- مركز هندسة تقنيات الحاسوب - م4

مرحبا طلاب طلاب اللي عنده اسئلة كورس اول / ثاني ، مد / فاينل لاي مادة خلي يدزها بالتعليقات حتى باقي الطلاب يتسفادون .

تحية طيبة تبليغ الطلاب اعلاه بعدم ترحيلهم للسنه القادمة مالم يتم تسديد الاجور خلال هذا الاسبوع

طلابنا جماعة قيد المعالجة الكورس الاول اذا مامسجلين بالدورة عندكم فرصة تسجلون اخر فرصة الكم اذا متسجلون تعتبرون راسبين بالمادة ودور ثاني التسجيل مفتوح لنهاية هـذا الاسبوع فقط فقط التسجيل يم الاستاذ علاء موجود ببناية عشتار بين قاعة 4 وقاعة 5 بغرفة اللجنة الامتحانية هناك تسجلون وتدفعون كله يمه … اما جماعة الكورس الثاني مفتوح التسجيل لحد يوم 19 بالشهر اخر يوم . - اللي ماتدرب هـاي السنة عـادي يتدرب السنة الجاية لكن راح تتأخر الوثيقة مالته بالتخرج الا يكمل التدريب ويكملون اجراءات التدريب يـلا تستلم الوثيقة يعني تتأخر شـوية

تحية طيبة ... للتذكير .. اعلاه نتائج الطلبة المحملين لمواد من المرحلة الثانية و الاولى (الكورس الاول + الكورس الثاني) لذلك يرجى الانتباه للمواد واي شخص غير موجود اسمه معناها غائب عن الامتحان. مع التقدير ...

مساء الخير طلاب ، تبليغات من دكتور ليث : ١- بالنسبة لطلاب ( قيد المعالجة الكورس الثاني ) ، المطلوب منك التسجيل بدورة تدريبية ، سعر الدورة 50 الف لكل طالب وتشمل جميع المواد اللي عندك بيهن قيد معالجة بالكورس الثاني ، يعني اذا عندك مادتين قيد المعالجة تدفع 50 الف فقط ، عندك مادة وحدة هَـم تدفع 50 فقط ، هي تشمل جميع المواد يعني مـو كل مادة 50 لاا ، 50 الف شاملة جميع المواد اللي عندك بيـها قيد المعالجة ٢- التسجيل ضروري ضروري ضروري خلال هـذا الاسبوع الى حد يوم 8/19 ينسد ، اذا جيت يوم 8/20 راح تلگاه مسدود لان راح يسوون قوائم الدور الثاني ، ضروري تسجل حـتىٰ تعتبر ناجح وماينزل اسمك بقوائم الدور الثاني ٣- التسجيل عند ( الاستاذ علاء ) راح يكون متواجد ببناية عشتار الطابق الارضي بين قاعة 4 و قاعة 5 بغرفة اللجنة الامتحانية تـروح هناك يمه تسجل اسمك بالدورة التدريبية مال قيد المعالجة للكورس الثاني ٤- الدورة التدريبية لطلبة قيد المعالجة ( الكورس الاول ) + ( الكورس الثاني ) راح تكون سـوة وتبلش بموعد قبل الدوام او بداية الدوام بعـد دكتور ليث راح يرتبها وية الشركة المنظمة وينطينا الموعد ٥- الطلاب اللي دافعين الدورة مال قيد المعالجة للكورس الاول ، دورتكم راح تصير قبل الدوام او ببداية الدوام مثل اللي گلته فوگ اذا عندك قيد معالجة بالكورس الثاني هَـم لازم تدفع مال كورس ثاني هَـم لان كل كورس وحده ٦- اللي مكملين التدريب الصيفي تگدرون تودون كتبكم للقسم بأي وقت ، اذا تودوهن هـذا الاسبوع تروحون ايضاً على دكتور علاء ببناية عشتار بالطابق الارضي بين قاعة 4 وقاعة 5 باللجنة الامتحانية هـو يستلم منكم ، اذا تسلموهن الاسبوع الجاي روحوا للقسم راح تلگون دكتور ليث او السكرتيرة وتسلمون كتبكم ، اللي مامكملين تدريب عـادي من تكملون تروحون تودون كتبكم ٧- اللي عندهم قيد معالجة بالكورس الاول ومادافعين فلوس الدورة هـاي راحت عليكم يعني صرتوا دور ثاني بالمواد مال قيد المعالجة ، بَـس دكتور ليث راح يشوفلكم رئاسة الجامعة اذا بيـها مجال تنطيكم فرصة حـتىٰ تسجلون ، يردلنا خبر بعـديـن ٨- طلاب الدور الثاني موعد الامتحانات المقرر من وزارة التعليم هـو ( 9/1 ) يعني انتم تجهزون نفسكم من قبل هـذا الموعد حـتىٰ اي موعد تنزله الجامعة انتم جاهزين وتروحون تمتحنون وان شاءالله النجاح والموفقية للجميع ٩- قرار الـ5 درجات او الـ10 درجات اللي نزلته وزارة التعليم لا يشملنا وهنا التوضيح : https://t.me/ENGM1T/3421

قرار الـ5 درجات او 10 درجات او اي قرار اضافة درجات جديد من الوزارة لا يشمل بولونيا لو تلاحظون كاتبين ( تكون المعالجة وفقاً لما جاء بالفقرة ٦/ اولا من الفصل الرابع من دليل عملية بولونيا ) بالصورة الثانية خليتلكم المكتوب بالفقرة ٦/ اولا من الفصل الرابع من دليل بولونيا وهذا معناه مامشمولين بقرار اضافة الدرجات للأسف ، اي قرار مايشملنا فقط فقط الـ5 درجات مال قيد المعالجة اللي موجودة عندنا من البداية

شباب بتبليغ من الدكتور ليث : القسم متواجد يومياً ، اذا مو ببنايتنا ( نبوخذ نصر ) موجود ببناية ( عشتار ) باللجنة الامتحانية … - استمارة التدريب الصيفي اغلقت ، عبر الشهر السابع وبداية الشهر الثامن فَـ خلص اغلقت

تحية طيبة ... يوم غد الاحد متواجدين لاكمال استمارات التدريب الصيفي لشهر 8. مع التقدير ...