زَتُّونَةُ القَاضِي

بتصعب عليا جدًا الناس المَرِحة الفرفوشة اللي ما كانوش بيبطّلو كلام وهزار وفجأة كدا اتحوّلو لنُسخة باهتة مطفية وطول الوقت ساكتين! لا هي دي ملامحهُم ولا هي دي روحهُم اللي كانت بتملى المكان بهجة وحيوية، يخربيت الحُزن اللي يطفي الواحد ويغيّره بالشكل دا والله!

مش معنى إنّك في حالك وبعيد عن الناس يبقى كدا هتسلم من حواراتهُم وهيسيبوك في حالك لأ خالص، هتلاقيهُم برضو في كُل تجمُّع جايبين في سيرتك، وبيتقال عليك حاجات إنتَ نفسك لو سمعتها هتتفاجيء! عشان كدا سيب اللي يقول يقول وما تشغلش بالك، لإن اللي مالوش قيمة لما يحب يعمل لنفسه قيمة بيتكلم على أسياده اللي مش عارف يكون زيهم.

https://t.me/z_f_i/s/136

ماتيسر من كتاب الله

معلش بقا بلدي بحبها ♥️🇪🇬

‏أنا بحب الناس الحنيّنة قوي ‏الحنيّنين في كُل حاجة؛ في صداقتهم، في حُبهم، في خلافهم، وحتى في عداوتهم. ‏ناس بتراعي ربنا في كُل تصرّف، ومش بتعرف تأذي، لأن طبيعتهم أصلًا ما بتسمحلهمش يكسروا حد ولا يوجّعوا قلب حد. ‏الشخص الحنيّن عمره ما يقبل على غيره حاجة ما يرضاهاش على نفسه، وعشان كده وجوده دايمًا أمان. ‏وعشان كده برضه، الحنيّنين هما الأقرب لقلبي .. والأكتر جاذبية في نظري.

قد تضيقُ نفسُك، ويصِلُ بكَ الأمرُ لتظنَّ أنّها النِّهاية، وأنْ لا مخرجَ أبدًا ممَّا أنتَ فيه، قد يعتريكَ الخوفُ ويداهمُك التّفكيرُ المُرهقُ، هُنا ليسَ عليكَ إلّا أن تحمدَ اللهَ، وتنتبِهَ للنِّعمِ الّتي يغمرُكَ بها، وتُسلِّمَ له أمورَك كلَّها؛ حتّى ترتاحَ نفسُك، سلِّم وقُل بقلبك مستشعرًا: "اللّهمَّ إنِّي أسلمتُ نفسي إليكَ وفوَّضتُ أمري إليكَ" سلَّمتُ لكَ كلَّ شيءٍ، يا ربِّ سلَّمتُ لكَ ذاك الهَمَّ وذاك الحَزنَ وذاك التَّفكيرَ وذاك الألَمَ، كأنَّ الجبلَ الّذي تحملُه فوقَ كتفيكَ قد خفَّ، وكأنَّ نفسَك قد هدأتْ حينما سلَّمتَ لمولاكَ.

ويحك يا فتىٰ! أنسيت تلك الليلة؟ حينَ كاد ينفطر قلبك؛ لشدّة حُزظك علىٰ ذنب فعلته.. والآن أصبحت لا تُبالي مهما فعلت من الذنوب بدأت تفقدُ نفسك "الملتزمة" أما تشتاق! أما تحنّ! ألا تريد أن يحبك اللّٰه! انهض رعاك اللّٰه.. لا تدري متىٰ تُؤخذ "الأمانة"!

أقول لك على سِر عظيم بيخليني أتقبّل أي خُسارة بعيشها في حياتي؟ السر في إنّي بعد أي مِحنة أو خُسارة بقول لنفسي ربنا هو اللي عايز كدا وبعدها بَبُص للسما وبقول يا رب أنا رضيت ومش مُعترض وعارف إن سُبحانك ما بتحملش مخلوق فوق طاقته وأكيد رحمتك شايفة إن الشخص دا والسكة دي مش خير ليا فحميتني .. وبعدها بحمد ربنا وبشكُره. ووالله ولا مرة قبلت بقضاء ربنا وقدره إلا وسُبحانه عوّضني وفرّج همي وطبطب على روحي.

العِلاقة اللي ما قصرتش فيها اِوعى تزعل عليها، سواءٍ كانت عِلاقة عاطفية أو صداقة أو أيًا كان مُسماها، وطالما شايف إنّك عملت اللي عليك يبقى خلاص الشيء دا مش من نصيبك ومش خير ليك، الحاجة الوحيدة اللي مُمكن تزعل عليها هي مجهودك اللي بذلته، مشاعرك اللي استهلكتها، أيامك اللي ضاعت، ودا هيكون زعل مُبرر ومعاك حق فيه، لكن ما تزعلش على الأشخاص، وخليك فاكر إنّك اتحملت وبذلت كُل جُهدك والتقصير كان من الطرف التاني مش منّك إنتَ خالص، وفي الحالة دي تاخُد لك كام يوم زعل وترجع صالب طولك ورامي العِلاقة دي ورا ضهرك؛ هو عُمر واحد اللي هتعيشه فما تضيعوش في الزعل على اللي فات.

المواقف والتجارب اللي عيشناها غيّرت فينا، وخلّتنا نبقى نُسخة تانية خالص من نفسنا .. نسخة يمكن ما نحبّهاش قوي، بس واثقين فيها، واثقين في نُضجها. ما بقيناش عاطفيين زي الأول، بقينا نحسم بالعقل، مش أي كلمة تجيبنا وتودّينا. بقينا نعرف نفرّق بين الكلام الحقيقي والكلام اللي بيتقال عشان يتضحك علينا بيه. ما بقيناش صيد سهل لوعود مُزيفة أو كلام متزوّق، بقى اللي يحكمنا هو المنطق والواقع وبس. تقدر تقول إننا شيلنا الغشاوة من على عينينا، وبقينا نشوف كل حاجة على حقيقتها.

"اللهم هب لي قلباً راضياً وجسداً صابراً. اللهم لا تحملني مالا طاقة لي به، واجعل رحلتي مع المرض برداً وسلاماً على قلبي كما جعلت النار برداً وسلاماً على إبراهيم. اللهم ارزقني لذة العافية، واجعلني ممن قلت فيهم: 'وبشر الصابرين'. 🕊️" #محارب_كانسر

أقول لك على سِر عظيم بيخليني أتقبّل أي خُسارة بعيشها في حياتي؟ السر في إنّي بعد أي مِحنة أو خُسارة بقول لنفسي ربنا هو اللي عايز كدا وبعدها بَبُص للسما وبقول يا رب أنا رضيت ومش مُعترض وعارف إن سُبحانك ما بتحملش مخلوق فوق طاقته وأكيد رحمتك شايفة إن الشخص دا والسكة دي مش خير ليا فحميتني .. وبعدها بحمد ربنا وبشكُره. ووالله ولا مرة قبلت بقضاء ربنا وقدره إلا وسُبحانه عوّضني وفرّج همي وطبطب على روحي.