𝙰𝙸𝚃𝙼𝙸𝙽 || اطمئنان🤍🫂

اللهم اجعلنا مطمئنين للأقدار.. راضين بما عندك من اختيار.. وإن غابت عنا الحكمة.. نسألك أن تُسلِّم قلوبنا من الريبة والشك.. وعقولنا من الحيرة وطول الفكر

أحب أقول لكل واحد بيضيع الصلاة وهو مطمن: والله أنا كنت زيك في يوم من الأيام. كان عادي جدًا بالنسبة لي أنام، وأظبط المنبه على الشغل أو الدراسة... لكن الفجر؟ لو فاتت فاتت! وما كنتش حاسس بخطورة اللي بعمله. لحد ما قرأت حديث النبي ﷺ عن الراجل اللي بيتعذب في قبره، ورأسه بيتضرب بالحجر ويتشق، وكل ما يرجع زي ما كان يتكرر عليه العذاب. قال النبي ﷺ: «أَمَّا الَّذِي يُثْلَغُ رَأْسُهُ بِالْحَجَرِ، فَإِنَّهُ يَأْخُذُ الْقُرْآنَ فَيَرْفُضُهُ، وَيَنَامُ عَنِ الصَّلَاةِ الْمَكْتُوبَةِ». رواه صحيح البخاري. والله الحديث ده خوفني من جوايا... خوفني جدًا. ومن ساعتها وأنا باخد بكل الأسباب عشان الصلاة متضيعش مني: أنام بدري، أظبط كذا منبه، وأطلب من اللي حواليا يصحوني لو احتاجت. والحمد لله، ربنا أعانني. وعلمني درس مهم... الدين مش حب بس، ولا خوف بس، ولا رجاء بس. الدين إنك تعبد ربنا حبًا فيه، وخوفًا من عقابه، ورجاءً في رحمته. وعشان كده مش صح إننا نكلم الناس عن الصلاة على إنها مجرد سبب للراحة النفسية أو النجاح أو الرزق. أيوه... الصلاة فيها كل الخير ده. بس أنا بصلي الأول لأنها فرض من ربنا، ولأني هُسأل عنها، ولأني خايف أقف بين إيديه وأنا مضيعها. وده مش تشدد... ده إيمان. ربنا ذكر الجنة، وذكر النار. ذكر الثواب، وذكر العقاب. ووعد، وأوعد. لأن القلوب مش كلها بتتأثر بنفس الطريقة. فلو سمعت آية أو حديث فيه وعيد... ما تضايقش، بالعكس، احمد ربنا إنه بينبهك قبل ما ييجي يوم الندم. اللهم اجعلنا من المحافظين على الصلاة، وثبت قلوبنا على طاعتك، ولا تجعل الدنيا أكبر همنا، واغفر لنا تقصيرنا يا أرحم الراحمين.

الكنز الحقيقي من وجهة نظري هو إنك تراهن على شخص وميخيبش ظنك أبدًا، وكل شوية يثبتلك إنه قد المكانة اللي أنت حطيته فيها وإنه جدير جدًا بيها، تراهن ومتندمش على ثقتك اللي اديتهاله لأنه دايمًا بيطمنك بكلامه وأفعاله، شخص يعرف احتياجك من نبرة صوتك، ويبقى حزنك هو عدوه الأول، شخص مهما ساءت الأمور بيحبك، ومهما الأمور اتحسنت بيحبك بردو، الظروف تتغير بس هو ميتغيرش♥.

أعظم رسالة حب ممكن تجيلك في شكل ابتلاء.. إن ربنا يخرجك من "منطقة الأمان" اللي نسّتك تدعيه! أحياناً ربنا بيبتلينا بحاجات برة حدود الأمان اللي راسمينها ومستريحين فيها، عشان نكتشف إن الأمان ده كان مخلينا نكسل نرفع إيدينا، ونسينا إحساسنا بقلة الحيلة واحتياجنا الحقيقي ليه. الابتلاء بييجي متغلف باللطف، عشان ترجع تسجد وتناجيه بيقين وتطلع من قلبك كلمة "مليش غيرك يا رب". وفي اللحظة دي رسالة الابتلاء بتوصل، وبترجعلك دايرة العافية والستر والأمان من تاني. فخلي بالك تنسى.. وادعي دايماً: يا رب ماتخليش نعمك تلهينا عن شكرك، وديم علينا الستر واللطف، ولا حول ولا قوة إلا بك

الشباب إللي بيناموا عن صلاة الجمعة وفاكرين إن عادي يبقوا يصلوا لما يصحوا.. ميعرفوش إن الصلاة دي مش هتنفع إلا لو فيه عذر زي مرض مثلًا.. لأن النبي ﷺ قال: "من سمعَ النِّداءَ فلم يأتِهِ فلا صلاةَ لَه إلَّا من عُذرٍ." متخيل مصيبة إللي بينام عن صلاة الجمعة بدون أي عذر وسايبها بظروفها لو صحى أو مصحاش بسيطة يعني!!! متخيل مصيبة إللي بيسمع أذان الجمعة ويكسِّل ويكمِّل نووووووم!! متخيل مصيبة الناس إللي ربنا فرض عليهم أقل من ساعة أسبوعيًا لخطبة وصلاة الجمعة وهم استكتروها لكن عاااادي ممكن يقضوا ساعات طويلة يسهروا على أفلام أو على موبايلاتهم أو ....أو ... حاجات كتيييير جدًاااا مش بيتعبوا منها ولا بيناموا ويسيبوها أصلًا! صلاة الجمعة ياشباااب.. تستاهل إنكم تخططوا لها وتظبطوا يومكم عليها تستاهل إنك تظبط منبهك وتوصي غيرك يصحيك.. أصلها أهم من أي معاد تاني بتعملّه كل الاحتياطات دي 👊

ستتفاجأ أن في هذا العالم الواسع من هو أكثر منك موهبة وأكثر جمالا وأوسع خلقا وأشد تأثيرا منك. ستتفاجأ أن هناك من يصل لمبتغاه ولم يبذل معشار بذلك، وأنك شخص عادي مثل الملايين غيرك. لكنك بعاديتك تلك يغفر الله لك زلاتك ويقيل عثراتك ويمحو عنك خطاياك حين توبتك. وأن بعاديتك تلك مثالي لغيرك من هو أدنى منك، وأن الناس تتفاوت في الأرزاق والسعة من كل شيء. ليس مطلوبا منك أن تكون فلانا ما قد وصل للحد الأقصى من أحلامك التي في صدرك، ولكن مطلوبا منك أن تجتهد على قدرك وأن تكون نسخة منك أفضل من سابقتها وأن يرضى الله عنك بفعلك وحسن صنيعك. لا تأس على ما فاتك ولا تجلد نفسك على أشياء لم تنلها، الله واسع عدل، قد بسط لبعض عباده وقبض عن بعض عباده لحكمة، وأنت في ذلك تسلم أمرك لله؛ والآخرة خير وأبقى.🌸

"ربنا افرغ علينا صبراً" . لن تكفيك جرعة أو مكيال من صبر أنت في أمس الحاجة إلى شلال فوق رأسك يغسل آلامك ويشدّ عزمك .. صبر يصمد أمام كيد الظالمين ، وفراق الأحبة ، وصعوبة الطريق ، واغراءات الفتن ، و وسوسة النفس .. ربنا أفرغ علينا صبراً .."

‏اللهمَّ إنكَ عفُوٌّ تُحِب العفوَ فاعفُ عنَّا، وعن آبائنا وأُمهاتِنا، وعن أزواجِنا وأولادنا، وإخوانِنا وأخواتنا، وأصحابِنا وأحبابنا ووعن معارِفنا، وعمَّن بالخيرِ ذكرَنا، وعن كلِّ مؤمنٍ دخلَ بيتَنا، وعن كل من له حقٌ علينا وعن المسلمينَ والمسلمات الأحياء منهم والأموات.

لو فضلت تدقق وتحسبها بالعقل هتخاف وتقلق، بس لما تسيبها على ربنا وتتوكل عليه هتلاقيها فرجت واتحلت من وسع خفف عن نفسك وما تشيلش الهّم، فوالله لو ربنا كتب لك الخير، مفيش قوة في الدنيا ولا أي عائق يقدر يمنعه عنك ولما ربنا يريد، هتلاقي كل اللِّي تمنيته جايلك لحد عندك بمنتهى السهولة، والظروف اللِّي كنت شايفها مستحيلة بتتبدل وتبقى حقيقة قدام عينيك ﴿إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ﴾.🌸

منتهى الأنانية إنك تقرر تجيب طفل للدنيا وبعدها تعيشه عمره كله تحت فاتورة اسمها "أنا ضحيت عشانك" هو مكنش موجود وقالك هاتني مكنش اختياره كان اختيارك أنت فمتحولش قرار أخدته بإرادتك لدين على شخص ملوش أي ذنب غير إنه اتولد الخلفة مش صك استحقاق للطاعة ولا وسيلة تبتز بيها ابنك نفسيًا كل ما يكبر تجيب طفل يعاني طول حياته لأنك مكنتش قادر تواجه نفسك من البداية إنك مش هتقدر تحب حد أكتر من نفسك فتخلف عشان تحقق احتياج عندك أو تظهر بصورة الأب أو الأم المثالية قدام الناس في أهالي للأسف ميعرفوش يعني إيه أب أو أم لأن الأبوة والأمومة مش مجرد إنك تجيب طفل للدنيا لكنها مسؤولية واحتواء وأمان وقبل ما تتجوز أو تتجوزي افتكر إنك مش بس بتختار شريك حياة... إنت كمان بتختار أب أو أم لأولادك

*الزلزال حصل في ثواني معدودة، محدش كان عارف ولا مرتبلها، فجأة كدا حصل.. كذلك الموت بيجي فجأة بدون ترتيب معاد تجهز نفسك عليه، فالإنسان يسأل نفسه دلوقتي هل الحالة اللي كنت فيها جاهز تقابل ربنا عليها واللا لا؟ راجعوا نفسكم، وجددوا التوبة، واعزموا النية، الموت مش بيدي إنذار، زلزال ثواني هز الأرض بقينا في حالة رعب صعبة، هنعمل اي بقا في اليوم اللي ربنا قال فيه "إذا رجت الأرض رجا" ؟ الحمدلله إن لسه في أمل إننا عايشين نراجع نفسنا.

في العلاقات الإنسانيه مِش شرط تكون كامل كفايه أوي تكون إنسان مُريح ، سوي نفسياً ، بتحب الخير لـ غيرك ، إنسان مِش مُؤذي.