✍️DILOBAR JO'RAYEVA IJODI✍️

* Иқтибос *** Кичкина бўлса ҳам боғинг ва кутубхонанг бўлса — сен бошқа ҳеч нарсага муҳтож эмассан. Цицерон

Ҳар не қилсанг, ошиқ қилғил, парвардигор   Ишқ йўлида фано бўлай ҳақ бир-у бор, Ҳар не қилсанг, ошиқ қилғил, парвардигор.   Ишқи тегса куйдиргуси жон-у танни, Ишқи тегса вайрон қилур мов-у манни, Ишқ бўлмаса топиб бўлмас, Мавлим, сени. Ҳар не қилсанг, ошиқ қилғил, парвардигор.   Ишқ дафтари сиғмас, дўстлар, даргоҳиға, Жумла ошиқ йиғлаб борғай боргоҳиға. Етти дўзах тоқат қилмас бир оҳиға, Ҳар не қилсанг, ошиқ қилғил, парвардигор.   Хос ишқингни кўрсат манга шокир бўлай, Арра қўйса Зикриёдек  зокир бўлай, Айюб сифат  балосиға собир бўлай, Ҳар не қилсанг, ошиқ қилғил, парвардигор.   Ишқ дардини талаб қилдим, дармони йўқ. Ишқ йўлида жон берганни армони йўқ, Бу йўлларда жон бермаса, имкони йўқ, Ҳар не қилсанг, ошиқ қилғил, парвардигор.   Қайдин топай, ишқинг тушти, қарорим йўқ, Ишқ саносин туни-куни қўёрим йўқ. Даргоҳингдин ўзга ерга борорим йўқ, Ҳар не қилсанг, ошиқ қилғил, парвардигор.   Ишқ бозори улуғ бозор, савдо ҳаром, Ошиқларға сендин ўзга ғавғо ҳаром, Ишқ йўлиға кирганларға дунё ҳаром, Ҳар не қилсанг, ошиқ қилғил, парвардигор.   Ошиқликни даъво қилиб юролмадим, Нафсдин кечиб, мен амрини қилолмадим. Нодонликда Ҳақ амрини билолмадим, Ҳар не қилсанг, ошиқ қилғил, парвардигор.   Қул Хожа Аҳмад, ишқдин қаттиқ бало бўлмас, Марҳам сўрма, ишқ дардига даво бўлмас, Кўз ёшидин ўзга ҳеш ким гувоҳ бўлмас, Ҳар не қилсанг, ошиқ қилғил, парвардигор.   Хожа Аҳмад Яссавий

БАХИЛЛИК ​«Мен!» деб бонг урасан шому саҳарда, Гўё ҳаққонийдек айтар сўзларинг. Ҳаммани бир хилда кўрсанг агарда, Тешилиб қоларми сенинг кўзларинг. ​Йўлнинг чеккасида мажруҳ бир инсон, Мадад сўраб турар сендан эҳтимол. Мабодо узатсанг унга парча нон, Қўлларинг майишиб, бўлармикан шол. ​Қаршингда турибди ёш бир истеъдод, Балки оламшумул бўлажак даҳо. Бир оғиз сўз айтиб, берсанг гар имдод, Тилларинг кесилиб қолгаймикан ё? ​Бир сиймо илмнинг бўлмиш сардори, Балли, эл-юртига олиб келмиш шон. Сен уни қутласанг кўплар қатори, Чиқиб кетармикан танангдаги жон. ​Афсуски, яхшилар тортади кулфат, Ёмонлар ғолибдир, ётар қалашиб. Йўқдир бундайларда зарра фазилат, Инсон номин олган улар адашиб. Абдулла Орипов

Яратганга шукур, сен яна келдинг! Яратганга шукур, сен яна келдинг, Ҳамма қонунларнинг ўзгарди кучи. Мен сенга узундан узун от қўйдим: "Эй, эски дардларни янгилатувчи!" Бармоқлар бармоқлар учини сезди, Кўнгил бир илоҳнинг кучини сезди, Юрак алланенинг ўчини сезди, "Эй узоқ йўлларни яқинлатувчи!" Яна икки кўздан сирқилди намлар, Биллурни ювдилар покиза ғамлар. Қани ул Сир, Аму мавж урган дамлар, Эй сен денгиз тубин долгалатувчи?! Асли, қайда бўлсанг, мен кўнгли тўқман, Кунчиқарим ишқтсир, нур ўчса — йўқман, Биламан, кимгадир жуда суюкман, Эй сен, хотирани поклантирувчи! Ким айтди, йўл анча ўтилди дея, Келган кетди, кутган кутилди дея, Шодман — яна менга дуч бўлди дея, Ишқи омонларни яшартиргувчи! Яратганга шукур, сен яна келдинг, Ҳамма қонунларнинг ўзгарди кучи. Сенга мен узундан узун от қўйдим: "Эй кўҳна дардларни янгилатувчи!" Омон МАТЖОН

Бир тўфон уйғотай хаёлларингда Тўфонки, у мудроқ дилинг уйғотсин, Жавоблар тополма саволларингга Кўксингга аламли бир оғриқ ботсин. Бир ёмғир ёғдирай вужудинг узра Ёмғирки, ёшимга қўшилиб оқсин, Офтобдай порлаган нигоҳим энди Ўт бўлиб тош қотган кўксингни ёқсин. Қаҳратон бўлайин боғларинг аро Қалбим армонлари ёғсин мисли қор, Сенсизлик шаҳрига бўлдим фуқаро Қарғайман, умрингга келмасин баҳор!... ✍️ Дилобар

*** Бир гуллар ундирай хаёлларингда, Гулларки ифори қалбингни тутсин. Ороминг бузилиб саволларингдан, Кўзларинг интизор йўлларим кутсин. Бир офтоб порлатай кўнглинг тоқида, Офтобки зиёси дарёдай тошсин. Буткул сархуш бўлиб нур қучоғида, Орзу - истакларинг мен томон шошсин. Бир баҳор келтирай, токи тоабад Умринг чорбоғига келмасин хазон. Менинг муҳаббатим соҳир муҳаббат, Бахтнинг манзилига элтгай бегумон... Шерзод Ғойиб. 29. 06. 26 йил. https://t.me/Sherzod_Goyib_sherlari

🎙 Ботир Қодиров 🎼 Ойнинг ўнбеши

#ҳикмат Эй, кўнгил, Ҳаққа ишқи йўқнинг, ишққа ҳаққи борми?! Мавлоно РУМИЙ @Marvaridfikrlar

Ўлмасман! https://t.me/Dilobar_Joraeva

Ҳеч кимнинг қалбини синдирмасдан,оҳини олмасдан яшаш керак шу қисқа,ёлғон ҳаётни. Қайси ғариб кўнгилда Аллоҳ бор билиб бўлмайди. Сен ғариб,ҳимоясиз дея синдирган қалбда Аллоҳ бўлса,билгинки ҳолинг ҳароб. Мазлум билан Аллоҳ ўртасида ҳатто бир юпқа парда ҳам йўқдир.Мазлумнинг дуоси ҳам баддуоси ҳам Роббга ҳеч қандай тўсиқсиз етиб боради. Агар бошингдан балолар аримаётган бўлса,чиқиб бўлмас йўллар сени ўраб олган бўлса,дуоларинг Аллоҳга етиб бормаётган бўлса беҳуда исён қилма. Балки бир ғариб кўнгилни оҳи,ноласи сени ургандир. Қисқа қилиб айтаман-ҲЕЧ БИР ҚАЛБНИНГ ОҲИНИ ЕНГИЛ САНАМА! Чунки бу дунёда бўлмаса ҳам охират кунида,Аллоҳ мазлумнинг қўлига золимнинг тақдирини албат тутқазиб қўяди… https://t.me/daftar_hoshiyasidagi

Бугун – бетакрор шоир Миртемир таваллуд топган кун * * * Саратонда соябонинг бўлайин, Тоққа ошсанг, кўк довонинг бўлайин, Кетма, жоним, айрилиқдан жон безор, Ярим кеча каҳкашонинг бўлайин. Кетар бўлсанг, хазон ёғар боғимга, Санчиқ ботар дилимдаги доғимга. Кетма, жоним, айрилиқдан жон безор, Оғу сочма менинг хушвақт чоғимга. Керак эмас сенсиз гул ҳам, чаман ҳам, Керак эмас Қандаҳор ҳам, Яман ҳам. Кетма, жоним, айрилиқдан жон безор, Керак эмас бўз тарлон ҳам, саман ҳам. Пок оламим булғанмасдан жилмайгин, Олам ғамга чулғанмасдан жилмайгин. Кетма, жоним, айрилиқдан жон безор, Юрак дир-дир тўлғанмасдан жилмайгин. То тирикман, ўша қайсар боламан, На тиним бор, на излашдан толаман. Кетма, жоним, айрилиқдан жон безор, Барибир мен сени топиб оламан. МИРТЕМИР Уланиш учун: https://t.me/ijod_bustoni

*** Сандувочлар қайтди Қоракўл томон Чиллада мевали боғлар ғарқ пишди, Қишлоқлар оралаб борар бир инсон Ногоҳ назари бир далага тушди. Бу дала томондан келар хуш наво Эзгулик, ёруғлик куйидай нафис, Қўлида портфел кўтарганнамо Куй томон талпиниб борарди туйқус. Йўл бўйи тераклар олқишлар чунон Пойига тўкилар қуёшнинг зари, Бу юртда бир шоир туғилган, ишон Шу сабаб булбуллар кетолмас нари. Неча йил изладим ажиб манзилни Қалби уммон шоир ўсган далани, Шеър билан тўлдириб оташ кўнгилни Тонгларга уладим ўлан, яллани. Чин шоир юз йилда битта туғилар Бу дунё берган кўп бекни, тўрани, Кўнгилда шеър завқи ғалаён қилар Бир йўқлаб бораман Тилак Жўрани. Дилобар Жўраева https://t.me/tilakjura1947

#shoir_qalb * * * 🌸🌸Yo‘llarimiz hijron rangida, tog‘lar paydo bo‘la boshlaydi. Ko‘zim yumsam, ko‘zim o‘ngida bog‘lar paydo bo‘la boshlaydi. 🌸🌸Faqat sen-u men biladigan, faqat men-u sen biladigan, ikkalamiz teng biladigan chog‘lar paydo bo‘la boshlaydi. 🌸🌸Nozik joyim bilar kipriging – yuragimni tilar kipriging. O, nimalar qilar kipriging – dog‘lar paydo bo‘la boshlaydi. 🌸🌸Desam buncha gulgun lolasan, hech ne demay jim uyolasan. Bir jilmayib jonim olasan – chohlar paydo bo‘la boshlaydi. 🌸🌸Ko‘z oldimda ko‘zing doimo, tushimda ham o‘zing doimo. Qoshing qoqib bir qilsang imo mohlar paydo bo‘la boshlaydi. 🌸🌸Sen go‘zal gul, faqat men uzsam, lablarimda gulgun may suzsam… Xayolimda surating chizsam, “voh”lar paydo bo‘la boshlaydi. 🌸🌸Yana ne dey, gulyuz dildorim, to‘lib turgan bu qalb – anorim yormoq uchun chog‘lansam bormi ohlar paydo bo‘la boshlaydi. ✍Muhiddin ABDUSAMAD

Бобур Бобомуроддан самимий табрик!

20-май — Республика Маънавият ва маърифат маркази Олот тумани бўлинмаси раҳбари, истеъдодли шоира, Ўзбекистон Ёзувчилар уюшмаси аъзоси Дилобар Жўраева таваллуд топган кун. Дилобархонни ушбу қутлуғ айём билан самимий муборакбод этамиз. У кишига мустаҳкам соғлиқ, узоқ умр, оилавий бахт-саодат ва ижод йўлида улкан зафарлар тилаймиз. Туманимиз маънавиятини юксалтириш, ёшлар қалбига маърифат ва эзгулик уруғини сочиш йўлидаги фидокорона меҳнатлари таҳсинга лойиқ. Қалами ҳеч қачон тўхтамасин, шеърият ва ижод оламида янги-янги муваффақиятлар ҳамиша ҳамроҳ бўлсин! OLOTLIKLAR KANALIGA QO'SHILING 🪐 @Olot24_7

Farzandarimdan eng shirin sovg'a!

Bugungi kun uchun eng birinchi va eng shirin tabrik. Asal oʻgʻillarim baxtimga doim salomat boʻling 😘😘😘