تـَمـكن .

بأوقات معينة وفجأه وبدون سبب تحس تشتاق الـ شي قديم وتعرف هالشي مستحيل يرجع، ومرات هالاشتياق يكون هو اشتياقك الذاتك والنفسك قبل الطاقتك، الضحكتك ومو ضروري يكون غير شخص، مرات تكون انتَ .

لا تحاول تثبت الأحد شكد انتَ شخص زين وطيب لا تحاول تثبت الأحد شكد انتَ صادق ووفي بعلاقاتك لا تحاول تثبت شي، اللي يحبك راح يشوفك من الجانب اللي يميز روحك وگلبك مو اللي يفكر بي هو مهما صار لا تثبت الأحد شنو أنتَ لان وحدك تعرف روحك مو كل الناس .

ولسَـوف يُعطيك ربكَ فترضى🤎.

لاتصدكون الي يكولون الزواج مو حلو الزواج استقرار صح متعب مع الطفل بس حلو بنفس لوقت وحياة جديدة وتجربة جديدة حلوة هالخطوة قبل عمر ال٣٠ تزوجو واقبلو بنصيبكم بس اول سؤال لما تسالون عن الرجل او المرأة اسألو عن الدين ❤️‍🩹

گالها عبد الرحمن منيف "بطولة الإنسان في هذه المرحلة أن يبقى حيًا، وشريفًا، وألّا يفقد عقله " اعتبره انجاز عظيم من تطلع من بين الذئاب وإيدك نظيفة.. ومااكلت حرام، ولا دست على إنسان حتى تصعد تره بوكتنا هذا .. العبرة مو بالطريق اللي مشيته العبرة بشلون طلعت منه! حافظ ؏ نفسك .

لازم تستوعب انك الوحيد المسؤول عن رحلتك ، تعافيك ، تطورك ، حزنك ماكو اي احد مسؤول انو ينتشلك من حزنك وشتاتك بطل تتعلق بالناس وتتشبت بيهم علمود تصير علاقتك صحيه تعلم شلون تكون صحي وي " نفسك" قبل اي احد .

دع الالسن العوجاء تلهو بذكري فحسبي ان الله بالحق يعلم فما خاب عبد سلم الامر كله لرب اذا شاء الاقتصاص تكلم .

اليوم صار موقف كدامي وكلت لازم أحكيه الكم... ​وإحنا راجعين من الزيارة لبغداد، صعد ويانا بالسيارة رجال متوسط العمر من أهل الكاظمية، ورجال ثاني هو وعائلته من أهل الشعلة. بالدرب صار حديث بيناتهم ويا السايق عن السياسة، فرجال الكاظمية بكل رقي وأسلوب مثقف ومحترم قالهم: "خل نغير السيرة حتى ما تروح روحانية زيارتنا". ​بعد شوية، رجال الشعلة راد يشاقى السايق وقال له: "اوكف النا خلي ناخذ مي... والله يزوجك!". هنا رجال الكاظمية رَد عليه بوعي وشجاعة لأن زوجة الرجال كانت كاعده بصفه! وقال له: "إنت شلون تحچي هيچ حچاية؟ شايف هاي اللي بصفك؟ هاي ما تتبدل بالدنيا كلها! المفروض تخليها تاج على رأسك وتحترمها وتحبها وما تحچي هيچ حچي كدامها". ​بهذا الموقف فعلاً تأكدت إن الدنيا بعدهي بخير، وإن التفكير يختلف من شخص لشخص ومو كل الأصابع سوية. ​وأرجع وأقول للبنات: اختاروا صح! اختاروا شريك حياة صاحب أصل وشهم ويقدر المرأة، مثل هذا الرجال اللي رغم إنه ما يعرفهم، ما قبل بكلمة تمس مشاعر امرأة غريبة.

أمي انتوا اللي يعوفكم بمزاجة ويرجع بمزاجة سدوا الباب بوجهه ولا تلتفتون والقطار من يفوتكم اتاكدوا راح يجي بعده قطار احسن بس يايمة كرامتكم اذا راحت ما يعوضها كلشي بالدنيا لا ترخصون نفسكم علمود ناس ما تسوة ولا تجلبون بناس ماتسوه وبناس ماتريدكم ولا تنطون وقتكم الثمين الناس تستخسر عليكم النظرة والكلمة الحلوة ولا تضيعون وقت اكثر من اللي ضيعتوا .

راح تبقى إنسان قوي إذا عرفت تاخذ قرار عكس رغبتك لمُجرد إنهُ صح منطقيًا حتى لو يتعبك نفسيًا لفترة طويلة .

عَمي الله بالخير عَليكم ! سَالفة " الطيور على أشكالها تقع " جذب والله صادفنه ناس لا إحنه مثلهم ، ولا همه مثلنه ! وحتى لو طحنه ألف مرة ما نوصل الدناءتهم ولا الخبثهم شتحچون انتو .

وأذا رماك الجاهلون بقولهم فـ أترك مقالهم فـ أنت ألاكبر ، دع قولهم وكن صامتًا لا تبتأس ، فـ الصمت خير بالإجر وأطهر .

لا ترخص نفسك علمود تحافظ ؏ شخص ولا تحرك أعصابك ؏ بشر مستعد يبيعك بأول محطة قيمتك أنتَ اللي تصنعها بحدودك وبرودك وباحترامك لنفسك أولاً الإنسان يحتاج ينلبس مرات علمود يعرف حجمه الحقيقي، والي ما يحس بقيمتك وأنتَ يمه خليه يجرب الايام ومرورتها بدونك إحنه النسخة النادرة اللي الما يعرف يقدرها يعيش عمره كله يدور ؏ شبهها وما يلگه .

يأتيك القرفّ مِن حيث لا تَعلم .