English with Hojimuhammad| EWH

🔤🔤🔤🔤🔤 🔤🔤🔤🔤🔤🔤🔤🔤🔤🔤 🔤🔤🔤🔤🔤🔤🔤 Group 64 T50 / B1 ⚠️ Join our channel: ✈️ Telegram | 📷 Instagram

Hech o'ylab ko'rganmisiz biz haqiqatan ham shunchalik ko'p ishlayapmizmi yoki band bo'lib ko'rinishni xohlaymizmi? 21-asrda bandlik ijtimoiy status ramziga aylanib qolgan. Jamiyatda kim ko'p ishlasa va band bo’lsa o'sha muvaffaqiyatli degan yangicha stereotip bor. Tarixga qaraydigan bo'lsak, muvaffaqiyat belgisi bo'sh vaqtning ko'pligi bo'lgan. Boylar va aristokratlar ishlamas, sayr qilar, kitob o'qir va san'at bilan shug'ullanardi. Ishlash quyi tabaqaga xos bo'lgan majburiyat hisoblangan. Tadqiqotlar shuni ko'rsatadiki, insonlar o'zlari ishlayotgan vaqtni oshirib ko'rsatishni yoqtiradi. Masalan, haftasiga 80 soat ishlayman deydigan insonlarning haqiqiy samarali ish vaqti o'lchanganda, u ko'pincha 50-55 soatdan oshmasligi aniqlangan. Qolgan vaqt qayerga ketadi? Albatta o'zini band qilib ko'rsatishga. Amalda 5 daqiqada hal bo'ladigan masalani 1 soatga cho'zish va hakazo. Va bularning hammasi hayotga ortiqcha bosim beradi. Buning yana bir sababi FOMO ya'ni nimadandir qolib ketish qo'rquvi. Ijtimoiy tarmoqlarni ochganimizda hamma nimadir qilyapti: kimdir yangi loyiha boshlagan, kimdir kitob yozgan, kimdir tunda ham ishlayapti. Buni ko'rib miyamizda "Men ortda qolyapman, sezilarli biror narsa qilishim kerak" degan sun'iy poyga hissi uyg'onadi. Zamonaviy dunyo bizga "To'xtasang yutqazasan" degan g'oyani singdiryapti. Aslida 24/7 rejimida bosim bilan yurish oddiy holat emas. Haqiqiy hayot o'z vaqtiga, sog'ig'iga va hayot sifatiga egalik qilib yashalishi kerak.

Sarvar Karimov bolaligida zerikkanida uning qo'lida smartfon yoki cheksiz video ko’rish imkoni bo'lmagan. U zerikishning eng cho'qqisiga chiqqan va miya chorasizlikdan kitob o'qishdek qiyin va intellektual mehnat talab qiladigan jarayonni boshlashga rozi bo'lgan. Bugungi zamonaviy dunyoda zerikishning umuman iloji yo’q. Hozir biz zerikish boshlanishi bilan atigi 3-5 soniya ichida telefonni qo'lga olamiz. Miyada mantiqiy zanjir buziladi. Ya’ni: Zerikish paydo bo'ladi → Miya qidiruvga tushadi → Ijodiy izlanish o'rniga TikTok/Instagram ochiladi → Miya soxta va arzon dofamin oladi. Natijada, zerikish o'zining ijobiy triggerlik funksiyasini yo'qotadi. Inson yangi narsa yaratmaydigan, faqat boshqalarning kontentini iste'mol qiladigan raqamli qulga aylanadi. Haftada bir kun bo’lsa ham hech narsa qilmang. O’zingizni zerikishga majburlang. Hech qanday ijtimoiy tarmoqlar, Reels'lar, yangiliklar yoki cheksiz xabarlar kerak emas. Hatto "foydali" deb hisoblanadigan podkastlar yoki audio kitoblarni ham yoqmang. Shunchaki mazza qilib zeriking. Atrofdagi boshqa odamlarning fikrlari, blogerlarning hayoti va keraksiz axborotlar shovqini to’xtagach, nihoyat o‘zingizning shaxsiy fikrlaringiz, maqsadlaringiz va orzularingiz yuzaga chiqadi.

🅰🅰🅰🅰 🅰🅰🅰🅰🅰🅰 Group73 T50/A2+ 21.06.2026 📱Contact with: @mukhtorov27 🔔 Join our channel: ✈️ Telegram | 📸 Instagram

🅰🅰🅰🅰 🅰🅰🅰🅰🅰🅰 Group:81 T50/A2 21.06.2026 📱Contact with: @mukhtorov27 🔔 Join our channel: ✈️ Telegram | 📸 Instagram

Tarvuz yeb qorni og`riganlar nechta bo`ldii??? 😂🍉

Speech contest dan lavxalar

🌙 Qurbon hayiti ayyomi muborak bo‘lsin! Ushbu ulug‘ ayyom xonadoningizga fayz-u baraka, qalbingizga xotirjamlik, hayotingizga baxt va omad olib kelsin. Alloh qilgan ibodatlaringizni qabul aylasin! 🤲

25-may — So‘nggi qo‘ng‘iroq 🔔🎓 Ha, bugun o‘sha kun — yuraklarni hayajonga soluvchi, yillar o‘tsa ham eslaganda unutilmas xotiralarni yodga soluvchi kun… Aziz bitiruvchilar! Sizlarni So‘nggi qo‘ng‘iroq bayrami bilan chin qalbdan tabriklayman! Maktabdagi beg‘ubor damlar, ustozlar bergan bilim va do‘stlar bilan o‘tgan quvonchli lahzalar qalbingizda doimo saqlansin. Kelajak yo‘llaringiz yorug‘, maqsadlaringiz ulkan, orzularingiz esa ushalib borsin. Hayotning har bir bosqichida omad, baxt va muvaffaqiyat sizga hamroh bo‘lsin! Hurmat bilan, Hojimuhammad ✨

Men bo'lmasa kim? Xozir bo'lmasa qachon?

https://youtu.be/wfEkz5157Bg?si=C2WG1KSgh0tbxOZp

shu kunlarda eng ko`p eshitiladigan qo`shiqlardan biri https://youtu.be/VurMaFIVR1g?si=nMtcu0D-nn9gaHg1

Oxirgi marta qachon qog’ozga uzun matn yozgansiz? Shaxsan men oxirgi marta qachon qo’lim bilan uzunroq matn yozganimni eslolmayman. Ba’zi davlatlarda o‘tkazilgan so‘rovnomalarga ko‘ra, yoshi kattalarning qariyb 40%’ga yaqini oxirgi marta qachon qo‘lda yozganini eslay olmaydi. Odamlarning 83%’dan ortig‘i endi hech qachon qog‘ozga xat yozmaydi, buning o‘rniga Telegram va WhatsApp kabi messenjerlardan foydalanadi. 2024-yil Norvegiyalik neyrobiolog Odri van der Meer 36 nafar talabaga datchikli maxsus qalpoq kiygizib, qiziq tajriba o‘tkazgan ekan. Talabalar ekranda chiqqan so‘zlarni qo‘lda va klaviaturada yozishgan. Qo‘lda yozilganda miyaning xotira, his-tuyg‘u va yangi ma’lumotlarni qabul qilish markazlari bir vaqtning o‘zida faol ishlashni boshlagan. Ya’ni miya to‘liq quvvat bilan ishlagan. Klaviaturada esa miyaning bu aloqa tarmoqlari deyarli o‘chgan, miya jimjit bo‘lib qolgan. Nega bunday bo‘ladi? Qo‘lda yozganingizda, har bir harfni, masalan, A, B, D) yozish uchun barmoqlaringiz, bilagingiz va ko‘zingiz minglab mayda harakatlarni bajaradi. Miya har safar harf shaklini yaratish uchun murakkab matematik hisob-kitob qiladi. Klaviaturada yozganingizda esa, A harfini bossangiz ham, Z harfini bossangiz ham barmog‘ingiz bir xil harakatni bajaradi. Miya uchun hech qanday yangi vazifa yoki qiyinchilik bo‘lmaydi. Bir tadqiqotda ma’ruzani noutbukda yozib borgan va daftarga qo‘lda yozgan talabalarni solishtirishgan. Noutbukdagilar ma’ruzachining gapini shundoq, so‘zma-so‘z yozib olishgan, lekin ma’nosini tushunishmagan. Miya shunchaki mexanik ko‘chirish bilan band bo‘lgan. Qo‘lda yozganlar esa ulgurishmagani sababli, gaplarni eshitib, tahlil qilib, eng muhim joylarini o‘z so‘zlari bilan yozishga majbur bo‘lishgan. Aynan shu tanlash va qisqartirish jarayonida haqiqiy o‘rganish sodir bo‘lgan. Ya’ni siz biror narsani eslab qolishni xohlasangiz, aytaylik o’qigan kitobingizdan olgan xulosalaringizni telefon yoki kompyuterdan ko’ra qo’lda yozish samarali bo’ladi.