قروب الشعر

‏قدّر مقـام اللي يقدر .. مـقامـك ‏واجز الذي عاملك بالخير خيرين ‏أحـذر تنقص للـوفـي اهتمامـك ‏مايجحد الـوافيـن غير الـردييـن

اكذب عليك ان قلت ماني بمشتاق واضحك على نفسي ان قلت عاادي عطني وعد واعطيك مليووون ميثاق تبطل غياابك / وابطل عناادي

‏والله ان حبك مع الوقت ماينقص يزيد ‏في غيابك لك محبّه ولك شوق و حنين .!

‏اللي يوريك الثقل والتغلي ! ‏حاول توريه السمو و الانافه ‏خله يقال ان فيك كبر وتعلي ‏ولا يقال ان فيك ذل و ضعافه

مساء الخير جميعاً 🌚

‏عقب حبّي لو يحبّونك الناس أجمعين ‏يكفي إني في محبتك " راعي الأوله "

‏على الهروج العوج افضّل سكوتي ‏لا قام كلً … عن ضميره يعبّر ‏كرّمت سمع اذني وكرّمت صوتي ‏والمشكله ، شافو سكوّتي تكبّر

‏لـ الناس حاول ماترسم خارطه لـ الطريق ‏من قال وين انت رايح ؟ قل قريّب بدو ‏ترى الحسود الخفي يلبس ثياب الرفيق ‏وعند الزعل كل حاجه تنكشف في هدو ‏ايحارب اللي يشوف انك تعده صديق ‏ويصاحب اللي يشوف انك تعده عدو

‏الليالي علمتني وانا طبعي عيوف ‏أرتجي رب الملا .. ما ترجيت الملا .

اكذب عليك ان قلت ماني بمشتاق واضحك على نفسي ان قلت عاادي عطني وعد واعطيك مليووون ميثاق تبطل غياابك / وابطل عناادي

‏الذكريات القديمه مع مهب النسيم ‏تحدّني لـ السهر وانا ما احب السهر ‏كم مرةٍ فيك هوجست وطرقت النديم ‏من يوم اصلي الفجر لين اتوضّى الظهر ‏واللي مثل حالتي فـ الحب قلبه غشيم ‏تعطيه شوك السلم ويجيب باقة زهر ‏وده تجيه الطعون اللي تجي فالصميم ‏ولا تجيه الطعون اللي تجي فـ الظهر

‏واهني الداله اللي عن التفكير ساج ‏ما بعد جرّب عنا الوقت من يومه صبي ‏والا أنا ماغير ادوّر من الضيق الخراج ‏وكل ليل يزيد همّي و ضيقي و اتعبي ‏علة ٍ في خاطري مالقيت لها علاج ‏من سبب ميلات الأيام ماهي بـسببي ‏من يسلفني سعة بال وأخلاق ومزاج ‏وياخذ الضيقه وياخذ عليها اللي يبي

‏عن شعوري ماني مكابر وجاحد ‏أنت أكبر من غرامي لك .. وهمّي ‏كيف أحبك ! أنت منت انسان واحد ‏فيك أخوي وفيك أبوي وفيك أُمّي

‏مثل ما يخاف الذيب من ريحه البارود ‏"أنا أخاف من طاري المفارق ومن وقته"

‏لو ما تعلّق صورتي وياك ف جدار السنين ‏يكفيني إنك محتفظ فيها عشان تشوفها

سناب مختص بالمقاطع المضحكه والترفيه https://snapchat.com/t/VeaXGHHc

‏أعرف طريق السنع وامشيه وأدله ‏ مايملي عيوني من الأطباع حي الله

‏يا رب أنا مهما ألتهي و أذنب و أهيم ‏من خشيتك ، ما زال صدري ممتلي ‏جيتك بـ عينٍ تدمع ، و قلبٍ سليم ‏أبثّ لك خوفي ، و حزني ، و زعلي ‏أكرمني بـ عفوك و لطفك .. يا كريم ‏و لا تحاسبني ، بـ جهدي و عملي .

‏يآشين حآل اللي يحبون بسكات ‏من زود صادق حبهم ما يقولون ‏يتابعون أحبابهم كل الاوقات ‏وعلى اثرهم كل ساعه يموتون "

‏جاب طاري الوداع وقلت مالك لوا ‏كل شيٍ نطيعك فيه غير الوداع ‏كافر الشوق والفرقى لعينة ثوى ‏شف لنا حل غير البهذلة والضياع