مَـلاذٌ 🫂.

﴿ قَالَ إِنَّمَا أَشْكُو بَثِّي وَحُزْنِي إِلَى اللَّهِ ﴾.

‏لولا اسمُ اللَّهِ الواسِع؛ لاستَسلَم المَرءُ لِضيقِ دُنياه.

صارلي هواي ما كاتبة شي، يمكن لأن ما جان عندي كلام ينحچي… أو يمكن لأن أكو كلام هواي، بس ما لگيت الشخص اللي أگدر أحچيله.

الشخص المناسب… يخفف عنك من دون ما تحس. مرات أكون بأمسّ الحاجة لأحد يحط إيده على كلبي حتى أطمئن، بس ما لكيت هالإنسان. حتى صرت الأشياء اللي أحتاجها، أنطيها لغيري من دون ما أنتبه. كلبي ما يحس بالأمان وي أي أحد، بس من أحب شخص، أحاول أخليه يحس بالأمان بطريقتي؛ أحط إيدي على قلبه حتى يهدأ، وأنطيه جتفي حتى من يتعب يسند راسه عليه ويبچي براحته، وأحاول أفهمه من دون ما يحچي، وأشيل عنه تعبه وهمّه وكأنه همّي. بس كل الأشخاص اللي حبيتهم، عجزوا ينطوني حتى لحظة أمان وحدة… لحظة أگدر بيها أسلّم كلبي إلهم، وأنا مطمئنة إن ما راح يأذوني. يمكن أعرف شلون أكون أمان لغيري، بس لحد هسه ما عرفت شلون أنطي الأمان لنفسي.

ربّاهُ إني لم أبُح! لا أخ يدري ولا صديق!.

أكرَهُ في أنَّني سَريعة التأثّر، يُكسر خاطِري بسُرعة، صَحيح أنه يُجبَرُ بسَرعة أكبَر، إلَّا أنَّني أكرهُ أن أهُون!

جنت أعتقد من أضيع وأتعب، أكو شخص أگدر أروحله بدون تردّد، أضع عنده كل تعبي وأطمّن… بس هالفترة أكدتلي إن ماكو هذا الشخص. ومرات تمر بيك فترات تعلّمك إن مو كل شخص لازم تبقى صاحبه، ومو كل شخص لازم تهتم له، لأن بالنهاية أكو لحظات راح تكتشف بيها إنك وحدك. وعرفت إن المكان اللي أذاني مرّة، غلط أرجعله مرّة ثانية، وإن الإنسان اللي عافني بنص الدرب، ما يستحق فرصة ثانية، والشخص اللي حچى عني بكلام، لو سمعه الصخر لتفطّر من قساوته، المفروض أقطع كلشي بيني وبينه. مو قسوة، بس تعلّمت أحفظ كرامتي وراحتي؛ وأنا ما أخسر أحد، اللي يختار يبتعد أخليه يروح، واللي يختار يأذيني أختار نفسي وأمشي.

مرّتين لَزَمْتُ قلبي في الحياة؛ مرّةً وأنا أسأل نفسي: أهذا حقًّا قلبي؟ وكيف اتّسع لكلّ هذا الحب؟ ومرّةً أخرى، وأنا أسأله: كيف استطعتَ أن تتحمّل كلّ هذا الوجع؟ وبين السؤالين… قصةٌ صغيرة، لكنّها كانت كافيةً لأفهم أنّ القلب الذي يتّسع لكلّ هذا الحب، لا بدّ أن يكون قد تعلّم كيف يحمل كلّ هذا الوجع.

يا حُسَيْن دَنيا غُربَة .. و خَادِمكَ مشلوع گلبه..

شِفتني واني أبيع الدنيا علمودَك! هسه يلا إسحَبلك كُرسيّ وأگعُد شُوفني شلُون أبيعك بِرخص أنتَ والدنيا عَلمود نَفسي.