МОО казахов Кош-Агач

Құрбан айт құтты болсын! Қасиетті Құрбан айт мерекесі Қосағаш ауданының барлық мешіттерінде айт намазының оқылуымен басталды. Имамдар уағыз айтты. «Құрбан айт – мәні терең, ғибраты мол мереке. Тек қана мал сою деген көзқараспен қарауға болмайды. Бұл қолы кең, жағдайы жақсы азаматтардың көпбалалы және жағдайы төмен отбасыларға бауырмалдық етіп, жәрдемдесуі. Қоғамда мейірімділік және адамгершілік рухын жаю мерекесі» - дегенді мұсылман жұрттың назарына жеткізді. Қосағаш ауыл мешіттерінің жамағаты Құрбан айт мерекесін Балахан мешітінде ерекше белгілеп өткізуде. Айтқа арнайы ақ дастархан жайылды. Балаларға арнайы сыйлықтар таратылды. Әрі қарай мерекенің қызығын спорт ойындарымен жалғастырды. Әр мешіттен жиылған жамағат «Арқан тарту», «Гір көтеру», «Қол күрес», «100 метірге жүгіру» және ең қызықтысы «Қой көтеру» спорт түрлерінен жарыс өткізді. Жарыстың төрешілері ерлерді бөлек, балаларды бөлек бағалап жарыстырды. Ең мықты дегендері жеңімпаз, жүлдегер атанып қомақы сыйлықтарға ие болды. Бұл мерекелік шараны мешіт имамдары жамағатпен бірігіп ұйымдастырды. Айта кетейік, осындай игі істердің басы-қасында үнемі табыла білетін ел ағалары бар. Сол ағаларымызға Аллаһ разы болсын! Жеңімпаз, жүлдегер болған азаматтардың, балалардың есімін, жалпы Қосағаш мұсылмандары Құрбан айтты қалай мерекеледі «Шүйдің нұры» газетінен оқи аласыздар.

Қадірменді мұсылман ағайын! Баршаңызды қасиетті Құрбан айт мерекесімен шын жүректен құттықтаймын! Құрбан айттың қасиетті күндері жүректеріңізге иман нұрын сыйлап, тілеген тілектеріңіз қабыл болсын! Әр шаңыраққа құт-береке тілеймін! Халқымыздың амандығы үшін шалған құрбандықтарыңыз қабыл болсын! Құрбан айт баршамызға жақсылық әкелсін! Алланың рақымы сіздермен болсын, дұғаларыңыз қабыл болсын! Әмин! Арқалық РЫСБЕКҰЛЫ

Қымбатты жерлестер! 9 Мамыр — Ұлы Жеңіс күні құтты болсын! Бұл күн — бейбіт аспан, бақытты өмір үшін жан аямай шайқасқан батырлардың ерлігін еске алатын қасиетті күн. Ардагерлеріміздің ерен еңбегі ешқашан ұмытылмайды, олардың ерлігі жас ұрпақ үшін нұрлы жол нұсқауы болып қала береді. Баршаңызға зор денсаулық, отбасыларыңызға амандық, бейбіт өмір мен бақыт тілеймін! Ұлы Жеңіс күні құтты болсын!!! Ізгі ниетпен, Арқалық Рысбекұлы