Faisalpharmacy

اللي باقي من الشهر ٤ ايام اختبار كثير ناس قالوا لي جاء من هالملف كثير الى ٦٠ سؤال بتفيدك لازم تمر عليها واعتبرها تجميعات شهر ٩ كامل

السلام عليكم ورحمة الله وبركاته، نحن طلاب من جامعة الملك خالد تُسعدنا دعوتكم للمشاركة في تعبئة استبيان يخدم دراستنا البحثية بعنوان *تقييم مدى انتشار رهاب فقدان الهاتف الذكي (نوموفوبيا) بين الطلاب في المملكة العربية السعودية"* يستهدف الاستبيان طلاب الجامعات ومدارس التعليم العام مدة تعبئة الاستبيان المتوقعة (من ٣ الى ٥ دقائق) لطلاب الجامعة: https://forms.gle/rrqk9sktyZqx68Ae9 لطلاب التعليم العام (الابتدائية والمتوسطة والثانوية) : https://forms.gle/GZbqGVXMe7c7VnkX7 من فضلك نشر هذه الرسالة لجمع اكبر قدر من المعلومات ، شكراً على وقتك الثمين .

Channel name was changed to «Faisalpharmacy»

هذا ملف الار اكس في حال كان احد يحتاج يذاكر منه

السلام عليكم ورحمة وبركاته اتمنى انني جيت بالوقت المناسب وفيه شخص ما بالعالم حاليًا مزنوق ويقول يارب ترزقني ملف لتجميعات شهر ٩ من حيث لا احتسب وابشرك ربي إستجاب دعاءك هذا الملف جاهز وفيه ١٠٠ سؤال جات هذا الشهر.. شد حيلك وادع لي في طريقك وبالتوووووفيق 💚💚💚

اهلًا مبطي عنكم اتمنى ما نسيتوني واستنكرت اسم القناة وفكرتها صيدلية في حيكم توها فتحت! هذا الملف هو خلاصة التجميعات اللي استفدت منها في اختباري يوم الأربعاء ، كل شيء مهم حطيته فيه، من نصائح ونحوها، اللي يحتاج مساعدة باب صيدلتي مفتوح وموفقين يا اصدقاء 💚💚

🌞 صباح الخير -اي ايموجي احطه بعد الكلام هو لانه اقترحه الكيبورد علي وما ابغى اكسر خاطره- بديت اسوي جدول الاختبار اللي ما ادري متى بقرر اخوض فيه لذلك سويت جدول اسبوعي يكون ساعات المذاكرة ٨-٩ ساعات كل يوم فيه ٣ مواضيع متراوحة الصعوبة سهل ويمديك عليه بساعة بالاخضر 🟢 متوسط ويحتاج منك ساعتين الى اربع بالاصفر 🟡 امااا الاحمر فاااا هذا يبغالك فوق الاربع ساعات 🍎 -حطيت تفاح علشان لا تحس بالجدية- البداية بتكون هذا الاسبوع مع كتاب RXprp فيه حوالي ال٨٠ موضوع وكل اسبوع عندنا ١٨-٢٠ يعني نقول شهر واسبوع ونقفله جاااااهزين؟

وتوي استوعب انني ما فتحت لكم الحفظ هنا رفقًا بي توي اتعلم حبة حبة

وتوي استوعب انني ما فتحت لكم الحفظ هنا رفقًا بي توي اتعلم حبة حبة

السلام عليكم ورحمة الله وبركاته كيف حالكم يا اصدقاء؟ بعد مرور شهر على التدريب بحاول اعطيكم مجموعة اشياء قد ما تقدرون تركزون عليها سواء كنتم طلاب او متدربين: ١-التدريب يعتمد مهاراتك انت في البحث والتقصي والعمل، الجامعة فيه خطة ومنهج واضح انت امشي عليه علشان تحقق المعرفة اللي تحتاجها عكس بالتدريب انت اللي تخطط لنفسك وتراجع وتدرب نفسك، فلازم تتعلم من الحين كيف تخطط لتعليمك الذاتي ، بتجربتي انا قررت اشوف وش اكثر مرض يتكرر عندي فوجدتها -القلب بكل فروعه -السكر -الغدد -الاعصاب فسويت اهم خطة امشي عليها بحيث ان لو مر علي احد عنده شيء منهم اصير اعرف ليه اعطاه الدكتور هذا الدواء؟ ليه هذي الجرعة؟ ليه اعطاه كذا ٢-فيه تدريب يكون في مستشفى مختص "مثل الصيدلية الداخلية عندي بتكون في مستشفى القلب" وهذا يخليني اصير متعمق اكثر في هذا المجال، بس هل هذا يعني يصير تدريبك مقتصر على اختصاص معين؟ هنا يجي دورك في محاولة التعامل مع الحالات بطريقة مختلفة وقد ما تقدر تتعمق فيها وتربطها ببعض بيكون في مصلحتك، بمعنى: مريض قلب عمره ٦٧ وعنده سكر هنا وش دوري كمتدرب؟ ابحث عن ادوية القلب والسكر ابحث عن تعارضاتهم وش الادوية الافضل للكبار؟ وش افضل حالة يمكن نوصله لها؟ وبالأخير نسوي له SOAP كامل بعد اذن الدكتور. ٣-حاول تراجع باستمرار لا توقف مراجعة عندك ٣ اماكن ممتازة للمراجعة: ١- مذكرات الجامعة هذي ممتازة خاصة انك بتكون لا تزال في جو الجامعة ٢-المراجع اللي اكون مهتمة بالحالات اللي عندك ٣-الاجتماعات مع الاطباء والصيادلة اللي اكون فيها شروحات للحالات. وبالتوفيق يا اصدقاء❤️❤️

هذا مرجع عام لامراض السكر ما اذاكر منه بس للاستفادة تقدر تاخذ منه معلومة معلومتين ما بتضرك

اول شيء سويته بعد ما رحت الصيدلية وشعرت انني تائه في بحر الادوية كان انني قلت: فيصل لازم تراجع اللي اخذته. ولانه صعب تروح تمسك كل السلايدات وتبدأ من فارما ١ بحثت 🔍 🧐 وتقصيت لين عرفت كتاب RXprep يمكن ما يكون اختراع انتي حصلته بس كان فارق معي! حملت هذي النسخة -اللي متوقع ببلع بسببها كوبي رايت- وبدأت الخطة التالية: اجلس في الصيدلية وقت التدريب واشوف وش اكثر الحالات اللي تجي! كان نفسي ابدأ الادوية النفسية وسويت الخطة سلفًا بس اكتشفت ان بالمنطقة اللي انا فيها امراض القلب كثيرة فقررت ابدأ مذاكرة امراض القلب. ثم ببدأ في امراض السكر، وهكذا حسب الاحتياج اللي اشوفه، وكل ما ذاكرت دواء ارجع للشباك واصرفه واقول للمريض المعلومات اللي تعلمتها فيكون ترسخت في بالي! وكانت الخطة: الاسبوع الاول امراض القلب الاسبوع الثاني السكر وكل ما تعدلت الخطة بقول لكم واشارككم . حاليًا انا بامراض السكر يعني الايام الجاية بتشوف كثير شروحات عن السكر هنا *بالمرجع صفحة ٦١١*

حياكم الله يا اصدقاء على شباك صرف الادوية 🥣 هُنا بالغالب بيكون فيه صيدلي واحد على الشباك وهو انا فما عليكم الا قول اللهم لا اعتراض. هذي القناة سويتها بناء على طلب الجماهير الغفيرة امتدادًا من بيچين حتى غينيا والصيدلي لا يكذب! في هذي القناة ما بتكون خطة مذاكرة SPLE لذلك لا تتوقع منها تحولك الى الحكيم ابوعصام! لكن بتكون مجموعة مراجع وصور وخطة المذاكرة اللي اسويها لنفسي علشان اتجهز ان يكون عندي معلومات كافية عن التخصص ، مذاكرة الـSPLE شرحها ناس كثير كثيررررررر ومع ذلك موجودة عندي بالصيدلية وبعطيكم ايها على وقتها. صيدليتنا محترمة وتوفر كل الاحتياجات! وبنمشي وفق خطة علاجية -كنت بقول مذاكرية بس ما تمشي- عمومًا كثرت كلام مع ان الصيادلة اقل الخلق كلام هذي القناة بنشر فيها كل شيء اتعلمه او اي مرجع اذاكره او اي صورة تفيدني او محاضرة تعجبني. الموضوع بيكون محاولة استذكار واستفادة اكثر من مذاكرة وجلادة. لو عندك ملاحظات او مشاركات ارسلها لي على الخاص @Faisalphf وموفق يا صديقي 💊🧡

Channel photo updated

Channel created