الشايب | ËŁ-ŞĥĄĩB ™

أهم الأحداث الاقتصادية لهذا الاسبوع 👇👇 اسبوع تداول موفق ومربح للجميع 🤲💚 #أبو_يحيى #وارن_بافيت_الغلابة

🚨🚨عاااجل : #ترامب في تصريحاته منذ قليل : - لن ينجو أحد من عواقب الاختلالات التجارية والحواجز الجمركية المفروضة ضدنا وخاصة #الصين - الصين تعاملنا أسوأ معاملة وبفارق كبير عن غيرها . . اللي يحضر العفريت ومايعرفش يصرفه ... يبقا اسمه ترامب 🙂🤷‍♂️

🚨🚨 انفصال الدولار عن عوائد السندات : هل هي اللحظة الأمريكية الأخطر منذ عقود ؟ لأول مرة منذ سنوات ، نرى ما كان يُعدّ من المسلّمات في الأسواق يتحطم أمام أعيننا : الدولار الأمريكي ينهار بينما عوائد السندات الأمريكية لأجل 10 سنوات ترتفع بقوة . في الظروف الطبيعية ، يتحرك الاثنان معًا . ارتفاع العوائد = تدفق رؤوس الأموال إلى الدولار بحثاً عن عائد أعلى . لكن ما نراه اليوم هو العكس تمامًا : عوائد ترتفع + دولار ينهار = الأسواق تشتم رائحة الخطر . فما السبب ؟ “يوم التحرير” الذي تشير إليه بعض التقارير ، هو إعلان ترامب عن جولة جديدة من التعريفات والحصار التجاري ضد الصين ، ولكن الحدث الاقتصادي الأعمق هو فقدان الثقة بهيكلية الدين الأمريكي و”قدسية” سندات الخزانة . وهنا تأتي “لحظة جيمس كارفيل”… كارفيل ، هو مستشار بيل كلينتون ، الذي قال ساخراً في التسعينات : “كنت أعتقد أني أرغب في أن أُعاد تجسيدي على هيئة رئيس أو بابا الفاتيكان … لكن الآن أدركت أنني أريد أن أعود إلى الحياة كسوق السندات ، لأن السوق يخيف الجميع .” اليوم ، لم يعد السوق يخيف أحداً … بل بدأ هو نفسه يرتجف . عوائد ترتفع لأن المستثمرين بدأوا يطلبون علاوة خطر على شراء ديون الولايات المتحدة . الخطر لم يعد من الصين أو روسيا … بل من الداخل الأمريكي نفسه : عجز مالي انفجر ، طبقة سياسية بلا كوابح ، حرب تجارية تقلب سلاسل التوريد ، وتضخم سياسي في اتخاذ القرار قد يؤدي إلى لحظة فقدان ثقة عالمية في الدولار ذاته . باختصار ، انفصال الدولار عن العوائد ليس مجرد ظاهرة فنية ، بل هو تحول في بنية السرد العالمي الذي حكم الأسواق منذ اتفاقية بريتون وودز .. وإذا استمر هذا الانفصال ، فإن السوق ستبدأ بتسعير نهاية الامتياز النقدي الأمريكي كما نعرفه . نحن لا نعيش أزمة … بل نشهد ميلاد نظام مالي عالمي جديد، من رحم التشظي الأمريكي . منقول بتصرف من الاقتصادي السوري د/ مخلص نزار #أبو_يحيى #وارن_بافيت_الغلابة

⬅️ لو مفكر ان ترامب تراجع عن التعريفات الجمركية وعلقها لمدة (90 يوم) بسبب الانهيار اللي حصل في سوق الأسهم .. تبقا فاهم غلط ، ولو مفكر انه علقها عشان يدي فرصة لقادة دول العالم انهم يتفاوضوا معاه بخصوص خفض الرسوم او إلغاءها .. تبقا طيب 👈🏻 ببساطة شديدة كلمة السر يا حضرات هي (السندات) ، وتعالا نمشيها واحدة واحدة عشان تفهم منين يودي على فين ؟؟ ⬅️ ترامب ماكنش عنده مشكلة في انه يتجاهل انهيار الأسهم 20% ، لكنه استسلم لسوق السندات بعد ارتفاع عوائدها 40 نقطة ! .. طب ليه ؟! 👈🏻 ترامب كمواطن .. ممكن يكون بيكره التعريفات الجمركية ، لكنه كرئيس اختار انه يفرضها.. طب ليه برضو ؟! السؤال دا جاوب عليه وزير الخارجية (ماركو روبيو) لما قال : “ في خلال 10 سنوات، كل شيء يهمنا سيعتمد على إرادة الصين ! ” والسبب هو ان أمريكا مع نهاية القرن العشرين وبداية الألفية الجديدة أهملت قدراتها الصناعية لصالح أرباح الشركات ، ودا طبعاً أدى لتدهور الصناعة بشكل كبير • يعني مثلاً في 2023 ، الولايات المتحدة بنت 5 سفن بس ، في حين ان الصين بنت 1,800 !!! 🚢 • وحتى في قطاع التصنيع العسكري اللي المفترض ان الولايات المتحدة متفوقة فيه بشكل كبير ، هانلاقي ان معدات أمريكية بملايين الدولارات اتدمرت في أوكرانيا بطيارات صينية تكلفتها من 3 لـ 5 آلاف دولار !!! 🛠 .. (طيارات لعبة دي ولا ايه ) ⬅️ المهم بقا يا سيدي ان ترامب اختار طريق التعريفات الجمركية كسلاح ووسيلة لإعادة توطين الصناعات في الولايات المتحدة ، عشان ترجع أمريكا تصنع وتصدر زي زمان .. وبكدا تتحل كمان ازمة العجز في الميزان التجاري ولكن تأتي الرياح بما لا تشتهي السفن ⬅️ لما الأسهم انهارت 20% .. ترامب زق وزير الخزانة (سكوت بيسينت) وقاله هدي الدنيا .. فطلع بيسينت على الملاء وقال نصاً : “ 88% من الأسهم يملكها 10% فقط ، وترامب يهتم بالـ 90% الباقين ! ” وكانت الرسالة المقصودة : ترامب بيدعم الشارع العادي ، مش وول ستريت. 🏦 👈🏻 لكن المشكلة الحقيقية اللي كانت غير متوقعة ومش معمول حسابها هي سوق السندات ! في العادة .. لما بتنهار الأسهم ، المستثمرين بياخدوا الكاش ويطلعوا جري على سوق السندات .. يشتروا السندات باعتبارها ملاذ آمن ، فترتفع أسعار السندات وبالتالي تقل العوائد عليها .. لكن المرادي بقا ، دا محصلش حصل العكس وارتفعت العوائد 40 نقطة أساس ! 📈 .. طب ليه دا حصل ؟! 👈🏻 الحقيقة في تفسيرات اقتصادية كتير صعب شرحها هنا ولكن خلينا ببساطة نقول ان سوق السندات اتمرد بسبب ثقة المستثمرين اللي بقيت في الأرض ، فبدل ما يجروا يشتروا سندات ، حصل العكس وباعوا حيازتهم من السندات ، خصوصاً مع تصريح عدد من الدول – على راسهم كندا والصين – عن نيتهم في بيع السندات الامريكية كتهديد لترامب عشان يتراجع عن التعريفات الجمركية اللي فرضها عليهم ⬅️ طيب برضو لسه مفهمناش ليه ترامب اتوجع اوي من ارتفاع عوائد السندات ، والاجابة ببساطة هي ان السندات تعتبر أساس النظام المالي الامريكي وعموده الفقري • البنوك بتعتمد عليها في عمليات الإقراض اليومي • الشركات بتستخدمها لتلبية احتياجاتها المالية زي الرواتب وخلافه • الحكومة بتصدر السندات وتبيعها لطوب الأرض ، وبالتالي ارتفاع عوائد السندات معناه ان وقت الاستحقاق (وقت السداد) هاتكون الحكومة مطالبة بدفع فوائد اعلى للدائنين (اللي معاهم السندات) .. يعني تكلفة الدين او الاقتراض بتزيد على الحكومة مع ارتفاع عوائد السندات واصلاً أمريكا عايشة على الاقتراض يعني ببساطة كدا نقدر نقول انه لو انهار سوق السندات ، ينهار النظام كله ! وفي تسريبات بتقول ان جيمي دايمون ، الملقب بـ (ملك وول ستريت) ، اتصل بترامب وحذره من سيناريو انهيار سوق السندات ، فاضطر ترامب انه يأجل تطبيق التعريفات الجمركية لمدة 90 يوم 🕒 #Abo_Yahia لو شايف انك استفدت ، شيير عشان غيرك يستفيد #ترامب #السندات #الأسهم #الاقتصاد_الأمريكي #التعريفات

⬅️ ومازالت معاناة الدولار مستمرة أمام العملات الرئيسية الأخرى 💲الدولار اندكس يتداول حالياً أسفل مستوى الـ(100 نقطة) ، وهو مستوى لم يره الدولار منذ (يوليو 2023) 📉 👈🏻 وفي المقابل .. يرتفع اليورو أمام الدولار ليسجل اعلى سعر له في جلسة اليوم عند (1.147) تقريباً

📊 ارتفاعات جماعية في ختام جلسة الجمعة في ‎#وول_ستريت؛ بعد أن أعلن البيت الأبيض عن أنه انفتاحه على اتفاق تجاري مع الصين 📌 مؤشر ‎#Dow_Jones يرتفع بنحو 1.65% 📌 مؤشر ‎#Nasdaq يرتفع بنحو 2.06% 📌 مؤشر S&P 500 يغلق على ارتفاع بنسبة 1.81%

⬅️ نظرة على (مؤشر S&P500) على فريم اليوم بعد إغلاق جلسة الخميس 10 إبريل 👈🏻 فنياً المؤشر كسر المتوسط المتحرك الآسي لـ(200 يوم) وحصل إعادة اختبار بعد الكسر ، بعدها حصل الهبوط العنيف مع الإعلان عن الرسوم الجمركية اللي فرضها ترامب على كل الشركاء التجاريين 👈🏻 الهبوط العنيف اللي حصل خدنا لمستوى الـ (4835) واللي بيتوافق مع خط الاتجاه الأصلي الصاعد الممتد من قاع جائحة كورونا والمستمر لحد اللحظة ، بالإضافة لكونه منطقة تبادل أدوار مع قمة المؤشر في (ديسمبر 2021) ، ومن المستوى دا حصل عندنا ارتداد للمؤشر بأكتر من (430 نقطة) وبنسبة صعود (9%) تقريباً (الارتداد جه متزامن مع قرار تعليق تطبيق التعريفات الجمركية الجديدة لمدة 90 يوم) 👈🏻 الخلاصة : من الناحية الفنية نقدر نقول ان منطقة الخطر الحقيقي هاتكون بكسر مستويات (4800 إلى 4850) ، وان عودة المؤشر للإيجابية الفنية تبدأ بالرجوع مرة تانية فوق متوسط الـ (200 يوم) #Abo_Yahia

محترف في التحليل الفني بإستخدام أكتر من مدرسة وبتستخدم استراتيجيات متنوعة تناسب الحالات المختلفة للسوق .. جميل فاهم إقتصاد كلي وقادر تتعامل مع البيانات والمعطيات الإقتصادية ومذاكر كويس سياسة نقدية وسياسة مالية .. ممتاز عندك خلفية في التحليل الأساسي وبتعرف تقرأ النسب المالية للشركات وتحدد وضعها المالي ومدى جودتها او جاذبيتها للإستثمار من عدمه .. حلو جداً كل اللي فات دا حلو وجميل وسخن وبسمسم .. وبيضرب بومب وصواريخ كمان 😅 .. وتقريباً هي دي العلوم المعرفية الأساسية اللي محتاج تتعلمها صح وتطبقها صح عشان تكون متداول ناجح ولكن بحب دايماً في الفترات الصعبة على الأسواق - زي الفترة اللي بنمر بيها حالياً - اني اذكر نفسي واللي حوليا بان مهما كان حجم معرفة المتداول بأنواع التحليلات المختلفة ومدى احترافيته في تطبيقها .. هاتظل إدارة المخاطر الصارمة والمنضبطة دائماً وأبداً درع المتداول وسيفه في الأسواق المالية اللي حصل في الأسواق على مدار الفترة اللي فاتت .. مفرقش بين محلل خبير او إقتصادي مخضرم وبين متداول بسيط عنده محفظة صغيرة بألف دولار وشغال من على الفون .. الكل خد الخبطة ف نص دماغه 🤷🏻‍♂️ شوفنا من ايام ... صناديق تحوط في السوق الأمريكي بتتخارج بنسب مهولة وبتقفل مراكزها ... وشوفنا إقتصاديين كانوا متفائلين بوصول ترامب للبيت الأبيض بتتحول نظرتهم بالكامل لشك وعدم يقين تجاه كل حاجة (تجاه الدولار - تجاه قرارات الفيدرالي بخصوص أسعار الفايدة - تجاه توقعات التضخم - تجاه السياسات المالية لترامب) وغيره وغيره ... فجأة بقيت ((الضبابية)) هي الكلمة الرئيسية اللي بتدور حوليها تصريحات معظم الاقتصاديين اللي عايز اقوله ببساطة .. ان في الفترات العصيبة اللي بتمر على الأسواق .. اللي هاينقذك ويحافظ على تماسك محفظتك - بعد ربنا سبحانه وتعالى - مش هايكون شهادة كلية لندن للاقتصاد والعلوم السياسية .. اللي هاينقذك هو مدى إلتزامك بخطة قوية وصارمة لإدارة المخاطر كام اقتصادي مخضرم قدر يتوقع انهيار فقاعة الدوت كوم مع بداية الألفية كام اقتصادي عبقري قدر يتوقع الأزمة المالية في 2008 كام اقتصادي حاصل على نوبل قدر يتوقع أزمة الجائحة في 2020 إدارتك للمخاطر .. ثم إدارتك للمخاطر .. ثم إدراتك للمخاطر .. أثابكم الله 😌 #Abo_Yahia

⬅️ نظرة سريعة على حركة البيتكوين (الفريم اليومي) ... مع إغلاق شمعة الأربع (19/3/2025) #كريبتو #BTC #ETH #SOL #USDT #بينانس

⬅️ مع ختام تداولات جلسة الجمعة الموافق (14/3/2025) .. سوق الأسهم الأمريكية يضيف أكثر من 1.3 تريليون دولار

https://t.me/TeleMhMBots

المواعيد المنتظرة هذا الاسبوع 🗓️ - صرف أرباح: شركتين - أحقية أرباح: 4 شركات - رد فائض: شلفا - إعلان نتائج مالية: 3 شركات - بداية اكتتاب: 4 شركات - نهاية اكتتاب: تمكين - موعد إدراج: برغرايزر - جمعية عمومية: 18 شركة - مؤتمر هاتفي: 3 شركات إجتماع: الفيدرالي الأمريكي

🔔مواعيد منتظرة هذا الأسبوع 🗓️ - صرف أرباح: 3 شركات - رد فائض: مياه سما - بداية اكتتاب: نقاوة - موعد تخصيص: مياه سما - جمعية عمومية: 5 شركات

🔔 ‏أبرز أخبار السوق السعودي .. الخميس 10 أكتوبر 2024