بالمصري. 🖤

بالمصري. 🖤 pinned «عايز اقول زي ما قال مسار اجباري " و انا لسه فاكر كل شيء كأنو كان اليوم! " فعلا كل حاجه انا كتبتها هنا كانت من قلبي، القناة دي وقبل ما اقرر اليوم ان يكون ده اخر حاجه اكتبها هنا، القناة دي كانت بالنسبالي الحاجه الهادية الي باجي اكتب فيها الي انا عايزهُ، زي ما…»

عايز اقول زي ما قال مسار اجباري " و انا لسه فاكر كل شيء كأنو كان اليوم! " فعلا كل حاجه انا كتبتها هنا كانت من قلبي، القناة دي وقبل ما اقرر اليوم ان يكون ده اخر حاجه اكتبها هنا، القناة دي كانت بالنسبالي الحاجه الهادية الي باجي اكتب فيها الي انا عايزهُ، زي ما انتو عارفين انا بحب الافلام والمسلسلات وكل حاجه بالمصري وده كان سبب فتح القناة دي، كل حاجه وكل المشاعر قررت انها تتكتب باللهجة الي انا بحبها، بالاحرف الي بتوصل المشاعر بشكل اكسترا عن اي لهجة تانية، كلام كتير عايز اقولو وكأني مش عايز ابطل اتكلم بالمصري بس هي الدنيا كده، مفيش حاجه بتبقى للاخر واحنه بنكبر والواحد كل ما بيكبر في حاجات تتغير مينفعش انك تفضل مستمر فيها حتى لو كانت الحاجه دي انت بتحبها، انا عايز اقول ان مراهقتي وشبابي كلهم هنا، في حاجات كتيرة كانت هنا وفي فرح وحب وعشق ووهم وجرح وسكينه و صدمة. كل حاجه وكل المشاعر الي كانت بتتخبط بين الي انا كنت باكتبو وبين نصوص وصور وفيديوهات المسلسلات الي كنت بانشرها هنا، القناة دي عزيزة عليه و ع كم شخص هنا علشان هم متعلقين فيها و فهدوئها، انا عايز لما اكبر واتجوز ويجي يوسف يسألني ايه اكتر حاجه كنت بتحبها يا بابا فاقلو كنت بحب اكتب الحاجه بالمصري، واوريه القناة دي واقلو باباك كان عايش هنا فيوم من الايام، كان بيحتوي نفسه هنا في حاجات كتيره معرفش يخرجها غير هنا وزي اول اغنية نشرتها هنا " دايما لوحدي في حالي باقيلي كم ذكرى وجواب " باتمنى ان القناة دي الي ليها حته كبيرة اوي في قلبي تكون موجودة لحد ما اكبر ولما افتكرها باعاود عليها و اقراها وانا مبتسم وفي داخلي بقول ياااه ع دي ايام كانت حلوة بصعوبتها، في النهاية مفيش نهاية محدده ممكن الواحد يحدد الكلام، النهايات دايما بتكون مفتوحة لبدايات جديدة ونهاية القناة دي كانت النهاردة علشان بدايات جديدة اكتر نضج وبعيده عن حته الطفولة والمراهقة والشباب الي سايبها هنا 🖤

مفيش حاجه بتكمل للاخر، كل حاجه مؤقتة في حياتك و مش هيفرق الحاجات دي حقيقية كانت والا لا.

🎭🥂@Egyptian9

- الراجل بيبقى في جواه حاجات عايزه تبهرك ، ليه لانك وحدة ست حتى لو عارف انك متجوزة او مفيش اي فرصة معاكي ، يعني لازم يبينلك ان هو جنتل مان ، راجل محصلش ومفيش منو تنين = بس احنة بنشتغل فمكان محترم مش بسويقة - بقولك ايه الرجالة رجالة في اي حته الا انا

- مش قادر بصراحة شهر مايو طوّل اوي - وراك حاجة مهمة في شهر يونيو طيب ؟!

بطل تفكر كتير ، السنة دي عايزة قرارات سريعة .

مفيش اجمل من اتنين سابوا بعض وهي لسه بتقول عليه راجل وهو بيقول عليها محترمة .

- شيرين انتي قولتي كلمة حلوة .. قولتي انتي اتشهرتي شهرة غير عادية و انتي مش جاهزة = دي حقيقة .. عشان كدا تلاقيني بخر.ف كتير

انا مضطر اني اسيب حاجات كتيره كنت متعود عليها، حتى ذكراك.

متخليش حد يركبلك الاونطة.

مفيش حاجه تصعب عليك غير نفسك علشان محدش بيفكر انت كويس والا لا، كلو مع مصلحتهُ ماشي.

الي ياكل الحرام الحرام ياكلو _ بابا المجال

لو نويت تدخل فيلم فيهم في السينما هتختار ايه ؟! واضح ان افلام عيد الاضحي والصيف ٢٠٢٣ هتكون قويه ومنوعه وبها كثير من النجوم. - فيلم بيت_الروبي كريم عبد العزيز وكريم محمود عبد العزيز ونور وتارا عماد وإخراج بيتر ميمي - فيلم حـ ـربي عن قصه حقيقيه السرب بطوله احمد السقا ومحمد ممدوح و شريف منير وأسر ياسين وإخراج أحمد جلال (يونيو ٢٠٢٣) - فيلم شماريخ بطوله اسر ياسين و أمينة خليل وإخراج عمرو سلامة - فيلم الجواهرجي بطوله محمد هنيدي و منى زكي . - فيلم البعبع بطوله أمير كرارة و باسم السمرة وياسمين صبري واخراج حسين المنباوي. - فيلم ع_الزيرو بطوله محمد رمضان و نيللي كريم وإخراج محمد العدل. - فيلم ابو_نسب بطوله محمد أمام و ماجد الكدواني و ياسمين صبري واخراج رامي امام. - فيلم مستر_اكس بطوله احمد فهمي و هنا الزاهد . - فيلم شقو بطوله عمرو يوسف و محمد ممدوح و يسرا وامينة خليل و دينا الشربيني وإخراج كريم السبكي. - فيلم تاج اول فيلم سوبر هيرو بطوله تامرحسني ( أواخر يوليو ٢٠٢٣).