سلسلة افكار وحلول

الفيلم الهندي الي نشوفوا فيه كل سنة بعدين الزوز يخشو لطرابلس ويقعدولهم موادهم ،بو 86 يحول افريقيا و بو 88 لرفاق

اللهم لك الحمد كما ينبغي لجلال وجهك وعظيم سلطانك حمدلله، واخيراً كملت جميع مقررات : سلسلة الكهرومغناطيسيات (13)✔️ سلسلة الاتصالات (16-26،24)✔️ سلسلة الإلكترونيات (19،29،23)✔️ جميع معامل القسم والعام والميني ✔️ 99‎%‎ من الرحلة تمت بفضل الرحمن ومن ثم فضل اصدقائي وزملائي . بصراحة مع ضغط الخدمة وعدم القدرة على التوازن بينها وبين القراية متوقعتش ، لكن الدعاء في عرفة سخر الحال والحمدلله دائماً وأبداً كنت ديمه نطلب من الناس الي في القناة من الدعاء ، بارك الله فيكم وجزاكم الله كل خير

ليش اغلب الطلبة يسألوا على المواد وكانه الفصل بيبدا الأسبوع الجاي؟ يوميا يجيني هلبا اسئلة على المواد الي نعطي فيها وفي نفس الوقت عندي ناس تعتبر مشتركة من توا لكن: في الوقت الحالي موعد بداية الفصل الجديد لي توا نص شهر 9 اي مزال شهر ونص تعتبر مدة طويلة ، التفكير في القراية من وجهي نظري مفروض يكون بداية الشهر الجاي ( حتى لو بتقرا في العطلة ) لانه التنزيل بيكون نص 9 يعني القراية الفعلية بتكون لي نهاية 9 - بداية 10 يعني لو بديت تقرا من توا والقراية الفعلية تبدا بداية شهر 10 حتقعد شهرين تقرا ؟! وبيبدا السيم وانت فاقد الشغف ومليت ، اني منقولكش ضيع وقتك لكن في نفس الوقت مش حتقدر تقرا من شهر 8 ل نهاية سيم جاي شهر 1 بنفس الرتم وحتمل العطلة مش مملة العطلة تبي حد يعرف يستغلها بس ، ومن وجهة نظري شهرين العطلة هما يعتبروا اكثر شهرين تقدر تتطور فيهم في كل شيء هذا رايي المتواضع ،نسأل أن يوفقكم ويسعدكم جميعاً

ليلة تخليك تقول مابعد مشجعين رونالدو كيف يرقدوا وهما معمرهمش فازو بكاس العالم وديمه يطلعوا من اول دور منه الحمدلله الواحد عنده امتحان 526 الخميس يدك راسه فيه ويصكر نت لين ربك يفرجها 😭😭😭

اكثر دولة دعمت القضية الفلسطينية 🇪🇸 اكثر دولة لاعبينها ومدربينها صرحوا ضد إسرائيل واعلنوا دعمهم للفلسطينين 🇪🇸 على رغم من كوني اكبر مشجعين لميسي لكن يستحقوها اكثر منه ، لانه ترمب بحد ذاته معتبر من العار تفوز إسبانيا بلبطولة على ارضهم بعد موقفهم مع فلسطين 🇵🇸 ميجيش حد يقول شن دخل الرياضة في سياسية لا دخل ونص .

مابعد الحمادين وجماعة نظرية المؤامرة خلاهم يشجعوا جميع المنتخبات ودعسهم كلهم آكبر غبي شفته في حياتي الي يقارن في ميسي مع اي لاعب 😆 🇦🇷🇦🇷🇦🇷🇦🇷🇦🇷🇦🇷🇦🇷🇦🇷

🚨 فزعة خوت.. نداء عاجل لإنقاذ زميلنا قال تعالى: ﴿ وَمَا أَنفَقْتُم مِّن شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ ﴾ وقال رسول الله ﷺ: «مَا نَقَصَتْ صَدَقَةٌ مِنْ مَالٍ» تعرض زميلنا وأخونا طه عرفة طالب بقسم الهندسة الكهربائية  لحادث سير مروع…

🚨 فزعة خوت.. نداء عاجل لإنقاذ زميلنا قال تعالى: ﴿ وَمَا أَنفَقْتُم مِّن شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ ﴾ وقال رسول الله ﷺ: «مَا نَقَصَتْ صَدَقَةٌ مِنْ مَالٍ» تعرض زميلنا وأخونا طه عرفة طالب بقسم الهندسة الكهربائية  لحادث سير مروع جداً، ونتج عنه كسر في الحوض، وكسر في الظهر، وجروح بليغة في الوجه. العيادة طلبت من والده مبلغ 50,000 دينار لتغطية تكاليف العمليات والعلاج، والعائلة تمر بظرف صعب وتحتاج فزعتنا ووقفتنا معاهم في هذا الابتلاء. أي مبلغ مهما كان بسيط رح يفرق معاهم، واللي ما يقدرش يتبرع يشاركنا بالدعاء ونشر الرسالة. للتبرع والمساهمة: للتبرع بالكاش نقداً: يمكنكم تسليم المبالغ النقدية لأحد الزملاء: 1. الأخ أحمد الشائبي 📞 هاتف: 0914805083 2. الأخ حسن جبيل 📞 هاتف: 0927098031 للتحويل البنكي مصرف شمال أفريقيا: باسم: عبد العزيز علي جماعة رقم الحساب: 065011013351017 الآيبان IBAN: LY21007065011013351017 للانضمام لقروب الواتساب الخاص بالحملة ومتابعة الحالة: https://chat.whatsapp.com/Fx21VVmocrJ4Ta6NP4XK4t?mode=gi_t دعواتكم له بالشفاء العاجل، وجزاكم الله كل خير

متعفلق من الدكاترة ليش يبونا نسلموا التقارير مكتوبة باليد وحنى في ال 2026 الطريقة الي درت بيها آخر تقرير كان مطبوع🤣😂 :

اللهم خفف عني ثقل هذه الإيام، وأرزقني قوة الصبر، وأشرح صدري، و إنزع منه ما استثقلته نفسي، وأرح قلبي و أرزقني .. فأنت أعلم بما تحتاجه نفسي.

- @FW8BOT.

الجانب المشرق لي مشوار الجامعة

أما تدري بأن الفجر آتِ ليمحوا عنك آثار الشتاتِ تفائل يا فؤادي لا تبالي ودع عنك انكسار الذكريات سيمضي الكرب مهما اشتد يوما ويأتِ الخير من كل الجهات هي الدنيا سرور وانكسار ورب الكون رب المكرمات

ومحُبُّ الدنيا لا ينفكُّ من ثلاث: هم لازم، وتعب دائم، وحسرة لا تنقضي. وذلك أن محبّها لا ينال منها شيئًا إلا طمِعت نفسه إلى ما فوقه. كما في الحديث الصحيح عن النبي -صلى الله عليه وسلم-: (لو كان لابن آدم واديان من مال لابتغى لهما ثالثًا) غُفرانك ربي حين تلهينا الدنيا عن ذكرك .

التليجرام مولي مره مره يحذف في حسابات التلي بدون سبب ، صارت لي واحد من الشباب اليوم رغم انه الحساب قديم ومش مداير اي شيء spam يخليه يتبنذ لكنه طار بدون رجعة وبدون سبب ابداً صارتلي السيمستر الي فات ، والموضوع كلفني خدمة وفلوس وترليون حاجة كنت مخزنها في حسابي نصيحة لوجه الله لو عندك حاجة مهمة لنخاع خزنها في جهازك ، خاصة لو ملفات لانه لو طايروه معاش حتقدر ترجعه في هلبا يقولوك لو طار معنها مبلغين فيه لكن مش شرط ومليهاش علاقة هي كلها خلل في الخوارزمية الغبية والمشكلة هذي عالمية آخر فترة حبيت ننصحكم بيش ميصيرلكمش زيني لانه الموضوع خسرني خسارة فادحة ودفع الله ماكان اعظم والحمدلله