Filmoptimist

Hamisha tinchlik bo'lsin! "Xotira va qadrlash" kuni ehtimol o'tib ketgandir, ammo urush mavzusi va undagi filmlar haqida gaplashish uchun birgina bu kunning o'zi kamlik qiladi. Kino yo'nalishida ijod qiladigan, yoki u haqida yozib turuvchi o'zim kuzatadigan va sifatli deb bilgan kanallarim hamda ularning mualliflari urush haqidagi o'zlari eng yaxshi deya hisoblashgan filmlarni sizlarga tavsiya qilib, ularga bo'lgan o'z fikrlarini bayon qilib berishdi. #Filmotavsiya rubrikamizda ishtirok etgan quyidagi kanallar hamda ularning egalariga tashakkur bildiramiz : Katta Og'a Kino Ekrani Seb's Bobil Kinoteatri Top Maniya Luna Moon Seansdan so'ng Bu tavsiyalardan tashqari, o'zingiz urush haqidagi, uni qoralagan yoki eng yaxshi tarzda ekranga ko'chirib chiqqan deb hisoblaydigan filmingiz qaysi?

"Marty Supreme" filmi uchun tayyorlagan vizual tahlilimiz. Ertaga saharlikka turaman degunlaringgacha, 98-Oskar taqdimoti ham boshlanib qolarkan. Shundan oldin, men o'zim eng ko'p nominatsiyada yutishiga ko'z tikib turgan filmim haqida ham bir nimalar yasavolay degandim. Postda "Marty Supreme" filmining elita darajasidagi dohiyona marketing targ'iboti-yu filmning yakunidan tortib, Oskarni qaysi kategoriyalarda yutishi mumkinligi bo'yicha bir qancha taxminlarimni yozib ketdim. Shunda ham, film haqida hali gapirilmay o'tilgan ancha narsa qolib ketibdi. Shu sabab, postni hali ehtimoliy davomi ham bo'lsa kerak. Josh va Benny Safdie aka-ukalar xuddi Coen larga o'xshab 2024-yilda bo'linib ketishganidan keyin, ikkisining ham bir yilda retro-sport janrlarida filmlar chiqarib turishgani juda hayratlanarli hol bo'ldi. Ular haqida oldin ham mana bu postimizda ancha-muncha narsa yozib, maqtab qo'ygandik. Har bitta atoqli rejissyorning filmlarida o'zining imzo uslubi bor bo'lgani kabi, bu Safdilarda ham yo'q emas. Ularni uslubini biz asabni qitiqlab qo'zg'atgancha (anxiety-inducing), kadrlaridagi personajlarini asosan yirik planda ko'rsatish orqali, ular tushib qolgan taranglik muhitiga tomoshabinni ham qo'shib tiqa oladigan saspens lahzasiga sizni to'yintira oladigan uslub, deb aytishimiz mumkin. Ikkisining rejissyorlik ishiga kelsak, Benny Safdie o'zining "The Smashing Machine" filmi bilan ko'proq qimirlovchi kamera uslubidagi mokumentariyaga o'tib ketibdi, va o'zlarining avvalgi filmografiyasidagi o'sha asabni qitiqlab qo'zg'atuvchi uslubini bunda u davom ettirmagan. Josh Safdie bo'lsa o'zining Marty Supreme filmida o'sha uslubga to'liq immersiv tarzda yondashgan holda, uni yana davom ettiribdi. Xo'sh, o'ylab qarasak, Good Time (2017), Uncut Gems (2019), va Marty Supreme (2025) filmlarining uchchalasini ham biz Safdilarning rasman o'sha "anxiety-inducing" kino uslublarining tugallangan trilogiyasi deya menimcha bemalol atayversak ham bo'laveradi. Filmga 0.5 ball minus qo'yganimni sababi, filmning 3-aktidan ko'p narsani kutib yuborganimdan bo'ldi. Men filmdagi to'q sariq rang ping-pong koptokchasidan hali filmda uni alohida vazifasi bo'ladi deb o'ylab yuboribman. Mayli, bu aybni men filmni marketingiga to'nkab qo'yaman, kutilma qo'yishimga sababchi bo'lgani uchun. Buncha gapni nega yozib o'tiribman, asosiy narsa suratlarni o'zida bo'lsa? O'shani o'zidan o'qib turinglar, Marty Supreme filmi tematika jihatdan hali ancha narsaga liq to'la bo'lgani uchun, bu mavzuga hali yana qaytamiz. Filmni ko'rganlar bo'lsa, u va uning yakuni, yoki filmlarni shunaqa formatda tahlil qilishimizga qanday qarashinglar haqida fikr otib ketinglar. @Filmoptimist

Valentin kuni uchun kechikkan post. #filmotavsiya rubrikamizdan sevgining otashidan yongan dilporalar, yoki bo'lmasa qizi/yigiti yo'q so'qqabosh yolg'izlar uchun bizdan sizlarga eng yaxshi sevgi hikoyasini o'zida jamlagan bir qancha filmlar tavsiyasi bo'lgan…