Аndijon viloyat АKM | Rasmiy kanal

Qalblardagi  eng go‘zal  xotira  ila yod etib...   📌Bobur nomidagi viloyat axborot-kutubxona markazida Andijonlik hassos shoir, adib, publitsist va tarjimon Qamchibek Kenja tavalludining 80 yilligiga bag’ishlangan “So‘z sehri va qalb sadolari” mavzusidagi xotira kechasi o‘tkazildi. 📚Axborot-kutubxona markazi direktori Gulnoraxon Ismoilova tadbirni ochib berar ekan “Kutubxonamizning eng qadrli insonlaridan biri – o‘z qalamiga mansub asarlarini kutubxonamizga o‘zi kelib taqdim etib boradigan,  katta-yu kichik tadbirlarimizda eng hurmatli mehmon sifatida o’ziga xos o‘rin tutgan, madaniyatli, zukko qalamkashning 80 yilligini nishonlash – 2026-yilda uchrashuv kechasi emas, xotira kechasiga  aylanishi nafaqat Andijon adabiy muhitining a’zolari, kitobxonlar, oila a‘zolari uchun emas, kutubxonamiz xodimlari uchun ham og’ir kechdi”, deb adibning ijodiy faoliyati haqida xotiralab o’tdi.    📖Lekin ijodkordan katta adabiy meros qoldi. “Inson farishta emas”, “Qoyilmisiz”, “Ko‘ngil kechalari”, “Mashaqqat va jasorat”, “Muhabbat badali”,  “Sevinchlarim va kuyinchlarim”, “Hayot hikmatlari”,  “Hind sorig’a”, “Boburiylardan biri”, “Armonlar va tug‘yonlar” kabi ko‘plab asarlarini birlashtirgan “Adabiyotga baxshida umr” mavzusidagi katta kitob ko’rgazmasi ham  adibning hayot va ijod mahsuli, merosi sifatida kitobxonlar e’tiboriga taqdim etildi. 📝Tadbirda  Kamchibek Kenjaning hayot va ijod yo‘li haqida  Andijon adabiy muhitining taniqli namoyondalari – O‘zbekiston yozuvchilar uyushmasi Andijon viloyati bo‘limi rahbari Xurshidabonu Vahobjon qizi, Nuroniylar jamg‘armasi vakillari, Farg‘onalik shoira Zuhra Ashurova, kimyo  fanlari doktori professor I. Asqarov,  Asakalik keksa ijodkor Olimjon Rahimiy, sinfdosh,  kursdosh do‘stlari, oila a’zolari, farzandlari qatnashdilar va barchalari adib haqidagi iliq esdaliklari bilan so‘zga chiqib eng qadrli xotiralari bilan o’rtoqlashdilar. ✔️Xotira kechasi samimiy suhbatlar, she’r va adabiy chiqishlar bilan davom etdi. Tadbir ishtirokchilari Qamchibek Kenjaning yorqin xotirasi va boy ijodiy merosi qalblarda hamisha saqlanib qolishini ta’kidladilar. ✍🏻Adib Qamchibek Kenja qoradaryo bo‘yidagi Gurkirovdan gurkirab chiqib, adabiyot maydonida dadil qadamlar bilan olg‘a borgan o‘zbek adabiyotining taniqli vakillaridan biri sifatida o’zidan munosib nom qoldira olgan adib bo’lib kitobxonlari qalbida mangu yashaydi.  Facebook | Instagram | Website | Telegram | Twitter |