🌴مزاج سوداني 🌴

الوسائد لا تمتص الدموع وحدها أيضاً سلبتني صوتكِ الذي خبأته تحتها صوتكِ الذي ادّخرته لللّيالي الصماء لم يتبق منه سوى "مع السلامة" مبلّلة لم تستطع الوسادة هضمها .

أحلي شي فمواقع التواصل الإجتماعي إنك تنحب وتنكره وتنحظر وإنت قاعد في بيتك معزز مكرم. .

عندي صاحبي الله يطراهو بالخير شغال بي رقم حساب حبوبتو و حبوبتو متوفيه يمشي ينبشها من القبر ولا كيف 🤣🤣🤣

مروق الدنيا ساهل ومروق الجسم للناس ساهل صعب مروق الروح يوم تلتف الساق بي الساق الي ربك يومئذ المساق☝🏻 .

إن عجزت عن ردّ الجميل، فلا تجعل من عجزك إنكارًا له، ولا تُحوِّل المعروف الذي لم تتمكّن من مكافأته إلى أمرٍ لا يستحق الذكر أو التقدير. لقد امتدّت إليك أيادٍ حين كنت في أمسّ الحاجة، واحتوتك قلوبٌ في وقتٍ لم تكن فيه على ما يرام؛ فلا تُسيء إليها لمجرد أنك لم تعد بحاجة إليها. إن الوفاء لا يقتصر على ردّ الجميل دائمًا، بل قد يكفي أحيانًا أن تُقرّ به، وألّا تتنكر له حين تتبدّل الظروف وتختلف الأيام.

ليس كل من يدخل حياتنا يأتي ليشبهنا، فبعض الأرواح تأتي لتُرمّم فينا شيئًا لم نخبر أحدًا أنه انكسر. قد لا تجمعنا بهم ملامح متشابهة، ولا ظروف متقاربة، لكن أرواحهم تعرف الطريق إلى الأماكن التي أرهقنا إخفاءها. يأتون في اللحظة التي نظن فيها أن لا أحد سيفهم، فيقولون كلمة واحدة، فتسكت بداخلنا ضوضاءٌ كاملة. يمدّون أيديهم دون أن نطلب، ويمنحوننا الأمان دون أن نشرح لهم كم كنا بحاجة إليه. هناك أشخاص لا نشعر أنهم مجرد صدفة، بل نشعر أن الله أرسلهم إلينا في توقيتٍ دقيق؛ كأنهم إجابة هادئة لدعاءٍ قديم، وكأن وجودهم رسالة تقول لنا: "لم أنسَ حاجتك… كنتُ أرتّب لك من يأتيك بها." 🤍

وينك مختفي؟! والله قاعد لكن ما عايز اتكلم معاك .

المنشور ده فيهو كلام عميق جداً بوضح إني محتاج أنثى تعطف علي و تحتويني. هل من متبرعة؟😔 .

عانقيني، أنا أيضاً وسادة لا تتحرك لا تؤذي حتّى أنظري إلي لاحظي كيف لا أتنفس .

" لو ماشي فوت ما تقول عذر " مرات الإختفاء المفاجئ ما بيكون قرار اتأخد في لحظة، بقدر ما هو تراكمات سكتنا عنها لما طفحت... 🥀 ​في زول بيمشي عشان حسّ إنو قِدرُه اتغير ومكانته ما بقت زي زمان وفي زول بيبعد لأنه فهم حاجة غلط وخلا الظنون تكبر جواهو لحدي ما غطت على الحقيقة. وفي ناس بتهرب من المواجهة ذاتها، لأنها شايفاها أصعب وأوجع من الفقد نفسه، ​أصعب حاجة إنك تقعد تقلب في التفاصيل بعد ما الزول يختفي. ✨ وتسأل نفسك ألف مرة: هل أنا قصّرت؟ ولا هو فهم كلامي غلط؟ ولا ظروف الدنيا ضاقت عليهو؟ ​لكن الحقيقة المرة إنو ما كل غياب معاهو كرت اعتذار أو سبب واضح في غياب بيجي فجأة كدا، كأنو الباب اتقفل بشويش وبدون ما يعمل أي صوت! ​ومع مرور الأيام بتعرف إنو ما كل زول اختفى كان قاصد يؤذيك أو يجرحك.. #على_درب_الريـدة_نكتُب في ناس بس طاقتهم كملت، وما عرفوا كيف يودّعوا، فاختاروا الصمت بدلاً من كلام ممكن يوجع زيادة.❤✨ .

خليني اخمن .. مخطط تنعزل عن العالم و محدش يعرفلك طريق جرة وانت محدش يعرفك غير الست الوالده و اتنين تلاته بالعافيه .. صح؟!

قناة لمحبين الخواطر السودانيه ده الرابط للناس البتحب الخواطر 🌝💦 https://t.me/Sudanesenovels0

نفسي اكون مفلس يوم واحد بس 🥲 لانو كلو يوم مفلس دي حارة عدييل 🙂💔

" لسة بيناتنا المسافة " بقولوا ليك: الحب ببدأ لما الحماس ينتهي. وأنا بقول ليك: لما الحماس ينتهي… هنا بس بتعرف الحب الحقيقي ببدأ ولا كان مجرد انبهار. خليني أقول ليك حاجة… في البداية، كل شيء بيكون ساهل. الرسائل ما بتخلص، الاشتياق حاضر، والمواعيد عندها لهفة، وكل زول بحاول يوري التاني أجمل نسخة منو. لكن الأيام بتمشي… والرسائل بتقل، والمفاجآت بتبقى عادية، والانتظار ما بكون بنفس اللهفة… وبتسقط الكلفة، وبيظهر الإنسان على حقيقتو. هنا… ما تستعجل تحكم على العلاقة. هنا راقب. شوف الزول البقى يعرف عيوبك… هل لسه بيحترمك؟ شوف لما تزعلوا… هل بيحاول يصلح ولا بيحاول يكسر؟ لما تمر بيوم سيئ… هل بيضيق منك ولا بيقرب منك؟ ولما يختفي الحماس… هل بيمشي معاهو، ولا بيختار يفضل؟ لأنو الحماس ما محتاج مجهود… الحماس بيجي لوحدو. لكن الحب؟ الحب قرار. إنك تعرف تعب الزول قبل ما يحكي. تلاحظ سكوته وسط الكلام. تحس بغيابه وهو قاعد جنبك. وتحافظ على الود، حتى في الأيام البتكون فيها ما عندك طاقة تحب ولا تتكلم. الحب الحقيقي ما بتعرفو من أول شهر… بتعرفو بعد أول خلاف، وأول خيبة، وأول مرة تشوف الإنسان البتحبو ناقص، بعصبيتو، بعيوبو، وبكل الحاجات البكان مخبيها في البداية. وهنا السؤال ما بكون: هل لسه منبهر بيهو؟ السؤال الحقيقي بكون: بعد ما عرفت حقيقتو… هل لسه قلبك اختار يبقى؟ عشان كدا، لو لقيت زول حبك بس في الأيام السهلة، ما تتأكد من حبو. لكن لو لقيت زول شافك في أسوأ حالاتك، وعرف عيوبك، وشاف ضعفك، وحصل بينكم خلاف، ومع ذلك فضل محافظ على الود والاحترام… أمسك فيهو. لأنو الحماس زي الشرارة… بيلمع لحظة وبنطفي. لكن الحب الحقيقي زي النور… ما بحتاج يدهشك كل يوم، يكفي إنو ما يخليك تمشي في العتمة براسك. فلو سألتني: متين الحب الحقيقي ببدأ؟ بقول ليك… لما تسقط الدهشة، وتنتهي اللهفة، وتختفي محاولات الإبهار… ويبقى زول عارف حقيقتك كلها، وبرغم كدا… لسه بيختارك. هناك… ما بكون الحماس انتهى. هناك… الحب أخيرًا بدأ. ♥️ #زول_ساي

أنا مافي شي بفرق معاي بس بحب اسوي درامات .

أنا شخصياً بتغير كل فترة.. في حاجات عملتها في وقتها كانت صح في نظري.. بس مع الزمن عرفتها غلط وغيرتها.. في منشورات وأفكار كنت راضي عنها لما نشرتها، هسي لما أشوفها في الميموري أو أي مكان بقفلها أو بحذفها لإني ما الشخص الزمان داك افكاري بتتغير بين كل يوم وليلة.. التغيير سنة الحياة، لما تتغير إتغيّر للأحسن👌.

الحنيّة... الحنية ما ضعف، ولا معناها إنك تتنازل عن كرامتك عشان الناس. الحنية إنك تكون لين في كلامك، رحيم في مواقفك، وتعرف إن كل زول شايل هم ما ظاهر للناس. في ناس بتفتكر القسوة قوة، لكن الحقيقة إن أصعب حاجة في الزمن دا إنك تحافظ على قلبك أبيض، رغم كل الخذلان. الحنية ما بتتطلب كلام كتير، مرات بتكون في سؤال: "إنت كويس؟"، أو في سكوت ما فيه أذى، أو في موقف بسيط يطمن قلب زول. وما تنسى... الحنية البتديها للناس جميلة، لكن الأجمل إنك تكون حنين على نفسك كمان. ما تحملها فوق طاقتها، وما تعاقبها على أخطاء الزمن. لأن القلوب الحنينة تستحق الرحمة، زي ما بتديها لغيرها. #لكاتبها

الإنسان ممكن يكره أجمل ما فيه: لما بيفكر إنه اتأذى بسبب الشيء ده، ممكن يكره طيبته وصدق عهده ومشاعره وعاطفته، ممكن يكره حتى لطفه مع القريبين منه. أسوأ ما في التعامل مع شخص مؤذي إن أثناء علاقتك بيه، وأحيانًا بعد التخلص منه، بيخليك مش متصالح مع الحاجات الكويسة اللي فيك واللي استهلكها وأذاك من خلالها. التعافي من علاقة مؤذية ما بيتوقف عند التخلص من العلاقة نفسها، دي أول خطوة والأساس بس مش النهاية. التعافي الحقيقي إنك ترجع تتصالح مع الحاجات الحقيقية الحلوة اللي فيك، وتستوعب إن المشكلة عمرها ما كانت في التصرفات الجميلة، المشكلة بتبدأ لما تقدمها للي ما افهمها ولا يستحقها .

اكتر لحظة إدراك عظيمة لما تستوعب إنك ماعندك زول تكرهو ولا عندك نزاعات مع زول ولا بتحسد زول ولا بتتمنى الشر لزول، شعور رهيب لما تعرف إنو حياتك مليانة بأمور تغنيك انك تدي اي مشاعر سلبية مهما كان نوعها مكان في حياتك وانك مليان بي ناس حلوة بتحبك وبتحبهم .