الفيزياء الطبية - م.فراس الفيتوري

رحلة الطب تبدأ من هنا | من التمهيدي إلى أول خطوة في الطب البشرى 🩺 مع الدكتور عبد المنعم المريمي 🎙️ مشاهدة ممتعة ومفيدة لطلبتنا 🙋🏼‍♂️

من التمهيدي إلى الطب البشري | هل أنت مستعد فعلًا لهذه الرحلة؟ سنوات من الدراسة … هل الطب يستاهل كل هذا؟ الليلة حتتفرجو علي حلقة تكشف الحقيقة من التمهيدي إلى الطب البشري ونصائح مهمة قبل بداية المشوار مع د.عبدالمنعم المريمي 💭

تمهيدي المجموعات الفردية الفاينل فيزياء بخصوص الاخطاء في النتيجة : السؤال 21 فيه خلاف وحنوضحلكم وجهة نظري فيه ووين الاشكالية ! في درس تفاعل الاشعاع مع المادة التأثير الكهروضوئي يعامل الضوء كجسيمات تسمي فوتونات والسؤال هذا جي حتي قبل وهكي اجابته بس الاشكالية في الخيار C هيا كلمة only مفروض ماتنكتبش مع انه حتي بوجوده نقدر نعتبر الاجابة صحيحة لانه مانعامل الضوء في الدرس هدا خصوصاً كإنه موجة وقريناها سابقاً فا نشوف أنه في خطا في السؤال في الأساس وحتي بوجود الخطا حتكون الاجابة B انه جسيم وليس C ومن المفترض السؤال هذا يتراجع من الكلية وان شاء الله خير ✅

تمهيدي المجموعات الفردية الفاينل فيزياء بخصوص الاخطاء في النتيجة : السؤال 15 فيه خطأ في نموذج الإجابة مدايرين الخيار A وهوا الخيار D هوا الصحيح ✅

شهادة تقدير وامتنان إلى مهندسنا الفاضل، نهديك هذه الشهادة تقديرًا لما بذلته من علمٍ ووقت، وامتنانًا لأثرٍ تركته في نفوسنا قبل أن تتركه في مسيرتنا العلمية.🌟 كنتَ لنا نموذجًا في العطاء، ودليلًا على أن المعلّم لا يُقاس بما يقدّمه من معرفة فحسب، بل بما يتركه من أثرٍ لا يُنسى.💗 فلك منّا خالص الشكر، وصادق الامتنان، ودعواتٌ تليق بكل ما قدّمت.💗 من طلبتك الذين يعتزون بأنهم تتلمذوا على يديك.🌟

لما تطلع النتيجة وتجي قدام عيلتك :

الساعة 9 باذن الله❤️‍🔥 يسعدنا ويشرفنا أن نستضيف المهندس فراس الفيتوري في حوار ممتع وشيق ، استعدوا لأسئلتكم واستفساراتكم، وكونوا في الموعد لنبدأ معاً رحلة ملهمة ومثرية بالمعلومات والتجارب والحكم🌟

طبعا اكيد كلكم تعرفو يلي في صورة ولا ؟🌝 المعروف لا يُعرف ، وهذا المهندس فراس الفيتوري 💛 يلي كان معانا في رحلتنا الثانوية ، وكمّل معانا المسيرة الجامعية 💙 وطبعا كلكم تعرفو ان طلاسم الفيزياء كان هو السبب في فهمها بعد توفيق الله 💛 حيكون معانا الليلة في لقاء خاص مع #ابتسم ، وحيكون جزء من بودكاست ( حوار ابتسم )💛 خلي نستفيدو من خبرته ، ويجاوب ؏ بعض الاسئلة المتداولة 💙 ما تمشوش بعيد ، موعدنا الساعة 11 الليلة 🫣💛 استنونا 👀⏳

#جامعة_طرابلس #العلوم_الطبية

أسعد الله جمعكم و جمعتكم دكاترة ونهاركم مبارك بكل الخير و السلام ؛ و نسأل الله العلي العظيم أن يحفظكم و أهلكم و ذويكم في هذا اليوم من كل مكروه و سوء وأن يزيدكم من علمه ومن فضله، وأن يجعل ختام يومكم عامر بذكر الله والصلاة و السلام على خير الأنام سيدنا محمد ﷺ 🤲🏻

2026/7/16🔥❤️

دفعة 2007 فخر والله ❤️

أنا شخص مانحبش حاجة اسمها وداع أو ختام وديما نشوف أنه مزال في لقائات تذكرت الفيديو هدا كان ختامي مع دفعة 2006 وسبحان الله مسرع الوقت يجري وتوا لقيت روحي نودع في دفعة 2007 في طلبة كنت نشوف فيهم أكثر من غالبية ناسي وأقاربي وقعدو جزء من حياتي كانو خوتي وخواتي ومعاهم في كل شيء سوا في الفرح ولا في المشاكل وماعمره عاملتهم كأنه أنا استاذ بس وكسبت منهم ناس شهادة لله نلقي فيهم قبل عيلتي وأي حاجة تصيرلي نلقاهم من غير ما نكلمهم ومعرفتهم كنز ورِجال والله وهكي خلاص معاش في محاضرة اضافية ولا تعديل توقيت محاضرات ولا خطة قرايا ولا فيديو جديد نزل ولا تجميعات ولا كوزات فجأة ولا مشاكل الدروس وشن نقرو وشن مانقروش وشن داخل وشن ملغي 👀 سنة كاملة صنعنا فيها ذكريات سوا مع الزوجية وسواء مع الفردية ومش حننساها وان شاء الله نشوفكم كلكم في السيمسترات الجاية متفوقين ونتلاقو في الوقت الطيب وفي محاضر خير ❤️ #دفعة_2007 #خوكم_فراس_الفيتوري