Աստված սէր է

Որդյա՛կ, մի՛ զլացիր օգնել աղքատներին և թույլ մի՛ տուր, որ տվայտեն կարոտյալները Սրք. 4:1

...և նրանց առջև պայծառակերպվեց։ Նրա դեմքն արեգակի պես լուսավորվեց, իսկ զգեստները լույսի պես սպիտակ դարձան Մտթ. 17:2

Ինչքան մեծ լինես, այնքան խոնարհեցրո՛ւ քո անձը, և շնորհ կգտնես Տիրոջ առաջ, քանզի մեծ է Տիրոջ զորությունը, և նա փառավորում է իր կամքը կատարող խոնարհներին Սրք. 3:20

Թե խրատին համբերող եք, Աստված ձեզ կմոտենա իբրև որդիների։ Ո՞րն է այն որդին, որին հայրը չի խրատում Եբր. 12:7

Թերահավատին ցույց ես տալիս քո ուժը կատարյալ զորությամբ և հանդիմանում ես նրանց, ովքեր չեն ճանաչում քո զորությունը Իմս. 12:17

Հայրերի՛ Աստված և Տե՛ր բազումողորմ, դու քո խոսքով ստեղծեցիր ամեն ինչ և քո իմաստությամբ ձևավորեցիր մարդուն, որ տիրի քո կողմից ստեղծված արարածներին, սրբությամբ ու արդարությամբ կառավարի աշխարհը և ուղիղ հոգով դատ ու դատաստան անի Իմս 9:1-3

...որովհետև նրա ձեռքում ենք թե՛ մենք, թե՛ մեր խոսքերը և թե՛ ամեն իմաստություն և խելամիտ գործ Իմս 7:16

Իսկ անեղծությունը մարդուն մոտեցնում է Աստծուն, իմաստության ցանկությունը տանում է դեպի արքայություն Իմս 6:19-20

Մի մարդ ինչպե՞ս կարող է հալածել հազարին, և երկուսը՝ հետապնդել տասը հազարին, եթե Աստված նրանց չլքի, եթե Տերը նրանց կորստյան չմատնի Բ Օր. 32:30

Պատվաբեր ծերությունը ո՛չ երկարակեցությամբ է չափվում և ո՛չ էլ ապրած տարիների թվով Իմս 4:8

Այս բանն իմացի՛ր, որ վերջին օրերին չար ժամանակներ կգան, որովհետև մարդիկ կլինեն անձնասեր, դրամասեր, հպարտ, ամբարտավան, հայհոյող, ծնողներին անհնազանդ, ապերախտ, սրբապիղծ, տմարդի, անգութ, բանսարկու, անժուժկալ, դաժան, անբարեսեր, մատնիչ, հանդուգն, մեծամիտ, ավելի հեշտասեր, քան աստվածասեր Բ  Տմթ. 3:1-4