🦋00:20

شعور (يعني خلاص؟) يتصدر قائمه أسوأ المشاعر اللي ممكن الإنسان يواجهها في حياته.

مش راضية تظبط والله، بس مفيش حل تاني غير أني أفضل احاول يمكن تيجي في مرة وتظبط.

"في كل مرة يمسني الضرّ أتذكر أني تحت ظلك! أنتَ الذي لا يعجزه شيء.. تولّني!"

خليك فاكر إن ربنا مش هيحطك في حاجة أنت مش قدها، ومش هيفتح قدامك طريق إلا لو إنك هتقدر تكمل فيه، فمتقلقش وكمل محاولة، في يوم هيتحمل اللي بتتمناه وهتوصل 💗.

أنت مبقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى. !! الواحد بيتغير بطريقة سريعة وغريبة جدا المواقف بتغير الهموم بتغير ، التجارب بتغير .. كسره القلب بتغير ، فعشان كدا مستحيل تلاقي شخص لسه زي ما هو بنفس شخصيته بتاعت زمان حرفياً الحياة خدت مننا أجمل ما فينا وبقينا عايشين بشوية ذكريات قديمة عن نفسنا، أنت مش نفس الشخص حاليا أنت أفضل بكتير من زمان مهما كانت الظروف.

مبقتش عارفة اروح لمين اقولوا ان الدنياا كلها هزماني ومش قادرة لاي حاجه فيها.

لا الدنيا لنا وماكنا للدنيا كلنا لله وانا اليه راجعون اللهم حسن الخاتمه وحسن الرحيل وطيب الاثر اللهم لا تقبض روحي إلا وأنت راضٍ عني، اللهم اكفنا شر فواجع الأقدار، اللهم آجرنا من مو ..ت الفجأة في ساعة الغفلة، اللهم إن كنت أنا القادمة فاغفر لي فإنه لا يغفر الذنوب إلا أنت ولا تأخذني يارب عصيًا وخذني توابًا نقيًا اللهم أحسن خاتمتي وردني إليك ردًا جميلاً وسخر لي من يدعوا لي إذا حان أجلي.

فهمت إن مشكلتي الحقيقية مع ناس كتير هي إني بفضل مستني منهم يردوا بنفس الطريقة والجدعنة اللِّي أنا كنت هتعامل بيها لو كنت مكانهم، ببقى متوقع منهم نفس التقدير والحب والطريقة في التعبير، أو على الأقل يقدروا اللِّي بعمله حتى لو مش حاسين بنفس المشاعر، بس مع الوقت اتأكدت إن محدش يقدر يجبر اللِّي قدامه يحبه إزاي، ولا حتى يخليه يحبه بالعافية، واكتشفت إن العشم والتوقعات العالية اللِّي بنحطها في الناس مهما كانت معزتهم وقربهم منا، كل ما زادت وسقفها علي كل ما كانت الصدمة والوجع أشد بكتير.

أنا بقولك الكلام ده عن قناعة تامة ومن خلال تجارب كتير شوفتها قدام عيني.. مفيش شخص "حقيقي" هيضيع منك .. مفيش شغلانة كويسة وفيها خير ليك بابها هيتقفل في وشك ، مفيش أي شيء في الدنيا فيه خير ليك ومناسب ليك ربنا هيبعدك عنه!! كل اللي بيروح مكانش حقيقي ، مكانش مناسب ، مكانش لايق عليك ولا هينفعك قدام!! ريح نفسك ، مفيش فرص ضايعة ، كل اللي فاتك مش بتاعك.

دورناا امته بق؟! 😂❤️❤️❤️❤️❤️❤️🌚.

"واهدِ قلبي ، وسَكّن مواجعي ، وتَلطف بِأمري .. أنا العبدُ الضّعيف ، وأنتَ .. أنتَ الله القويُّ العزِيز.

‏لما تختار نفسك وتقرر إنك مش هترضي غير بالأفضل، هتتفاجئ قد إيه حياتك هتتغير، كل خطوة، وكل دعوة، وكل نية صافية بتقربك من اللي نفسك فيه، أمشِي في طريقك بثقة، وسيب اللي فات وراك.

مش جمال البِنت اللي هيناولك كوباِية المية ، ولا الدواء لما تِتعب ، و مش شكل الولد ، و تسريحِة شعرهُ اللي هتِسنِدك لما تِكبري ، و تعجِزي ، لازِم نِختار صح💗.

‏لو بطلت تستنى هترتاح في حياتك متستناش حد ولا تستنى حاجة من حد، خلي عندك اِكتفاء بنفسك وباللي تملكه، لو اِكتفيت بنفسك صدقني مش هتستنى حد ولا هتحس إن يومك ناقص لما يغيبوا، أكبر غلط مُمكن ترتكبه في حق نفسك إنك تربط سعادتك بوجود الناس او حد مُعين ساعتها عُمرك ما هتبقى سعيد أبدأ❤️.

و‏لأنني أخاف أن أجلب لنفسي خيبةً أخرى بسوء إختياراتي، لا أدعو شيئًا بعينه أريد الخير حيث كان، اختر لي يا رب ولا تُخيرني، ورضّني بقضائك.

متسمحش لحد يخليك خيار تاني او حاجه يلجأ ليها لما يتزنق او يفضي قيمتك انت اللي بتحددها لنفسك لما تلاقي حد بيعاملك ع إنك موجود ع الرف انزل من علي الرف وامشي خالص اللي ميعرفش قيمتك وانت حاضر مش هيعرفها وانت غايب غير لما يخسرك بجد.

صبرك على شغلك وعلى ظروفك وعلى تعبك وعلى الأوضاع اللي مش عجباك وتأقلمك عليها عند ربنا ومش ناسيها .. هيجبر خاطرك وقلبك وهيراضيك ويعوضك ، اجمد بس كدا واتأكد ان بعد الصبر خير ولُطف حتى لو انت مش شايف الخير دا دلوقتي هتتفاجئ بتدابير ربنا بعدين🌚💗.

والله مُش مُبالغه ولا تطيب خاطر مني بس فعليًا ربنا رحيم أوي ، اللي بيروح منك من الشمال بيعوضك عنه من اليمين ، بتخسر حاجه من هنا وتلاقي العوض جاي من هنا ، أيًا كانت خسارتك ف أي وقت ما دُمت متعمدتش إنك تخسرها متزعلش ولا تشيل هم ، إنت بتسعي وبتقول يارب وربك كريم ومُجيب ، خليك مسلمها له علي قناعه وطاعه وإيمان ، وإعمل اللي عليك وهو قادر يكرمك بكرمه اللي ملوش حدود.