قناة الشاعرة العلوية ام وليد الموسوي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇 https://t.me/Abas747

📜قصيدة للرجوع الى الديار لسان حال مولاتنا زينب "عليها السلام "بعنوان «البيتكم خَطّار زينب جايتكم» 😭🖤 البيتكم خــــطار زينب جايــتكم صار فترة امن الزمان مفارگتكم تــــلگوني من اطب صحت يعزاز الگلب صار المفارگ يخوتي وما شفتكم البيتكم خـــــطار زينب جايتكم ـــــــــــــــــ😭😭ـــــــــــــــــ افراگم يكتل يخوتي ويعمي العين گلت ادگن بابنه ويطلعلي الحسين تهده روحي من بواچيهه والونين ارجعت دمعاتي تصب صـــحت يعزاز الگلب صحت صوت اهل المحنة رايدتهم الـــــبيتكم خطار زينب جايتكم ـــــــــــــــــ😭😭ـــــــــــــــــ صحت يحنان الگلب شيرد الأيام راجعة اليوم الضعينه تحچي الآلام اشگد عذاب اتحملت من طبت الشام ناس ماترحم غرب صحت يعزاز الگلب اني من ضيم الخرايب عاتبتكم الـــــبيتكم خطار زينب جايتكم ـــــــــــــــــ😭😭ـــــــــــــــــ اني من ضيم الخرايب ميته ياناس متت من شفت الرمح گدامي والراس گلت ادگ الباب هسه والگه عباس موش ميت بالحرب صحت يعزاز الگلب هاي هيه وفلت العشرة اويه اختكم البيتكم خـــــطار زينب جايتكم ـــــــــــــــــ😭😭ـــــــــــــــــ هاي هيه وشفت حال البيت مهجور بس حياطين النزل نامو بالگبور صفت من اهل المحنه خاليه الدور زينب ابموقف صعب صحــت يعزاز الگلب عمت عيني ابيتكم من ما شفتكم البيتكم خـــــطار زينب جايتكم ـــــــــــــــــ😭😭ـــــــــــــــــ عمت عيني والگلب يخواني مشلوع مگابله امچان اخوتي وتهل الدموع هدّمت گلبي الچفوف وكسر الضلووع جيت من طف الرعب صحت يعزاز الگـــلب شلون تنسون العقيلة العاشرتكم البيتكم خـــــطار زينب جايتكم ـــــــــــــــــ😭😭ـــــــــــــــــ شلون تنسون العقيلة اتصيح يحنان تكسر الخاطر صفت يادار الاخوان بالگبر يازينب اتوسعون الامچان من يغطيني الترب صحت يعزاز الگلب اني بالخدمه ودمعتي ناخيتكم البيــــتكم خطار زينب جايتكم ـــــــــــــــــ😭😭ـــــــــــــــــ تمت بعون الله بقلم الخادمة ام وليـــ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

قصيدة مربعة لشهادة النبي مجلسنه انعقد للهادي هالليلة حضرت فاطمة والمدمع تسيلة ــــــــــــــــــــــــــــــــــ ننصب فاتحة ونلطم على امصابة الزهرة حاضرة واتصيح يا يابة طويل افراگ ابوهه ايطول يغيابه نعازي حيدره وخطوات نمشييله ــــــــــــــــــــــــــــــــــ نعازي حيدره وانروح مشـاية ابكل مجلس عزاء انعلگ الراية تجينه ام الحسن من تسمع اقراية على الهادي تنوح وگاضية انحيلة ــــــــــــــــــــــــــــــــــ على الهادي تنوح وتكسر الخاطر ما يدري النبي بالزاچية اشصاير اشيصير ابحالهه ابطلعت فجر باچر اعداه اهل السقيفه امدبرة الحيلة ــــــــــــــــــــــــــــــــــ اعداه اهل السقيفه تعصر الزهرة يضربوهه اعله خدها وتوجع السطرة ابو ابراهيم حفروو ياوسف گبرة بيت احزان يبني حامي ادخيلة ــــــــــــــــــــــــــــــــــ بيت احزاان تبچي اعله الولي وتنعه شدنه اللطم وانعازي البضـــعه ويه فاطمة المختار خنودعة تسجل الحاضر والطلب تگضيله ــــــــــــــــــــــــــــــــــ تشوف الحاضرة الزهرة تسجلكم تسمع هالعزة تلطم الطمتكم مذخورة اعله ابوها هاي دمعتكم ترفع چف اديهه الحضر تدعيله ــــــــــــــــــــــــــــــــــ تمت بعون الله تعالى بقلم الخادمة ام وليـــ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

قصيده للرجوع إلى الديار لسان حال مولاتنا زينب عليها السلام شلون اطب للدار واتصد عيني وما اشوف اخوواني اتــلاگيني ـــــــــــــــــــــــــــــــــــ خالية الدار وصفت بس الظلام وين ذيج ابيوتنه وذيج الازلام شلون عيني اعله المشو تغفه وتنام ماكو صوت الكافلي ولَـ حسيني ـــــــــــــــــــــــــــــــــــ ماكو صوت وخاليه الدار وتنوح اذكر الگعدات وتهيج الجرووح على الصار اشلون ضلت بيه روح بيتهم مظلم يوون عاميـــــني ـــــــــــــــــــــــــــــــــــ بيتهم مظلم اعيوني اتشووفه بكل ركن روحي تضل اتطوفه جيت بحبال اليسر مچتووفه عگب اخوتي اعداهم اميسريني ـــــــــــــــــــــــــــــــــــ عگب اخوتي حيل تعبان الگلب صعبه اشرح قصتي والله صعب اشبعنه عثرات وسياط امن الدرب وروس اخوتي اويه العدو اتماشيني ـــــــــــــــــــــــــــــــــــ روس اخوتي اتشوفها الطفله وتنز خالي مهد الطفل وامه وبي تهز والگلب ملچـوم من جرحه يفز درب عثرة ابكل كتر يطويني ـــــــــــــــــــــــــــــــــــ الدرب عثره اشسوه بيت الوحي والعدو ما عنده غيره ويستحي ابچي بالمجلس وعليه صايحي ابكل عزة يا زينب تسجليني ـــــــــــــــــــــــــــــــــــ تمت بعون الله بقلم الخادمة ام وليـ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

نعي گرناوي لرجووع ضعن الفواطم إلى الديار وصلنه الكربلة لگبور الاخواان الحمدلله دفنته راس الحسين يم اگبورهم تتباچة الضعون ماگالو يزينب وين ما ووين خلوونه انتوداع اخر اودااع وباچر للمدينة الضعن ناووين نرد ابيا وجه من دون عباس اشلون البيتهم يم عون تمشين شگل للناس لو عنهم ينشدون شجاوبهم بعد عالهاشـــميين يدار ارجعت من ذيچ الخرابات وبظهور الحرم ضــلت نياشين تتكسر عصيهم عاالــسبيات من يا ضيم يا روحي تونين على احسين البقه عالترب منحور لو عباس ضل من دوون چفين وصلت البيتهم والباب مسدود تتصارخ بقت يمي النساوين طبيــنه وگعدنه وصحنه يادار على الشالو سوه بالچ تنشدين چا بيمن مشيت ابشنهو رديت اجت تسألني عنهم ام البنين انصبي الفاتحه عالاربعه احيود عـــميانه على الـــخوان ياعين صاحت فاطمة وتدگ عله الراس فدوه تروح ولدي للــــعزيزين انشدچ على حسين اشصار ماصار جاوبت انذبح يايــــمه الحنين عطشان وبقه عالرمل مطروح ثلث تيام جــــسمه بالميادين نندبچ يالعقليه بساعة الموت الكل شيعي وموالي انت تحضرين ـــــــــــــــــــــــــــــــــــ تمت بعون الله تعالى بقلم الخادمة ام وليـــ✍🏻ــد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

قصيده شدة وزن الفائزي لرسول صلى الله عليه وآله وسلم خلوني اودع والدي خلوني احاجيه صاحت يشيال النعش لحظات رد بيه ـــــــــــــــــــــــــــــــــــــــــــــ صاحت الزهره ام الحسن يادهر خايب اخلاف الابو اشبع هظم واشبع مصايب هالو على اعيون النبي وسفه الترايب يا حيف بتراب الگبر والدي امخلية ـــــــــــــــــــــــــــــــــــــــــــــ ياحيف وي بته انگطع حبل المووده اليفگد ابو طول العمر دمعه اعله خده رراح النعش صووب الگبر شال وتعده اتوفه الرسول ومايرد ابچي دمه اعليه ـــــــــــــــــــــــــــــــــــــــــــــ ااتوفه الرسول وما يمر بيها وتشووفه وحشه صفت دار النبي جرحه شيروفه مشتاگه ضلت عالابوو ماهي اطيوووفه هاليوم موحش منبره واسوود محزنيه ـــــــــــــــــــــــــــــــــــــــــــــ موحشه الدار أعله النبي راعي المحنة تبچي الزچية اتجر عليه ونه اعله ونه ياموت اخذنه اوياه سووه وحمل ضعنه بيت النبوه بي عزة امشوونه نعازية ـــــــــــــــــــــــــــــــــــــــــــــ ابيت النبوة هالمسه ننصب عزية الزهرة تنادي ياوسف رحت امن اديه مااحمل افراگه الابو وشلوون بيه موحش المنبر بالسواد احنه نغطيه ـــــــــــــــــــــــــــــــــــــــــــــ موحش المنبر والكتب ضلت يمولاي علووها اصوات الحزن مو ونه بهداي انحلفه النبي بالمنذبج والما شرب ماي هاي القصيده تنذخر تختمهه ايدية ـــــــــــــــــــــــــــــــــــــــــــــ تمت بقلم الخادمة ام وليـــ✍🏻ــــــد الموسوي رحم الله من قرأ سورة الفاتحة إلى روح والدي ووالدتي https://t.me/Alalwya

نعي وابوذية للرجوع الى الديار لسان حال السيده زينب عليها السلام انه الشاهدت ذبح //وون اخوها ونوگ السبي الزينب //وون نخوها ارجعت للدار گالوو //وين اخووها شسولف ياهظم يالووعة بية ــــــــــــــــــــــــــــــــــــــــ شحچي يدار شصار بية اشسوه العدوو بالهاشمية لا ذت سبية ابسد سبية يادار دمعي ابصدري محبوس يمشي الضعن ويماشي الروس امصاب الگلب وهموم متروس يـــــادار تعبـــانه النساوين مــــــن الخرايب والدواوين امنين ابدي وياچ الحچي امنين يادار ما ضل شوف بالعين الحبال مطبووعه باليدين لحسين ضل مذبوح الحسين يادار ما شيت الشماته وحسين ينطگن بناته ومجتفه ضلت خوواته يادار ماكو بــــــعد چـارة عالترب ضل ليلة ونهاره لحسين لوو ردتي اخبارة يادار اخيي بعد ميعوود عباس ضل عاالنهر ممدود هيهات لا ماننزع السوود يادار ايــــــــسي ما يردوون وشلون اسكت هاي الضعون عن يا مصيبة تسولف ام عون يادار اجيت ابــــــخبر مو زين امشي ويصدلي راس الحسين تگابلت احچي اويه الحياطين ــــــــــــــــــــــــــــــــــــــــ تمت بقلم خادمة اهل البيت عليهم السلام العلوية ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي https://t.me/Alalwya

📜 نعي للرجوع الى الديار لسان حال مولاتنا زينب عليها السلام لسان حالها شتگوووول :- البيت اخوتي من صدت العين اگعدت ابمچان اليگعد حسين خالي النزل بس الحياطين ـــــــــــــــــــــــــــــــــــ حسبالي الگه حسين گاعد ايشربني بيـــده الماي بارد رديت ما وياي واحد ـــــــــــــــــــــــــــــــــــ خـــــــــالي بقه يابيت ولياي شحچي المصايب صارن هواي افترت عــــــكس يا حيف دنياي ـــــــــــــــــــــــــــــــــــ افترت عكس ومتوني زرگة امن المات ماكوو بعد ملگة اطويلة يدار اهــلي الفرگة ـــــــــــــــــــــــــــــــــــ الفرگة طويلة وگلبي مــحتام بالبيت تبچي اضعون الأيتام فجعهم الرااس اليمشي گدام ـــــــــــــــــــــــــــــــــــ فجعتــــهم ادروب البعيده العباس تمشي اويانه ايده بالدار ماهـــو اليوم اريده ـــــــــــــــــــــــــــــــــــ اريد الولي وتهمل دمــــــعتي اشچم لوعه يازينب جرعتي امن الضيم مــــحنية رگبتي ـــــــــــــــــــــــــــــــــــ من ضيم اخوي المات مذبوح حسبالي الگه الباب مفتووح عافوو اخوتي الحمل مطروح ـــــــــــــــــــــــــــــــــــ ✍🏻تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

📜فزاعية للنبي محمد "صلى الله عليه وآله وسلم" المختار شيلوو اعمامته عالـــــــــتابووت خلوها ـــــــــــــــــــــــــــــــــــ عالنعش خلو اعمامته شالوو الليلة اجنازتــه شيطفي نار امصيبته صيحت حزن علووها ـــــــــــــــــــــــــــــــــــ صيحت حزن يوم الدفن الفگد النبي كلنه نوون تبچي الزچية ام الحسن وعلى الابـــوو عازووها ـــــــــــــــــــــــــــــــــــ واعله الابو الدمعه تهل عنه النـبي وسفه رحل خلووه فوگ المغتـــسل واحنازته ايــــشيعووها ـــــــــــــــــــــــــــــــــــ شيـــعووها تلطم فاطمة بچه الارض بچه السمة يبچي علي حامي الحمة رايت حززن رفعـــــووها ـــــــــــــــــــــــــــــــــــ حضرو الشيعة اتجمعت موحشة دنيانه اصبحت الزهرة على الــوالد بچت نصبوو العــــزة وعينوها ـــــــــــــــــــــــــــــــــــ ننصب عزة اتهل دمعتي يالنبي عايــــــن حالتي يوم الاطب ابحـــفرتي هل الخدمة الي سجلوها ـــــــــــــــــــــــــــــــــــ ✍🏻تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

قصيدة شدة وزن الفائزي لرجوع ضعن السبايا الى ديار الحسين عليه السلام يادار تكتل وحشتچ من صار الغروب راعيّچ ابطف كربلة عالوجه مگلووب ــــــــــــــــــــــــــــــــــــــــــ راعيچ ابطف كربـــلة نام اعله الارمال هاليوم بضعونة أرجعت والحال ياحال يادار من طــاح الولي شدووني بحبال هيهات ما يرجع الج ضل ثوبه مسلوب ــــــــــــــــــــــــــــــــــــــــــ هيهات ما يرجع الچ شـــيرجعه المات تعبان رد من السبــــي ضعن العقيلات گلبي عليهم  منهدم مــتروس شوغات متعوب من ضيم اليسر ياگلبي متعوب ــــــــــــــــــــــــــــــــــــــــــ متعوب من ضيم اليسر والمات مــذبوح ماكو جرح اهوون علي من طف الجروح جـيت ارد اسوي الفاتحة واعليهم النوح تكتل كتل وكت المــسه يا سدت البوب ــــــــــــــــــــــــــــــــــــــــــ سدوو الباب وحملو واطويل الغياب گلبي عليهم بس يوون يادار الأحباب اخ شكثرر شايل وجع من سدو الباب مكتوب المفارگ علي ياروحي مكتوب ــــــــــــــــــــــــــــــــــــــــــ تدرون المفارگ هله  اجروحه  متلتام متعذبه روحي وناحلة من رحت لشام گلبي على ذبح اخوتي مصيوب بسهام حزنانه للسبيعن اوون ماانزع الثووب ــــــــــــــــــــــــــــــــــــــــــ حزنانه للسبيعن اون واجروحي تكبر ما تنّسي طوول العمر  گطعت المنحر لحسين يوگف للخــدم ساعة المحشر اطويل المتاع احضر الي نورلي الدروب ــــــــــــــــــــــــــــــــــــــــــ تمت بقلم خادمة اهل البيت عليهم ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي https://t.me/Alalwya

📜قصيدة خطاب بين السيدة زينب "عليها السلام" والعباس "عليه السلام" يوم الأربعين يبو فاضــــل اجيت اگعد يــبعد اختك امن اهد يوم الرحت ياخوية ما شفتك ـــــــــــــــــــــــــــــــــــــــــــ مـــن يوم الچفوف الضلن اعله الگاع خذانه الحادي من يمك مشينه ابساع ضــــاع الحيل مني يبو فاضل ضاع تنزف هامتك يوم الرحـــــت عفتك ـــــــــــــــــــــــــــــــــــــــــــ تنزف هامتك واعيوني تبچي ادموم اربعـــين امن الليالي صارلك هاليوم اگعدخل شــــوفك كافي امن النوم وسفه يالحنــــــين اشلون ضيعتك ـــــــــــــــــــــــــــــــــــــــــــ اجيــتك يالحنين وگتلك شلونك بلكي ابطاري زينب تفتح اعيونك يا حامي الضعينه ردت اضعوونك ياعباس عــن الـــــــحال ناشدتك ـــــــــــــــــــــــــــــــــــــــــــ تنشـــديني يزينب واسمع بنشدچ حسرة تاخذج حسرااات الي تردج اريد اطلب طلب ياخوية من عندج لتگــــــولين خويه اگعد مناطرتك ـــــــــــــــــــــــــــــــــــــــــــ لتگــــولين گوم اگعد او رد اوياي بعد هيهات متسمعين چلمت جاي عطـــشانه الحرم ردت تريد الماي حــسبالي تجيب الماي من زرتك ـــــــــــــــــــــــــــــــــــــــــــ حسبالي تجيب الــماي للعيلة ياباب الحوائج ننـــدب الليلة تحــــضر للگبر واترابي تهيله ياراعي الكلافه ابهاي كلفتك ـــــــــــــــــــــــــــــــــــــــــــ ✍🏻تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

فزاعية للامام الرضا عليه السلام خلونة نلطم عاالوجة لچبدتة مسمومة نلطم المولانة الرضه بسموم عدوانه گضه ونعازي بيت المرتضه ونلطم سوية وگوومة نلطم سوية عالصدر نام ابو محمد بالگبر نعازي العقيلة ام الصبر والزهره المظلوومة نعازي الزچية فاطمة ننصب اليلة ماتمة نهمل الدمعه من دمه شال وطوويله النومه شال وخذوه للمقبرة موسى ابن جعفر مادرة معصومه مدمعهه جرة ضاعت عليهه اعلوومه من شال عنهه اتمرمرت وتصيح چبده اتفطرت حسره بگلبهه تكسرت من الهظم ما لوومه مالوم گلب الفاگدة مولاي حالي تشاهده بذنوب روحي مگيده كل شيعي تحضر يومة تمت بقلم خادمة اهل البيت عليهم السلام العلوية ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي https://t.me/Alalwya

قصيدة شدة وزن الفائزي لمولانا الرضا عليه السلام اليوم الجواد على الرضا كلنه نواسية مسموم چبدة بالغرب ضل يبچي علية مسموم چبدة يا وسف منهو الذي وياه تابوت محد جاب اله لا يعدل اغطاه ميت غريب الوحده متگطعه احشاه ياهوو الذي جاب الچفن ياهو اليغطية وين اليفزع كل هله وين اليشيعوون خل نمشي نحضر مووتته ويه الدفنون يايوم ابو محمد صعب ابچن يالعيوون ونصيح بصووات الحزن والدمع نجرية ونصيح بصووات الحزن چبدة تگطع شيلوو الجنازة باالعجل كل احنه نطلع يصعب ودااعه وما حضر يمه ابنه ودع بالگبر منهوو الي يجي يشيعة ويخلية بالگبر منو الي يجي يبچي عليه دم عادت الميت ياخلگ كل اهله تلتلم مات أبو محمد بالغرب دسوله السم متگطعه احشائه ويون ومدد أدية متگطعه احشائه ويون جيبوله تابوت ننعه على مولانه سووه خنعلي الصوت نسويلة احنه الفاتحه للماخذه المووت معصومه تنحب عالاخوو والدمع تجرية معصومه تنحب عالاخوو تهمل الدمعة علوه الصوت على الرضا صوتك يسمعة كل الي ينصب ماتمة هناكه ينفعة هوال الگبر يحضر يجي الشيعي ينجية تمت بقلم خادمة اهل البيت عليهم السلام العلوية ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي https://t.me/Alalwya

نعي وابوذية للإمام الرضا علية السلام الرضا مسموم هاليلة  يشيعة النور امدد ويسطع    يشيعة غريب الطوس باقي من يشيعة خلصوو كل هلة بالغاضرية على المسموم صحنه  راح املنة نعشه انشال وسفة    راح منة الدهر  مولاي ماكو    راحه منة گضت بسموم كل اهل الحمية معصومة راحت لرض غربة مسموم اخوهه ويبس گلبة صعبه عليهه هوااي صعبة صعبة عليهه الحيل خلصان يعمي العيون افراگ الاخواان مسموم چبده وجسمه ذبلان مسموم چبده وگلبه منصاب يعالج حسافه بديرة اجناب اليوم الرضا غطاه التراااب اليوم الرضا غمضهه العيون وين الذي نعشه يشيعوون والشيعه لرض ايران يرحون وين الذي يرحون ليراان يعازون معصومة عله الإخوان ابيت النبي وسفه الدهر خان البيت النبي واسووه يالحباب وعلى ابو محمد هالو اتراب تنفع الدمعه بيووم الاحساب تمت بقلم خادمة اهل البيت عليهم السلام العلوية ام وليد الموسوي لا أجيز حذف الاسم رحم الله من قراءة سورة الفاتحة إلى روح والدي ووالدتي https://t.me/Alalwya

ابوذية ونعي إلى أربعين الامام الحسين عليه السلام الذبح لهل المحنة صار//  عادات تضيع اجروح گلبي الف   //عادات بيوم الأربعين ام عوون// عادت ابراس حسين وضعونه سبية ------------------------------- ضعن حسين فت الگلب//منعاد شعد يا ضيم ضاع العدد// منعاد رجعنة للوطن ابيا حال //من نعود بدوون احسين والعباس اخية ------------------------------- ليش الاعزاز ابساع يرحون واعله الـمگابر دووم ينوون اعله افراگهم عميانة العيون على يا منهن ام الخدر تبچين وانتي فگدتي الأهل سبعيين اكبر  مصـــيبة  ذبح الحسين من العذب ماشرب محروم نام ويطول ابن امچ النوم بالبارية يا حيـــف ملمووم بالباريه لو  رااسه مخــــسوف ابعينه السهم عباس ميشوف امگطعه ازنوده ويمه الاچفوف رملة تصيح اعله الثــره نام متروس صدره سهام جسام اشســـوت يزينب بيچ الأيام لو الأكــبر البراس مـطــبور شحسب شعد اهواي الاگبور عبدالله حيف ابسهم منحور المن تصير الياهو ام عوون محتارة ضلت بين الضعون الأطفال فوگ الهزل يبچون ------------------------------- تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya

📜قصيدة شدة وزن الفائزي لأربعين الإمام الحسين "عليه السلام" لسان حال مولاتنا زينب "عليها السلام" گعدو يخوتي للضعن حلوهه الحبال صار أربعين اصباح الي ابرفگت الچتال ـــــــــــــــــــــــــــــــــــــــــــــ صار أربعين اصباح الي گعدو يولياي لضعون عطشانه اجت واتنادي الماي متفارگات اويه الأهل صار الهن اهواي اتوون الحرم محد گعد والدمع ينسال ـــــــــــــــــــــــــــــــــــــــــــــ اتوون الحرم محد سمع من عدهن اونين صاحن يعباس ابحزن صاحن يالحسين يومين يمكم بالضعن للوطن ماشين راحت بعد ويه اخوتي يا راحت البال ـــــــــــــــــــــــــــــــــــــــــــــ ناموو فرد نوومه اخوتي غطاهم اتراب كون الگبر يا هل خلگ ينفتح بي باب واحچيلهم ضيم الجرة يا عظم المصاب يبن امي راسك عالرمح تاليهه ينشال ـــــــــــــــــــــــــــــــــــــــــــــ يا خوية راسك عالرمح من يوم عاشر دمعاتي تجري لو اجه طاري الحوااافر بالشام عباس وصحت كون انته حاظر واتشوف يسياط العدو اشسوت بالأطفال ـــــــــــــــــــــــــــــــــــــــــــــ اتشوف الأجدام امحرگه وصوتي تسمعه اعله اگبورهم جبت الضعن الطم وانعه من يوم عافوني وغفوو تجري الدمعة اثگال الهموم اعله الگلب وبثگل الأجبال ـــــــــــــــــــــــــــــــــــــــــــــ اهواي الهموم اعله الگلب من شهر عاشور روحي يزينب ترتجف من طاري الگبور ادخيلچ يمولاتي صحت من نفخت الصور تحضرني اريد ام الخدر امن أترابي ينهال ـــــــــــــــــــــــــــــــــــــــــــــ تمت بعون الله تعالى وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم اسالكم الدعاء وقراءة سورة الفاتحة إلى روح والدي ووالدتي https://t.me/Alalwya