Bebo Trading 2.0

مهتم اسمع اجاباتكم https://x.com/ixbebo/status/2087834941690204474

الشارت لمؤشر ال EGX30 في السوق المصري البورصة المصرية بقالها حوالي 4 سنين في Bull Market شبه مبيوقفش 📈🇪🇬 من قاع 2022 لحد دلوقتي ال EGX30 عمل صعود ضخم جدا وفي أسهم جوه السوق حققت ارتفاعات وصلت لمئات النسب المئوية وأسهم كتير حاليا حوالين أعلى مستوياتها التاريخية ATH طيب إيه سبب الصعود ده؟ جزء منه طبعًا راجع لأداء الشركات لكن جزء مهم في رأيي مرتبط بانخفاض قيمة الجنيه والتعويمات اللي حصلت. لأن شركات كتير في البورصة عندها أصول أو إيرادات أو منتجات قيمتها مرتبطة بشكل أو بآخر بالدولار. فجزء من الصعود اللي شايفه هو نمو، وجزء تاني إعادة تسعير للأصول بالجنيه. لكن خليني أقولك تجربتي الشخصية مع السوق المصري 👇 أنا جربت السوق المصري وجربت عليه ال SMC وقارنته كمان بأسواق تانية، وفي النهاية محبتوش كسوق للمضاربة. مش معنى كده إن السوق المصري وحش أو مبيتعملش منه فلوس. السوق المصري زيه زي أي سوق… لو تمكنت منه هتعرف تكسب منه. لو بقي عندك خبرة فيه هتعرف تستغل حركته. ولو دخلته من غير ما تفهم طبيعته، هتخسر فيه عادي جدًا. أنا شخصيًا مشكلتي معاه إن المضاربة فيه بالنسبالي مش مجزية بالشكل الكافي، والمضاربة بالنسبة لي مهمة أكتر من الاستثمار، لأن عوائدها أسرع ومناسبة أكتر لطريقتي. ولو هرتب الأسواق من تجربتي وطريقة تحليلي: السوق السعودي 🇸🇦 > السوق الأمريكي 🇺🇸 > السوق المصري 🇪🇬 وخصوصًا مع الـ SMC، السوق السعودي كان أفضل بالنسبة لي. لكن لو أنت شغال على السوق المصري، ففي نقطة شايف إنها ممكن تفرق معاك جدًا 👀 متبصش للسهم لوحده. ركز على المؤشرات الرئيسية في السوق، وحاول تفهم حركة كل مؤشر، وتقارن المؤشرات ببعض، وبعدها اربط حركة المؤشر بالأسهم الموجودة جواه. EGX30 - EGX70EWI - EGX100 EWI - EGX33 Shariah لأن المقارنة دي ممكن تساعدك تفهم: السوق رايح فين؟ السيولة بتتحرك فين؟ وأنهي مجموعة أسهم ممكن تكون فرصتها أفضل؟ مؤشرات السوق المصري في النهاية زي مؤشرات أي سوق تاني. القيمة الحقيقية في إنك تعرف تقارن مؤشر بمؤشر، وتدمج التحليل بتاعهم مع بعض، وفي الآخر تحول المعلومة دي لقرار: أختار أنهي سهم وأدخل إمتى؟ وده جزء مهم جدًا ناوي أتكلم عنه وأنا بحاول أقرأ المرحلة الحالية للسوق المصري… خصوصًا إننا بنتكلم عن سوق صاعد بقاله حوالي 4 سنين، ومؤشراته حاليًا عند قمم تاريخية. https://x.com/ixbebo/status/2087208819633893609

السر اللي بيخلي أفضل التحليلات تضرب Stop Loss ليه السيولة مهمة للدرجة دي؟ تابع الثريد وافهم اكتر 📱🧵 https://x.com/ixbebo/status/2086423646688428262 لو معندكش تويتر تقدر تشوف المقال علي الموقع هنا https://www.wolfcharts.com/ar/articles/liquidity

خليك متاكد ان محدش من الدعم او مستر بيبو هيتواصل معاك خاص واي رساله زي كده هي نصب حساب الدعم الوحيد 🔗

$BTC 💸 في سيناريو وارد يحصل للبيتكوين ولو حصل هشتري بجزء إضافي من رأس المال وأزود كميتي فيه سيولة أسفل خط الترند المنقط المرسوم على الشارت والسعر احتمال ينزل يسحب السيولة دي وبعدها يبدأ الصعود ✔️ ولكن في شرطين اضافيين لو حصلوا هيكون دخول اقوي 1- البيتكوين يحافظ على قاع 57,800$ 2- مؤشر TOTAL3 يكسر قاع 640B لو السيناريو ده حصل، فدي هتكون بالنسبة لي نقطة دخول كويسة جدًا للسوق عمومًا. لكن دخولي هيكون في البيتكوين والإيثريوم فقط، ومش هدخل في العملات البديلة دلوقتي وبرضه هدخل بنسب بسيطة، لأننا كنا داخلين بالفعل اكتر من مره بنسب قبل كده، فمش عايز أخاطر بجزء كبير من المحفظة في المرحلة الحالية. آه، فيه إشارات كويسة جدًا إن السوق ممكن يصعد أو على الأقل يعمل ارتداد قوي، لكن إشارة الصعود لتسجيل قمة تاريخية جديدة لسه مظهرتش. وعشان كده مش هدخل بنسبة كبيرة قبل ما الإشارة دي تظهر بوضوح. https://x.com/ixbebo/status/2083195132573057280

في سيناريو لو حصل هشتري البيتكوين وهزود كميتي سواء بيتكوين او الايثريوم هشرح التحليل والسيناريو بالتفصيل في البوست الجاي لو مهتم تفاعل مع البوست علي تويتر 📱✔️ https://x.com/ixbebo/status/2083188891679384002

جمعه مباركه إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا. لا تنسوا سورة الكهف✅

وقت ما نزلت تحليل سهم $TSLA كان فيه صديق فاضل سألني هتستنى السهم ينزل 50% عشان تشتري؟ دلوقتي السهم هبط حوالي 24% من وقت التحليل ومعاه أغلب أسهم السوق الأمريكي دخلت في تصحيح قوي لكن بعيدًا عن صحة التحليل من عدمه... السؤال نفسه مهم جدًا، لأن إجابته بتوضح الفرق بين المتداول والمستثمر. أول سؤال لازم تسأله لنفسك: أنت داخل السوق كمضارب ولا كمستثمر؟ الفرق بينهم كبير جدًا، وكل واحد ليه طريقة مختلفة تمامًا في التعامل مع السوق. أنا شخصيًا، وجودي في السوق الأمريكي، هو أقرب للاستثمار في شركات قوية على المدى الطويل. علشان كده... أنا مش بستنى السهم ينزل 50% او بفضل متابع السوق بشكل مستمر أنا ببساطة بحدد مناطق شراء قوية، وبحط Alert عليها لو السعر وصلها، ببدأ أدور على إشارات دخول مناسبة، وبعدها أشتري. ولو موصلهاش؟ أنا مخسرتش أي حاجة وده في رأيي المفروض يكون أسلوب تفكير أي مستثمر، سواء في الأسهم أو الكريبتو أو أي سوق تاني كل مستثمر بيحدد المناطق اللي شايفها عادلة أو مناسبة لاستراتيجيته، وبعدها يستنى السوق هو اللي يجي عنده، مش العكس. لأني مش مجبر أكون داخل السوق طول الوقت. ممكن تكون منطقة الشراء بعيدة عن السعر الحالي، وده طبيعي جدًا لو تحليلك استثماري أما لو أنت مضارب، فدي مدرسة مختلفة تمامًا. ممكن تدخل صفقات قصيرة المدى، وتشتغل على حركات أصغر، بل وحتى تتداول عكس الاتجاه العام لو عندك سبب فني واضح، أو ظهر عندك Setup من النماذج اللي شرحتها في الكورس. وده مش معناه إن واحد صح والتاني غلط... لكن الخطأ الحقيقي إنك تستخدم أسلوب المضارب، وتنتظر نتائج المستثمر...أو تستخدم أسلوب المستثمر، وتستعجل نتائج المضارب. كل أسلوب له قواعده، وأهم حاجة تكون عارف أنت داخل السوق ليه، وإيه الأسلوب اللي مناسب ليك. 🎯 https://x.com/ixbebo/status/2082144845808759118

فايدة تحليل المؤشر العام لأي سوق 👇🫡 من اسبوع نزلت ثريد كامل بشرح فيه السوق الأمريكي و مؤشر S&P 500 وتحليله واماكن الشراء لأسهم قوية بالنسبالي أنا حاليًا في انتظار وصول الأسعار لمناطق الشراء اللي محددها مسبقًا أنا مش بجري ورا السعر بحدد مناطق قوية وبحط Alert ولو السعر وصلها بدخل 💜 https://x.com/ixbebo/status/2081820877625115071

هل التداول حلال أم حرام؟ الأسهم والكريبتو والفوركس مقال طويل لو عندك وقت كمله للأخر او احفظه عندك شوفه بعدين السؤال ده من أكتر الأسئلة اللي بتتكررر من أي شخص بيفكر يدخل الأسواق المالية والحقيقة إن الإجابة مش هتكون: التداول حلال بشكل مطلق أو التداول حرام بشكل مطلق فخلينا نشرح🧵🧵 https://x.com/ixbebo/status/2081305167358472637

فهم المصطلحات دي وتجميعها كلها جنب بعض هو اللي هيخليك تتعامل مع أسواق التداول بجدية وتبني قراراتك على علم وفهم حقيقي أما أغلب الطرق التانية فللأسف هتبني أوهام https://x.com/ixbebo/status/2080974592827420982

سهمين شايف إنهم فيهم فرصه في السوق الأمريكي حاليًا 👇 1- $TSLA ⚡️ عندنا مستوى 214$ وده قاع تحته سيولة واضحة. من وجهة نظري، السيناريو الأقرب هو إن السعر ينزل يسحب السيولة دي، وبعدها يبدأ الارتداد من ال Order Block الموجودة أسفله ولو تفتكروا، إحنا كنا داخلين شراء من حوالى 125$، ووقتها كنت نزلت التحليل وقلت إنها منطقة شراء، والحمد لله السعر وصل للأهداف. 2- $AAPL ⚡️ السهم كون قاع قوي،ممكن نشوف هبوط للسهم ناحية المنطقة المحددة على الشارت. ولو وصل للمستوى ده، فبالنسبة لي هتكون منطقة شراء جيدة، بشرط ظهور إشارات دخول مناسبة. 📊 الاتنين مرتبطين بشكل كبير بحركة مؤشر S&P 500، علشان كده بفضل دايمًا أحدد اتجاه السوق الأول، وبعدها أبدأ أختار الأسهم. 👇 وهسيبلك تحت رابط الثريد اللي شرحت فيه بالتفصيل إزاي تشتري الأسهم الأمريكية باستخدام USDT من خلال منصة OKX. https://x.com/ixbebo/status/2079647387971195388

قبل ما تشتري $SPCX او أي سهم امريكي لازم تعرف السوق الأمريكي نفسه رايح فين. السوق الأمريكي هو أكبر سوق أسهم في العالم لما حد بيقول إنه بيستثمر في السوق الأمريكي، فهو بيقصد الاستثمار في أسهم شركات عالمية زي: $AAPL - $MSFT - $AMZN - $META - $GOOGL وغيرهم من أكبر الشركات في العالم. في الثريد ده هنتكلم عن السوق الأمريكي، وإزاي تحلل اتجاهه، وإزاي تقدر تتداول أسهمه بسهولة. تابع للأخر عشان في مسابقه بالتعاون مع okx وجوائز هوزعها 🧵🧵 https://x.com/ixbebo/status/2079592265136136238

تحديث البيتكوين وسوق الكريبتو 💸 احنا كنا اشترينا من عند قاع ال 58 ألف و كان دخولنا بهدف إن السعر يصعد ناحية قمة 82850 الموضحة في الصورة وده يمثل صعود حوالي 42% من القاع. وده حتى الآن هو السيناريو اللي شايفه على الفريم الأسبوعي. طيب هل عندنا كونفرميشن على الفريمات الصغيرة؟ لا مفيش كونفرميشن واضح حتى الآن، لكن فيه إشارات دخول كويسة، وعلشان كده إحنا داخلين السوق بنسب بسيطة. هل البيتكوين بعد 82 ألف هيكمل ويعمل قمة تاريخية جديدة؟ معرفش لما يوصل للمنطقة دي هنشوف وقتها شكل الصعود، وهل فيه قوة تكفي إنه يكسر القمة التاريخية ولا لأ. لكن فيه سيناريو تاني الحقيقة أنا بفضله أكتر، حتى لو هيكون سيئ لمعظم المتداولين. وهو إن البيتكوين ينزل يسحب سيولة قاع 49000. ولو حصل ده، ومعاه شفنا فوليوم مشابه للقاع السابق... زي الصورة تحت أنا وقتها هدخل ALL IN. واللي هيشوف السيناريو ده ومش هيستغله هيكون بيضيع واحدة من أفضل الفرص اللي ممكن تتكرر في السوق. خصوصا في نفس الوقت هيكون USDT.D بيحقق قمة تاريخية جديدة وقتها السعر هيعمل رياكشن بعد سحب القمة التاريخية الرياكشن ده هيقابله صعود قوي في العملات الرقمية حتى الآن إحنا داخلين السوق بنسب بسيطة من القاع الحالي، وكمان من القاع اللي قبله لو ظهر كونفرميشن قوي هنزود مراكزنا تدريجيًا أما لو وصلنا فعلًا لمنطقة 49 ألف، فبالنسبة لي هتكون منطقة ALL IN. ويمكن أسيب حوالي 10% من رأس المال لو ظهر وقتها Altcoins فرصته أوضح أو أقوى، لكن باقي رأس المال هيكون في البيتكوين فقط https://x.com/ixbebo/status/2078895081327628758