Medical Data Without Youtube🤍🌺

☕ كل كوب له حكاية... سواء كنت بتشرب قهوة، شاي، نسكافيه، مشروبات طاقة... أو حتى مبتشربش كافيين. شارك في الاستبيان وساعدنا نفهم عادات استهلاك الكافيين بين طلاب الجامعات في مصر 🧠. ساعدنا نفك الشفرة بين الطلاب في مصر من خلال استبيان بسيط وسريع.☺️ ⏳ دقائق قليلة منك = مساهمة حقيقية في بحث علمي. ممكن محدش من الشباب يتجاهل الفورم دا عشان نسبة ال males عندنا قليلة جدا والديدلاين قرب https://forms.gle/kQDZY2XpEhPF8uHX8

لا يكتمل إيمان المرء حتى يدرك أن كل ما يحدث له من خير وشر هو شفرة يقول بها الله شيئًا ، وهمسة يهمس بها في أذنه .. وإن يكن الميكروب هو الذي يُمرض في الظاهر ،فإن الله هو الذي أرسل الميكروب وكلفه بما فعل في الحقيقة ، فلا شيء يحدث في الكون خلسة من وراء خالق الكون .. وطفيل الملاريا في فم البعوضة جاء مكلفًا .. والسقف انهار على السكان فعل ذلك بميقات معلوم وكان من الممكن أن ينهار والبيت خال من سكانه ولكنه فعلها وهم نيام ، فقتلهم في ميقات معلوم ولم يقتل الرضيع في حضن أمه لحكمه مراده .. واللبيب هو من يفهم الإشارة ، ويلتقط العبارة .. والمرض سجن وهو أحيانًا سجن مؤقت وأحيانًا سجن طويل وأحيانًا سجن مؤبد ، والسجين الملهم هو الذي يعرف لماذا أصدر الله أمرًا بسجنه ولماذا خفف عنه الحكم ولماذا عفا عنه .. فالخلية السرطانية لا تنشط إلا بأمر من ربها ولا تتوقف إلا بأمر آخر منه .. والجينات التي تحكم الخلية هي مجرد أسباب ظاهرة .. ولا يعلم أحد إلى الآن لماذا يكمن الجين و ينام ولماذا يصحو ويدمر ومتى يفعل هذا ؟؟!! ومتى يفعل ذاك ؟! والمؤمن يرد كل شيء إلى مشيئة ربه و يراه ممسكاً بمقاليد كل شيء ويرى بيده حركات الذرة والمجرة والفلك الأعظم وما فيه ومن فيه .. ويراه المُريد الأوحد فوق إرادات كل المريدين .. ويرى كل ما يجري عليه من مقادير .. رسالة خاصة .. وشفرة يخاطبه بها .. ويرى كل شر يصيبه .. في باطنه خير .. وكل بلاء ينزل به في مضمونه حكمة .. إن لم تظهر الآن فسوف تظهر غداً ، أو بعد غد .. ذلك هو الرحمٰن جل جلاله الذي قال : سبقت رحمتي غضبي ! كتاب " تأملات في دنيا الله " .

لو تعرفوا اي حد بيذاكر للمعادلة او حتى للكلية وعنده مشكلة فالمواد الجنرال خاصة البايو والميكرو والباثو ، ف دي قناة ل د محمد العوضي بيشرح عليها المنهج كامل من مقرر المعادلة الأمريكية USMLE هتفيدكم جدا جدا جدا مجااااااني بالكامل االلينك ف اول كومنت منشنوا للي تعرفوه وبالتوفيق رابط القناة https://t.me/usmle_middle_east

أستاذ درس لى باثولوجى من ٢٥ سنة بقابله فى العمليات بيناظر عينة لمريض أنا الاستشارى اللى مخدره . طبيب امتياز كان بيسألنى ياخد نيابة إيه ، مرت السنوات و كان هو الجراح اللى عمل لى عملية . أستاذ امتحننى فى البكالوريوس لقيتنى بخدره بعد ١٠ سنوات بيزرع كلى . استاذ درس لى فى سنة أولى خدرته بعدها ب ٢٠ سنة فى عينة نخاع لاشتباه ورم . الفنى اللى كان بيساعدنى مرت الأيام و كان بيساعد الزميل اللى خدرنى. العامل اللى بينقل المرضى معايا جه اليوم اللى نقلنى . العمر بيجرى و القوى بيضعف و الصغير بيكبر و الجمال بيكرمش و النفوذ بيتلاشى . لا تستصغرن ضعيف و لا تقللن من صغير ، و لا يغرنك علمك و لا نفوذك و تواضع لله و لخلقه ، و ركز فى حفرة التراب اللى منتظرانا جميعاً د. أحمد حسانين ❤❤

وقريباً ستقول"استجاب" بدلاً من "سيستجيب" وأن الله جبَر قلبِي جبراً لم أكن أحلم به أبداً

https://www.facebook.com/share/14V1huq5Mhc/ هذه الصفحه في ميزان حسنات الطبيب انس احمد النشرتي سوف يتم فيها نشر جميع تلاواته

تعرف تبتسم في وش الناس بدل ما تبرق فى وشهم؟ تعرف تقول: "شكرًا" لسواق التاكسي اللي وصلك، حتى لو مختلف معاه في الأجرة؟ تعرف لما زميلك ينجح تقول له: "ألف مبروك" من قلبك؟ تعرف لما حد يلبس أي حاجة حتى لو بسيطة تقول له: "الله... إيه الجمال ده" بدل ما تفتش عن عيب؟ تسمح تطبطب على الغلابة؟ تسمح ما تخليش حد يخاف منك؟ تعرف تقلل شوية من استعراض إنجازاتك العظيمة على فيسبوك وتسيب مساحة لحد غيرك يفرح بنفسه؟ تعرف تشارك إنسان حلمه؟ أو على الأقل... ما تهدمش حلمه؟ تعرف تقول: "كتر خيرك"... "متشكر"... "ده من ذوقك"... تسمح تكتب كلمة عزاء صادقة لحد فقد إنسان عزيز؟ تعرف تفرح لنجاح الناس؟ .. تعرف تقول "برافو" من غير ما الكلمة تشوكك؟؟ تسمح ما تكذبش؟ .. وما تاخدش حاجة مش بتاعتك؟ تسمح متمدش ايدك ع المال العام؟؟ تسمح تخبط على جارك وتقوله مش محتاج حاجة؟ تعرف تقول "انا متأسف" لما تغلط؟ تعرف... تبقى انسان محترم؟ د. عبد المتعال فودة

صدقة جارية على روح الدكتور (انس النشرتي). اللهم اجعلها نوراً يتلألأ في قبره، وعملاً يصله أجره لا ينقطع. لا تنسوه من دعائكم يا الله قد صار في ذمتك وجوارك، وقد اختارته مشيئتك ليرحل إليك غريقاً، فاجعل اللهم ماء الدنيا طهراً له، واجعل القرآن الذي كان يتلوه نوراً يملأ قبره ويؤنس وحشته، وارحمه رحمةً تسع السماوات والأرض

إعلم يامن تريد السير إلى الله أن الطريق الموصل الى الله إنما هو طريق واحد لايمكن الوصول الى الله إلا من هذا الطريق وهو صراط الله المستقيم حيث يقول الله عز وجل < وأن هذا صراطي مستقيماً فاتبعوه ولا تتبعوا السبل فتفرق بكم عن سبيله > فأفرد الصراط وجمع السُبل ليدل أن للحق طريق واحد وجمع السبل ليدل على ان للباطل طرقا كثيرة ولتعلم ايضا ان هذا الطريق محفوف بالشهوات مثله كمثل صراط الاخرة محفوفٌ بالكلاليب التي تهوي بالهالك في النار فشهوات الدنيا انما هي كلاليب صراط الاخره ولتعلم ايضا انك لست وحدك على هذا الطريق فإن النفس البشرية تستوحش الوحده وتأنس بالرفقه ولذلك قال الله عز وجل عن هذا الطريق انه صراط الذين انعم الله عليهم وهم الانبياء والصديقون والشهداء والصالحون وحسن اؤلئك رفيقا فصحبتك خير صحبه ورفقاؤك اخير رفقه فلا تسوحشن من غربة الزمان وقلة الرفيق في هذا الوقت .

بقلوبٍ مؤمنة بقضاء الله وقدره ،ننعي أخانا وصديقنا د. أنس النشرتي💔 الذي انتقل إلى رحمة الله غريقًا، ونحسبه شهيدًا ولا نزكي على الله أحدًا. نسأل الله أن يتقبله من الشهداء وأن يغفر له ويرحمه ويجعل قبره روضةً من رياض الجنة وأن يرزق أهله وذويه ومحبيه ويرزقنا جميعا الصبر والسلوان. اللهم أجرنا في مصيبتنا واخلفنا خيرا منها ﴿إِنَّا لِلَّهِ وَإِنَّا إِلَيْهِ رَاجِعُونَ﴾

بما إني إبن السيدة المحتفى بيها النهاردة د. امال اسماعيل متولي عبده.. فاسمحوا لي أوضح لكم حاجة.. معظم البوستات اللي هاتقروها هاتلاقوها كاتبين مجموعة مركبة من الشعارات زي العمر مجرد رقم والاصرار والعزيمة.. لكن محدش هايكشف لك السر.. السر ببساطة ان هذه السيدة حد علمها وهي صغيرة جملة غامضة وغريبة فضلت عالقة في ذهنها لحد هذه اللحظة المجيدة.. ((إذا غضب الله على قوم أرسل عليهم كثرة الكلام وقلة العمل)).. وهذه السيدة يا أصدقائي رغم اني ابنها ويجب منطقيا أن أحمل شيئا من جينتها ألهمت صفة افتقر اليها معظم من أعرفهم حتى أنا.. هذه السيدة اذا آمنت لم تسمع.. لا تسمع لأي محبطين ولا مثبطين ولا متشائمين.. هي لا تسمع إلا صوت إيمانها وعقيدتها.. وبالنسبة لها.. طموحها تحول إلى إيمان وعقيدة.. إخواتي وأنا عارفين عنها إنها لو انشغلت بعمل ما أو انكبت على قراءة خبر أو بحث أو كتاب.. صعب جدا تشتيتها أو اثنائها عن تركيزها.. في لحظة البداية وبعد ما أقنعتها إخوتي وأنا باستكمال دراستها اشفقت عليها.. بصراحة كنت قلق جدا من ان القصة لا تكتمل.. ولو إنها انسانية عادية كان ممكن دا يحصل بصراحة.. اصل مستحيل انه بعد حالة breast cancer في فترة استكمال الثانوية .. ثم كسر مضاعف في القدم مع اول سنة ليها في الجامعة .. ان حد يفضل محتفظ بايمانه وشغفه.. أنا سعيد وممتن باللحظة دي فوق أي تصور.. ربنا يحميها ويحفظها ويبارك في عمرها ويحفظها لأحبائها..

✳️ سلام عليكم ورحمة الله وبركاته ساعات كثير بنكون محتاجين ورق للدكتور عشان نسمعه عليه أو تفريغات نقرأها على طول عشان وقتنا ضيق البوت ده فيه كنوز بجد ربنا يجازي اللي عمله خير ويباركله @MCQs_mogahedbot 🚨 البوت فيه تفريغات لدكاترة كثير جداً دول أهمهم وأفضل دكاترة فيهم : تفريغات باطنة : ⭐️ دكتور الشافعي ⭐️ دكتور أسامة محمود ⭐️ دكتور أشرف ذكي ⭐️ دكتور الهواري ⭐️ دكتور محمود علام ⭐️ دكتور أحمد موافي تفريغات جراحة ⭐️ دكتور المطري ⭐️ دكتور علي حسيب تفريغات أطفال ⭐️ دكتور أبو الأسرار تفريغات ENT ⭐️ دكتور مسعد تفريغات نسا وتوليد ⭐️ دكتور نادين ⭐️ دكتور المندوه ⭐️ دكتور خالد عبد الملك تفريغات شرعي ⭐️ دكتور خالد تفريغات أكاديمي ⭐️ دكتور سامح غازي بالرسومات ⭐️ دكتور ناجي ⭐️ دكتورة جيهان ⭐️ دكتور أنس الدهشان ⭐️ دكتور مرعي ⭐️ دكتور عبد المتعال ⭐️ دكتور فيصل لا تنسونا من صالح دعائكم ❤️

انت وصاحبك ف الميكروباص داخلين ع الماده اللى مفتحتوهاش 🙂😂❤️❤️

والد زميلنا أُصيب بجلطة في القلب النهاردة نسألكم الدعاء له بالشفاء العاجل التام ، طهور إن شاء الله وربنا يقومه بالسلامة ويرجع أحسن من الأول باذن الله

أخو زميلنا عبدالله الدسوقي في ذمة الله ادعوله ربنا يرحمه ويغفرله ويسكنه فسيح جناته ويلهم أهله وذويه الصبر والسلوان و يربط على قلوبهم ويوسع مدخله ويجعل مثواه الفردوس الأعلى بسلام دون مناقشة حساب أو سابقة عذاب يا رب العالمين

السلام عليكم ورحمة الله وبركاته صباح الخير د عمر ❤️ مع حضرتكم طلبة من طلبة طب بشري كفر الشيخ. كنا نتواصل مع حضرتكم بخصوص بحث نقوم به تحت إشراف القسم عن تأثير تريندات السوشيال ميديا على حياتنا اليومية وعاداتنا الغذائية. والحمد لله، يُعد هذا البحث من أوائل الأبحاث في مصر التي تتناول هذا الموضوع، ونسعى - بإذن الله - إلى نشره علميًا على مستوى دولي. ونظرًا لأن نجاح البحث يعتمد على عدد كبير من المشاركين، فكنا نتمنى دعم حضرتك لنا بالمساعدة في نشر الاستبيان أو مشاركته مع الطلاب والزملاء، لأن العدد الحالي ما زال بحاجة إلى زيادة على الاقل 2000 استبيان حتى نتمكن من استكمال البحث ونشره علميًا. ونسأل الله أن يجعل ذلك في ميزان حسنات حضرتك، وجزاكم الله عنا كل خير، وبارك الله في علمكم وعملكم. ♥️ https://forms.gle/hE2v5xbkk9ct3XBY9 رابط الاستبيان وارجو اختيار كود 72 ❤️

اللهُمَّ أصلِحنا كَما أصلَحتَ الصَّالِحينَ مِن قَبلنا 🤲

⚠️ تنبيه مهم لشباب وبنات جامعة الأزهر بالقاهرة ⚠️ يا ريت كله ياخد باله جدًا وهو بيتعامل مع أي حد غريب في الشارع، خصوصًا في المناطق القريبة من المدينة الجامعية. امبارح حصل معانا موقف قدام المدينة الجامعية بنات في الحي السادس بمدينة نصر. كنا ماشيين عادي ولَقينا سيدة كبيرة في السن بتقول إنها تعبانة جدًا وضغطها واطي ومحتاجة حد يساعدها. طبيعي وقفنا معاها وخدناها للصيدلية علشان نطمن عليها. وبما إن إحنا كنا 3 شباب، مكنّاش حابين نمشي معاها لوحدنا، فكان فيه بنتين محترمين موجودين جنبنا طلبنا منهم يساعدوها معانا. وصلنا الصيدلية، والدكتور كشف عليها وقاس الضغط والسكر، والحمد لله قال إن حالتها كويسة جدًا. بعدها بدأت تقولنا: “خلاص يا شباب اتفضلوا امشوا، البنات هيوصلوني وأنا بيتي قريب.” إحنا رفضنا وقلنالها عادي هنيجي كلنا ونوصلك لحد البيت، لكنها أصرت بشكل غريب إن البنات بس هما اللي يروحوا معاها، وكانت رافضة تمامًا إن أي حد مننا ييجي. كمان كان معاها شنطة ومكنتش راضية حد يلمسها أو يقرب منها. في اللحظة دي حسينا إن الموضوع مش مريح، فقولنا للبنتين يمشوا، وأول ما البنات مشيوا قالت خلاص مش عاوزة حاجة ومشيت. الحمد لله الموضوع عدى على خير، لكن حابين ننبه الكل ياخد باله، لأن للأسف مش كل موقف بيكون واضح أو نواياه سليمة. ✅ ساعد أي حد محتاج لكن بحذر. ✅ متروحش مع أي شخص غريب لمكان مقفول أو شقة. ✅ البنات خصوصًا ياخدوا بالهم جدًا في المواقف دي. ✅ لو حسيت إن فيه حاجة مش طبيعية، ابعد فورًا. ربنا يحفظ الجميع