الجيش الابيض

🤎من جنت صغيرة يعني نهاية الابتدائية بداية المتوسطة هيج شي اسمع الاهل يسولفون فلانه صار عندها حصبه المانية وهي حامل 🤰🏻! ومنتشر جان يعني ياهي الي حامل اسمعها يكولون مصابه 🤎واني من ذاك الوكت تحوص ببالي فكرة شنو هي الحصبة الألمانية 😂😂 🤎هي عدوى فايروسية (Rubella) إذا صابت الحامل خصوصا بالأشهر الاولى الثلاثة تعبر المشيمة (الجارة ) وتنتقل للطفل وتسبب تشوهات للجنين 💚خصوصا اول ٣ اشهر نسبة الانتقال للطفل عاليه جداً وتشوهات ١٠٠٪؜ تصير خصوصا إذا بعدها بالشهر الاول والثاني 💚ثاني ٣ اشهر من الحمل نسبة الانتقال قليله وتشوهات هم قليله 💚آخر ٣ اشهر من الحمل ماينتقل ولا يسبب تشوهات 🤎الام تنصاب بي وهي ماعندها اي اعراض واذا صارت اعراض فـ يصير طفح جلدي وحرارة والم بالجسم 💚اما الجنين يتعرض لـ ٣ مشاكل (داخل الرحم …بعد الولادة …مشاكل دائمية طول حياته ) شنو هي ؟ 💚وشلون نقرا تحاليل الحصبة الألمانية راح اكملهن بالتعليقات 『 @Dr_ar19 』

حبايب منا وهيج إذا تريدون راسلوني من محادثة القناة ، موجودة بالاسفل بدل البوت ، البوت هوسة وبي مئات الرسائل وتنخلط الرسائل عندي وتضيع اما هاي محادثة القناة ارتب تفصل الي المحادثات عن بعضها بالتالي اني اعرف منو جاوبته ومنو لا وهم اطمئنو متطلع رسائلكم لأعضاء القناة او اي احد آخر غيري 🫀🫰🏻 ورسالة دزوها بكافه التفاصيل مو بس (هلو ، سلام عليكم )😥

بنية حامل عمرها 17 سنة …جتي عندها حكة مهبلية قوية وإفرازات لونها ابيض مصفر ريحتها مطيبة تشبه ريحة السمك 🐟 بالفحص واضحه هاي الافرازات البيض … ☀️تشخصت بـ التهاب بكتيري (Bacterial vaginosis) ☀️ 🍁طبيعياً بالمهبل اكو بكتيريا نافعة (lactobacilli) وظيفتها تنتج حامض اللاكتك (Lactic acid) بالتالي تحافظ ع حموضة المهبل (pH حوالي 3.8–4.5) وهل شي راح يمنع نمو البكتيريا الضارة 🍁في حال صار نقص بعدد هاي البكتيريا النافعة راح يصير خلل بتوازن PH (لان كلنا هي تنتج اللاكتك اسد الي ينطي بيئة حامضيه )فراح تبدي بكتريا ضارة تنمو وأشهرها ( Gardnerella) 🍁هاي البكتيريا الضارة تنتج مواد ضارة الي هي الأمينات هاي المواد ريحتها مثل ريحة السمك وعاشو عيشه سعيدة هاي كل ما في السالفة ، بس بقه العلاج وكم شغله بسيطة بالتعليقات 🦄 『 @Dr_ar19 』

🤰🏻من داومت بصاله الولادة الطبيعية وشفت نورمل ليبر (ولادة طبيعية ) شفت كيس منطقة الڤجاينا (المهبل ) عبارة عن طبقه بيضاء مثل الصورة وممكن اكثر… ☘️هاي عبارة عن إلتهاب فطري (Candidiasis vulvovagina) نشوفها بالحوامل ☘️لان بالحمل يرتفع الاستروجين من يرتفع راح يزيد كمية الكلايكوجين بخلايا المهبل هذا بدورة يتحلل إلى سكريات بسيطة تستفيد منها الفطريات كـ غذاء بالتالي تتكاثر اكثر وأكثر ☘️زين شلون نعرف هاي فطريات ؟ 💚تجي بحكة تصير عندها حكة قويه مع حرقه (vulvar pruritus, burning) 💚افرازات لونها ابيض وجبنيه 🧀من ناحية القوام (Curdy white “cottagecheese” discharge) 💚هاي الإفرازات تكون لزكة يعني نشوفها لازكة ع سطح وجدار المهبل sticky 💚واهم شي بدون رائحة 😷 ☘️بالفحص شنو اشوف ؟ ☘️شنو العلاج ؟ ☘️وهل بس الحمل يسببها ؟ ☘️تكملة بالتعليقات ^تفاعلو ^🦄😡 『 @Dr_ar19 』

🩸اكو نساء بوقت الدورة الشهرية ميستعملن الفوط الصحية، وإنما يستخدمن التامبون (Tampon) مثل الموجود بالصورة، الي هو عبارة عن قطعة قطنية تُوضع داخل المهبل حتى تمتص دم الدورة. 🩸المشكلة تصير إذا انترك التامبون داخل المهبل لمدة طويلة، مثل يومين أو 3 أيام، أو أكثر راح تتكون بيئة تساعد بعض أنواع البكتيريا، خصوصا Staphylococcus aureus، على التكاثر وإفراز سم خطير اسمه TSST-1 🩸هذا السم يدخل للدم ويحفز جهاز المناعة بصورة قوية ، فيسبب حالة خطيرة اسمها (Toxic Shock Syndrome - TSS) بالعربي متلازمة الصدمة السمية ،،،،بحال ما تعالجت وتشخصت بشكل صحيح تسبب فشل لبقيه أعضاء الجسم تكملة بسيطة بالتعليقات 🦄🦄🦄 『 @Dr_ar19 』

👩🏻‍🦰دخلت للعيادة بنية هي وامها عمرها 14 سنة البنية طويلة طولها 178 cm 🧕🏻امها تكول ^دكتورة، كل البنات بعمرها إجتهم الدورة، إلا فلانه لحد هسه ما نزلت عليها وهم دكتورة صدرها صغير ^ 👩🏻‍⚕️سألناها ابد ابد ؟ كالت ولا مره بحياتها جايتها الدورة 👩🏻‍⚕️سألنها اعراض دورة شهرية اكو ؟ كالت لا ماكو …(لان بعض الحالات غشاء البكارة عندهم ما مثقوب فدم الدورة يتجمع يبقه ماينزل يعني تجيهم اعراض دورة ودم يتجمع بالرحم بس ماينزل لان الهايمن ما مثقوب ) 👩🏻‍⚕️احنه بهيج حاله شنسوي ؟ 🧠اول شي نبدي نفحص خارجياً يعني شفنه عندها اعضاء تناسليه خارجية ✅ شفنه الهايمن (غشاء البكارة ) سليم (صح ماعندها اعراض بس للاطمئنان نفحص ) ✅ 🧠الصفات الجنسية الثانوية (نمو شعر الإبط والعانه ) موجودات ✅ لكن ثدي ماكو يعني ماكو نمو وتطور ❌ 🧠وهنا بدأت الشكوك…دزتها الدكتورة ع US (سونار ) والتكملة باول تعليق 🦄🦄🦄 『 @Dr_ar19 』

🤰🏻 هاي الفتره دوامي نسائية فـ بأحد الردهات لكيت بنية شابه حامل 🤰🏻 بتؤام من سألتها شنو الشي الي خلاج تجين للمستشفى شصار عندج وجيتي ؟ 🤰🏻 كالت تقيؤ باليوم 10 مرات إذا مو اكثر المي إذا اشوفه يصير عندي تقيؤ كل شي ما اكدر احط بحلكي 🤮فاني من اول كلمة كالتها عرفت انو هي عندها Hyperemesis Gravidarum (HG) 🤮 هذا مو وحام حمل عادي ،،الفكرة شنو بالحمل خصوصا اول ٣ اشهر يرتفع هرمون الحمل (β-hcg ) وذروته تصير بالشهر الثالث وبعدها يبدي يقل هذا الهرمون يحفز مركز القيء بالدماغ (Vomiting center) 🤮وارتفاع هرمون البروجسترون كذلك يبطئ حركة المعدة والأمعاء فالأكل يبقه فتره اطول بالتالي يزيد اللعبان نفس هم الاستروجين صح هو بالأشهر الأخيرة او قرب الولادة يبدي يرتفع بالبداية مو كلش بس اله دور يزيد حساسية لحاسه الشم والتذوق تكملة بالتعليقات 🦄🦄 『 @Dr_ar19 』

“كل شهر أول يوم أو ثاني يوم من الدورة أموت من الوجع الله يخليج ساعديني .” هاي الرسالة من اكثر الرسائل الي توصل الي ع البوت هذا اسمه Dysmenorrhoea (عسر الطمث). 👩🏻ليش الرحم يوجع أصلاً؟ شنو يصير داخل الرحم وقت الدورة؟ 👩🏼‍⚕️كل شهر الرحم يسوي بطانة حتى يستقبل الحمل ويزرع الطفل بيها ،إذا ما صار حمل الجسم يكول:منحتاج هاي البطانة بعد ! فيبدي يهدمها حتى تنزل على شكل دم الدورة. 👩🏻بس شلون يطلع الدم؟ 👩🏼‍⚕️الرحم لازم ينقبض حتى يطرد بطانة الرحم للخارج. (مثل متعصرين معجون الأسنان حتى يطلع😅 نفس فكرة ) الرحم همين يعصر نفسه حتى ينزل الدم. 👩🏼‍⚕️هي هاي العصرة بحد ذاتها مؤلمة وهنا يجي دور مادة اسمها بروستوكلاندين (PG) وظيفتها تخلي الرحم ينقبض حتى ينزل دم الدورة يعني وجودها شي طبيعي هي هاي خلقة رب العالمين 👩🏻وحدة تكول اني اتألم اكثر من اختي ليش ؟ 👩🏼‍⚕️التكملة بالتعليقات 🦄🦄 『 @Dr_ar19 』

نتخيل عندنا بنات 2 سارة ونور👱🏻‍♀️👩🏻 👱🏻‍♀️سارة قبل الدورة الشهرية بـ 3 ايام يصير عندها الم بالثدي واحتقان تعصب شوية والمزاج يتعكر انتفاخ شويه بس شنو وضعها ؟ ✅تروح للجامعة ✅تدرس ✅تطلع ويه أهلها ✅تمارس حياتها طبيعي هاي أعراض طبيعية تصير قبل الدورة عند أغلب النساء، وما تحتاج علاج (Premenstrual symptoms ) ............................... 👩🏻نور قبل الدورة بـ اسبوع يصير عندها عصبية قوية 😡 تبچي بدون سبب تعكر المزاج لدرجة تتعارك ويه اهلها بدون سبب او حتى لو سبب تافه صداع قوي ميستجيب للمسكن بالعادة الم بالثدي مورم تحسه ومحتقن شنو وضعها ؟ ❌ متكدر تروح للجامعة ❌متكدر تدرس ❌ متكدر تطلع مجرد ما تنزل الدورة تختفي كل الاعراض هاي نسميها (متلازمة ما قبل الدورة الشهرية …Premenstrual Syndrome (PMS) ) التكملة بالتعليقات 🦄🦄 『 @Dr_ar19 』

الحمد لله واخيراً ، رسمياً مرحلة سادسة 😔🫰🏻

جتني رساله ع البوت👈🏻 (دكتورة اشرحيلي ع الرعاف موتني )😔 حبايب الرعاف (Epistaxis)…نزف الانف اول شي يحتاج نعرف ان الانف يحتوي ع شبكة كبيرة وغنيه بالاوعية الدموية الرقيقة 💨فـ الجو الجاف الحار والبارد راح يسبب جفاف لبطانه الانف ،،مجرد ما صار جفاف الوعاء الدموي رقيق كـبل راح يطك من طك صار نزف 👃🏻 من تجي تدخل اصبعك بخشمك 👃🏻نفخت قوي بخشمك 👃🏻عطسة قوية 👃🏻ضربه جتي ع الانف 👈🏻ذني كلهن truma راح يسببن تمزق بالأوعية الدموية الرقيقة فالأنف يطك دم 🩸 🦠ممكن infection يعني اي عدوى بسيطة انفلاونزا مثلاً او التهاب جيوب انفية 🐜اي جسم شي يدخل الانف مثلا حشرات ♋️ممكن اورام بالانف بحد ذاتها هي تسبب نزف سواء أورام حميدة او خبيثه 👃🏻الناس الي عندها انحراف بالانف هم سبب ⛰️الناس الي تصعد مرتفعات فجأة وخشمه طك دم هنا بسبب تغير الضغط راح يسبب توسع بالأوعية الدموية ❤️هاي كلها اسباب local يعني سبب بالانف المشكلة بالانف ❤️ 👃🏻ممكن مشاكل بالجسم تسبب رعاف ؟ 👃🏻شلون اتعامل ويا إذا صار عندي ؟ بالتعليقات التكملة 🦄 『 @Dr_ar19 』

🎀فهرس القناة للمواضيع الي شرحتها 🎀 (يتجدد وينضاف اله كل ما نشرح سستم جديد) 🦴Orthopedic،Rheumatology كسور +شويه مفاصل 🫀Cardiovascular...قلبية 🫁Respiratory...تنفسية 👩‍⚕️Git...جراحة الجهاز الهضمي +شوية باطنية 🦋endocrine....هرمونات وغدد صم 🛀Dermatology …الأمراض الجلدية 👀ophthalmology...العيون 👂🏻👃🏻ENT...أذن وأنف وحنجرة pediatrics…الاطفال👶🏻 🤰🏻النسائية والتولد ...Obstetrics and Gynecology 🔪الجراحة بكل أنواعها ....surgery 🩺مواضيع عشوائية تم شرحهن بالسنوات السابقة

هذا الطفل شفته من جنت اداوم روته جراحة نيورو ،،،الحادث مالته هو سقوط من مرتفع عالي احنه وناخذ منه هستري وندور منا ومنا انتهبت ورا أذنه اكو لون مثل الكدمه هاي علامة كلاسيكية تدل ع وجود كسر بقاعدة الجمجمة (🧠 Middle Cranial Fossa Fracture) ومتطلع كبل تتأخر بعد 48 ساعة يلا تظهر . مو بس هيج يكوم يطلع من أذنه دم 🩸 ممزوج بـ CSF سائل الدماغي الشوكي (السائل الي يحيط الدماغ ويطوف بي ) هذا الكسر يسبب ضغط ع الاعصاب من ضمنها العصب السابع (Facial paralysis)فراح يسبب شلل بي العصب السابع راح يصير بي شلل فنصف الوجه راح ينشل فراح نشوف : 🌸العين بيها مراح تنسد زين 🌸والفم يميل للجهه الثانيه 🌸مكيدر يرفع حاجبه بالنصف المتضرر 🌸انفخ حلكك !ينفخ بس جهه ثانيه شلون الي تفش ميسيطر عليها 💗واحد ذكي يسأل ويكول شمدرينا يجوز طبله الاذن مثقوبة وديطلع دم من الاذن ! فـ شلون نميز هل دم مصدرة من الاذن لو مصدرة كسر ؟ الجواب بالتعليقات 『 @Dr_ar19 』

❤️اني وداتمشه في اورقة المستشفى تحديداً ردهات جراحة الجملة العصبية من بعيد لمحت هاي الطفلة فكلت خل اشوف شبيها مابيها خطية واكعه من السطح 😞❤️ 👈🏻عندها كسر بقاعدة الجمجمة(basal skull fracture_ anterior cranial fossa) الي هي الأرضية الي يرتكز عليها الدماغ 🐼نتيجة الكسر يصير تجمع دموي تحت العين او داير مدايرها وشلون عيون حيوان الراكون 🦝 او الباندا🐼 Raccoon eyes (Periorbital ecchymosis) 👃🏻بنفس الوقت نشوف خشم المريض يخرخر سائل شفاف نظيف،ليش ؟ CSF rhinorrhea عدنا سائل يسمو (دماغي او سائل نخاعي شوكي ) موجود بالدماغ هذا راح يطلع وينزل من الدماغ لتجويف الانف بعدين يطلع من خلال فتحات الانف (يطلع من الدماغ للأنف لان العظمة الفاصله بين الدماغ والانف نكسرت ) 👃🏻وبنفس الوقت المريض ممكن يفقد حاسه الشم (anosema) لان عدنا عصب اسمه olfactory nerve (العصب الشمي ) هـو المسؤول عن الشم وبما انو صار كسر بالعظمة مال الجمجمة والعصب المسؤول عن الشم موقعه يم هل عظمة فـ اكيد العصب راح ينضرب تكملة بأول تعليق @Dr_ar19

👂🏻إذا انت وصغير جنت مصاب بـ ابو خريان (جدري الماء …chicken pox ) فهذا المنشور الك 👂🏻ابو خريان الاصابة مالته فايروسية يعني عدوى فايروس (herpes zoster virus) بعد ما تشافيت منه مراح يطلع من جسمك وانما يختل داخل الاعصاب ويبقه خاتل لسنوات طويلة حتى وان تشافيت 👂🏻مرات يرجع يتنشط مره ثانية ! ليش يتنشط ؟ لاي سبب يخلي المناعة تقل شوية مثلا ستريس ، مرض الخ… 👂🏻في حال تنشط داخل جزء من العصب السابع facial nerve(العصب الوجهي ) راح يصير عندنا متلازمة اسمها رمزي هنت (Ramsay Hunt Syndrome) 👂🏻فشلون راح يجي ؟ راح يجي بـ طفح ع شكل حب او فقاعات جلدية (Vesicular rash and blisters ) داير مداير الاذن وممكن بسقف الفم وباللسان هم التكملة بالتعليقات 💗🌸🫰🏻 『 @Dr_ar19 』

مريض أذنه حمرة وتحكة حكة داخلية قوية ويحس بألم وطنين بالأذن والسمع عنده بده يقل 🦋راجع طبيب ent فحصه بجهاز otoscope 🦋 بين اله : ❤️قناة الاذن محمرة (Canal erythema) ❤️وشوية مورمة (Mild edema) بحيث هذا التورم شويه ساد قناة الاذن ❤️هم شاف هذا المنظر الي بالصورة هيج خيوط وبرأسها طوبة (Black spores with fungal hyphea) الي هي خيوط فطرية وابواغ 🦋هذا المنظر وهاي الاعراض تشير إلى وجود عدوى فطرية (Otomycosis) بالتحديد فطر aspergillus هاي العدوى تصير إذا كانت قناة الأذن رطبة او يدخل الها مي هواية تكملة بالتعليقات 🤏🏻❤️🦋. 『 @Dr_ar19 』

اسولف الكم شويه ع حصى الي تصير بالجهاز البولي (Urolithiasis) 🌼الحصى تتكون لعدة اسباب : 🪨وحده منها الرجال كونك ولد هذا بحد ذاته سبب يخلي الحصى تتكون عندك لان الرجال عندهم كمية قليله من (citrate) هاي مادة موجودة بالإدرار تمنع تكوين الحصى ،،،وعندكم كالسيوم هواية مقارنه بالنساء 🪨بعض العوائل جسمهم ينتج كمية كبيرة من مادة (mucoprotein) هاي مادة شلون الصمغ موجودة بالإدرار يخلي البلورات او الجزيئات الصغيرة تلتصق ببعضها وتتكون الحصى 🪨طبيعة الغذاء إذا شرب مي قليل ، ملح هواية ، سُكر هواية دهون وبروتينات هواية ذني كلهن عوامل 🪨الكعدة الطويله وقله الحركة وبعض الادوية كذلك مثل (ephedrine, thiazide, indinavir، allopurinol) ذني كلهن الهن دور بهل شي 🌼زين شنو الاعراض الي يجي بيها ؟ 🌼وتدرون احنه عدنا انواع من الحصى ؟ تعالو نكمل بالتعليقات وأعرفكم عليهن🦄『 @Dr_ar19 』

💜اكو بنية تكول قبل الدورة الشهرية بأسبوعين يصير عندي الم بكلا الثديين وأحسهن يورمن وما اكدر ادوسهن يأذني لدرجة إذا ملابس تطخ اتألم واحس هيج اكو شلون الطوبة او الكتلة (nodularity or lumpiness) مرات احسها بمكان واحد مرات احسها منتشره واني كُلش خايفة خاف مرض خبيث ؟ 💞بعد نطت ملاحظة انو هي كل شهر يصير هيج عندها قبل الدورة الشهرية بمدة اسبوع او اسبوعين ويزداد الالم والثكل كل ما يقرب موعد الدورة الشهرية وقبل الدورة بيوم او بعد ما تنزل يختفي ويرجع كل شي طبيعي 💜الثدي عضو يتغير باستمرار بسبب انو هو يخضع لتأثيرات الهرمونات منهاا الاستروجين والبروجسترون والبرولاكتين 💞فالثدي راح يصير بي احتباس سوائل فنحسه شويه مورم ويصير تضخم بالغدد والقنوات الحليبية يعني اقصد توسيع شويه بالتالي حجم النسيج يزداد وما دام صارت هاي التغيرات منطقي راح يصير الم تكملة بالتعليقات 『 @Dr_ar19 』