بَحر

‏«جعل تسقى بدايات الغلا والحب ذاك الحين ‏وتسقى قطعة بيوتٍ لقانا في طوارفها»

‏رجعت أدورك بين الرسايل والصور وأدعيك ‏وأنا مدري وش اللي من يد النسيان رجعني ‏ ‏معي كلمة عتاب أكبر من أني فاقدك و ابيك ‏ذرفت حروفها أول ما عرفت أنك ما تسمعني

‏عاتبيني يا هبوب النود قبل أخلف مساري ‏ابطت انسامك مامرتني ولا اوفت في وعدها ‏انتهى ثلثين وجد وعاد ثلث الشوق ساري ‏كل ساعة تنتهي متهقويه فاللي بعدها ‏ذكريات و غصةٍ مرة وفكرة بيت ناري ‏ودي اقوله وأخاف اللي وراه أمرّ وادهى ‏الوله حارب شموخي لين ما شاف انكساري ‏و الحقيقة نارها من الشوق ماتبكي رمدها ‏ما يهدي صدمة شعوري ويمتص انهياري ‏غير ضلع كل ما أزبن في حجاه ألمح بلدها ‏كل ما تبعد حدود البوصلة عنها دياري ‏قلبي من أي اتجاه يلد فالدنيا وجدها ‏طالت الغيبة ولا مات الشغف عند أنتظاري ‏الدقيقة عند بيبان الزمان تقول زدها ‏لا تقولون المحبة و الغلا شي أختياري ‏ما يقدر قيمة الحاجة سوى اللي مافقدها ‏مالت اطراف النخيل و طارت طيور القماري ‏تحتها كان أبتسامة ثغرها و أتلا عهدها ‏بين لهفة شوقها المتسلّط و بين أحتكاري ‏شعرةٍ من صفصفة مجدولها ما هو جعدها ‏ليتها يوم سرقت قلبي وأنا ماني بداري ‏ردته ليلة موادعها وهي تومي بيدها ‏بعدها حتى الليالي مستحيل تجيب طاري ‏كل مايطرقني الهباب قالت ماقصدها ‏عايشٍ في حبها عيشة عصامي إنتحاري ‏حتى لو أخر حبال الوصل حبلٍ من مسدها ‏ذايقٍ منها عزاير موت ما ذقت أنتصاري ‏يمكن الأيام دواره واذوقها ولدها

مرّ في بالي شريطٍ فيه من عمري مواري ‏يشبه أحلام السنين وعثرة اليأس الأخيرة ‏بين صدفة جابها العمر ووداع بإختياري ‏ما عرف قلبي يطيع الواقع أو يرضي ضميره ‏كنت اظن إن مرّت الأيام بيجف انتظاري ‏ما هقيت إن الأمل يستمطر اليا جف بيره ‏ودي أقسى ودي أنسى ودي أرسى في مساري ‏وأمسك يدين اليقين اللي تخافه كل حيرة

‏فداك اللي مضى واللي بقى يفداك ‏ ترى لولا غلاك وضحكتك ما بعت خلّاني ‏ ولا جيت أتدارك ما بقى من فرحتي وألقاك ‏ وأبيع العمر كله لا أبتسّم ثغرك على شاني

‏ثلاثين ليلة وأنت ماقلت كيف اصبحت ‏تبعثرت عقبك ما طرا لك تجمعني ؟ ‏شقى واشتقيت وللمخاليق مالمحت ‏قروك بعيون للسهر منك تقلعني ‏وأنا ان شكيتك لأقرب الناس وان وضحت ‏لقيت الإجابة منه لاغاب وش يعني ‏انا اكذب عليك ان قلت ياذا البعيد انزحت ‏على كثر بعدك يمك الشوق يدفعني

على البال ياللي كل مامرني طاريك بدت كل تنهيده تمارس هوايتها أنا لو ينسيك الزمن مانيب ناسيك محبتك قصه ما أقدر أكتب نهايتها لو الوقت يرجع قبل أعرفك وقبل أجيك وقبل الهقاوي تنثني دون غايتها بروح أنتظر بأول مكانٍ جمعني فيك وبعيد تجربتي معك من بدايتها

‏صبح وجهك كل ماطل وأشرق في سماي ‏ما بقى للشمس طاري .. ولا للصبح نور

ظلّلني عن الشمس ‏وداري جبيني عن لهيب السمومي ‏لا تسألني ‏عن عذاب مضى امس ‏انا نصيتك هاربٍ من همومي

اخاف لا شفت الطموح يتحقق ‏ من كثر ماجارت عْلي سود الأيام

باقي عشان أنساك عمر و مشاوير ‏و الخطوتين اللي معي .. ما تكفي

لو تعتذر و دموع عينك من محاجرها تسيل بستان حبك ياقديمي صارت وروده سمر وشلون تبكي فوق نعشي وأنت مرديني قتيل وتقرا علي سبع المثاني وأنت دامرني دمر والله لو ابدع لك من أشعار الغزل شعر جزيل وأقطف لك النجمة وأغلف من كواكبها قمر مانيب مستغرب لو إنك رحت ما اوفيت الجميل من يزرع الصبار غير الشوك مايجني ثمر هذا أنت والله ما تغيّر تحسب الواجد قليل قنوع إلا في عطى كفوفي لو أعطيك العمر عاهدتني في حب غيري ماتحيد ولا تميل وأثرك مخاشر قلبي وقلبه لياليك الحمر خذ أسفك ماعاد لي بال على كذبك طويل إن كان بعدك مُرّ قربك ياشقى قلبي أمرّ والله لو من فوق عنقي تشهر السيف الصقيل إن رجعتك تحرم عليه مثل تحريم الخمر

عيد الله عليك يعود بالمستكا والعود أهنيك جعل الله بشوفك يهنيني

ما نقص مالٌ من صدقة https://ehsan.sa/campaign/6AE15DBA95

سمع النبي ﷺ رجلًا يقول: "اللهم إني أسألك بأني أشهد أنك أنت الله، لا إله إلا أنت، الأحد الصمد، الذي لم يلد، ولم يولد، ولم يكن له كفوًا أحد"، فقال : ( لقد سأل الله باسمه العظيم الذي إذا سُئل به أعطى، وإذا دُعي به أجاب )

الله أكبر الله أكبر الله أكبر لا إله إلا الله الله أكبر الله أكبر ولله الحمد

المحبة قبل أعرفك شي عادي .. وأعتيادي ‏بس عقبك ! والله انها في نظر عيني عظيمة ‏ودي أحطك وسط عيني وأغمض لا إرادي ‏من كثر خوفي عليك من الصواديف الأليمه ‏أعشقك وأغليك وأميزك عن كل العبادي ‏و مستعد اعيش انا وياك في رمله و خيمة

انطفى نور الأمان و ما غدى للصُبح طاري ‏و إبتدا ليل الشعر يرسل مع العتمه نذيره ‏مرّ في بالي شريطٍ فيه من عُمري مواري ‏يشبه أحلام السنين و عثرة اليأس الأخيره ‏مو غريب إن السكون يجول في سكَّة نهاري ‏الغريب إن الصخب في ليلي أحداثه كثيره بين صدفه جابها العمر و وداعٍ بـ إختياري ‏ما عرف قلبي يطيع الواقع أو يرضي ضميره ‏كنت أظن إن مرَّت الأيام بـ يجف إنتظاري ‏ما هقيت إن الأمل يستمطر إليا جفّ بيره ‏كيف صارت وحشة الغربه تغنِّي في دياري ‏ذبلت أنوار الشوارع و انطفت شبه الجزيره ودي أقسى ودي أنسى ودي أرسى في مساري ‏و أمسك يدين اليقين الِّلي تخافه كل حيره ‏وش على يمناي تتحمل شقا خطوة يساري؟ ‏وش على القلْب يتحمل صدمة الوهم الكبيره؟ ‏لـ الليال الذكريات و لـ الصباحات الطواري ‏و لـ العبور التضحيات و لـ السنين البُعد خيره العمر ما هو مشاورني و لا رهن لـ قراري ‏العمر يمْضي وسيف الوقت ما يحضن جفيره ‏ذي نجوم التايهين اللي تجلَّت في مداري ‏و ذا خفوقي مؤمن إن التيه منفاه ومصيره ‏لا تداوين الجروح و لا تمرين إنكساري ‏وجهك أنتِ له ملامح تبري الجرح وتثيره يا عظيمه ما معي غير الموادع وأعتذاري ‏ما بقى في مرجع الإحساس درع ولا ذخيره ‏كنت داري بالرحيل المُر والله كنت داري ‏و كنت داري إن الوادع أقسى من الدرب وهجيره ‏إذكريني لا بكت نجد و تخطَّتها الصحاري ‏و أكتبيني للرسايل كل ما انقصَت ظفيره إنتهى عذر الِّلقاء من يوم ما مات إنبهاري ‏يوم جيتيني ورحت و لا طرى للشُّوق سيره