Mamosta: Dler_ Arabic Teacher

هیوادارم قوتابیانی پۆلی ١٢ باش خۆتان ماندوو بکەن و بگەن بە نمرەی دڵخوازی خۆتان، ئازاری خوێندن لە بیردەکرێت و کاتیە ،بەڵام پشت گوێ خستنی خوێندن ئازارەکەی بەدرێژایی ژیان بەردەوام دەبێت و برینێکە هەرگیز ساڕێژ نابی.

ڕۆژی سێشەممە ١١/٨/٢٠٢٦ خولی دووەمی پۆلی ١٢ دەست پێدەکات، بەهیوای سەرکەوتن بۆ قوتابیانی ئازیز

تاڵبونی حەڵال، لەئەنجامی چەشتنی حەڕامەوە:‎ قاعیدەیەکی نەگۆڕ لە ژیاندا هەیە: هەر کاتێک ڕوحت بە چێژی شتە قەدەغەکراوەکان (حەرام) ئاشنا کرد، ئیتر نیعمەتە حەڵاڵەکان لە دەمتدا تامیان نامێنێت و تاڵ دەبن. ‎با نموونەیەکتان بۆ بهێنمەوە؛ زۆرجار منداڵێک پارە دەدزێت یان بە دزییەوە دەچێتە سەر شەقامەکان بۆ کڕینی شیرینییەکی هەرزان کە پڕە لە ڕەنگی دەستکرد و زیانبەخش. بەوپەڕی تامەزرۆییەوە دەیخوات و پێی وایە زۆر خۆشە، بەڵام کاتێک دەگەڕێتەوە ماڵەوە، دەبینێت دایکی پاکترین و بەسوودترین خواردنی بۆ ئامادە کردووە، کەچی ئەو نایخوات و دەڵێت "ئیشتیهام نییە". کێشەکە لە خواردنە پاکەکەی ماڵەوە نییە، بەڵکوو کێشەکە ئەوەیە گەدە و زمانی ئەو منداڵە بە شتە هەرزان و زیانبەخشەکە تێکچووە، بۆیە هەست بە تامی شتە بەسوودەکە ناکات. ‎بابەتی حەرام و حەڵاڵیش لە ژیانی ئێمەدا ڕێک بەم شێوەیەیە. ئەو کەسەی کە ڕۆح و چاوی خۆی بە پەیوەندییە کاتی و حەرامەکان تێر دەکات، بە هەمان ئەندازەی ئەو چێژە ساختەیە، توانای بینینی جوانییەکانی حەڵاڵ لەدەست دەدات. کاتێکیش دەگاتە قۆناغی پێکهێنانی خێزان و ژیانی هاوسەرگیری, هەست بە بۆشاییەکی گەورە دەکات و دڵی ئارام ناگرێت. ‎من کەسانێک دەناسم، پاش ساڵانێک لە ڕابردوویەکی پڕ لە هەڵە و تاقیکردنەوەی پەیوەندییە ناڕەواکان، گەیشتوونەتە ئەو کەسەی کە گوایە خەونیان پێوە دەبینی. کەچی دوای ماوەیەکی کورت، بە نائومێدییەوە دەڵێن "دڵمان بەم ژیانە خۆش نییە و هیچ چێژێکی تێدا نابینین". لە بەرامبەریشدا، گەنجێکی زۆر سادەم بینیوە کە بەهۆی پاکیی ڕابردوویەوە، وە دڵ سافیەوە کە هاوسەرگیری کرد ، ئەوەندە دڵی بە هاوسەرەکەی و ماڵە بچووکەکەی خۆش بووە، وەک ئەوەی خاوەنی تەواوی ئەم دنیایە بێت! ‎جیاوازییەکە لێرەدایە: ڕابردووی پاک، داهاتووشت بۆ شیرین دەکات، وە ‎ ڕابردووی پیس، بەرەکەتی داهاتووت دەسڕێتەوە. ‎با شتێکی ترتان پێ بڵێم: حەرام هەمیشە مرۆڤ هیلاک دەکات، لە کاتێکدا حەڵاڵ کانیاوی ئارامییە. ‎لەوانەیە لە سەرەتادا وا دەرکەوێت کە گوناهـ و تاوان ئاسانتر بێت، بەڵام کاتێک تێدەپەڕێت، تێدەگەیت کە ڕەنگە شەوێک بە تاوانێکەوە بەسەر ببەیت و وابزانیت لە لوتکەی چێژدایت، کەچی بۆ بەیانییەکەی دەروونت وێرانە و جەستەت زۆر هیلاکە. بەپێچەوانەوە، دەکرێت تەواوی ڕۆژەکە بەهۆی کارێکی قورسەوە ماندوو ببیت بۆ پەیداکردنی بژێوییەکی حەڵاڵ، بەڵام کاتێک دەگەڕێیتەوە بۆ لای خێزانەکەت، لەوپەڕی ئارامیی دەروونیدا پشوو دەدەیت. ‎لە کۆتاییدا، پێویستە بزانین کە هەندێک چەمک مانای زۆر قووڵتریان هەیە لەوەی تەنها بە زمان بوترێن. ‎"خۆشەویستی" تەنها ئەوە نییە پەیامێکی ڕۆمانسی بنێریت یان وێنەیەک پۆست بکەیت. کاتێک لە مانای قووڵی خۆشەویستی تێدەگەیت، دەزانیت کە خۆشەویستی واتە ئارامگرتن و لێبووردەیی. واتە کاتێک دایکت، باوکت، یان هاوسەرەکەت بە هۆی پەستانی ژیانەوە وشەیەکت پێ دەڵێن کە دڵت دەشکێنێت، تۆ لەبەر خۆشەویستی و ڕێز بێدەنگ دەبیت و بەرپەرچیان نادەیتەوە. ‎دەکرێت بێدەنگبوونت بەرامبەر هەڵەیەکی خەزوورت، هەزار هێندەی چەپکە گوڵێکی ڕواڵەتی مانای خۆشەویستی ببەخشێت. گەر لە کرۆکی خۆشەویستی تێ نەگەیشتبیت، دەتوانیت لە ڕۆژی دایکاندا جوانترین شیعر بنووسیت بۆدایکت و خەڵک پێی سەرسام بێت، کەچی لە ماڵەوە ئەوەندە بێئەدەب بیت کە لەسەر بچووکترین شت دەنگت بەسەر دایکتدا بەرز بکەیتەوە. ئەوەی گرنگە کردارە، نەک دروشمی بریقەدار. ‎هەرشادبن… ‎کەمال گەزنەی

لەم لینکەی خوارەوە ئەنجامەکانی پۆلی دوانزە وەرگرەوە ئەمڕۆ دوای نیوەڕۆ ئەكتیڤ دەكرێ https://www.e-parwarda.com/LoginEP?returnUrl=/

الحمدللە تاقیکردنەوەکانی وزاری کۆتایی هات، داواکارم لەخودای گەورە کە نمرەی دڵخوازی خۆتان بەقسمەت بکات، ئەوانەی کە شطبیان هەیە یاخود کەوتون، خولی دووەم إن شاء الله قەرەبۆ دەکەنەوە.