🪐

هذيچ .. الخفت ظلها تشوفه العيون ابشرك گاموا يشوفوها كلها كيكة توزعت وبعيد ميلاد الما ضاگها شگد باوعلها

اكبر امنياتي الوكت يرجع كون مثل امنية ذاك البالغلط يكتل گبل بيه خضار يغيض چم بستان والله مو ضروف الوادم تذبل والله مو وراثة الشيب منك صار نتيجة لامبالاتك عالتوسل اليمد چفة بجحر مو قلق مثلي وياك ما مجبور اضل كل عمري متحمل بصراحة سوالفك ميشيلها الحمال من احطهن عالجبل هم يخسف ويهدل امشيك بدرب منا ومنا نار واگلك تحترك وعناد بيه ازل ما تمشي عدل لو عالحبل مشوك بس انه غشيم وچنت متأمل

عَيْني عَلَه دَرْبَك شابْحَه شابْحَه أوّلَه شافَت أَثَر مِنك يَمِن وَجْهَك گَمَر صِرْت أَحْسِب اليُوم بِشَهْر لِيك البَيابي أمْلَوْلَحَه لَوْلَحَت عَيْني لِجِيّتَك أَنْحِب وَدَگ لِفَرْگَتَك ما حَصّلِت مِن عِشْرِتَك غَيْر النّحِب والنّايْحَه أَنْحِب عَلَه أَفْراگَك وَأَدَگ وَاشْحَصّلِت مِن هالعِشِگ النّاس تاكِل بِالعِثِگ وآنه أَرْكِض عَلَه الطّايْحَه أَرْكِض عَلَه الطّاحَت وَأَجِد تالي صِفِر إيدي تِرِد بِيدي زَرَعْتَك يا وَرَد وَلْغيري تِنْطي الرّايْحَه رِيحْتَك فاحَت لِلْمَلَه وَتِحْرِمْني يا ريم الفَلا شَخْصَك عَلَيّه اشْبِدِّلَه ما مِش صَديج اليِنْصَحه

يصير احبك من جديد ونخلق الحبنا بداية وصدفة اشوفك من بعيد وانعجب بيك واعجبك وواحد يمر على الآخر بس غريب يصير نزعل نخرب نضوج ونفارگ بس نعود يصير ميمرنا برود؟

خليني صافن بيك يالروحي بيدك چا هي مو بالكيف گلبي اليريدك .

ما تجين ؟ عايدتني الناس كلها وانتِ يمتى تعايدين؟ منين اجتج هل قساوه وادري بي گلبج حنين ما تجين ؟

ومِن شفتك انا الحزن من كل حياتي اختفىٰ يا سلوتي ومنيتي يا بسمتي ودمعتي يا مالـك العاطفة يا أترف من الورد بس يمك انتَ أنسعد من مرني طيفـك برد حضني على ثلجك دفه چـا شرد اگلك بعد واندهلك بيـا صفة؟ وعيوني لو شافتك تفترسك من الولع چن بيـك متحلفة ونوعين هو العشگ لو نسمة لو عاصفة

اعوج من أساسك واني اعدلك جيت اليزرع گاع صبه شينتظر منها؟

وااااخ شكبرهه البارحه البارحه من العوز من كد مابجيت الساني ضاك دموع عيني المالحه البارحه تلمست كطرة مستحاي وكلت طاحت بس بقت ماطايحه كونه اطيح انه مو من ظهر ابوي ولا ابن ذيج الربت ع النايحه البارحه وشحجيلك ع البارحه البارحه التمن علي لمة جناح وداعتك وين الطلابه المالحه العوز والعافاني والشامت الزين الأجه يموتني بنظرته الجارحه البارحه ومختنك حيل البارحه مثل عاجر حبلت وبعدله يوم تجيب وبهاليوم صبحت طارحه والبارحه لوما الجكاير چاكفرت البارحه العافني بشده ونا مسمي عزيز سم احط بروحي كون تسامحه ورحت انام وكلت يلا الله كريم وادري باجر اخس من البارحه

يخوفني انتظارك واشرد من الخوف واحس حتى خيالك يمي تهديد انا بالگوه ناسي شجابك اليوم كل عقلك تردني وبالهوى نعيد انا باچي لحضرتك دجلة مرتين ولابسلك سواد بليلة العيد اذا كملت حچيك تندل الباب لأن هذا كلامك كل شي ميفيد شتريد انسى واردلك فعلك وياي؟ وانا تنازلت حد بوسة الأيد يمكن چنت اريدك تبقى وياي وطابت روحي منك كل شي متريد

دمع فرحة وطحت مامش ندامه عليك

طيرة ولاية باني عشها على الروازين القديمه وعايفه اهوايه خضار المن متاني يكلبي لا نبي لابد ورايه ولا اكو بالغرفة غار امس من كصو رموشي حلمي طار ياشبابيج البيوت اختنكي بيه تعوفني الحزني حبيبي الا ردنك دمعي مترده جفافي ياهو اليوزك عليه وثكل وجهك واكثر من سواري جنت عليدي خافي شايلك واحجار شابع من وراك ثمر كاعد عالجتافي راضي واتوسل غلاتك يا كرامه الباب ليل انهار ادكها ملتهي تفر بكذلتك وعالشنق حاسب اصبعك هيه هاي الخنكه الاتمنى اختنكها ولسه كلبي الماتريده يبوس جفك لو تغمه كلشي بيه عطرك اشمه ترابك الطردته الريح بعيني اضمه انا هذا الوجع لو دك عالراسه يركض يشده بقميصك وامس بالكنتور عايف شيلت امه استثگلت حرفيّ بركبتك چا وذمتي ياهو اليتحمل حملها اسمي من ينجاب يمك كمت تنغث وانا الاغنيه السمعناها كبل سنتين ما اكدر أملها وعرفت قلة معزتي من مشاكلنا طرف ثالث يحلها وانا تعبان بعكد هاي الطفاير ليش غيري الي يفلها ايست من صوتي ما فزز حنينك وانا باچي ردت الوذ بشعرك من الناس وحروة شمسنه الله لو اصيرن تراچي وشكد خفت من بست عيني عرفت فركه وحته هذا الغيم ميبردك يكلبي بروحي حركه انا من اشتاك اناشغ واسمك البشجر ما اقراه اشبكه

وأجَي نعسان لفراشيّ وأبد ما انِام هوسه براسي ودُوخه الصوتِ واظن فكرة قديمِة النوم خل نجَرب المّوت

يالماسمعت الحچي جا ماسمعت البچي شتريد اموت اي متت، تدلل وتأمر خيل الحزن على چفن خلت أثر حافر وياك احس بالنصر حتى من ارد خاسر .

انَحب علىٰ فُراكَك وأدِك وشحَصلت مِن هَلا عِشك؟ النَاس تَاكل بالعِثك وأنَي أركُض اعَلىٰ الطَايحهَ أركُض عَلىٰ الطَاحت وأجِد تَالي صِغر أيدي تِرد بَيدي زِرعتَك ياوَرِد والغِيري تنطيَ الرايحَة؟ رِيحتَك فَاحت للمَلا وتحُرمني يَارِيم الفَلا شَخصك عَلية شبَدلهَ مَا مِش صَديچ الينصحهَ؟ مَحد يَنصحك يَابَدر؟ وتغَيب نِجوم الهَجر سَكران يِهواك الفِكر مَايَوم يَمدَلل صحَىٰ

قصيدة نادرة لم تقرأ للشاعر " زيد السومري " بعدني كاره الدنيا وبعدني أمدد بسديا وقبل لا يكشف الدكتور گتله فلان يوجعني طبت من المرض بس يا مرض فرگاك من عندة شيطيبني انه تراهنت وي عيوني عن النوم حروز الدنيا كلهن ماينومني أنه صورك ينومني ، أنه جروحك يگعدني من تدير وجهك حطّني بالتابوت من ترجعلي من تابوتي طلعني ..

لا لتجبُرني أجرحك بالكِلام وأبتدي وياك صفحة من الخُصام، مو سهِل أنتَ عليا جرح عايش لسه بيا وما تطيب وأنه ماريدك تطيب أُبقى بين ضلوعي خَنجر انچان ماترتاح أفتر قطع شمَتريد قطع ** وأُخذ كُل شي ولا ترجع وبعثر بروحي وأنا خليني أجمع لٰكن أترجاك تسمع كلمتي العُمر مثل القُطار ولا تظُن أرجع فتي حَرم أحدين والمَحطات أنتهت مابيها راحه وخَل أحاچيك بوضوح وبكُل صراحة الناس كُلمن ملتهي وحاضن جراحه وأنتَ جاي تقطع بعاقول صَدري راحت سنين سنين من عُمري

ادري بَيك تحِبني مادَاعي الكَلام و أدري بِدموعَك صدُك تِبچيلي مِن تِجيني لا تِكلمنِي بغَرام وعَفية عوف الشوگ لا تِحچيلي، أنا لَيل بَلاية واهِس ما أنام شِلون لو صِرت إنتَ واهِس لَيلي؟ شِلون لو باچِر تِروح وتِعتذر هم تِرد لمّن اگِلك تَعال وتِنتظر لمًن اگِلك انتِظر ؟ -جبار رشيد