غرايّب :)

مرّ طاريك والله يكرم السامعين ‏كن مافي قواميس الكلام ونعم ‏ماقدر اقول وش قال اغلب الحاضرين ‏أنا نادم على سمعتك .. اشدّ الندم !

جاملت وأثر الحياه بكبرها ماتدوم ‏وضيّعت حاجات واجد كان ودي بها ‏وكبرت واحلام عمري ماقضت لي لزوم ‏الحين .. لو هي تحقق ويش اسوي بها !

« ماهو بشرط اعجب جمييع الناس ‏ انا ما كل الناس .. تعجبني »

‏ يَاربُّ إن عَظُمت ذنُوبي كُثرةً ‏ فَلقد عَلمتُ بِأنَّ عَفوكَ أعظمُ ‏ إن كانَّ لايرجُوك إلا مُحسنٌ ‏ فَبِمَن يلُوذُ وَيستجيرُ المُجرم ‏ أدعُوكَ ربِّ كمَا أمرتَ تضرُّعًا ‏ فَإذا رَددتَ يَديّ فَمن ذا يَرحمُ؟ ‏ " مَالِي إليك وسيلةٌ إلا الرّجاء ‏ وَجميلُ عَفوكَ ثُم أنِّي مُسلِمُ "

أتوب واخطي واخذ شوي واتوب ويبقى الندم مابين نفسي وبيني عبدٍ ضعيف و كلي اثام وذنوُب يالله إنك لدرب الصلاح تهديني .

يالله ... ياللي بأسمك الناس تحتاط ‏فيك الرجاء من دون نفسي وناسي ‏تلوج روحي بين تفريط وافراط ‏في لذة الدنيا خذاني حماسي ‏واسج واخذ لي مع الغفله اشواط ‏ والدّلك .. وانا مقصّر وناسي ‏نزَّلت راسي ساجدٍ .. لك ومحتاط ‏ لعلي ارفع في ضحى الحشر راسي .

‏تغير على الوقت وأخذني من أقصاي ‏ياوجدي على خبري من أول وياصبري ‏عسى وضعي المزري يزينه الزمان الجاي ‏مابي من عطاه الا أني أرجع على خبري .

‏أنا عندي يقين أن التفاؤل زينة الأحوال ‏لو أن الحزن خيّم في مداي وضيق آفاقي ‏أحب من التفاؤل خيرته وأنا كريمّة فال ‏أنا كيف أتشائم و الله اللي كافل أرزاقي .

‏شموس ولواهيب وحراره وجو شين ‏من الـ 40 وفوق فالصبح والممسى ‏عسى الله يرزقني بمليون مليونين ‏يخليني اقضي باقي القيض فـ النمسى .

‏«هذا الصمت مألوف، تعرفه روحي، لكنني لم أتصوّر أن يتسع ليصير بكل هذه الحدّة، وكأن لا شيء في الحياة بأكملها قد يُثير إنتباهه.» ‏"على جديد الليالي شكل ماهو غريب ‏أمر بـ أيّام كني .. عشتها من قبل ".

‏- نجيب محفوظ : " لن تجدني مؤذياً أبداً حتى إن خاب ظني فيك سأغادرك بلُطف ، فإنتهاء الرغبه أشد من الكره" برواية أخرى : ‏" لي قلب من شيمته لا من جفْته القلوب ‏صد ومعه كلمةٍ تجرح .. ولا قالها "

‏مارحت ادور وجودي لان عندي يقين ‏حتى في لعب الورق ماحب اكمل عدد ‏لو اتضايق واشوف الوضع ماهو بزين ‏مانيب ادور سوى من الله عتاد ومدد ‏اثر الشغف ينفقد مع مرور السنين ‏انا فقدته واحسب انها مشاكل غدد ‏الظاهر اني بحاجة واحد من الثنين ‏اما اصحابٍ جدد ولا اعداءٍ جدد :)

‏لا تنتظر رد الجمايل .. والارباح ‏ولا تلتفت في طيبك اللي صنعته ‏الطيب بوجيه الكريمين ماراح ‏ولا الردي ما ينفعك لو نفعته .

‏من أجتهد في رضا الأوادم تنقّد ‏إذا رضيت بما تسويه كافي ‏اللي يشوفك معقّد ؟ معقّد ‏واللي يشوفك سنافي ؟ سنافي

‏"يا ما أعذبك وأنت تهبّ حتى مع الأنسام ‏ويا ما أقساك وأنت تغرّب الشخص ببلاده" ‏- بندر الدويش

‏« احنك وانا مابيني وبّين ربعك عرق ‏انا واحدٍ قالو له — اختار واختارك »

‏« لك علي أني ما أحطك على لسان الشموت ‏ولي عليك إن كان صدرك تضايق مرّني ‏مستعّد أموت لأجلك / ولكن قبل أموت ‏كان عندك شيء يثبت غلاتي ورّني ! »

‏"قالت أنت تموت فيني وقلبك ما يخون ‏والتفتّ إلها من أعماقي وصارحتها قلت أنا ميت وميت وميت ومغبون ‏يعني فوق الأرض أحبَّك، وأحبَّك تحتها"

على كثر ما شريط الذاكرة يطوي ‏مافيه وجهٍ ثبت فالذاكرة .. كثرك .