قناه محبي دارميات والابوذيات العراقيه🍃

الرحت مني وعفتني وانتبيني صدودك صبح عدمن وانتبيني كرفت الدنيا كلها . وانت بيني وبينك شبر ما ضال ليه صادق _الفكيكي🍃

ايا ريته الحده بالضعن جادار وجه ودمع من العين جا دار احس منصوب بالدلال جادار نعي وبغيج سوه جفاك بيه حسين _عجيل_ الابراهيمي 🍂

اخذ الطبيب بمعصمي متحسسا نبضات قلبي ثم قال : غريب !! لا نبض عندك اين قلبك يا فتى؟ فأجبت قد اخذ الفؤاد حبيب ابدى ابتسامته وقال: تجيئني؟ اذهب اليه فما سواه طبيب بس بسمك لساني صار رده مشيت ومن مشيت الحال رده اذا ما ترضه ترجع خاب رده دليلي اتحير الدكتور بيه حسين_ عماد🍀

الامام علي (ع) يقول ( الانسان بناء الله فويلاً لمن هدمه) اهدمتني اويلك من الله بهدماي اجفوفك لسه من طعني / بها دمي اجيت وديرتي مجلبة بهدماي تعت وانه ازحف البابك بدية حسين_ عماد☘️

صعدت غيرته وحط جريته بضهره وكال الماي اجيبه وداعت الحره وصل شط الفرات وما شرب طره كبل حسين واطفاله شلون اشرب واتهنه علي _خضير _الصالحي🍂

ياجف مثل جف عباس جف فوك الثره امكطع ! أميه رادت الرايه او عصت بجفوفه ما تطلع ضل الكون متحير لاسامع ولا يسمع جف ميت ما ينطي الرايه ناظم_الحاشي🌱

لوناخذ نبي اويه احسين بالمقياس خشب عصاة موسى او عصته العباس شمرهه ابنص زلمهم واخذ بيهم باس بلعتهم كلهم عصاته ناظم _الحاشي🌱

ساعة منولد عباس واول ما حضن مهده وكف حيدر على راسه اوراد العهد من عنده كله مو اتعوف احسين يوم الطف يضل وحده هز راسه عباس الحيدر ناظم _الحاشي🌱

ها بالجنت احط خدي بختكم يخوتي الهيبه بالعالي بختكم دريتو الشام شمسوي بختكم اه يا الشام سوه سوايه بيه علي _صكار _الرحيماوي🌿

الما ياري عله ابن ادم يرى وياي الرئيتا وين اكو واحد يرى وياي الحبل ما ير عدل اعوج ير وياي حته بنومتي ما عاف اديه علي _صكار _الرحيماوي🌿

جنه بدار واحد هسه دارين صرنه وندخل احنه الشام دارين خيل اتحوم صدره وخيل دارن علينه وجا شلون اخيول هيه علي _صكار_ الرحيماوي🌿

عليك عيوني بلطف حيل يمعن يل فوكك اسهام وخيل يمعن اخيتك بالها ضل غاد يم عين ابو فاضل وترجية رقيه علي_ صكار _الرحيماوي🌿

أنه الما صح زماني بيوم والماي غدة حزني اعلة ابوي حسين والماي نذبح عطشان يم الماي والماي يجري ، ومنه حرموه آل امية . سيف_المدرس🍁

شعظم من فكد مسلم وشدها يحل مني حزم صبري وشدها ابن عمي وكسر ظهري واشدها حميده الخلت اشچم جرح بيه فراس_ المحمداوي🌾

اناشد عن ابوي الراح حل وين والكه الشدتي وفرگاه حل وین؟ يتيمه من اشوف اطفال حلوين وي ابوهم الف موت ايمر عليه فراس_ المحمداوي🌾

جف الساده والما يلتوي اطباعه ولا ما جابته امه اليلوي اذراعه صور الحشر صوته وضربته الساعه ( ادخيلك يالعباس ادخيلك يابو اذراع الاح الغيم ) ابو فايز _ الرافضي☘

الكافل مارهمله اگماط بصیاره ابوجف الترك بالشاطي الف شاره الطف ايخاف منه اكباره وزغاره ( الريشه الفوك الكافل بيها حسين يحل شدات ) ابو فايز _ الرافضي☘

عسه مكطوع من الصدر ما جار مايك يا نهر لن جار ما جار عالعترة مصايب وابد ما جار أبن المصطفى وناصر أمية قاسم_ الساعدي _المندلاوي🍂

جرح نابج دليلي ونبت بي ناب وحزنج هد مالي الحيل بي ناب عكب عباس أنه اطلعت بیناب الخدر بالمشرعة راح امن اديه قاسم_ الساعدي _المندلاوي🍂

يماي احجي بگمرنه ما تراله اثر وبيوم طبك ما تراله خيم واطفال وانت ماتری له نصيب من العذب ويروي اخيه علي _العزامي _السماوي🌾