؏ـميقـة ڪالمـوسيقى

الحُب هوَّ مُعجزة عِشق العيوب .🐆🤎

-‏العَائلةُ فِي حَياةِ أي إنسَان لهَا طَريقان : إمَّا أن تَكونَ ضَمّادًا لَا يَنتهِي أو تَكوُنَ جرحًا لَا يَزول..🐆🤎

ادور بلمنشورات وانشر 😂

حيل جانت 20ك

مزج_" أختصر كل الكلام ♥️"

راح يجي يوم وتحّبون ألشخص ألصح ومن يجي أحد يگلك ليش حبيت..! راح تگله هلشخص بالذات أهتم لكلُ تفاصيلي ، أهتم بصحتي من چنت أتمرض كُل شويه يكلي أخذ علاجك ، راح يهتم بـ تفاصيلي ، شكلي ، ملابسي ، شعري ، تنسيق الالوان بالملابس ، من أكون ضايج راح يكعد يسمعني بدون ملل آو گلل ، مَ راح ينسى عيد ميلادي ابداً وراح يعايدني آول الناس ، راح يوكف وياي بكُل خطوة أذا چانت صَح راح يكون أول شخص يدعمني بالفكرة ، واذا چانت غلط راح يكعد يتناقش وياي بهل موضوع لحد مَ يخليني أقتنع ، راح يفرح وياي ، ويضوج وياي ، راح يسندني راح يوفرلي الأمان ،راح يخليني أحبُ ألدنيا ، راح يعرف الاغاني أللّي أحبها وكلُ يوم يسمعني الأغاني المفضله عندي ، راح يخليني أحس أنَي شگد مهم ، راح يهتم لكُل تفاصيلي حتىَ لو چانت تافهه . راح أكون ع حقيقتي مع هذا الشخص وماراح أكون متصنع حتى يحبني ، لأن بين قوسين هوَ (يحبني لأن أني هيج) ، ودائمًا أكو شَخص بحياة كُل واحد بينا لما نتعب هو اول واحد نروحله، لما نغلط نجي يمه بدون تفكير و تردد، نعرف هو فاهمنا و يعرفنا و ويانا بالغلط قبل الصَح و يخاف علينا أكثَر من كُلشي، بس شوية أصفنوا و تخَيلوا هالشَخص فجأة يروح " ميفارق الحياة بعيد الشَر " بس لِسبب ما يروح و حُبه و خوفه و أمانه و الطمأنينة اللي وياه كُلها تروح، تجي متلگه شي منه و لا أثر .. شي مُفزع .. حبوهم هواي 🫂♥️

دائمًا أفكر أنُ أنَي كلشي مَا أتمنى من الحياة تنطيني ؏ الجاهز او أهلي او يجي شخص يحققه الية او مُمكن انتظر مُعجزة ، انَي اشتغل ؏ نفسي وأسوي ألشي أللّي اريدة ، بس أريد فرصة صغيرة وراح اكون كلش سعيد بهالشي . ومَرات اصفن بيني وبين روُحي وانرعب من كمية الأشياء أللّي تغيرت بشخصيتي ! مَرات اكعد واصفن أنُ أنَي تغيرت لدرجة ألبرود أللّي بداخلي خلانـي اوصل لمرحلة مَ افكر بأي شي ومَ انطي ردة فعل لأي شي،

ᤑ𝟏𝟏:𝟏𝟏 قلبـي وما فيه، يارب الاماني أللّي بخاطري الشغلات أللّي فعلاً منتضرتها تصير العوض عن كلشُي مريت بي العوض الحقيقي يارب ، الايام أللّي فعلاً صعبه ومحتاجه أكون اقوى حتى اكدر اتخطاها ، وأنَت ادرى بكلشي أمر بي وشكو أماني بداخلي محتاجه انو تتحقق ♥️🫂 .

لا تحبني هواية ، حّبني دائمًا الـ هواية ممُكن أنُ يجي يوم ويقل ، أذا تحبني هواية ممُكن يجي شخص ثاني وتحبة أكثر مني ! بس أذا تحبني دائمًا مُستحيل يجي يوم وهَذا ألحُب يقل..

قبل سنة مثل هَذا أليوم وهم چانت ألدنيا دَتمطر ، كاعدة بغرفتي وأسمع أغاني هيثم يوسف وأكو صوت مُطر خفيف دَينزل ، ألجو بارد ، غرفتي ظلام وأكو كومة أفكار براسي … وأليوم ألتاريخ ديعيد نفسة بنفس ألتفاصيل وحَتى نفس ألمكان ! بس أنَي مو نفس ذاك ألشخص أللّي چان موجود قبل سنة ، أليوم أفكاري تختلف وحَتى أنَي صرت شخص ثاني سنة وحدة بس كفيله أنُ تغيرك

* الحضن مَرات يكون أغنـيه 🫂🫀

مرآية الحب عَميه ، مَـن تحب شخص حتنعمي بي ؟ مراح تشوف اي عَيب بي ، حتى لو چنت تدري انو هلشخص غلط ، بمرور الوقت ومن تحَبه حتشوفه الشخص الصح ، تشوفه اجمل انسان بـ الدنيا كُلها ، كُل تفاصيله تعجبك ، وينسيك الاولي وينسيك التالي ، حتى الافكار السوداوية الي چانت بداية العلاقه حتنشال وتختفي ، لخاطر هـل انسان . عمري ماشفت انو الحب بالاٌشياء الچبيره! ولا افگر هشكل اني اشوفه ب أشياء صغيره مثل انو اشغل أغنيه ونركص اني وياه اريد احضنه اول ميرجع من يوم صعب بالشغل اريد اكون وياه من يتمرض حتهً لو صداع بسيط!، او ممكن يكون تعبان اسوي اله كهوة ونحجي عن كلشي صار بيومه او يومي ، اريد من يطلع والجو بارد اذكره انو باردة البس جاكيت حتى لتتمرض ، مسج صغيره لصبح وهو بِدوامِه اكل شي لتبقئ بله اكل اريد من يرجع للبيت يلكاني مسويه الاكل ليحبه ، اريد أكون وياه من يمر بفتره صعبه وأخلي ايدي ب ايده ونعدي سوه كل صعب مرات الناس متفهم انو التعبير عن الحب ب هل شغلات الصغيره لاتشوفها بشكل عادي بس اني فعليا هيج اعبر عن حبي وماعندي طرق ثانيه!🫂🫀

ماكو أنسان يدخُل حياتك فجأة ! كُل أنسان يدخل حياتك لسبب معين ، ألله اعلم شنو هذا ألسبب بس بالنهايه ألا يجي يوم وتعرف ألسبب ،مو ضروري يكوُن هذا ألسبب سلبي ، يجوز يكون هذا ألسبب أيجابي ! لأن مثل ما أكو أنسان دخل لحياتي وحطمني ، بالمقابل أكو أنسان دخل لحياتي .. شجعني !

بيني و بينك ! 🫂♥️