اشعار ابو ذيّة

الدهر شلون مثل الجگاره ورثاني وحزن الخمسة كله ورثاني اخوتي مشو واحد وره الثاني وبقت ديارهم وحشه وخليه

السهر ماخذها عافيتي واناعليك اسهرت واليل اخلصنه ون عليك اوگف يم المرايه وانعليك بكثر ماغيريت ارسوم بيه

يروحي انسي التطشر چا تلمي الـبگالي ! وبالـيلومـچ چا تلمي امـر وامشي عله درب چاتل امي ولا مـر علـه درب الـخان بيـه

شجاك شغيرك عني ولا هاك وحك رب البشر كلها ولا هاك بعد شبيك ما اكلك ولا هاك ولا أريدك تجي وتسأل عليه

نار  الشوگ  مامره  وجر بيك ولامره الوكت ظيمه وجر بيك چنت يمي واصيحلك وجر بيك هسه بعيد شيجرك عليه

اجر ونه بتوالي الليل مالوم يلوموني وكلهم عيب مالوم عندي ويه الاحبه گلب مال أم اسامح وانسه حتى الخان بيه

كمر خده بظلام الليل ويلا شفته وكمت اصيحن ويل ويلا لزمته وردت ابوسه وصاح وي لا ولك يا بوسة عمي استر عليه

خذ النار من گلبي وشب هاك بعمري ماشفت مثلك وشبهك احيرن بيش اوصفك وشبهك اذا گلتلك گمر ..تزعل عليه

چکاره من التتن لف لي ولف لك ولف لعنه على الواشي ولف الك لا انت ولف لي ولا انا ولف لك ذكرك يجيب الهم اليه

تعال ومر حتى لو جاثوم اعرفك ما وراك احلام ورديه

تَزهر ايامي عام بعد عام 26/7 🩶

هلا يلكسره لسانه برائه هلا يلوجه بي كومه برائه من شوفه وعلي جن طالع برائه واتيه واهلي اليدلون بيه

مرة اصفن عليكم مرة اسايل مرة الدمع ناشف مرة سايل مرة احتارشكتب من رسايل مرة انتضر ساعات المنيه

وحك الي مشو للشام يسره وعسى يمناي ماتحتاج يسره ربك كال بعد العسر يسره العسر شفته واليسر مامر عليه

مريض ولاجنح عندي ومركم وحرت مابين امر الله ومركم يمته من المرض اشفه ومركم وعاتب كل محب مايسل عليه

رياگي من جثير الصبر مرات انكروني الجانو يمرون مرات اعد وانصح واعاتب بعض مرات وبعض مرات اگولن هاي هيه

إشخيرك هايبعد الروح واللعين بعدگ زاد ولعي وصار واللعين گمت اكره ليالي الشوگ واللعين ساعه إلي عرفتك بيـــــــها اذيه

مدري الصوج بيهم مدري.بينه مدري المات ابوهم مدري.بينه تره سالفته حيل. بينه يمكن عشك ثاني عليه