بدر بن عبدالمحسن

ترى الأماكن لا خلّت منك تنعاف ‏ مثل الليالي لا خلت من قمرها ‏⁧

ماخجلت من المعاذير يالطرف الخجول ‏لا متى تشرح تفاصيل ظرفك من إلى ‏اهتمامي في وجودك غلاء ماهو فضول ‏بس شكلك ماتعرف الفضول من الغلاء ‏انتصف عمري ولا فادت أنصاف الحلول ‏وأنت قربك ما تهيّا و قلبي ما سلاء ‏واضح انك ناوي البعد قبل انك تقول ‏من بعد بدلّت لبيه في كلمه هلا ‏عشت لي لحظه ما بين التأمل والذهول ‏وانا اردد ياوجـودي و ياويـلي علا ‏العيون اللي مابين النباهه و الخمول ‏تجعل اللي ما يبالي يعوّد مبتلاء ‏ طلتّك ياغايبه تخلف ارباب العقول ‏كيف عاد العاشق اللي يبادلك الولاء ‏فيك كمية حلاووووه و كمية قبول ‏جل شان اللي عطاك القبول مع الحلاء

حبيبتي أرجوك في القلب حسره ‏كافي زعل اشغلتي الفكر هوجاس ‏والله لو تدرين ها الحب جمرة ‏بين الضلوع تشب من حر الأنفاس ‏غديت طفلٍ ضايع فيه عبره ‏محدٍ سأل وشفيه ماقال لا باس ‏وهذا الغرام الله يكفيني شره ‏بعيش أحساسه وباموت أحساس

حسايف .. تذبل الضحكة وهي بين الشفايف ‏تذبل الفرحه وتضيع ويصبـح الكون الوسيـع ‏ما يكفي خطوتين لا كساه الليل باللون الحزين

"قم و أفتح الأبواب ‏خل السما تدخل ‏والشمس و الأحباب ‏وأرجع مثل أول.. كن الحزن ما كان"

"لو حبت النجمة نهر .. طاحت على صدره سنا ‏إن مرت الغيمة قهر .. وإن هبت النسمة قهر ‏ولو رمى طفل حجر .. عكّر مواعيد الهنا ‏ أنا و انتِ نجمة و نهر"

"‏حبيبتي وإن قلتها بعض الأوقاتْ ‏من عزّتي.. ما هي ترى من خضوعي! ‏أهواك لي فوق الشواهيق راياتْ ‏وعلى حصون الياس تزحف جموعي"

‏"ضاع القصيد.. وما بقى غير الأشواقْ ‏وأحلى الشعر ما يكتب الشوق في الشوقْ ‏إن خان بي الشاعر.. فأنا جيت عشّاقْ ‏وكل عاشق لا بد ما يطلب حقوق ‏يا سودة أبها.. خاشري كل شعاقْ ‏كبد السما لا شك لدّي لي بموقْ"

‏"يا طاري الغدران والعمر رشفهْ ‏مع قلّها يا ليتها يوم تصفي ‏الحب واجد مير الاقدار صلفهْ ‏والأرض واجد لكن الحلم منفي"

"مايموت الود .. لو مات الكلام ‏لك مكان و ذكريات ولك شعور ‏ما أنت عابر في حياتي والسلام ‏أنت حتى في غيابك لك حضور"

"‏احتريه في صباح النايمين ‏ووجهي الذابل تعابيره افا ‏ياعيوني ليه باقي تحترين ؟ ‏لو يحبك عن وصالك ماغفى"

"ترى الأماكن لا خلّت منك تنعاف ‏ مثل الليالي لا خلّت من قمرها"

"ليت الثواني في شوفتك تصبح سنين ‏ليت العمر كله لقياك وشوفة عيونك"