Egypt Cyber Security

بقالنا فترة كبيرة مش بنشير اي حاجة بالتحديد حاجة تكون قيمة جدا ❤️ ف البوست ده بودكستات قوية ومفيدة جدا جدا في مجال السايبر سيك ف الغالب متعرفهاش 💁🏻‍♂ كنت هحط بودكستات تانية بس خليت البوست ده الحجات التوب بس # 1 البودكاست ده حرفيا جامد اقل كلمة ليه تصوير 10/10 و المعلومات الي فيه قيمة جدا انصحك تخش تفتح نفسك بيه https://youtube.com/@thebestdefense_io?si=u-nCKxxErE1mdHaM 2 بودكاست سيكيورتي بالعربي بودكاست قوي برضوا وكان من داعميه بشمهندس ابراهيم حجازي https://youtu.be/2EsRpcITKdw?si=NnyHStbNZQyAjpBo 3 البودكاست ده برضوا كويس جدا بس هو فيه جزء سايبر وجزء برمجة https://youtube.com/playlist?list=PLDyW0GpJbH0tlW5TIvB7Z1Vis6MJSmsj3&si=tw1Stgu4d9MmxPPj 4 البودكاست ده برضوا كويس جدا بيتكلم عن الحماية https://youtube.com/playlist?list=PLLN89c9SoWiBYklq5IVVyYviVVaPv5LDn&si=NoFKUVcgZEi-Q700 5 البودكاست ده من البودكستات القوية جدا برضوا https://youtube.com/@cloud-kode?si=rNZSB_xxVCBBygPX 6 بودكاست مصغر لابراهيم حجازي بيتكلم عن حياة وشغل الي شغالين في المجال والتركات المختلفة : دوس هنا 👉🏻 التعليقات👇🏻

ازاي تلاقي شغل ف السايبر سيكيورتي؟ (جزء - 1 ) كنت كتبت تفاصيل بس حسيت انها ملهاش لازمة، انا هكلمك علي طول من الاخر الشغل بيمشي بتلت طرق: الطريقة الاول انك تعمل CVوتقدم علي اي فرصة قدامك وتعمل انترفيو. الطريقة التانية انك تهتم ب LinkedIn وتنشر الانجازات…

ازاي تجيب ثغرات كبيره في فيسبوك وجوجل وشركات تانية وتاخد بونتي كويسة من غير تعلم برمجة؟ الكلام ده حصل بجد مع معاذ الي بيحكي تجربته ف التعلم وازاي قدر يعمل ده ف فترة قصيرة نسبيا! ° علشان تعرف ازاي ده حصل اتفرج علي الحلقة دي https://youtu.be/PyFHUZV9RrM?si=4gVqH0AQJYqp1Pet

فضفضة نص الليل انا شوفت ناس منهم اصحابي ومنهم اعرفهم بدوا فالمجال سنة واحدة كانوا جابوا ثغرات Medium - high  او تدريب وشغل كويس ده غير الي سافر برا، الحجات دي بتحفزني سعات وسعات بتخليني اتحسر علي الوقت الي ضيعته، لو كنت استغليته صح كنت دلوقتي ف مكان تاني خالص المشكلة دلوقتي مش فانك ممكن تضيع وقت ومجهود وبعدين تركز، انت بعدها بتكون مش قادر تعمل حاجة قدامك الاب ومعاك وقت بس شايف انك داخل تضيع وقتك تاني ومفيش نتيجة قدامك ف مش هتقوم تفتح الجهاز حتا علشان كده بضايق اوي لو لاقيت حد بيضيع وقته ببقي عايز اقوله المشاكل الي هو مش شايفها بس لو ركزت تاخد كل يوم جزء من كورس وتطبق هتلاقي نفسك خلال 6-8شهور مستواك كويس وجايب ثغرات وممكن اكتر او اقل هي اجتهاد وتوفيق ❤️

شغل السايبر سيك 🔐 ممل وروتيني عكس منتا متوقع! اكيد اغلبنا دخل المجال علشان افلام الهكرز وازاي يكون هكر جامد ويجيب اكونت الكراش او يسرق نت من جاره او يعلم علي بلطجي حارتكم .. سامع قصة الهكر الجامد الي وقفت شركه كاملة وخسرتها ملايين، فعايز يبقي زيه ومفكر ان المجال عبارة عن سحر الي متعرفهوش ان اغلب الاخترقات القوية الي بتحصل لاكبر الشركات والمنظمات اغلبها جاي من الثغرات البشرية او السوشيل انجنير، يعني اغلبها كانت ملف او لينك او برنامج اتبعت للموظف في الجهة كذا وتم الاختراق 😃 وقليل اوي لما بيكون الموضوع من ثغرة فالنظام، والمجال بيكون ممل وروتيني لانك بتخش تقعد تدور كتير علشان تلاقي ثغرة او تراقب النظام، تخيل تقعد تفتح اداة كذا الس بتعمل كذا وبعدين تشوف اداه كذا وتبحث عن ايرور كذا اذا موجود ولا لا.. كل ده بيكون مكرر وروتيني سعات الموضوع مش كل يوم اكشن، افلام الهكرز والقصص حلوة من برا وممتعة فعلا لما تخش المجال بس مش بتكون دايما او بشكل تاني انت بتبص على النتيجة النهائية

🎯 رود ماب علشان تبدا فمجال السايبر تك للناس الي بتسال، ملاقتش احسن من بشمهندس ابراهيم حجازي شارح بالتفاصيل : https://youtu.be/f3hP49LGoik?si=EIvewLFjzph3d7sa

ازاي تلاقي شغل ف السايبر سيكيورتي؟ (جزء - 1 ) كنت كتبت تفاصيل بس حسيت انها ملهاش لازمة، انا هكلمك علي طول من الاخر الشغل بيمشي بتلت طرق: الطريقة الاول انك تعمل CVوتقدم علي اي فرصة قدامك وتعمل انترفيو. الطريقة التانية انك تهتم ب LinkedIn وتنشر الانجازات بتاعتك وشركة تشوفه وتبعتلك. الطريقة التانية بالعلاقات، حد يعملك Recomendation ( يرشحك ) لوظيفة موجودة فالجهة الي هو شغال فيها او جهة يعرفها. التالته معاك واسطة، حد قريبك عنده شركة وانت ضامن هتخلص وتنزل تشتغل تاني يوم. نتكلم بالتفاصيل بقي عن الطريقة الاولي والتانية، التالته لو معاك فكك من البوست يغالي وبطل عبط انت برا الغابة دي 😀. 1- الطريقة الاول مفهاش كلام كتير انت هتفهم بس ازاي تعمل CV كويس ويكون بمعاير ATS ده نظام فلتره الشركات بتعمله للسيفي، لو مش فاهم ابحث.. 2- الطريقة التانية تعمل تفتح حساب LinkedIn تحط اسمك وصورة احترافية ليك تبين انك حد Professional مش هاوي، وتبدا تنشر انجازاتك، طب ازاي وانت لسا معندكش انجازات؟.. لما بقول انجازات ف مش قصدي انك تنتصر فالحرب العالمية او تستشهد مرتين فاكتوبر، انا قصدي تنشر تجربتك مع تعلم كورس كذا، حاجة اتعلمتها تشرحها، شهادة لسا واخدها، CTF طريقة حله، باج لسا جايبها، الخ الخ.. الحجات دي هي الي هتظهرك وتبين مدي فهمك واهتمامك بالمجال والشغل مش واحد هاوي. لما تبدا تعمل حساب لينكدان قوي ده هيخليك تعمل معارف و علاقات تفتحلك فرص قدام و بعدين، وهتخلي الشركات تبدا تشوفك وتبعتلك Job Offer دايركت لو واثقو فيك او ممكن تبعتلك تعمل انترفيوا. عمرك شفت تاجر قافل علي بضاعته ومحدش يعرف هو مين وبيبع ايه ومضايق ان مفيش بيع؟ انت زي التاجر وسلعتك هي شطارتك فالمجال ولازم تسوق لده علشان تلاقي فرص. ** الوقت الي كنت فيه فالمجال حاجة اساسية انك لازم تعمل Blog (مدونة) تكتب فيها اي حاجة بتتعلمها او عملتها مع شرح، لما بتقدم علي اي وظيفه بتبعت لينك ال Blog معاها، طبعا بتكتب الانجلش. ** انصحك تعمل Web Site تستثمر بدومين وتعمل ويب سايت شخصي عليه الBlog بتاعتك وكل اكونتاتك بشكل منظم والCv بتاعك وتعريف عنك جمب LinkedIn، دي بيدي انطباع انك شخص محترف جدا وتقيل وبتزود فرصك جدا بالذات فالوقت ده بقي حاجة اساسية. طب لو انا مكانك هعمل ايه ؟ هقولك علي سر معروف متستغربش، الشغل هنا فمصر بيكون 50% واسطة و علاقات وترشيح ف علشان تعمل علاقات لازم تتعرف علي الناس الجامدة او عندها خبرة والي يسهل عليك توصلهم انك تبدا تسوق نفسك جامد، فانا لو مكانك كنت هعمل كده مش بس عشان شغل لا دي استثمار بتبنيه هينفعك دلوقتي مره وقدام الف مره والموضوع مش صعب، متخليش البوست يكون كلمتين وخلاص ابدا من دلوقتي. ـــــــــــــــــــــــــــــــــــــــــــــــــــــــــــــــ

🟢 انا مش جاي اقولك رود ماب.. الرود ماب موجوده في كل حته انا جاي اقولك حجات متعلهاش في مجال الSecurity من تجربتي. 🚫 ما تضيعش وقتك في شهادات نظرية كتير من غير تطبيق عملي مكثف. 🚫 متذاكرش كذا مسار مع بعض علشان شغفك عايز كده، هتشتت نفسك وتضيع وقتك. 🚫 متبداش في المجال من غير رود ماب واضحه هتنقل من نقطة لنقطة، علشان متلفش بين الكورسات وتنسي القديم. 🚫 متبداش بشهادة صعبة وانت لسا مبتدي هتحبط وتتعب نفسيا وتسيب المجال. 🚫 متتفرجش علي استخدام الاوامر والادوات من غير تطبيق، هتتنسي تاني يوم. 🚫 اوعي تهمل الاساسيات لانها الاساس لو مش معاك المبني كله يقع. 🚫 متستخدمش ادوات جاهزة من غير متفهم بتشتغل ازاي، ده بيخليك اسكريبت كيد. 🚫 تفتكر ان المجال اكشن علي طول، اغلب شغلك هيكون روتيني. 🚫 تتكسف تقول معرفش، مفيش حد عارف كل حاجة. 🚫 تتجاهل المهارة التانية، كله بيركز علي التك بس ميعرفش حاجة عن كتابة تقرير او تقديم عرض او شرح فكرة ببساطة. 🚫 تفتكر انك لازم تكون اذكي واحد فالعالم عشان تشتغل، المجال محتاج صبر تعلم تدريب = نتيجة. 🚫 تفتكر ان السوق المصري مفهوش فرص، كل يوم في احتياج عن اليوم الي قبله كل يوم في شركات جديدة، بس الفرص مش هتلاقيها بسهولة لو معملتش لينكدان قوي وبنيت معارف. 🚫 متضيعش وقتك علي التفهات او جو الهكر الجامد، الفترة دي لو ركزت فيها هتبقي جامد فعلا. 🚫 متفكرش نفسك خبير فالبداية، هتكتشف انك كنت لسا نقطه ف بحر كبير بعدين. 🚫 بشكل عام متتعلمش حاجة غير لو هتطبق علشان تغطي رهبة التجرية ويطلع معاك نتايج ممكن تكون مختلفة ف تلاقي حل = خبرة.

مجمع هنا كل كورسات وفديوهات السايبر سيكيورتي المفيدة بجد علي اليوتيوب بالعربي. Hacking , CTF , Web Pentesting , Red & Blue Teaming , Networking , Anonymity , etc ... https://t.me/BlackCat_Team

السلام عليكم ورحمة الله وبركاته ❤️ لما بدات في مجال السايبر تك، عديت باربع مراحل خلال ٣سنين وانت ف الاغلب هتعدي علي ٣منهم ع الاقل. ♠ مرحله عدم الفهم والهبد فيروسات واتس - نسخ تعديل - ترمكس ♠ مرحلة دخول المجال ـ عرفت الكالي والسايبر تك (كنت لسا ببدا اعمل الصفحه علي التلي ) ♠ مرحله التعلم الحقيقه - ذاكرت الاساسيات و عديتها وبدات اذاكر شهادة متوسطه. ♠ المرحله الاخيره - الشغل اشتغلت ؟؟ لا سبت المجال كله ..ليه؟ ♦ في فتره التعلم الحقيقه لما بدات عملت صفحه التلي وكنت بشغل نفسي في الاول بتعليم الناس الي بتعلمه والموضع ساعدني اني اتعلم اكتر بكتير ودي طريقة قوية جدا ف التعلم انصحكم بيها ♣ • الموضوع كان كويس ف البدايه لحد م عرفت صفحات تانيه علي التلي وجروبات كتير بتتكلم ف نفس المجال، • بس كان 90% منهم هبد واستهزاء باي حد وكانه علم عليك والجو ده والجروبات دي كانت بتركز اكتر علي الناس الي عندها صفحات او قناه بتنشر محتوي عن المجال • والموضوع كان لسبين، الاول لان الي كان بيعمل كده كان ف الاساس مش عايز يفيد علي قد ميكون هو فالصورة ويجذب اكتر عدد منه حوليه ده بيحسسه بنشوه انه مهم وكده • والسبب التاني لان دول كانوا اطفال ومراهقين وكمان غلشان احنا عرب بنحب نساعد الغريب ونقطع فبعض • بدات ادخل انا كمان في القصه دي وبقيت مركز ابقي زيهم و كاني داخل المجال مش اتعلم واشتغل لا اضيع وقتي في الهبد والاستهزاء ونشوة اني اكون ف الصورة | والموضوع ده كان سبب اساسي فالي جاي.. ♦ ثاني حاجة مكنتش بركز علي الشغل كنت مركز اني اتعلم واتعلم واتعلم وخلاص اجمع اكبر عدد من المعلومات عشان لو حد سالني عن سوال اعرف ارد , وقتها زي مقولتلك انا كنت عامل صفحه وجروب وراسم لنفسي هالة اني جامد ف مكنش ينفع اقول معرفش وسبب تاني اني مكنتش شايف نفسي جاهز لسا للشغل، انا لازم الاول اخلص نص المجال تعلم وبعدين ابقي اشوف.. مستني اقولك ايه اكيد طبعا ده هبل ♦ الحاجه التالته - هي عدم التطبيق العملي يوازي حجم المعلومات الي بتعلها، بمعني كنت باخد معلومات كتير جدا بس مبطبقش اوي في حجات كانت بتتبطق بشكل كامل والاغلب لا والموضوع ده لاكتر من سبب الاول زي مقولت هو عدم وجود خطة او هدف غير اجمع اكبر معلومات علشان اكون عارف كل حاجة وانشر المحتوي والتاني مكنش عندي جهاز كمبيوتر قوي وقتهاف مكنش بيسد معايا ♦ الحاجه الاخيرة - سبت المجال  انت لو قريت القصه من اولها هتعرف اني بديت يمكن زي اغلب الناس ( في الوقت ده ) وبعدها الاحداث الي حصلت هتعرف السبب قعدت كتير تعلم كتير جدا عدم تطبيق قوي وحتا لو موجود مكنتش حاسس اني موهل للشغل والموضوع ده قعد سنين ف بقي في مسوليه ومفيش دخل 🥊 من الي بعمله وبكل بساطه او الحقيقه سبت المجال غصب عني وكنت حاطط في حسابي انها فتره موقته بس طولت معايا لحد دلوقتي. ـــــــــــــــــــــــــــــــــــــــــــــــــــــــــــــــــ 👈🏻 انا كتبت قصتي وبالتفاصيل مع اني غير ملزم لاكن نشر تجربه مش معلومات عامه بتفرق حاولت اختصر جامد لان الموضع فيه تفاصيل كتير، هنزل عن الشغل وطريقة التعلم الصح بعدين.. ياريت تكتبولي لو عديت علي حاجة زي دي او القصه فتحت معاكم حاجه واسالتكم 🤷🏻‍♂

السلام عليكم ورحمة الله وبركاته اولا انا مسحت محتوي الصفحه وكنت ناوي امسحها كلها بس غيرت راي وممكن ابدا انزل تاني كصدقة جارية 🙏🏼 انا مش هنشر معلومة تقنيه قوية لاني ببساطه سبت المجال ده بس ولو نشرت هتكون نظريه تفتحلك الباب تدور علي التطبيق مع نفسك❤️ عندي تجارب ومعلومة ممكن تفيدك لو بتبدا او بدات وعندك تخبط زي مينتور بسيط وهبدا اتكلم عن قصص واخبار بشكل اكبر ف لو ده مش عاجب، اعمل مغادرة 😃 البوستات ملهاش معاد هي بالوقت الي فاضي فيه والمزاج من الاخر الواحد عرف حجات لما ساب المجال كان نفسه يعرفها وقتها كانت هتفرق معايا جدا وكنت زماني ف مكان تاني بس الحمد الله علي كل حال كتبت اول بوست هينزل هنبدا من اول خالص والبوست عباره عن قصة كده لطيفه ف الاغلب هتعدي عليها لو حد مهتم، ممكن تقولولي انزل البوست امته 🤷🏻‍♂

Channel created