Dental Ninja

وليس بينه وبين تركه إلا رياضة امرئ بفكه. كل حاجة في الدنيا محتاجة منك تدريب... كللللل حاجة. بس التدريب يكون بذكاء، مش مجرد إني أكرر نفس الحاجة 100 مرة وخلاص. كل مرة أشتغل، أقيم نفسي وأشوف: فين الغلط؟ ليه حصل؟ وإيه اللي أعمله المرة الجاية علشان ميتكررش؟ وأراجع نفسي كل شوية: أنا لسه بعمل نفس الغلطة؟ ولا بدأت أتحسن؟ وبالنسبة للـ anatomy في الأملجم، فممكن الموضوع يكون أكتر من سبب. ممكن نوع الأملجم نفسه مش طري كفاية ومش بيديك وقت تشكله كويس. وممكن تكون المشكلة إنك معندكش خلفية قوية عن الـ anatomy نفسها، فإنت عارف تعمل الـ cavity بس لما تيجي تبني السن مش عارف تتخيله. وممكن تكون بتتأخر في الـ carving، والأملجم بينشف منك، فبتحاول تصلح حاجة خلاص مبقتش قابلة للتشكيل كويس . محتاج حد يشوف شغلك معاك، يقولك الغلط فين، وتصلحه، وتجرب تاني... واحدة واحدة هتلاقي إيدك بدأت تتظبط وعينك بدأت تتخيل الـ anatomy قبل ما تعملها. والموضوع كله في الآخر: تدريب + تقييم + تصحيح + تكرار. متتوقعش من نفسك تبقى جامد من أول كام مرة... إنت لسه داخل رابعة يا صديقي : ) 📩 ابعت سؤالك دلوقتي. https://ngl.link/dentalninj

بص وركز معايا الميد محتواه قليل، والعملي حسب المادة صراحة... ممكن يكون سهل ومتحدد، وممكن يكون بحر واسع متعرفش تلمه بس الأكيد إن الفاينال كميته أكبر بكتير من الميد، وممكن يبقى تقريبًا مرتين أو أكتر. فغالبًااااا حضرتك بتحاول تلم المادة اللي متراكمة عليك، ودي أول مشكلة. وغالبًا حضرتك مش بتلحق تحل أسئلة السنين السابقة، ودي تاني مشكلة. والامتحان في الآخر محتاج منك تكون: ذاكرت + راجعت + حليت أسئلة سنين سابقة سواء Written أو MCQs. طيب اديني حل عملي؟ مش هقولك متراكمش... لأن دي عادة تقريبًا فينا كلنا، وكلام مش واقعي أكيد هتراكم. بس متبقاش بتستعبط كمان ليالي الامتحان. يعني يا صديقي، من بعد الميد لحد الفاينال، مفيش إجازة حقيقية... إنت داخل على الفاينال خلاص. كل أسبوع هيضيع منك في المذاكرة، لازم تعوضه في اللي بعده. اللي عمل دااااااااااااااااااااااا كلللللللللللللللللللللله، ذاكر، وراجع، ولم المادة... ومحلش سنين سابقة. وبقولك محللللللللش. مش بصمج السؤال وبص على إجابته. في فرق بين الاتنين. اللي ذاكر كل ده ومحلش أسئلة السنين السابقة... مستحييييييييييييييييييييييييييل يجيب درجة حلوة. ودي باختصار الخلطة السرية للأوائل 👀❤️ مذاكرة + مراجعة + حل كتير + سنين سابقة. ويا مسهل... نشوف كام واحد هيتحول بعدها 📩 ابعت سؤالك دلوقتي. https://ngl.link/dentalninj

الطريقة دي شبه إنك تقول: قارن بين التفاح والبرتقان، أو كأنك بتعمل مقارنة مش في محلها أصلًا. لو هتقارن بين الشركتين نفسهم، فـ COXO أكيد أفضل من ناحية الجودة. ولو هتقارن LED بالعادي، فالـ LED أفضل بفرق واضح جدًا في الاستخدام. لكن في نقطة مهمة: الـLED ممكن كفاءته تتأثر مع الوقت بسبب التعقيم والتزييت بطريقة غير صحيحة، وساعتها الإضاءة ممكن تضعف أو تبوظ وتبقى زي العادي. فالسؤال هنا: هل فرق السعر بين الـLED والعادي يستاهل بالنسبة لك؟ لو هنرتبهم : ا1. COXO LED — أفضل اختيار لو الميزانية تسمح. ا2. Apple LED — اقل سعر بس ميزة LED موجودة ا3. COXO من غير LED — جودة COXO و دي انا شغال بيها دلوقتي ا4. Apple من غير LED — بدأت بيها ف سنة ٤ بس اتسرقت مني 😅. يعني لو هتدفع مبلغ كويس، فهات COXO LED وخلاص. ولو فرق السعر كبير ومش فارق معاك الـLED، ساعتها COXO العادي يفضل اختيار منطقي. 📩 ابعت سؤالك دلوقتي. https://ngl.link/dentalninj

ياريت تتواصل معايا كده مش هعرف أفيدك

تانية هي سنة المعاهد مفيش نزول الكلية كتير ومفيش أدوات ومفيش أي حاجة غير الماتيرال إللي هتنكد عليك السنة كلها 😶 📩 ابعت سؤالك دلوقتي. https://ngl.link/dentalninj

بصراحة معنديش معلومة مؤكدة حاليًا عن كورسات مناسبة للإنجليزي من حيث المحتوى والسعر، فمش حابب أرشحلك حاجة من غير تجربة. لو حد جرّب كورس كويس وسعره مناسب ياريت يرشحه هنا. لكن أهم نصيحة عندي: حاولي تزودي حصيلتك من الكلمات على قد ما تقدري، لأن جزء كبير من قوة اللغة بيعتمد على إنك تكوني عارفة كلمات كتير وتعرفي تستخدميها في سياقها. 📩 ابعت سؤالك دلوقتي. https://ngl.link/dentalninj

افتح لايفات تيك توك 📩 ابعت سؤالك دلوقتي. https://ngl.link/dentalninj

أكيييد الموضوع بيتعب، والمشاعر نفسها هتخاف يحصل نفس الموقف تاني... أكييييد. بس يا صديقي، إحنا بنحاول نجتهد ونسعى، والباقي كله بتاع ربنا. والأخذ بالأسباب عامل برضو. يعني أنا عارف إني كنت بعمل حاجات غلط... 1 و2 و3 و4 مثلًا. لازم أكون صححت الكلام ده وصلحته بقى، علشان أقول إني عملت اللي عليا. مينفعش أبقى نايم مستني حد ينجحني أو مستني التقدير يتبعتلي ستريك عالسناب من زميلي كل اللي عاوز أقوله: المعادلة سهلة. اجتهد، اسعى، خد بالأسباب، وصلح أخطاءك... وسيّب الباقي على ربنا. وربنا كرييييم. ❤️ 📩 ابعت سؤالك دلوقتي. https://ngl.link/dentalninj

أسنان الأعداد فيها بتزيد بشكل أسي وبشكل غريب فعلًا لكن اللي أنا عاوزك تركز عليه وتبص له هو الرزق... والرزق من عند الله. ودايمًا بحب أضرب مثال بالبقالة أو محلات الملابس. عددهم كتير جدًا، صح؟ لكن في منهم اللي بينجح وفي منهم اللي بيفشل. ليه؟ شطارته، وإدارته، وتسويقه، واجتهاده... وتوفيق ربنا قبل كل ده. فنفس الكلام هنا، قبل ما تقول: "أسنان عددها كتير، يبقى مفيش شغل." طب ما سألتش نفسك: لو حولت بشري، هل فعلًا هتلاقي شغل؟ ما هو فيه أطباء بشري برضو مش لاقيين شغل، وده بعد سنين الدراسة والتعب اللي أخدوها. فهل أنت فعلًا درست الموضوع من كل جوانبه؟ ولا أنت بس شايف إن عدد خريجين أسنان بيزيد فقلت: خلاص، أحوّل؟ صلي استخارة، وخد بالأسباب، وشوف ربنا هيختار لك إيه. لأن كل واحد ربنا كاتب له رزقه في مكان. وبعدين متنساش إن قدامك في أسنان فرص كويسة جدًا لو اجتهدت... ممكن تكمل أكاديمي، تتعين وتبقى ستاف جامعة، وتتميز في مجال معين، وتبني لنفسك طريق مختلف. فمتاخدش قرار مستقبلك لمجرد إنك خايف من عدد الناس. شوف أنت هتكون إيه وسط الناس دي. 📩 ابعت سؤالك دلوقتي. https://ngl.link/dentalninj

يا ترى هو سجل كام ساعة؟ ويا ترى جمع كام نقطة من الساعات دي؟ لأن الـ 1.1 GPA لوحدها مش هتدينا الصورة كاملة. لازم نعرف هو وصل للـ1.1 دي بعد كام ساعة، وساعتها نبدأ نحسب الاحتمالات: هل فعلاً قدامه فرصة يكمل ولا الموضوع صعب؟ والأهم من كل ده بقى... هل هو يقدر يشد حيله ويغير اللي كان بيعمله قبل كده؟ ولا هيكمل بنفس الطريقة؟ لأن في النهاية، الأرقام هتقولنا إيه الممكن... لكن اللي هيحدد النتيجة فعلًا هو هو هيعمل إيه بعد كده. 📩 ابعت سؤالك دلوقتي. https://ngl.link/dentalninj

عندك سؤال في بالك؟ أو حتى سؤال نفسك تسأله ومش عارف؟ 📩 ابعت سؤالك دلوقتي. https://ngl.link/dentalninj

https://www.youtube.com/watch?v=-aIhNW2bC2s وثائقي مهم خااااااالص ياريت تسمعوه كله

"لو جبت امتياز في السمر هيوصل الـ GPA لكام؟ ولو جبت جيد جدًا؟ وهل أقدر أرفع التقدير؟" داخل سمر كورس ومش عارف... لو جبت امتياز هتوصل لكام؟ تراكميك هيبقى كام؟ تقدر ترفع تقديرك ولا لأ؟ وهل السمر هيعمل فرق فعلًا؟ دلوقتي تقدر تحسب كل ده في ثواني. ✅ احسب الـ GPA التراكمي. ✅ احسب الـ GPA الفصلي. ✅ جرّب أي سيناريو للسمر واعرف هيوصلك لفين قبل ما تبدأ. متخليش مستقبلك يعتمد على التخمين... ادخل احسبها وخطط صح من دلوقتي. https://dental-ninja-natijaa.tiiny.site

طمنونا عليكم.. النتيجة ظهرت... عملتوا إيه؟

Dental Ninja pinned a photo

"يا شباب عاملين إيه؟ بعد طحن الترم اللي فات، الدفعة الجديدة داخلة ونفسي ميكرروش أخطاءنا ويلبسوا في نفس الحيطة! 😅 طالب منكم طلب بسيط.. ادخلوا الفورم ده ووجهوهم واكتبوا الـ "يا ريتني كنت عرفت ده من أول يوم". الغلطة مش شرط تكون في المذاكرة بس، ممكن صحبة بتضيع الوقت، تشتت، أو سكن كله بينام ومفيش تشجيع.. دي بس مفاتيح عشان تفتكروا وتحكوا براحتكم من غير أي كلام رسمي. الفورم هياخد دقايق، بس اعتبروه "زكاة علم" عشان نوفر تعب ومجهود كبير على زميل لسه بيبدأ. مستني تجاربكم ونصايحكم من هنا 👇: [https://forms.gle/9Ehf2NbBSKjg1F6C7] بالتوفيق يا دكاترة!"

الدعااااء: النبي ﷺ قال: "خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ المُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ".. اقعد دلوقتي جهز كل اللي نفسك فيه من خيري الدنيا والآخرة، 📝 متضيعش ولا لحظة..⏰ وقسم دعواتك عشان تمنع التشتت عن نفسك.. أ- دعوات الآخرة. ب- دعوات للدنيا. ج- دعوات لمن تحب. 📌للآخرة: نفسك تكون إنسان صالح.. إنسان متدين قريب من الله.. نفسك تخشع في صلاتك وتحسن إقامتها.. نفسك تحفظ كلام ربك وتفهمه وتعمل بيه.. نفسك ربنا يستعملك لنصرة دينه.. نفسك ربنا يهديك ويأخذ بقلبك إليه.. نفسك في قلب سليم.. نفسك ربنا يتوب عليك من المعاصي أو من معصية معينة مش قادر تسيبها.. نفسك ترزق بحسن الخاتمة.. نفسك قبرك يبقى روضة من رياض الجنة.. نفسك تدخل الجنة بغير حساب ولا عذاب.. نفسك تشوف النبي ﷺ وتحشر معه.. نفسك تشوف الله جل جلاله.. نفسك في الفردوس الأعلى. 📌دعوات للدنيا: ادعي بالتفصييييل واطلب كل اللي أنت عايزه.. نفسك تتجوز.. نفسك تتخرج.. نفسك تنجح.. نفسك تتفوق.. نفسك تنجب من البنين والبنات.. نفسك في صحبة صالحة.. عندك مشكلة في شغلك.. في دراستك.. في عملك.. عندك أزمة مالية أو أسرية.. متخانق مع زوجتك أو زعلانة من زوجك.. خايف على عيالك ونفسك ربنا يحفظهم وتأمن حياتهم ومستقبلهم.. نفسك تكون حياتك أفضل أو تحسن من مؤهلاتك أو وظيفتك نفسك ربنا يشفيك.. نفسك ربنا يرفع عنا البلاء والوباء.. نفسك نرجع تاني لحلقات العلم.. خايف من حاجة.. بتتمنى حاجة.. 📌دعوات لمن تحب: اكتب أسامي صحابك وقرايبك وأهل الفضل عليك وأهل الحقوق عليك ومشايخك ومن وصاك بالدعاء.. خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه في رضاه سبحانه، وأنه يغفر لهم ويجمعكم في الجنة.. ومتنساش تدعي لمن مات ولم يدرك اليوم مثلك.. وتدعي للمسلمين ولأمة الإسلام. ولا تنسونا من صالح دعائكم،فلن ننساكم.💕