاتعب و الأصعب و الأغرب يلي مافيش حاجة ماصارتش فيهم..تموا 🤍. كُل الإمتنان و الحُب لِـأي حد سأل أو دعالي أو قالي كلمة حلوة، طول الفترة يلي فاتت. لأنه كل مرة بعد الامتحان نلقى رسالة يطمنوا فيها عني، كانت بالنسبة ليا ولا كنوز الدنيا🤍.

‏ربي افتح عليّ فتحًا يُذهلني اتساعه، وأنر بصيرتي.

حديثٌ صحيح، ومعناه أن السعي لا ينبغي أن يتوقف مهما كانت الظروف، ولا ينضب أبدًا، حتى لو كانت النتيجة مجهولة أو غير متوقعة. فالفسيلة التي ستغرسها، هل ستستفيد منها الأرض أو الناس بعد قيام الساعة؟ بالتأكيد لا. لكن الله يقدّر مجهودك ويجازيك عليه، بغضّ النظر إن كانت النتيجة مثمرة أم لا. لهذا، شدّوا الهمّة وكونوا أصحاب عزم، ولا تستصغروا أي مجهود أو تستخفّوا به. ضعوا في بالكم أن كل شيء يمضي برحمة الله ولطفه، وأن أي عمل خالص لله لا يمكن أن تكون نتيجته صفرًا أبدًا. كل معلومة تقرأونها، وكل صفحة أو ورقة تراجعونها، قد تكون سبب نجاتكم في الامتحان، وفي المستقبل قد تكون سببًا في نجاة إنسان. على قدر الغاية تأتي المشقة، فكونوا متفائلين بأن التعب والإرهاق والتوتر سينتهي، وسيكون حصاده مفرحًا جدًا. افعلوا ما عليكم، واتركوا الأمر كله لله الرحيم الكريم. نلتقي يوم 30/7 إن كتب الله لنا عمرًا، ومن الآن وحتى ذلك الوقت، وفقكم الله وسدّد خطاكم، وجعل التوفيق حليفكم، لدُفعتِي ولكل من لديه امتحان، سواء دراسي أو في هذه الحياة. ولا تنسونا من دعائكم لي ولصاحباتي وللدفعة كلها، في أمان الله و رعايته🌸.

قال رسول الله ﷺ: "إذا قامت الساعة وفي يد أحدكم فسيلة، فإن استطاع أن لا تقوم حتى يغرسها فليغرسها."

‏قال الإمام ابن باز -‏رحمه الله-: الإلحاح وحسن الظن بالله، وعدم اليأس‏ من أعظم أسباب الإجابة فعلى المرء أن يلح في الدعاء ‏ويحسن الظن بالله عز وجل ويعلم أنه حكيم عليم قد يعجِّلُ الإجابة لحكمة، وقد يؤخِّرُها لحكمة وقد يعطي السائل خيرًا مما سأل. ‏[فتاوى ابن باز (122/26)].

وعسى اللّٰه أن يهبنا أعظم مما حلمنا به🤍.

«اللهم بارك لي في رزقي وفيما أملك، واجعل البركة في وقتي وعملي وصحتي وفي جميع أمري، وبارك لي فيما أعطيتني وقني شر ما قضيت»

- شن عندك امتحان ؟! - فارما - شن معناها؟ - المادة يلي تفرم في الطلبة