OQ ARMIYA 🤍💙

BU DURANG — BIZNING YO‘LIMIZNI TO‘XTATMAYDI! 🤍💙 Bugun g‘alabani juda xohlagandik. O‘z uyimizda, o‘z muxlislarimiz qarshisida uch ochko olishni niyat qilgandik. Ammo futbolning o‘z qonuni bor — bugun shiddatli va kurashlarga boy uchrashuv 2:2 hisobida yakunlandi. Albatta, bu natijadan ko‘pchiligimizning ko‘nglimiz xira bo‘ldi. Chunki har birimiz g‘alabani kutgandik. Bahs davomida hisobga olinmagan gol, berilmagan penalti va boshqa bahsli vaziyatlar ham bo‘ldi. Ammo biz bahona izlaydigan muxlislar emasmiz. Biz — Dinamo bilan yaxshi kunda ham, og‘ir kunda ham birgamiz! Bugun jamoamiz maydonda bor kuchini berdi. Vaziyatlar yaratdi, kurashdi, oxirigacha taslim bo‘lmadi. Natija biz kutgandek bo‘lmagan bo‘lsa ham, Dinamo uchun kurash davom etmoqda! Nasib qilgani shu ekan — Alhamdulillah. Oldinda esa yangi uchrashuvlar, yangi imkoniyatlar va yangi g‘alabalar bor. ✈️ 19-avgust — safarda OKMKga qarshi. 🏟 25-avgust — Samarqandda, Dinamo stadionida Paxtakorni qabul qilamiz. Demak, bizni katta janglar kutmoqda! Endi bizga tushkunlik emas, birdamlik kerak. Jamoamizga tanqid emas, dalda kerak. Futbolchilarimiz maydonga chiqqanida ular ortida butun Samarqand, butun Oq-Armiya borligini his qilishi kerak! Tribunalar yana oq rangga to‘lsin! Ovozlarimiz yanada baland yangrasin! Jamoamiz maydonga chiqqanida har bir futbolchi orqasida minglab yuraklar borligini his qilsin! Bugun 2:2. Ertaga esa — g‘alaba uchun yana birga kurashamiz! Natija bizni ajratmaydi. Qiyin kunlar bizni sindirmaydi. Bizni sadoqat birlashtiradi! BIR YURAK. BIR BAYROQ. BIR OQ ARMIYA! 🤍 YENGILMAS BU OQ ARMIYA! DINAMO BILAN OXIRIGACHA! 🥁 👉 @DinamoSamarqand

📹 Ўйиндаги вазиятлар 🤔 Бекор қилинган гол, тўпнинг қўлга тегиши ва баҳсли вазиятлар клуб матбуот хизмати видеолавҳасида. 🔵 «Динамо» ПФК матбуот хизмати

🤍 OQ LIBOS TANAMIZDA, DINAMO YURAGIMIZDA! Oq rang — bizning sha’nimiz, Dinamo — bizning hayotimiz! YENGILMAS BU OQ ARMIYA — TO OXIRGI NAFASGACHA DINAMO BILAN! Bizni natija emas, sadoqat birlashtiradi! Bir yurak. Bir bayroq. Bir Oq Armiya! Oq rangga bo‘yalgan tribunalar — Dinamoning eng katta kuchi! Biz kelgan joyda sukunat bo‘lmaydi! Oq Armiya — sadoqat timsoli! Bizning qurolimiz — ovozimiz! Bizning qalqonimiz — birdamligimiz! YENGILMAS BU OQ ARMIYA! DINAMO BILAN OXIRIGACHA! BIR YURAK. BIR OVOZ. BIR KUCH. SAMARQAND — BIZNING FAXRIMIZ! 🥁 👉 @DinamoSamarqand

📹 Вадим Абрамов «Хоразм» билан дуранг, Қодирқулов, Ҳожимирзаев, Амоновнинг жароҳати ва Абдусаломовнинг ўйини ҳақида «Динамо» - «Хоразм» (2:2) учрашувидан кейин жамоамиз бош мураббийи Вадим Абрамов матбуот анжуманида иштирок этиб, журналистларнинг ўйин ҳақидаги саволларига жавоб қайтарди. 🔵 «Динамо» ПФК матбуот хизмати

📹 «Динамо» - «Хоразм» учрашувининг 80-дақиқасида меҳмонлар ҳисобни тенглаштирган вазият: Марко Станоевич тўпни бош билан қайтармоқчи бўлганда рақиб футболчиси Улуғбек Ҳошимов унга ортдан келиб урилди, аммо гол бекор қилинмади Гол билан якунланган вазият ВАРда кўриб чиқилмади, умид қиламизки, аввалги сафарларда бўлгани каби жамоамиз натижасига таъсир қилаётган вазиятлар эътиборсиз қолдирилмайди ва бу борада Ўзбекистон ҳакамлар марказидан аниқ хулоса берилади. 🔵 «Динамо» ПФК матбуот хизмати

Суперлига. "Динамо" - "Хоразм" учрашувидан расмлар 📸 @championatasia

«Жароҳатлар қийнаб қўймоқда» – Вадим Абрамов «Хоразм» билан дуранг, Қодирқулов, Ҳожимирзаев, Амоновнинг жароҳати ва Абдусаломовнинг ўйини ҳақида «Динамо» - «Хоразм» (2:2) учрашувидан кейин жамоамиз бош мураббийи Вадим Абрамов матбуот анжуманида иштирок этиб, журналистларнинг ўйин ҳақидаги саволларига жавоб қайтарди. - Ўйинни ёмон бошламагандик, тўғри ўйнаётгандик, кейин эса ахмоқона хатоларга йўл қўйдик. Бу эса гол қўйиб юборилишига сабаб бўлди. Кейин эса қаҳрамонлик кўрсатиб ҳисобда олдинга чиқиб олдик. Афсуски, яна хатога йўл қўйиб бурчак зарбасидан гол ўтказдик. Аслида тўп ўша нуқтага етказилишини билардик, аммо тажрибали йигитлар қандай қилиб бу тарзда ҳимояланишди, якунда гол ўтказдик. Рақиб ўйинчиси 11 метрлик нуқтадан келиб гол уриб кетди. Умуман олганда эса ўйин жанговар ўтди, мухлисларга ёққан бўлса керак, аммо биз муҳим очколарни қўлдан бой бердик. - Жароҳат олган ўйинчилар билан вазият қай ҳолатда? - Афсуски, улар орасига бугун Санжар Қодирқулов ҳам қўшилди. Жароҳат олганлар ҳали майдонга қайтишга тайёр эмас. Бу қийнаб қўймоқда. Бор имкониятдан фойдаланишимизга тўғри келади. - Уларнинг қайтишини қачон кутсак бўлади? - Билмадим, ҳали аниқ гапириш қийин. Кўрамиз, тиббий бўлимимиз қандай иш олиб бораркин, кўраяпмиз, ўйинлар кетма-кет бўлиб ўтмоқда. Уларни тайёрлаш керак, ҳали машғулотга қўшилгани йўқ, таркибга қайтишга яқиндек эмас. - Кейинги турда «Динамо»ни ОКМК ва «Пахтакор»дек кучли рақиблар кутиб турибди. Нимага умид қилсак бўлади? - Нега, бу футбол, бугун ким очко йўқотишимизни кутганди? Ҳа, рақиблар жиддий, аммо биз ҳар қанақасига тайёргарлик кўрамиз. - Рақибларнинг бурчак зарбалари «Динамо» учун хавфли бўлиб қолмоқда. Буни қандай бартараф этиш мумкин? - Буни йигитларга тушунтиргандик, аммо улар рақиб ортидан кетиб қолишди. Аслида гол уриладиган нуқтани эгаллаш керак. Бу жуда оддий. - Жаҳонгир Абдусаломов кам ўйин амалиётига эга бўлмоқда, аммо у майдонга тушибоқ ассист қилди ва гол урди. Кам ўйнаётгани жисмоний ҳолат билан боғлиқми? - Оғирликни ҳаммага беришимиз керак, шу боис ўйинни кучайтириш учун уни захирадан майдонга туширдик ва у гол урди. Унинг захирадан майдонга тушиши фақатгина тактик ўйланмалар билан боғлиқ. - Ҳожимирзаевнинг йўқлиги жамоага қанчалик таъсир қилмоқда? - Шубҳасиз, нафақат Ҳожимирзаев, Амонов, Ўрозов сингари ўйинчиларнинг ҳам йўқлиги катта йўқотиш, таъсир қилади. Улар етакчи ўйинчиларимиздан эди. Исталган жамоа бундай пайтда қийналади. Бу кўпроқ тақвим зичлиги билан боғлиқ, рақибларимиз бизга қараганда 1-2 кун кўпроқ дам олмоқда, биз эса тикланиш ишларини олиб бора олмаяпмиз. Усмон Ибодов ёзиб олди. 🔵 «Динамо» ПФК матбуот хизмати

🔵DINAMO 2:2 XORAZM🟡 📊 Uchrashuv statistikasi ♻️Artel | 💙Uzcard | ⚫️Apex | 🔴Coca-Cola | 🔵BMB |  🟠  Allplay

📹 Захирадан майдонга тушган Жаҳонгир Абдусаломов томонидан йўлланган ажойиб голни «Динамо» матбуот хизмати видеокадрида томоша қилинг☄️ 🔵🟡 | 2️⃣:2️⃣ 🔵 «Динамо» ПФК матбуот хизмати

📹 Беҳрузбек Облоқуловнинг ажойиб голини «Динамо» матбуот хизмати видео кадрида томоша қилинг 🔥 🔵🟡 | 2️⃣:2️⃣ 🔵 «Динамо» ПФК матбуот хизмати

Championat.asia сайти талқинига кўра, "Динамо" - "Хоразм" (2:2) учрашувининг энг яхши футболчиси — Жаҳонгирбек Абдусаломов ⭐️ @championatasia