Dilso`z Tursunova blogi

Yangi mutolaa - yangi anglash!

📚 Yozgi ta'til – o'zingizni rivojlantirish uchun eng yaxshi imkoniyat! ☀️ Ta'til nafaqat dam olish, balki yangi bilimlar olish va dunyoqarashni kengaytirish faslidir. Har kuni atigi 20–30 daqiqa kitob o'qish ham sizga yangi g'oyalar, kuchli motivatsiya va foydali tajribalarni hadya etadi. Bu yozni shunchaki o'tkazib yubormang. O'zingizga maqsad qo'ying: 📖 Kamida 3–5 ta kitob o'qing. 📝 O'qigan kitoblaringizdan eng muhim xulosalarni yozib boring. 💬 Do'stlaringiz bilan kitoblar haqida fikr almashing. Unutmang, bugun o'qigan bir sahifangiz ertangi muvaffaqiyatingizning poydevori bo'lishi mumkin.

Berilgan gaplarni grammatik jihatdan to'g'ri bog'lang. 1. Nutqdagi badiiy uslub aralash uslub hisoblanadi. 2. Bu uslubda so'zlashuv va kitobiy uslublarga xos o'rinlar ham uchraydi. a) Birinchi va ikkinchi gapni qanday grammatik vosita yordamida to'g'ri bog'lash mumkin? b) Natijada qo'shma gapning qaysi turi hosil bo'ladi? Javobingizni izohlarda yozib qoldiring

Berilgan gap bo‘yicha to‘g‘ri fikrni toping. Bola tug‘ib, tarbiyalab o‘rganib ketgan Qumri xola avtobusdagi yosh kelinning iddaosidan malollandi, chunki kelinning qornidagi norasida (Hali jinsi ma’lum emas) onani to‘qqiz oygina bezovta qilmasligini, bir umr muammosini ona yelkasiga tashlab qo‘yishini aytgisi kelardi. 🔠) Sifatlovchi aniqlovchi qaratqich aniqlovchiga tobelangan. 🔠) Barcha gapda ega ishtirok etgan. 🔠) Bog‘lovchisiz qo‘shma gap shakllangan. 🔠) Bosh va 2-darajali bo‘laklar uyushishi kuzatilgan Javobingizni izohlarda yozib qoldiring. Tòģri javobdan keyin tahlil tashlayman.

💥Бугун 26 июнь халқаро кечириш ва кечирим сўраш куни... Абдулла Орипов УЗР Ҳангома кўп учрар ҳаётга доир, Кекса бир қаламкаш одам бор эди. Сизга кўп ёмонлик қилганман, шоир, Кечиринг, узримни сўрайман, деди. Балки раҳмат дейсан шунисига ҳам, Гуноҳин бўйнига олмиш-ку инсон. Сен гугурт чаққанда ёнсаю олам, Узрингдан не фойда, эй сўқир, нодон. Аттангки, қайдадир ношуд шифокор Кимнингдир дилбандин айлади нобуд. Унга узрларнинг не кераги бор, Қўлма-қўл кетмоқда кичкинтой тобут. Сиз менинг умримни қилдингиз адо, Турфа пучмоқлардан бўлган ҳужумлар. У темир панжалар юракни борҳо Анорни сиққандек, эзиб ғижимлар. Кун-бакун тараққий этмоқда дунё, Ногоҳ одамкушни топмоқ ҳам қийин. Ҳозирги маданий жаллодлар ҳатто Аввал узр сўраб, сўйишар кейин. ✍️2015 йил 31 июль, Хьюстон. @ONA_TILIM_MILLAT_RUHI

#kechki_tafakkur Rasmda qaysi ism yashiringan?

ТУШУНИБ ЯШАШГА НЕ ЕТСИН! Бир киши дўстига уйида жанжал чиқмай, аёли билан йиллаб гўзал умр кечирганини сўзлаб беряпти. Мен ишдан келарканман, агар кайфиятим яхши бўлса эшикни икки марта, агар жаҳлим чиқиб турган бўлса уч марта тақиллатардим. Агар уч марта тақиллатсам, аёлим кулиб кутиб олар, менга кундагидан бошқачароқ меҳрибон, эътиборли бўлар эди. Аёлимни жаҳли чиққанини эса, ишдан келганимда эшикни очибла, мени кутмай ичкарига кириб кетишидан сезардим. У куни мен унга янаям меҳрибонроқ бўлардим. Дўсти гапини бўлди ва сўради: Агар сен эшикни уч марта тақиллатсангу, ҳотинингни ҳам жаҳли чиқиб турган, сени кутмай ичкарига кириб кетсачи? У ҳолда ташқарига чиқиб қайтадан, икки марта тақиллатардим. Бир-бирини тушуниб яшашга нима етсин. @ONA_TILIM_MILLAT_RUHI

QALB Daryosi qurisa, chashmasi tinsa, Hayotsiz qovjirab qolsa gar zamin. Gavjum dalasiga sukunat insa, Dehqon cheksa faqat tiriklik g‘amin. Osmonga termulsa, tomchi suvga zor, Sening qalbing bilan qanday ishi bor. Dunyoda muhtojlik yomondan-yomon, Magar xonadonni ko‘rgulik bossa. Ota boshi egik, ona lol, hayron, Eshikka yo‘qlikning to‘rvasin ossa. Bolalar qozonga boqsa och-nahor, Sening qalbing bilan qanday ishi bor. Omad ham dunyoda ot chopib yurar, Kimningdir oshig‘i olchi jahonda. Kimdir shamol kabi davronin surar, Cho‘michi moyda-yu, boshi osmonda. Axir davri kelmish, davlati bisyor, Sening qalbing bilan qanday ishi bor. Goho olis tunlar zirqirar yurak, Qadim bu dunyoning savdolaridan. Kim bilsin, u pinhon yig‘lasa kerak, Olamning tuganmas g‘avg‘olaridan. Yolg‘iz bu qalbingga yolg‘iz o‘zing yor, Faqat qalbing bilan sening ishing bor. ✍️ Abdulla Oripov 2009-yil 2-iyun

25 26, 27- gurih talabalari. Ona tili fanidan 2-waydnomani yopdim. Topshirganlarga òtish balli qòydim. Baholar bilan tanishib qòying.

#иқтибос Яхши нарсалар ишонганингда, яхшироқ нарсалар сабр қилганингда, энг яхшилари воз кечмаганингда келади. Дуо қил, ишон, сабр қил, воз кечма, сен учун хайрлиси энг тўғри пайтда келади. ✍️ Жалолиддин Румий

191-200.pdf

https://phoenixpublication.net/index.php/Izlanuvchi/article/view/13027

Tursunova Feruza bilan yozilgan maqola

Talabalarimiz bilan hammualliflikda chiqargan maqolalarimizdan. BT-143-guruh. Abdurahmonova E'zoza.

https://www.instagram.com/reel/DZaQp2gt3mb/?igsh=MWh2N2hsaGJ6dzc0bg==

#Kun_hikmati