مُنذ الشعر

انه خايف ما يحملك حتى لو گلبي چبير خاف بعنادك تجبره يصير حاقد مو فطير هسا يبچيله اعله گطرة يجوز باجر ما يشوفك من تبدي گباله بير خاف مو طيب يصير خاف ينغزني واطير وانه ما اصدك شفت غصن اعلى گدي ابينكم تردوني احير !!؟ وهيه حيرة ابيش احير انه من دم ولحم خالقني ربي ما تگلولولي شصير

شايل بگلبي مشاعر بس هباء جاي افيضها اعلى واحد ما يريد ينترس گلبه حزن من احچي بي وأنه إذا باوع عليه احسبها عيد يلعب بنفسيتي بيده بكل برود حتى واهس ماكو حتى اكتب جديد

لو تفيد حچايه نحچيها وتفض بس صعب هاي المشاعر تنرفض صعبة اكلك رايدك وانطر جواب وانه يم ناسي كلامي احچيِ فرض يعني إذا كتلك احبك منتهين وما الك اي كلمة خاطر تعترض ارد اگلك عاشگك كلما اجيك ووجهك الما يبتسم يطلع عرض اليوگع من الوگفه يتحملها عود بس دگلي شيحمل الطيحه الركض وانه اجيت وگلبي نركضلك ركض وگلبي هنيالك علي ماله شبيه كلبي إذا طبيتله يحفضك حفض

وچنت اگلك بلكي تضحكلي ارد اعيش وتبتسم بالگـــــــــــــــــــوه خشمك رافعه وهسا محد طالبك والضحكه ذيـــــــــــچ وصــــــــــــوتك البالصوب الآخر سامعه ضحكتك ما تدري بيها شكد نضيــــــــع انته تضحك والاوادم ضايعـــــــــــــــــــــه

شفت نعمة ربي لمن يمي اجيت صرت اسولف واطلع وما انطوي بعيني صارت هسا وردية الحياة وأنه اليسموني ربعي السودوي

انه احبك بس اشوفنك صعب ومن تلاگيني مثل ملگه الغُرب افتح چفوفك ولاگيني بسلام أنطيني أمانك توني اجيت من الحرب گلبك الخايف بعد شنطي أمان هي بس عيوني تثبت كلي حُب گتلك اجبر روحك وحبني، نعيش ولا تدور بالمشاعر عالغلب كلشي عندي أنطيتك وما أمن عليك وكتلك اعذرني بطرگ هذا الگلب والصدك ، هوه انه ما عندي گلب لو صدك عندي فلا كلساع أجيك والف عثرة تخلي گدام الدرب لا تخاف أنطينا موقف بالغرام هذا كله وجاي اشوفنك صعب

ما تجين ! حرب صارت حرب چا ما تجين ! ووين صرتي شعطلج كل هل سنين انا باقي انتظرج وباقي على وعدي وأنتِ وعدج مدري وين ! ماتجين ! خاف اموت بهالحرب وتالي ما تالي ندم تتندمین ها تجين !

مو بيدي من غصباً علي حبيتج و عفت الاحلام الحلوة و اتمنيتج وفلّدت من اتعمقت بيج اشياء اولها عطر الورد من شقيتج وخفت العيون اتشوفج اليهوى يغار طلعت کلشي و بالكلب ضميتج

لو تفيد حچايه نحچيها وتفض بس صعب هاي المشاعر تنرفض صعبة اكلك رايدك وانطر جواب وانه يم ناسي كلامي احچيِ فرض يعني إذا كتلك احبك منتهين وما الك اي كلمة خاطر تعترض ارد اگلك عاشگك كلما اجيك ووجهك الما يبتسم يطلع عرض اليوگع من الوگفه يتحملها عود بس دگلي شيحمل الطيحه الركض وانه اجيت وگلبي نركضلك ركض وگلبي هنيالك علي ماله شبيه كلبي إذا طبيتله يحفضك حفض

وانه احبك لجل طبعك چي تحبنه ومشترينه چي تحول غيضي ضحكه وتمسح الدمعة الضخينه شلون اشكره وشرد اگله الله من جابك علينه ابنادم شيحتاج غير بنادم يخليه بعينه

ومن ضحكتي بوجهي بست الناس كلها وحاضن اليطلبني ثار وياهو اشوفه اهديله وردة وگمت ادلل بالزغار گلبي كام بصدري يحجي وخضر بروحي الخضار الدنيا چانت ظلمة عندي شطلع بوجهي النهار لا تضحكين اويه غيري وعوفي كلبي بلايه نار الناس ما ودي تشوفج مو انوب وياج تضحك يعني فوك الغيرة اغار

لا تضحكين اويه غيري وعوفي گلبي بلايه نار الناس ما ودي تشوفچ مو انوب وياچ تضحك يعني فوگ الغيرة اغار

خاب هستوني شفت وجه الله عود وكمت ارتب روحي وانه الفوضوي شفت نعمة ربي لمن يمي اجيت صرت اسولف واطلع وما انطوي بعيني صارت هسا وردية الحياة واني اليسموني ربعي السودوي

الهسه ما مستوعب الصاير صدك بدلتني وغيري اخذ دور العشك يل خنتني كبالي مو هيج اليخون غير اول مره لازم نفترك

چان ما ظني الزعل هلكد يطول وما حسبت اتطول عگدت حاجبك وصلت نودي عرب وترضي بيك نجيبلك ساده وعگل وتعاتبك وانته چنت بضحكه ترجع للطريق وبس ابوسنك تكول مصاحبك فصل جروحي اعله عرفة مشتهاك استنگي بيدك كول وين العاجبك هذا كلبي وهاي روحي ونفسي هاي ياهو منهن ينجرح شيناسبك

مر عليه شچم شته وما جاي اهيد لان ايدي مچتفه وما بيها ايد شايل بگلبي مشاعر بس هباء جاي افيضها اعله واحد ما يريد ينترس گلبه حزن من احچي بي وأنه إذا باوع عليه احسبها عيد يلعب بنفسيتي بيده بكل برود حتى واهس ماكو حتى اكتب جديد

تايهين بلايه راي ومن عطشنا انذب جرفنا،، وين ما عند الله ماي وهسا ياگطرة النمرها انگول اظن قسمتنا هاي جاي اگل لاهلي بسببكم انتم الضيعتوا روحي وهمه ضاعوا من وراي واهلي گالو ضيعتنا وهمه اليضيعوني جاي وتايهين بلايه راي

احچي للعاگول واسرد بالكلام لان ماكو حچايه ظلت للورد يصير ما مرغوب إذا حچيك سديد وتنتبهلك وادمك بس بالسرد كاتب احساسي بقصايد راقيات بس فلا اقراهن الحد اللحد زحمة اطلعها القصيدة وما تعيش لان وادم ميته تقراها ببرد شلون وأحد يحفظ ابيات السماح وهوه كلبه محمل ضغون وحقد

وادم حاجيه بطاريج شتريد ما يدرون كلشي انكال ميفيد ما سمعوا خصمت السالفة وياج والمأخرنا بس نحط مواعيد ما سمعوا عقدنا يفصله جم يوم إذا هذا الشهر ما صار بالعيد وادم حاجيه بطاريچ شتريد ما يدرون بينا ثنينه انموت إذا واحد على الثاني بقه بعيد ترى واضح عليهم ما تلوگين هوه العيد وجهه يلوك عالعيد

لو تنكع بمي زمزم وتختم القران وتصوم وتصلي وتكفل الفقرة يضل طبعك نكس ماتنضف بفد يوم وتضل ناكر جميل وبايع العشرة وما شيلك بعد لو جثه يمي تصير ولو أهلي صرت هم منك اتبره