𐎈

بَـعـد مـا أعـاتـبَـك تِــنـدل عنـاويـنـي مِن أمِس واصِلِني كونَك موش ناسيني ظـروفك والمسـافه أعـذار محتـرگات شــمــس شتكـلفك الجيِّـه لـ روازيني لـچن بَيّـنت مِـن مرسَـالك بَـلا شـوگ صَـلاة مـتـأخره بَـس تريد تگـضـيـنـي وگلت مالك ثمر ،وآنا أدَرِي بِرحي وياك وگِـتـلك عـادي فَيّ صفصافـه خَلـينـي شسـويـلك بعـد ؟ بهدومـي أوج النـار مِــن تــبــرد چِـنـت وتـگـلـي دفيـنـي الـصـادمـنـي الـ بصـدرك مـا يغزر بـي مـرخـصـلـك الـدنـيـا ومـا مـغـلـيـنـي ومتوازي على بيعي وما حسبت حساب خـرزة وبـ أسـمـك ويـاهُـوَّ يـشـريـني ؟ مـا أرهـم لـ غـيـرك أنــا ألـك مـرسـوم خَـط بچـف أديك شلون تـمـحـيـنـي ؟ روح بـراحـتـك بس مِثلي تلگه مـنين ؟ بَـعـد مـا أعـاتـبَـك تِــنـدل عنـاويـنـي

غـربـتـنـي وبـالـي ضـــل وي گــلـبــي ، عــنــدك عاتبيـتك وأنت فيّ الشجر مو بارد بگدك ثـگـلـت الـدنـيـا عـلـيّ ، بـثگـل وجـهك وضـــــل ســــؤالــــي يــــعــــج وراك يـاهـو جَــر أيــد الـمـحـبـه وغـيـراك ؟ وأزهــگ مــن عـتـابـك وأتـرك مـكـانـي وأرجــع لـحـضــنــك أبـات ومـا دريـت الـيـاس يـذبـل لـو بقى بحضن الصوانـي ويـدگ نـاقـوس المـحـنـة ويفـز جرحـه وبـــيـــة يـــســـتـــنـــگــي مــكــانــه ومثل شـعـر الـمهر مـا يثـبـت بصـفحـة

فگـست عيوني من شافـنك تخون وعبـرت السالفة وما چنـي شفتك وعمـيت وعيـرتـنـي وگتـلك تهـون أشـوه شـوف عيـنـي ولا سمـعـتك أنـا مـن چـنـه نلـعـب مـا غلـبـتك أنـا الـ مِـن تغورگ عيـنـك يـصـيـح تـطـيح بـيوت أهـلـنا ولا دمـعـتـك مـا وگـفـت بعـينك ؟ وأنـا سـابـوح ورغــم فـارغ لـگـيـتـك مـا عـبرتـك بـدربـك شبر مـا ضَـل مـا طحت بي مدري شـلون ما طـحـت على علتك

ذكروج يمـي ودمـعتي استعـجلت هــزوا صفنـتي وطـاح وجهـج تمر التـرسـوا عيـونـي ملاگـه مابـيـنـوا مـا أدري مـن عفتـيـني بيه شصغر عيـني بگفـى اليرحون صارت وشم خطواتهُم ضلمة وضواهُـم گـصـر يـعرفـون جـرحي الحبـوا وفارگـوا ويدرون جفني شچم حلم بي خسر جـمره بـخور الـذكرى لـمـن تـمّـر تـورث حـسرتي وبيه تمشي بحـذر الصـبخـه چنت ارويها من گـصتي يـتشابه بعيـني الـعطش والمـطـر ذيـج أنـتي وانـا بغيبـتج مو صدك تعبـتي جدمي وساعتي مـن السفر بـي حيل هجرج وانـا وشله خلـگ ذبـلّـن وجـهـي مناطـرج والسـهـر يعـجـبـنـي ذوقج مثـل ذوق البـلم متـعـافـي يـاخـذ راحـتـه بـ أيّ نهر

وچـان طـايـحلـك الـدور الـبـي غـشـيـم وحـتــى مـا خلـيـتـنـي أتــحسـف وراك حـتـى مـن گـالـولـي مــا يسـأل علـيـك گـلـت عــنـك مـــا يخـلـص مـشـتـهـاك لـهـسّـه لـو دورت مـابـي تـلـگـى غيـض گـلـبـي مـن شـافـك جرح مـا ضـمـداك الـحـد دمـعـتي وياك چـان بخلگـي ثـوب يـنـطـي روحـه شـمـا تحسـسني بجـفـاك تـروح سـاكـت مــثــل تابــوت الـغـريـب وأنــا اگـول يــجــوز گـلـبـك مـن گـفـاك وكـلـشـي مـا عندك عـذر نجـمه وضويت وچـي مــكانـك عيـني لـو تـزعـل سـمـاك هـاكـثـر مــا خــذت مـــن عــيـونــي راي گــمــت اضـيـع السـالفه اگبـال الحچـاك وگــمـت أحـس بـالنـقـص لـو ميزان مـاي وأنـا مـثـل الخـشـب مـا شـايـل صـلـيـب ومـن چـنـت حـاسـب حـسـابـك للـوريـد وتـبـقـى بـس ما حـاولـت تـبـقـى حبـيـب وعـودتـنـي الـيـنـفـگـد بـس مــن يـمـوت وما گلـتـلـي الـضـرف مـن ضـيـم الـيـغيب

بعـد مو ما أريـدج ، ما أريـد النـاس ولا أريـد العــلاقــة ولا مـشـاكـلـها لأن مِـنـي الغـلـط لـمـن نزلـتـلـهـا جبتيني على مسرح والحضور أموات وبـقـلــة وعـي مِــن رحت أمـثـلـهـا قَـنـعـت الـكـراسي بمشـهد التمثيل الصفگه الـ بالنهايه شلون أحصلها ؟

مِـن غيـرك سمـعت الـ منـك اتـمـنـاه وضـگـت حـرورة المـشتـاگ لـو سـيـر وعـرفت الي يحب والـ ما يحب يا لون وعـرفـت اليشتهيني بكـل ضرف يحضر ليش أطلب تمر وأنا أمـلـك البُـستان ؟ وأضـــل بـ مــنــة الــفــلاح وأتــعـيــر مو طبـعـي الخضوع وأرضى بالمـوجـود حُـــر وأكـسـر الـمـاعـون مِـن يـصـغـر تـجـيـني ويَـم كـلامك نـاعـم العـاگـول وأعـدلـك وأعـرفـك بالـحـچـي مـعـثــر بـعـد ما عنـدي شوگ وأحـتـضـر بالليل ولا اگــعــد عـلـى الـشــبـاچ وأتـنـطــر وبـعـد مـا أريـد مـنـك چـلمـة التـنگـال صوفـر كُـل ربـيعيي ومـات كُلـشي أخضر نــورس مـا أعــيــش بـ ديـرة الـغـربـان وأضــل عـلـى الـبيـاض الـ بـيـة أتـحـسر عـلـى عناد العـطش طـريـت بالصحـراء ولا أشـــرب ركــاد الـ بــيــر وأتــعــيــر عـفـتـك وأنــا أريـدك للـثـلـث نـگـلات بـس الـظاهـر أنـت الـوحدة مـا تـگـدر .