O'EP BOYSUN TUMAN KENGASHI

#Boysun_tumani #Deputat_faoliyati Deputat o‘z saylov okrugida qurilish-ta’mirlash ishlari bilan tanishdi O'zbekiston Ekologik partiyasidan saylangan Xalq deputatlari Boysun tuman Kengashiga 12-Kofrun saylov okrugidan saylangan deputat, tuman hokimi B. Shukurov o‘z saylov okrugida PQ-141-sonli qaror ijrosi doirasida amalga oshirilayotgan qurilish va ta’mirlash ishlarining borishi bilan tanishdi. O‘rganish davomida qurilish ob’ektlarida olib borilayotgan ishlar sifati, belgilangan muddatlarga rioya qilinishi hamda obodonlashtirish ishlarining holati ko‘zdan kechirildi. ✅ Jumladan, hududda piyodalar yo‘laklari barpo etish, 32-son umumta’lim maktabida 180 o‘ringa mo‘ljallangan qo‘shimcha bino qurish ishlarining borishi ko‘zdan kechirildi Shuningdek, mutasaddi tashkilotlar va pudratchilarga qurilish ishlarini belgilangan talablar asosida, sifatli hamda o‘z vaqtida yakunlash yuzasidan tegishli topshiriq va tavsiyalar berildi. Aniqlangan kamchiliklarni qisqa muddatlarda bartaraf etish, aholi uchun qulay va zamonaviy infratuzilmani yaratish bo‘yicha mas’ullarga vazifalar yuklatildi. Ekopartiya Surxondaryo viloyat Kengashi matbuot xizmati

#Boysun_tumani #Murojaat ♻️ Boysunda qabriston hududi ekologik holati o‘rganildi O‘zbekiston Ekologik partiyasi Boysun tuman Kengashi raisi hamda Ekopolitsiyaning Boysun tuman bo‘limi xodimlari hamkorligida tumandagi Obodonlashtirish boshqarmasi tasarrufidagi qabriston hududi o‘rganildi. O‘rganish davomida hududni xas-xashaklardan tozalash va obodonlashtirish ishlari o‘z vaqtida tashkil etilmagani aniqlandi. Holat yuzasidan mas’ul shaxs X. K ga belgilangan tartibda ko‘rsatmalar berilib, kamchiliklarni zudlik bilan bartaraf etish hamda ma’muriy jarima qo‘llanilishi mumkinligi haqida ogohlantirildi. Ekologik tozalikni ta’minlash va jamoat joylarini ozoda saqlash borasidagi nazorat tadbirlari izchil davom ettiriladi. Ekopartiya Surxondaryo viloyat Kengashi matbuot xizmati

#Boysun_tumani #Gazeta Oʻzbekiston Ekologik partiyasi Boysun tuman partiya tashkiloti raisi U. Boymatovning ʼʼYozda daraxt sug'orish usullariʼʼ nomli maqolasini Boysun gazetasining 2026-yil 16-iyuldagi chop etilgan 13- sonida oʻqing. Ekopartiya Surxondaryo viloyat Kengashi matbuot xizmati

#Boysun_tumani #Jamoatchilik_eshituvi_monitoring 🌳 "Mening bogʻim" yashil jamoat bogʻida jamoatchilik monitoringi oʻtkazildi Oʻzbekiston Ekologik partiyasi Boysun tumani Kengashi raisi U. Boymatov, Ekopolitsiyaning Boysun tuman boʻlimi boshligʻi I. Azamov, Oʻrmon xoʻjaligi inspektori B. Baxodir hamda partiya faollari ishtirokida Boysun tumani Mustaqillik mahallasida Machay oʻrmon boʻlimi tomonidan barpo etilgan 3 gektarlik "Mening bogʻim" yashil jamoat bogʻida jamoatchilik monitoringi oʻtkazildi. Monitoring davomida hududga ekilgan 400 tup manzarali koʻchatlarning toʻliq ekilgani, tomchilatib sugʻorish tizimi yoʻlga qoʻyilgani, piyodalar yoʻlakchalari barpo etilgani, dam oluvchilar uchun 10 ta skameyka hamda 4 ta chiqindi qutisi oʻrnatilgani oʻrganildi. Monitoring yakunida yashil hududni asrash, koʻchatlarni muntazam parvarishlash va bogʻning ekologik hamda estetik holatini saqlash yuzasidan masʼullarga tegishli tavsiyalar berildi. Ekopartiya Surxondaryo viloyat Kengashi matbuot xizmati