DiPharma Academy

#فرصة_تطوع عدنا لكم من جديد وبناءً على رغبتكم 💚 يسعد أوقاتكم صيادلتنا 👋😍 • عم نبحث عن صيادلة مميزين ومبدعين ليتطوعوا معنا ويشاركونا رؤيتنا بمساعدة الطلاب على دمج المعلومات الأكاديمية مع المهارات العملية💪 📌 طيب شو رح نستفاد من التطوع معكم ؟ 🤔 ناهيك عن…

#فرصة_تطوع عدنا لكم من جديد وبناءً على رغبتكم 💚 يسعد أوقاتكم صيادلتنا 👋😍 • عم نبحث عن صيادلة مميزين ومبدعين ليتطوعوا معنا ويشاركونا رؤيتنا بمساعدة الطلاب على دمج المعلومات الأكاديمية مع المهارات العملية💪 📌 طيب شو رح نستفاد من التطوع معكم ؟ 🤔 ناهيك عن فوائد التطوع العديدة من اكتساب قيم سامية وسعادة نفسية بمساعدة الآخر رح تكتسب التالي: • رح تنمي مهاراتك بالبحث والكتابة العلمية وتبسيط العلوم 📑 ً• رح تثبت معلوماتك وتوثقها بتقديمها للآخر ومحاولة جعلها بسيطة ليفهمها 🍀 • رح توسع دائرة علاقاتك ورح تتعرف على نخبة من الصيادلة يلي عم يساهموا معنا بإغناء المحتوى الصيدلاني 💪 • رح يتم ذكر اسمك بنهاية كل بوست أو فيديو وهاد رح يفيدك بالتسويق الشخصي في حال حابب تبلش أي شي مستقبلاً.🌟 • رح تكتسب بالتدريج مهارات العمل المنظم بروح الفريق وهي مهارة مطلوبة جداً اليوم بأي مجال عمال 👌 • ولأن رح تصير من عيلتنا رح تتلقى دعم من فريقنا بجميع الجوانب يلي منقدر عليها • يلي بحب يكون معنا ويفيد ويستفيد هاد رابط معرف تلغرام لتتواصلوا معنا 😍👇 @Ayaa2727t #رفاهية_الروح_رهن_بالتطوع

مطلوب صيدلانية او صيدلاني للعمل في صيدلية بساحة الشهبندر دوام مسائي للمهتمين يرجى التواصل على الرقم 0980140772

قالب الدنيا بالطلبات هالفترة.. شو السر العلمي وراء كريم Arencia Vitamin C؟ 🍊✨ زملائي وزميلاتي الصيادلة 👋 أكيد لاحظتوا بالآونة الأخيرة كيف صار ينطلب كريم Arencia Vitamin C Booster Shot بكثرة، ومش بس للوجه، بل صار التريند الجديد لتفتيح منطقة الإبطين (Underarm)! خلونا نلقي نظرة علمية سريعة على التركيبة اللي جعلته خياراً شائعاً 🔍 التركيبة وآلية العمل: المنتج بيعتمد على تركيبة كورية ذكية تجمع بين فيتامين C المستقر، النياسيناميد (Niacinamide)، والجلوتاثيون (Glutathione). وبما إن منطقة الـ Underarm معرضة دائماً للتصبغات بسبب الاحتكاك المستمر والتعرق، المكونات بتشتغل كالتالي: تثبيط إنزيم التيروزيناز🌱: فيتامين C والجلوتاثيون بيمنعوا تصنيع صبغة الميلانين، مما يعطي تفتيحاً وتوحيداً تدريجياً للون المفرط. مقاومة الأكسدة والجلد الباهت🌱: النياسيناميد وفيتامين C بيحموا المنطقة من الجذور الحرة الناتجة عن العرق، وبيخففوا من المظهر الرمادي أو الباهت (Dull Skin). حماية الـ Skin Barrier🌱: بيحتوي كمان على البانثينول (Panthenol) والألانتوين، وهاد اللي بيخليه آمن ولطيف على المناطق الحساسة وبدون ما يسبب تهيج أو احمرار. التركيبة المتوازنة بين الفعالية العالية والأمان هي اللي مفسرة ثقة الناس فيه وإقبالهم عليه. خبروني، عم ينطلب منكم بالصيدلية كتير هالأيام؟ إعداد: الصيدلانية نسيبة عاشور☁️ تصميم الصيدلانية راما سعد #عناية_بالبشرة —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

#أدوية_الشركات ديسموبريس Desmopress من شركة الدولية الدواء المشهور لعلاج السلس البولي. ▪︎آلية العمل:هو دواء هرموني نظير لهرمون الفاسوبريسين يلي بيرتبط بشكل انتقائي مع الكلية بمستقبلات V2 يلي بتحفز عود امتصاص الماء و بتقلل إنتاج البول. ▪︎العيارات المتوفرة للمضغوطات: 0.1_0.2 يعطى حبة ليلاً قبل النوم ▪︎الاستطبابات: -التبول الليلي خاصة عند الأطفال بعد سن ال5 سنوات -أعراض السكري الكاذب(عطش وبوال متكرر) ▪︎موانع الاستعمال: -أمراض الكلية الشديدة -نقص الصوديوم -الحساسية اتجاه المركب ▪︎التصنيف الحملي B ▪︎تحذير هام بشأن الاستعمال و ضروري كتير ننبه المريض أثناء تناوله للدواء: -يجب تقييد شرب الماء بعد تناول الجرعة لتجنب حدوث تسمم مائي بالجسم (ممنوع شرب الماء حتى الصباح) -بحالات العلاج المستمر مثل السكري الكاذب يتم تقييد كمية السؤال بشكل محدد من قبل الطبيب. إعداد الصيدلانية لونا زهوة تصميم الصيدلانية نغم سلامة —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

الحل الاسم التجاري ازميكس التركيب العلمي تربوتالين برومهكسين منتول و كويافينزين الاستطباب موسع قصبي الشركة ألفا الاستخدام ٤ سم ٣ مرات يومياً الاسم التجاري موسينيست التركيب العلمي كاربوسيستئين الاستطباب حال بلغم الشركة ابن زهر الاستخدام ٤ سم ٣ مرات يومياً الاسم التجاري برونشيكام التركيب العلمي خلاصة الزعتر وزهرة الربيع المسائية الاستطباب مضاد سعال الشركة سيفارما الاستخدام ٤ سم ٣ مرات يومياً الاسم التجاري ري تريفين بخاخ التركيب العلمي اكسيلوميتازولين الاستطباب :مضاد احتقان الشركة دومنا الاستخدام ٢ أو ٣ بخات بكل فتحة انف ٣ مرات و لا ايام فقط الاسم التجاري يونيفينتال التركيب العلمي سالبوتامول الاستطباب موسع قصبي الشركة المتحدة الاستخدام بختان اربع مرات يومياً باستمرار الاسم التجاري يونسونايد بخاخ التركيب العلمي بودوزونيد الاستطباب مضاد إلتهاب وتحسس الشركة المتحدة الاستخدام بخة بكل فتحة انف باستمرار لمدة ٣ اشهر إعداد الصيدلانية ديمة عيون 🤍

ورجعنالكم مع وصفة جديدة عطونا الحل مع استطباب كل دواء و الشركة #فقرة_التدريب_على_حل_الوصفات اعداد الصيدلانية ديمة عيون تصميم الصيدلانية رنا طعمة ––————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

الراعي الرسمي لعزايم العيد 💛😂 #سبازموكولوناز #آسيا 💊التركيب العلمي : عبارة عن مضغوطة ثنائية الطبقة : 📌الاولى تحتوي على : 🔹سيللولاز : يساعد في هضم الألياف 🔹بانكرياتين : انزيم مهم لهضم البروتين والدهون والكربوهيدرات 🔹ديمتيكون : مضاد لتطبل البطن 🔹صوديوم ديهدروكلوريت : ينشط إفراز الصفراء وبالتالي يحسن الهضم. 📌الثانية تحتوي: 🔹ميتيكسين هيدروكلورايد : يقلل من فرط الحركة المعوية 🔹ببسين : أنزيم حال للبروتين بيساعد بهضم البروتين 🔹ديمتيكون: مضاد تطبل بطن 🔹غلوتاميك أسيد: يساعد على تحرر حمض كلور الماء من المعدة للمساعدة بالهضم الغذاء 📍الاستطباب: 👈 يقلل من الانتفاخ والغازات 👈يفيد بحالات تهيج القولون المترافق مع غازات ونفخة 👈حالات عسر الهضم الناتج عن نقص الانزيمات أو الناتج عن اضطرابات عصبية المنشأ 💊الجرعة : مضغوطة ل مضغوطتين قبل كل وجبة طعام أو مع الوجبة وطبعاً ما ننسى ننصح المريض ينظم اكلو وياكل ببطء وبكميات معتدلة كرمال ما تكرر هالمشاكل معو 🥰 تضلو بخير يا رب🩷 #إعداد : الصيدلانية زينب حسن #تصميم : الصيدلانية جنى ميهوب #أدوية_OTC —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

السؤال الأكثر شيوعاً هالعيد من المرضى : كيف بدي آكل حلويات العيد وما أسمن 🙂⁉️ لهيك جهزنالكن قائمة نصائح تقدموها للمراجعين برواق 🙂‍↔️💚 ✅أول الشي الفطور كتير مهم قبل حلويات العيد ولازم يكون غني بالبروتين والألياف (البروتين بوجبة الفطور يمنع تخزين السكر بالجسم) ✅مهم كتير نمشي لو 15دقيقة كحد أدنى هيك منخلي السكر يروح للعضلات كطاقة وما بيتخزن بالجسم على شكل دهون ✅وأكيد نحاول نخفف حلو لو شوي🤏 (ناكل بس بدون حماس) وكل عيد وأنتو بخير🌸✨ البوست كان متأخر بس كمان نحن مشغولين بالعيد 😎 ✨إعداد الصيدلانية: سدرة المنتهى مليّس تصميم الصيدلانية رنا طعمة 💊 #معلومة_صيدلانية_سريعة —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

🔰عيد أضحى مبارك وكل عام وأنتم بخير من فريق ديفارما 💚 🔰 عزيزي الصيدلاني إذا قررت تطلع بالعيد طلعة مع العيلة على مدينة الملاهي لازم تكون أنتَ الشخص يلي يتذكر هالأمور كونك أنت دكتور العيلة 😌 تجنباً لسماع عبارات الأهل الشهيرة "صيدلاني ومافيك تساعدنا " 🔰يجب عليك تنيبه عائلتك على أخذ أهم الأدوية التي قد تحتاجها : 💊_أدوية المعدة 💊_مسكنات الألم 💊_مضادات الإقياء 💊_مضادات التشنج 💊_مضادات الإسهال 💊_خافضات الحرارة 🔰 ليش لازم نآخد كل هالأدوية ⁉️ بسبب كثرة التخبيص من مصباح العيد التي تبدأ من القهوة مع معمول وحلويات العيد ...ثم المكسرات والموالح ...لتأتي بعدها فقرة الغداء التي تكون الضربة القاضية 😂 لهيك لازم تكون حاسب حساب كل شي. _ _ _ _ _ _ _ _ _ _ _ _ _ _ _ _ _ أخيراً خبرونا رح تتطلعوا مشوار هالعيد وتكونوا منقذين العيلة ⁉️😌 ولا رح تداموا بالصيدلية🥼💊 إعداد الصيدلانيتان : هـيام المصطفى 💚 رُقـيّة خـرمنـدي 💚 —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

يا ترى ليش في عنا Provita العادي و Provita Plus‼️ رح نخبركن بالفرق بيناتهن و ايمتا كل نوع بيكون هو الاختيار الصح 😍 🔸 Provita Cream يحتوي على Dexpanthenol 5% وظيفته الأساسية: ▫️ ترطيب الجلد ▫️ تهدئة التهيج والاحمرار ▫️ المساعدة على ترميم البشرة مناسب في حالات : ▫️التسلخات ▫️ الجفاف ▫️التشققات والحروق الخفيفة 🔸 Provita Plus يحتوي على: Dexpanthenol 5% Chlorhexidine 0.5% يعني بالإضافة للترميم والترطيب فيه تأثير مطهر ضد البكتيريا 🦠 لذلك منفضله بالحالات يلي فيها: ▫️جروح وخدوش بسيطة ▫️تسلخات معرضة للالتهاب ▫️تشقق أو تهيج مع احتمال تلوث وهون بتجي الخلاصة🔥: العادي ← ترميم وترطيب البلس ← ترميم + حماية مضادة للبكتيريا إعداد الصيدلانية آيات عيسى 💚 #فروقات_دوائية –––––––––- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy

#حل الوصفة💙 🌐 Coxibet 90 ▫️الشكل الصيدلاني: أقراص ملبسة بالفيلم ▫️التركيب: ايتوريكوكسيب ▫️الاستطبابات: مسكن ألم ومضاد التهاب ▫️الشركة: ابن الهيثم ▫️الجرعة: حبة واحدة باليوم بعد الطعام 🌐 Parazon ▫️الشكل الصيدلاني: كبسولات ▫️التركيب: باراسيتامول +كلورزوكسازون ▫️الاستطبابات: مسكن ألم ومرخي للعضلات ▫️الشركة: ألفا ▫️الجرعة: حبة 3 مرات باليوم بعد الطعام 🌐 Seridase forte ▫️الشكل الصيدلاني: أقراص ملبسة بالفيلم ▫️التركيب: سيراتوببتيداز ▫️الاستطبابات: مضاد وذمة ▫️الشركة: ابن الهيثم ▫️الجرعة: حبة مرتين باليوم بعد الطعام 🌐 Lyco D ▫️الشكل الصيدلاني: كريم ▫️التركيب: منتول+ زيت حبة البركة والزنجبيل .. ▫️الاستطبابات: تخفيف آلام العضلات ▫️الشركة: لايكو ▫️الجرعة: دهن مكان الألم 3 مرات باليوم 🖊️إعداد الصيدلانية يارا قطريب💙 #DiPharma_Academy

وصفة جديدة لليوم💙 خبرونا شو الأدوية اللي فيا⁉️ #فقرة_التدريب_على_حل_الوصفات إعداد الصيدلانية : يارا قطريب💙 تصميم الصيدلانية: غزل فتيح 🩵 —————————- منصة DiPharma Academy للتدريبات والمعلومات الصيدلانية 💊 فيسبوك: https://www.facebook.com/DiPharmaAcademy تيليجرام: https://t.me/DiPharmaAcademy