𝐅𝐚𝐫 𝐒𝐭𝐚𝐫

قد لا تغيّر الكلماتُ طريقَك، لكنّها أحيانًا تغيّر الطريقة التي تمضي بها! 💗

أنا مرات ببقى مؤذي لنفسي جداً

أي حدا فينا عنده ماضي صح؟ شو ماكان الماضي بس خليني اسألك سؤال إذا رب العالمين ستر عليك لسنة وسنتين وتلاتة ولـ سنيييين ليش أنت كل يوم بتفضح حالك قدام نفسك؟ ليش كل ما ضحكت إجا الماضي وهمسلك: "أنت ما بتستحق تفرح" ليش كل ما حبيت تبدأ من جديد إجا صوت داخلك يقول: "بعد كل اللي عملته؟" الله قد ما غلطت معه يغفرلك والله يغفرلك كل مرة ترجعله بيفتحلك الباب من جديد كل مرة تبكي بين إيديه بيسمعك كل مرة تقول: "يا رب تعبت" بيكون أقرب إليك من كل البشر والله يمكن الناس بتعرف مين كنت بس الله بيعرف مين ممكن تصير وهون الفرق في ناس بتضل حابسة الإنسان بصورته القديمة أما الله فبيعاملك على صدق توبتك وعلى نيتك وعلى خطواتك الجديدة يمكن الماضي علّمك بطريقة موجعة بس لو ما مرقت فيها يمكن ما كنت عرفت قيمة نفسك ولا معنى القرب من الله مو مطلوب منك تنسى لأن في أشياء ما بتنتسى أبداً المطلوب إنك تبطل تسمح للماضي يقود حياتك خليه درس الك وكل ما رجعت الذكريات توجعك تذكر إن الله ما أنقذك لتبقى غارق فيها بل أنقذك لتكمل طريقك وتصير أفضل وأوعك تظن إن تأخير الفرج يعني نسيان وأوعى تظن إن كثرة الابتلاء تعني إن الله بعيد أحيانًا الله بيكسر فينا أشياء حتى يحررنا من أشياء أكبر حاشاه يكسر فينا طبعاً وبياخذ من إيدينا أشخاص لحتى يرزقنا بالأفضل والأحن علينا واليوم إذا كنت عامل ذنب توب إذا كنت ندمان على شي سلّم هالندم لله إذا كنت موجوع احكي مع ربنا واشكي له وجعك وإذا كنت شايف إن حياتك انتهت تذكر الشمس كل يوم بتغيب لكن عمرها ما اعتبرت الغروب نهاية بترجع تشرق من جديد وكأنها بتحكي: "كل بداية حلوة سبقها ليل طويل" وأنت كمان مهما كان ماضيك ثقيل لا تخليه يحرمك من المستقبل اللي الله عم يكتبه إلك لا تعيش سجين الأمس لأن رحمة الله دائماً أكبر من كل ما مضى 🤍 مأخوذ من منشور حبيته

شكوتُ إلى وكيعٍ سوء حفظي فأرشدني إلى ترك المعاصي وأخبرني بأنَّ العِلمَ نورٌ ونـورُ اللهِ لا يُهدى لِعاصـي

بدي نبه لشغلة قال رسول الله ﷺ : "مَنْ عَيَّرَ أَخَاهُ بِذَنْبٍ لَمْ يَمُتْ حَتَّى يَعْمَلَهُ" المعايرة بالذنب هي توبيخ الشخص أو تعييره وتذكيره بمعصية أو خطأ وقع فيه سابقاً على وجه التكبر والشماتة قال العلماء: يجازى بسلب التوفيق حتى يرتكب ما عير أخاه به، وذاك إذا صحبه إعجابه بنفسه لسلامته مما عير به أخاه

اذا كنت بتعرف شو هدفك بس جاييك فتور بالهمة وما عم تسعى هون اعرف انك "إما أن تتغير.. أو ستعيش نفس اليوم إلى الأبد" يعني باختصار مستقبلك معتمد على الحاضر يلي عم تعيشه اليوم على عاداتك وروتينك اليوم لهيك امسك ورقة وقلم واكتب.. أنا فلان .. بالمستقبل بتخيل حالي كون:... اكتب اهدافك الدينية والنفسية والاجتماعية والثقافية والدراسية والمهنية والذاتية... واكتب حرفيا كل شي ممكن يخطر ببالك مهما حسيت انه مستحيل او كبير رب العالمين بعينك.. وياما سمعنا قصص ناس تغيرت ونجحت رغم ظروفها يلي كانت يمكن تحت الصفر حددت اهدافك؟ شخصيتك وحياتك المستقبلية تم هلأ اكتب كيف ممكن اوصل لهي النسخة مني شو الفرق بين أنا الآن.. وأنا اللي ببالي واكتب كيف ممكن توصل لهي النسخة من كل النواحي بدون مثالية زايدة ما تبلش بكل شي مرة وحدة انت حددت هدفك وعرفت شو لازم تعمل بلش شغلة شغلة وتوكل على الله

يا رب هالاحساس النا كلنا ❤️‍🩹

٭ اذا لسا ما لقيت هدفك ومو عارف أصلاً شو بتحب حتى تلاقي الدافع والشغف للسعي هون بدك تجرب شغلات جديدة وقبل ما تخاف من التجارب المجهولة أو انك ما بتعرف... تذكر انو هاد هو الطبيعي أصلاً!😂🤍 لو كنت بتعرف .. ما رح يكون اسمها تجربة جديدة، صح؟ المهم جرب شغلات بتشدك أو بتحس إنها ممكن تناسبك، حتى لو ما كنت متأكد واكيد لا تنسى انها تكون شغلات نافعة دنيا وآخرة.. 🤍 ومن تجربتك رح تستفيد بأكتر من شغلة: ٭ أول شي رح تنبسط.. رح تعيش شي جديد.. رح تكسر حاجز الخوف وهاد لحالو انجاز ٭ تاني شي بتكون تعلمت شي جديد.. بيعطيك ثقة وشعور بالانجاز.. وبتكون قربت خطوة من انك تعرف هدفك🤍 لحد ما توصل للشي يلي عنجد انت بتلاقي حالك فيه الشي اللي ما بتمل منه وبالعكس... بتستنى الوقت يلي رح تشتغل وتسعى فيه كل يوم!

بدكن دعائكن يستجاب ؟ عن أبي الدرداء رضي الله عنه، حيث قال النبي ﷺ: "مَا مِنْ عَبْدٍ مُسْلِمٍ يَدْعُو لِأَخِيهِ بِظَهْرِ الْغَيْبِ، إِلَّا قَالَ الْمَلَكُ: وَلَكَ بِمِثْلٍ". وفي رواية أخرى: "دَعْوَةُ الْمَرْءِ الْمُسْلِمِ لِأَخِيهِ بِظَهْرِ الْغَيْبِ مُسْتَجَابَةٌ، عِنْدَ رَأْسِهِ مَلَكٌ مُوَكَّلٌ، كُلَّمَا دَعَا لِأَخِيهِ بِخَيْرٍ، قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ". واذا بتقدرو دعولي معكن وخصوصاً بقيام الليل الله يجبر خاطري ويحققلي حلمي 🤍

في نسبة كبيرة مننا مختارين طريق الراحة وعلقانين فيها Comfort zone في شي جوانا محسسنا انو لازم نسعى بس نحن مبسوطين هيك منأجل ومنترك ومنهرب من التغيير بس عشان نتغير لازم نفكر بالمدى البعيد انا بالنهاية شو بدي صير ؟؟ بدي ضل على وضعي ؟ ولا ببالي شي اكبر من هيك؟؟ اكيد ما رح تفضّل تضل متل ما انت بدك كلمة مني؟ اذا بدك تعيش فترة هيك ترتاح من كلشي وما تحط ببالك ولا هدف اول فترة رح تحس وااو كل شي تمام بس صدقني بعدها شوف الاحباط والملل والتخبط والضياع.. وحتى بتوصل للاكتئاب.. لهيك صدقني مو هي الحياة المثالية لهيك.. لازم تتذكر الهدف ٭ الهدف الأساسي اننا نعيش لنرضي ربنا سبحانه وتعالى ومنسعى ان شاء الله للجنة الله يرزقنا ياها ويجيرنا من جهنم وعذابها... ٭ والهدف الدنيوي بيختلف من شخص للتاني.. لهيك بدك تسعى لتلاقيه.. وتوصله باذن الله 🤍

الملخص: لا تقارن حالك بغيرك خلي مساحة لنفسك بعيدة عن حكي الناس وانتقاداتهم اختار الصحبة الصح.. واذا ما لقيت ف انت مو مجبور تضل مع ناس غلط فكر بحكي الناس يمكن مرات بيحكو شي كنصيحة وانت لازم تسمع وتفكر اما لما يكون الحكي فاضي وبس عبارة عن انهم عم يفرغو عقدهم النفسية عليك كب الحكي شكلك مو هويتك اشتغل على روحك وحب حالك متل ما انت الشخصية بتغير حتى ملامحك بنظر الناس🤍

اليوم جاي احكي بدون مقدمات وبدون تعديل الحكي كتير بدي تتذكرو انو نحنا غرقانين بالنعم من اصغرها لاكبرها بدون مبالغة لو لا سمح الله واخُتبرنا بزوال نعمة وحدة لكنا انهزنيا ركزو وتاملو حالكن وحواليكن انتو بخير صحتكن بخير اهلكن بخير قادرين تمشو وقادرين تاكلو وتشربو اذا حبيتو تعمل شي قادرين تقومو تعملوه قادرين تشوفو وتسمعو وتحكو وقادرين تعملو اي شي لحالكن بدون مساعدة (بقصد اذا بدكن تقومو او تغسّلو ايديكن مثلا الى اخره) وكل هدول قادرين تعملوهن بدون وجع لو سمحتو قدرو هالنعم ولا تجحدوها لمجرد شي ما زبط معكن شي ما قدرتو تجيبوه او حياة ما قدرتو تعيشوها متل ما بدكن كل النعم يلي ذكرتها فوق واكتر منها بكتير عنا هي كافية نحمد ربنا عليها كل ثانية والاحلى ادراكنا لهالنعم هو فعلا نعمة وكمان من احلى النعم يكونو كل اهلكن بخير ما عم يعانو من مرض او من فقد وقتها صدقا اي مشاكل بينكن بتهون وبتصير سخيفة لا تضيعو العمر وانتو متدايقين من بعض واحمدو ربكن ع الشي السيء والمنيح لا تغفلو عن الحمد ابدا وتذكرو الحديث هاد واستشعروه منيح : عن عبد الله بن محصن الأنصاري رضي الله عنه، أن رسول الله ﷺ قال: "مَن أَصبَحَ مِنكُم مُعافًى في جَسَدِه، آمِنًا في سِربِه، عِندَه قُوتُ يَومِه، فَكَأنَّما حيزَت له الدُّنيا " الحمد لله دائماً وأبداً 🤍 حلا

لما يتعلق الموضوع بالحلال والحرام احكي لما يتعلق الموضوع بالنهي عن المنكر احكي احكي احكي لا تسكت وتقول ما دخلني.. اعمل اللي عليك ولا تهاجم عشان ما يصير عكس اللي انت بدك ياه🌚 خلي اسلوبك قوي بس لطيف.. احكي للشخص ان هالشي يلي عم تعمله ما بصير والدليل هيك وهاد كلام ربي مو كلامي وخلص لا تهتم بالرد السلبي.. لا تهتم بس حدا يقول عنك معقد.. اللي ما بدو يسمع النصيحة ما رح يسمعها.. انت اعمل اللي عليك عسى شخص يتغير بسبب كلمة منك🌚🤍 وهون برجع بذكركم بأهمية اختيار اصدقائكن الصحبة اللي بتعين عالخير مو يلي بتقلن انك غلطت وبقولولك عادي اختار يلي بتستحي تغلط قدامهن.. مو يلي بتستحي تحكي بالدين قدامهن! لأن الدين واضح.. والحرام واضح.. مافي استخفاف ولا استهانة ممنووع مافي شي اسمه عادي "عادي" هي بتقولها لما تكسر كاسة مثلاً.. تم؟ ‌(•‌⁠ᴗ⁠•‌⁠)⁩

الصحبة الصالحة نعمة..! صديقك اللي بنبهك على خطأك بذكرك بالخير بيبعدك عن المعاصي.. هاد نعمة والله نعمة🤍 انتقِ صحبتك.. واختار يلي بشدوك معهم للخير🤍

اعمل بجد في صمت، ودع النجاح يحدث الضجيج خططك.. أهدافك.. خليها سر لأنك لما تحكيها لحدا.. صدقني رح تبطل تعملها

ولا تكلني إلى نفسي طرفة عين… ------> نحن بكل اوقاتنا منحتاج تدبير رب العالمين بكل قراراتنا منحتاج توفيق رب العالمين إذا ما توكلنا على الله.. على مين رح نعتمد؟!

عنجد خلينا نفكر ونتذكر.. اننا مو ضمنانين حالنا نعيش ساعة لقدام صح؟ مو عشان نخاف بل عشان نتذكر انو في آخرة.. في جنة ونار وفي حساب.. وماننا موجودين هيك بلا سبب انو رح يجي يوم ورح نتحاسب عن كلشي عملناه.. رح نحتاج ولو حسنة وحدة رح نحتاج "سبحان الله" أو "لا إله إلا الله" عشان لما تنحط اعمالنا عالميزان ترجح كفة الحسنات على كفة السيئات ونفوت عالجنة والله لو نفكر شوي.. منستوعب عظمة الموقف..❤️‍🩹 والله المستعان...

نعاهد رب العالمين اننا نحاول نبلش من جديد؟