قصائد الولاء في ملحمة كربلاء

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

دعم مؤسسة منبريون الحسينية #افضل قناة للنعي https://t.me/+P0VV4bLqtzuKdcQS #للاشتراك بالدعم @ahmed_alziwar0

جديد مقدمة لام البنين عليها السلام بـشده لا تنـسيني ٭٭ يم الكمر حضريني يم البنين الطاهرة ٭٭ بـشده لا تنسيني ٭«««««««««««❀❀❀»»»»»»»»»»» اركـع على اعتابچ ردت •• يالطاهرة توفقيني احضر مجالس خدمتج •• أگضيها بيها سنيني ألطــم ودگ عله الصدر •• ورخصها لجلج عيني يــــم البنين بمـجلسـچ •• خــــــادم الج خليني مــــرادي ردت تنطيني ٭٭ خايب فلا ترديني يجبرلي خاطر مجلسج ٭٭ بالشده لا تنسيني ٭«««««««««««❀❀❀»»»»»»»»»»» دمعي يصب لمصيبتج ••اربع بنين انطيتي تربات حيدر ضنوتج  •• والنعم من ربيتي راحـو ضحايه بكربله •• بيهم ترى تسميتي ماكو مثل صبرج ابد•• لم الحسن وفيتي حالج تـــــــره يأذيني ٭٭ زايد عليج ونيني بالطف مناصر موقفج ٭٭ بالشدة لاتنسيني ٭«««««««««««❀❀❀»»»»»»»»»»» بالشدة اقـره الفاتحة •وبكل صلاة احجيها وارفـــع ادينه للسمه •• ولم البنين اهـديها ادريها تقضي حاجتي • أم الـكــفـل ادريها باب الحوائج للخلگ  •• ربك تــره مخليها لاوالله لا ما عوفج  ٭٭ ضامي و روتني جروفج لاجلج ارخص ناظري ٭٭ بالشده لا تنسيني ٭«««««««««««❀❀❀»»»»»»»»»»» حاشاه ماردت طلب •• وبكل وكت انخاها ام  البـنين  الطاهره •• بـكـل موزمه ألكاها هذا الاسم صاير ورِد•• لا والله مـا انسـاها خادم اصير لبت اسد •• هاي أمنيه اتمناها انا ادري متخليني ٭٭ من عطفج تراويني خادم على اعتابج ردت ٭٭ بالشده لا تنسيني ٭«««««««««««❀❀❀»»»»»»»»»»» مجلس أعقده لحظرتج •• وبكل وكت أبجيلج قدمت حاجاتي ألج •• من ضيمي انا اشكيلج أحجي بتفاصيل الشدد •• يم البنين أحجيلج أدري بسوالف كربله •• أدريها هدت حيلج  نار الخيم تجويني ٭٭مصايب ترى تبجيني عشتي معانات وصبر٭ بالشدة لا تنسيني ✍🏻الخادم غازي الساعدي

دفن الاجساد لسان حال السجاد احتاراحضنك بيدي ادفنك والله حيره شلون ألمك خـاف ألچـمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ شلت أديك وعاشر اصبع ما لكيته كثرة اسـهـام عـلـه گلـبگ ضيعيته وذره وذره بويه جسمك جمعيته ريت ابو فاضل يحضرك جا نخيته حيلي ناكض جني راكـض الك ديره شلون ألمك خـاف ألچمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ فراگ ابوي يهد تره حيل الرواسي وهل المصيبة الراتبة موشاب راسي ويلي وبطف كربله عفت اغله ناسي ما شفت بعيوني بس ضيم ومئاسي بعيني هظمه الدنيا ظلمه شكد زغيره شلون ألمك خاف ألچمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ عاري جسم حسين بالميدان وحده تطحن الخيل بضـلوعه روحـه رده  عـمـري راح ويـاه چـن مـاي وتبده لا هـنه العيش وحـلـه بالدنيا بعده ريـت موتي  ويـه اخـوتي ويالعشيره شلون ألمك خـاف ألچـمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ ربي صبر ايوب ربـي منين اجيبه حيلي ينهد من اسولف عـالمصيبه ضلع لا ضل جثت حسين السليبه محب ما صارت گبل يدفن حبيبه ويـن اصـدن وجـهي ألـمـن بعد اديره شلون ألمك خـاف ألچـمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ بـيـد احـفـرلك لـحد يا ريته ليه بويه جسمك من أنزله يعز عليه تراب وسفه يضمك وانه شبديه كـون تنهد السماء عـلـه الوطيه اه احــمـلك  وانـا انـــزلك   بالحفيره شلون ألمك خـاف ألچـمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ صوت من منحر ابوي هيز كياني جيب عبدالله أرد اضمنه بحنانـي  وسده  بويه عله صدر ولا تتـاني ألـمـاني الموقف وضلـيت اعـاني وسفه رايح مني ياحصتي الجبيره شلون ألمك خـاف ألچـمك بالحصيره والله حيره  ٭ ٭ ٭ والله حيره ٭ ٭ ٭ ٭ ٭ ٭ ٭  ❀❀❀ ٭ ٭ ٭ ٭ ٭ ٭ ٭ الشاعر غازي الساعدي

محرم الحرام بحق الامام العباس عليه السلام جيـت أوصفك ٭٭٭ بيك يحتار القلم أحجي قصتك ٭٭٭ جربه راية والعلم يا بوفاضل ٭٭٭٭ يا بوفاضل ــــــــــــــــــــ★☆★ـــــــــــــــــــ شكد عظيمة هل المصيبة وانت أعظم والعذب يمك تــــــحـــــيـر بـيــر زمزم والصمود اطروحه مـــــــن عندك تعلم ويــــــنه يوسف عن جمالك صار أبكم يا جمالك ٭٭ الحسن منك خجل يا كمالك ٭٭ لايگـ عليك الـزعـل يا بوفاضل ٭٭ يا بوفاضل ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ غيرت الاحرار بــــيك التجري بالـدم بـــارز الموت الحمر مـــــــنهو يتقدم الظاك سيفك بالحرب مـــاظنه يسلم طـــــــــبعة ماترجع لون نيران تضرم هـذا طبعه ٭٭ عـــــزمه ابد ينثني حيد ربـعه ٭٭ ســيفه ابدن ينحني يا بوفاضل ٭٭ يا بوفاضل ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ما تهاب الموت ابن حامي الحميه تـــشهد الصــــوبين ألك بالغاضرية شافو بسيفك عجب جيش ال أميه ابـن حـــــيدر انـت معروف الهوية شلون أعبرك ٭٭انت بحر من الكرم شـــما اذكرك ٭٭ بيك مشدود العزم يا بوفاضل ٭٭ يا بوفاضل ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ يـــومك الـبطف قيامة شهدت الناس أحتارو الكرار نازل ضــاگت أنــفاس صاحت الغوث الكتايب هــــذا عباس شـربو الموت عله أيدك جـرعـو بكاس شنهو سرك ٭٭ انت يا ملح الطفوف مشه بأمرك ٭٭ الموت صفها الالوف يا بوفاضل ٭٭ يا بوفاضل ٭  ٭  ٭  ٭  ٭  ٭  ٭  ٭  ٭  ٭ ٭  ٭  ٭ يالـــــــكفلت العايلة ونعم الكفاله بكربله واجب تقدمة اعظم رساله والـــــدك كــرار مــــعروف بقتاله جسـدت مــعنى البطولة والبساله من دمائك ٭٭ تعلمت معنى الحياة من وفائك ٭٭ لسه خـجلان الفرات يا بوفاضل ٭٭ يا بوفاضل ٭  ٭  ٭  ٭  ٭  ٭  ٭  ٭  ٭  ٭ ٭  ٭  ٭ أحتارت حروف القصيدة بيك تنظم مـعـزب وبالغاضرية الــكـــل تـكـلـم بچفوف عيون ويهامه انــــت تكرم قدمـت لحسين روحك كـــون يسلم بـعـت روحـك ٭٭ طحت مادون الخيام شكــد جروحك٭٭ كـســرت ظـهر الامام يابو فاضل ٭٭ يا بوفاضل ٭  ٭  ٭  ٭  ٭  ٭  ٭  ٭  ٭  ٭ ٭  ٭  ٭ الخادم غازي الساعدي

لسان حال زينب تروي ما دار بين الامام الحسين والعباس عليهم السلام نــــام الكمر عالمشرعة بصفه الچفوف مگطعة لا يـكدر يـرد للـخيـم والعين صابوها بسهم  بصفه الچفوف مگطعة ٭٭٭٭٭٭٭٭٭☆٭٭٭٭٭٭٭٭ صاح الحسين ابو فاضل خويه وينك گـــــوم ورجعلي يغالي احمي عرينك العدو ياوسفه بغدر گــــــــطـع ادينك خــــويه انظرلي ثواني فتحلي عينك ٭ ٭ ٭ ٭ ٭ ٭ ٭ يا خويه انهض صدلي يا كـــــمر يا درة عـلي عالفرگه مو گلبي ألجم والعين صـابوها بسهم  بصفه الچفوف مگطعة ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ يمسح الدم والرمل من عين اخيه كـــــون يمه ويشـگف أسهام المنيه عگب المطهم يــــــوسدون الوطيه شلون عالشاطي يـــظل جثـه رميه ٭ ٭ ٭ ٭ ٭ ٭ ٭ ٭ ٭ ٭ ٭ ٭ مـــــا يقبل يظل عالنهر أمحدب و ظهري نكسر كل جسمك ادري ماسلم والعين صـابوها بسهم  بصفه الچفوف مگطعة ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ يحجي عباس بــــهمس عينه جـريه الماي اجيبه واعــــدت سكنه ورقيه أنصابت الجربه بسهم مگطوعه أديه خويه هــــذا اخر وداع بهل المسيه ٭ ٭ ٭ ٭ ٭ ٭ ٭ ٭ ٭ ٭ ٭ عنـت عليه ام الخدر وگليبي يتلاهب جمر مـن يرجع يزيد الألم والعين صابوها بسهم  بصفه الچفوف مگطعة ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ خويه والله بطيحتك خلصان عمري اطفال تنتظرك تــرى تـــرويها تدري خـويه قلت حيلتي جاشنهي عذري الفاگـــد اعــزاز الگلب دمعاته تجري شحال الفواطم من رحت نـــــشـدنـي واتمنى متت ما يقبل يشوف الحرم والعين صـابوها بسهم  بصفه الچفوف مگطعة ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ غابت انفاسه ورحــــــل بالغاضرية والله مـــن هذا الخبر أصفگ بديه عـمري لا طــــــــال وتــمنيت المنية مـن بعد حماي الضعن امشي سبية ٭ ٭ ٭ ٭ ٭ ٭ ٭ ٭ ٭ ٭ ٭ بعدك تره ياابالفضل النوك جابوهن هـزل حيلي عله فراگه نهدم والعين صـابوها بسهم بصفه الچفوف مگطعة ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ ٭ الخادم غازي الساعدي

أنصارك احــنه و للأبد أشتامر وتــطلب بــعد لا والله ما همنه العدد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ حبيب يحشم الانصار … دون حسين وكفتكم من يفزع علينه الجيش … اعرف شنهي همتكم ليوث وداست اعله الموت … ادري الموت ميهمكم المخيم عدنا خط النار .… خدر زينب أمانتكم اليوصل الحد الخيم أتوذره بسيوف الزلم ونخلي مجمعهم بدد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ عابس صاح عالي الصوت … جنني اميري حسين والله لو وذر أصبح … اموتن دون هالطيبين هز المعركة بسيفة … ذاك الحيد ابن القين اتفقو هلال وجون … اليوصل ينشطر نصين من دگو الظهر بظهر نادو فلا ألكم مفر يالمرتضى صاحو مدد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ ابن مسروق ظل صوته … يدوي بساحة الميدان يأذن للحرب قامت … اليوم تبين الشجعان ما يبرد عزم والله … الحومه تشتعل نيران برير يرتل الايات … شباب تنام عالتربان لاوالله منهاب الخطر حتى ولو صرنه وذر من ماتو ابعمر الورد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ أجه الحـُر وشهر سيفه … صاح الموت ميهمنه اخلي كربله تذكار .. بسيفي الجيش اذلنه قائدنا ابو السجاد .. وغير حسين ما عدنه ثوب الذله مو ثوبي … مـــــــن عندك تعلمنه لو ينگطع مني النحر يمك أظل قطرة بحر الموت چن دونك شهد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ زهير و نافع و مسلم … شدو عالكتايب حيل سحكو عالمنايه بزود … خلو خيل تسحك خيل جيمه تحشم بجيمه … تصيح الغوث أجانه السيل نهار الطف غده ضلمة… چن چلچل عليها اليل واحدهم يسل صارمه توثق كـــلام الملحمه ويرتل القل هو أحد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ نــــــزلو كلهم الانصار … كلهم گالو حجاية كلنا نموت دون حسين … ندگـ بكربله الثاية تظل زينب غريرة عين … المناحر ترخص بهاية مــــا عنده طمع والله … أنـت حسينه الغاية هيهات لا ما ننكسر دونه بالـطف الاجر ونام عالغبرة رغد انخانه يحسين ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ الخادم غازي الساعدي

نزله جديدة بحق الانصار صاحوا أبصوت العقيدة أنصار الحسين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤¤¤¤١ يذكر التاريخ عنهم .. ثله من خيرت رجال كل فرد بيهم يقاتل..رأسه أعلى من الجبال لو يطرون الكتايب .. رجعه ابدن لا محال ما يهابون المناية.. الموت صاحوله تعال ........................ أرواحنا نرخصها يسلم كون الحسين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤¤¤¤¤٢ ابن ظاهر لو يشد .. عله الحرب مد وجزر سيفه ينفخ نار بيهم .. من يكر لا ما يفر بيدة صار الجيش لعبة .شافو الموت الحمر ضجه صارت بالمعارة .. لا ابد ما تستقر ............... واعدينه حسين بالطف والوعد دين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤¤٣ كربله كعبة شرفنا • نحرم وبيها نطوف عنده وي الكوم ثار • وناخذه بحد السيوف كلوب جن زبر الحديد• وحتى لو دارت ألوف نسرج بمهر المناية • ما نهاب من الحتوف ........................... ما ندنك الراس ابد عدلين ميتين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤ ٤ فزعوا عمهم حبيب . ورفرف بجفه اللوه كسرو اغماد السيوف وكشخو و نزلو سوه كربله صارت قيامة ضايك عليها الهوه حين نزلوا ظلمة صارت جن كسوف بلا ضوة ................ مفر ماگو اومن نصول انعيد صفين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤¤¤¤ ٥ نزل بسيفه الرياحي• من الحسين ارتعد اطلب بكيفك تراني• انا للموت استعد روحي ناذرها ثواب• وسيدي اطلب بعد والله دمي أله ارخصه •والله ما همنه عدد ............................. خادم ألكم منخلق يا گرة العين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤¤٦ صوت ابن مسروق كبر • صاح حي عله الجهاد بصوله وحدة نميل كلنا • يعلن الجيش الحداد نار كبره نصير بيهم • نكلب الحومه رماد نخلي والله جيش اميه • يحزن ويلبس سواد .......................... الاهل عفناهه واجينه النصرت الدين اليوم عد عينج يازينب لا تفكرين ¤¤¤¤¤¤¤¤¤¤¤¤¤¤¤ #الخادم_غازي_الساعدي

يا عميد انصارنه~~ گوم وخذ بثارنه ياحبيب •••• ياحبيب @@@@@@@@@@@ ياحبيب انتفض شيل الراية ياعجيد الگوم بيك أكفاية انت يالدمك نذر للثاية ذوله انصارك اجت عناية ................................... هذا عابس وي برير ~~ سيوفهم تذبح الطير يا حبيب ••••• ياحبيب @@@@@@@@@@@ بالمعسكر ضجه صارت ضغبرة انتخه العباس سبع الگنطرة وين اخوتي ليوث ضنوة حيدرة گالت الانصار نبدي مناورة .......................... ننزل اول بالقتال ~~ مانهاب احنه النزال يا حبيب ••••• يا حبيب @@@@@@@@@@ دگو الظهر بظهر جون وهلال ويا حلات ارسومهم طبو نزال جيش اميه گبالهم أصبح خيال نذر هاي ارواحنا لاشرف عيال ............................. انموت دونك ياحسين~~ نحقق النصر المبين يا حبيب ~~ ياحبيب @@@@@@@@@@ ( عبد الرحمن بن عبدالله اليزني ) هذا ابن عبدالله ابن آل اليزن نصر دين حسين وياه الحسن جننه حسين انطلق من اليمن يشترك بالواقعة يفوز بعدن .............................. روحه دون الطيبين ~~~ حده وي گطع الوتين ياحبيب ~~ ياحبيب @@@@@@@@@@@@@@@ صوت ابن مسروق أذن للحرب بسيفه أبن القين يگلبها گلب يحلف بحيدر يسويهم حطب حسين خطنا وما نزل هذا الدرب ............................. كسرو اغماد السيوف~~ما يهابون الألوف ياحبيب ~~~~ ياحبيب @@@@@@@@@@@@@ اجه (الحر ) يم الحسين ومرتعد گـلـه يا مـولاي حـاظر مـستعد اليوم اوفي الدين ماهاب العدد نرفع احنا سيوفنا وتنزل رعد .............................. جيشهم ماله قرار ~~ نعلن بطف الحصار ياحبيب ~~ ياحبيب @@@@@@@@@@@ شتد وطيس الگوم والحومه حمت خيولهم وي المناية تشابكت دمومهم وي الحسين تخالطت صعدت الأرواح حور وعانقت .............................. كشخوا ولبسو چفن ~~ فازو بجنة عدن ياحبيب ~~ ياحبيب @@@@@@@@@@@@ #الخادم_غازي_الساعدي

جديد محرم الحرام هـــــ1444ـــــ نزال للانصار يالله شيـــلوو الرايه •• يالله شيلوو الرايه احنه أنصار الحسين •• وكلنه ألك وفــايه «««««««««««« ❀✿❀»»»»»»»»»»»» ياحبيب انتفض ساعات القتال ياعـجيد الگوم يا شيخ الرجال انت سيفك حـار وتحب النزال ذوله انصارك اجوو عنايه «««««««««««««•»»»»»»»»»» بالمعسكر ضجه صـــارت ضغبرة انتخه العباس سبـــــــع الگنطرة وين اخوتي ليوث ضنوة حيدرة گالت الانصار نبدي بهايه ««««««««««•»»»»»»»»»» دگـــو الظهر بظهر جون وهلال جيش اميه گبالهم أصبح خيال نذر هاي ارواحنا لاشرف عيال انموت دون حسين هيه الغايه ««««««««««•»»»»»»»»»» ( عبد الرحمن بن عبدالله اليزني ) هــــــذا ابن عبدالله ابن آل اليزن جننه حسين انــــــطلق من اليمن شد عله المهره وسبگ بيها الزمن روحه رفت مثل رفت الرايه ««««««««««•»»»»»»»» صوت ابن مسروق أذن للحرب بسيفه أبــن القين يگلبها گـلب يحلف بــحيدر يسويهم حطب حسين خطنا ومانزل عن رايه ««««««««««•»»»»»»»»»» اجه (الحر ) يم الحسين ويرتعد گـلـه يا مـولاي حـاظر مـستـــعد اليوم اوفي الدين مـاهاب العدد فدوه الك ارواحنه أخذ حجايه ««««««««««•»»»»»»»»»» شتد وطيس الگوم والحومه حمت خــــــــــيولهم وي المناية تشابكت دمـــــــومهم وي الحسين تخالطت أرواح صعدت للسمه مشايه «««««««««««❀❀❀»»»»»»»»»» #الخادم_غازي_الساعدي

لسان حال حميدة مخاطبة ابيها مسلم ابن عقيل عليهم السلام بويه وينك أنا مو بنتك حـميدة رد عـــلـيه والزمن گلي شيعيدة بويه مسلم ٭ ٭ ٭ ٭ ٭ رد عليه ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ الشوگ هزني بويه ألك زايد حنيني وينك انت َ انتظر شخصك يـجـيني للدرب انــــطر تجي مشبوحه عيني زغيره بويه عـلــه اليتم اول سنيني شلون حالي وسفرتك كلش بعيدة رد عـلـيه و الزمن گلي شيعيدة بويه مسلم ٭ ٭ ٭ ٭ ٭ رد عليه ٭ـــــــــــــــــــــــــــــــــــــــــــــــــــ٭ أســــأل الرايح يجي عنك يغالي بويه مهمومه واحسب هذا حالي مدلله بچالك يبويه وراسي عالي عگب عيــنك يالابـو تفرهد دلالي بروحي حسرة والگلب بالله شيهيدة رد عـلـيه و الزمن گلي شيعيدة بويه مسلم ٭ ٭ ٭ ٭ ٭ ٭ رد عليه ٭ـــــــــــــــــــــــــــــــــــــــــــــــــــ٭ اه بـــــــويه اه يـــا اغلى الحبايب بــُعـــدك يــــأثر عـــلي دلالي ذايب وحدي اضلن حــــايرة بين النوايب الموت وســفه يغدر بليث الحرايب وحشه داري وعالحزن لا مو جديدة رد عـلـيه و الزمن گلي شيعيدة بويه مسلم ٭ ٭ ٭ ٭ ٭ رد عليه ٭ـــــــــــــــــــــــــــــــــــــــــــــــــــ٭ اگعد الليل و أحسبه ساعة ساعة والسهر تعب چفوني ومدلي باعة واليفارگ بالله گـــــلي تهيد گاعه الصبر من عندي محتاج الشجاعة آيدهري تالي ما تالي وحيدة رد عليه والزمن گلي شيعيدة بويه مسلم ٭ ٭ ٭ ٭ ٭ رد عليه ٭ـــــــــــــــــــــــــــــــــــــــــــــــــــ٭ الزمن صاير صعب ويــــاي قاسي اه يا فـــــقـد الابو يــهد الرواسي شلون اتحمل بعد مو شاب راسي نهدت أركــن الصبر مهدوم ساسي لانه يمك موتتك صارت أكيدة رد عـلـيه و الزمن گلي شيعيدة بويه مسلم ٭ ٭ ٭ ٭ ٭ رد عليه ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭ الخادم غازي الساعدي

اهداء ثواب القصيدة لحميدة بت مسلم عليهم السلام من عفتني أذكر أيام الحنان من عفتني وكتي صار بلا أمان عيوني عكبك تبجي دم كلــبــي يــابــويه أنلجم من عفتني ~.~.~. من عفتني ** انـــه بت مسلم حميـدة بكلبي ناري رحت أدور وين أبوي وحشة داري عالوجــن يابويه بعدك دمعي جاري الدنيه ظلمت ما عرف ليلي ونهاري بويه بعدك .. حملي صار اشگد ثجيل بويه بعدك... مابقــــــــه بيه انه حيل ظهري بالفركه انجسـم كلبي يا بوية أنــلـــجم من عفتني ~.~. ~ من عفتني * تمشـــي بينه القافله والدربك اربـــي شوفتك يا بــويــه صدگ تروي كلبي أنته روحي وكل حيــاتي ونور دربي سالـــــم اتردلي نخيت البـــاري ربي آ يبويه .. كلبـي مايحمل هجر آ يبويه .. بعدك ابحسراتي اجر عايشه بـــهــم و ألــم كلبي يا بويه أنلجـــم من عفتني ~.~.~ من عفتني **** بويــه تعلم بالبعد كـاسرلي ظهري من كثر ماانتظر طگ حتى صبري ويلّي مـن كـثر المـصايب تاه فكري خبــر چتلك مرمراني اوزاد قهـري والله حيره .. آه مــن جور الزمن والله حيره.. راح اعيش ابلا وطن راح امــــــرن باليتــــم كلبي يا بويه أنــلــجـم من عفتني ~.~.~ من عفتني **** آه مــــن هــــذا الزمن وياي قاسي وآه يا فقد الأبـو يـهــد الــرواسـي من زغر سني يبويه وشـاب راسـي فاركـت بالطف يوسفه اغلى ناسـي وين خوتي ..ودعــــــــوني ابنينوه وين خوتي .. العايشه اوياهم سوه يمي ماضلت زلـــــــم كلبي يابـويـه أنــلجم من عفتني .~.~.~ من عفتني * عفـيه كـلـبـي تحملت هاي المصيبه شاهد بالطف صـــــور كلش عجيبه صعبــه يـلتم الشمل شنهو اليـجيبه والحبيب اشلــــــون لو ودع حبيبه جروحي كلفه.. يصعب افـراك الحبيب جروحي كلفه.. وما يصحلهـــن طبيب وخـتـفـه ذاك الــرســم كلبي يابـويـه أنــلـــجم من عفتني .~.~.~ من عفتني ** الخادم غازي الساعدي

جديد محرم هـــــــــــ1448ـــــــــــــ نزله لشجاعة العباس عليه السلام حزامه شده اليوم فخر الساده وصــارت القادة تــحشم القاده ٭ ٭ ٭ ٭ ٭ ❀❀❀ ٭ ٭ ٭ ٭ هـذا عـبـاس الـمـقاتــل نشـف ريـاك الزلم نعم تـربات الصـمـيـدة لوهجم ما ينگحم صار ملك الموت سيفه بچفة يردمهم ردم بحيل صدره الجيش زاحه الخير البيهم سلم الجمع يفنيه يحل ميعاده وصارت القادة تحشم القاده ٭ ٭ ٭ ٭ ٭ ❀❀❀ ٭ ٭ ٭ ٭ شبه حيدر ابو فاضل يعرف فنون الحرب الجمع ماهمه عددهم لووصل وگت الضرب وبيمينه العال رده ودخـل بـگـلـبـه الرعب بالف فارس من تعده راسه دخن لو غضب يعيد حمله حيدره وامجاده وصارت القادة تحشم القاده ٭ ٭ ٭ ٭ ٭ ❀❀❀ ٭ ٭ ٭ ٭ بالحرب يرهب حسامه والأرواح يلمها لم ما تراجع عن قراره اسد ساعات الهجم ذيب غطاها الكتايب والزلم صارت غنم الموت بعيون يشوف اليوصل الحد الخيم الحومه طباهـا تـره بعناده صارت القادة تحشم القاده ٭ ٭ ٭ ٭ ٭ ❀❀❀ ٭ ٭ ٭ ٭ لو رفع سيفه بيمينه الروس تنزل كالمطر صولت الكرار عادت دگت اجراس الخطر جيم شردت جيم تاهت ضايع عليه المفر شنهي كلي الجيش يمه صار جن نقطه بحر الجيش ابداً مـايهم بعداده صارت القادة تحشم القاده ٭ ٭ ٭ ٭ ٭ ❀❀❀ ٭ ٭ ٭ ٭ عالشريعة الف وكفت ضنها ماواحد يمر ما رجف ذرات كلبه والكتايب طرها طر نار شبها الحومه بيده والزلم كـرهـا كر كلها شردت لو نزرها ركض تركض عالجمر الطف يفرها جنها بيده گلاده صارت القادة تحشم القادة ٭ ٭ ٭ ٭ ٭ ❀❀❀ ٭ ٭ ٭ ٭ يحصد بروس الاعادي وبالفرس داساه دوس كربله ضجت وماجت بس جثث لا ما تحوس خاويه وخمدت محلها جن نخل وبلايه روس ولـصلاة المـيت اذن كبـر ويـخـطـف نفوس بكيفه صار الموت ياهو الرادة صارت القادة تحشم القادة ٭ ٭ ٭ ٭ ٭ ❀❀❀ ٭ ٭ ٭ ٭ الخادم غازي الساعدي

جديد محرم الحرام نزله شجاعيه الاولاد ام البنين باسمائهم هـ1448ــ ام البنين وتوصي اولادها يمه صيرو للخيم اوتادها  ولدي ما وصيكم...  زلم انه ادريكم مثل حيدر بالحرب لا ماتردون انتو رفعة راسي  ....  ذخري يا نوماسي موت احمر ادري بيكم من تفزعون طيحو دون حسيني  .. هوه قره عيني يمه اريدنكم فده ولخيمة ام عون   والشهادة للـــتريده رادها يمه صيرو للخيم اوتادها ••••••••••••••••••❀❀❀••••••••••••••••• يمه يا عبدالله  ...  محصن بأسم الله خلي خصمك يــــشرد ويحتار حيره يمه شد حزامك ...  تدري هاي ايامك وانت ابن حامي الدخيل الكله غيره الحومه هد عليها  ... هوس ودج بيها حتى تعلم من تقاتل عن بصيره حان وقت المعركة ميعادها يمه صيرو للخيم اوتادها ••••••••••••••••••❀❀❀••••••••••••••••• هله بوليدي هله  ...   جعفر اصل  المرجله نفس ابوك بدر هل موقف تعيده حامي دون خيامك ..  مسلح بصمصامك  واليفكر يوصل اكطع يمه ايده بيك اريدن افتخر  ..  بالدمه أجيب النصر وجهي ابيض كون عند الزهرة اريده يمه ضيعو عالزلم مشرادها يمه صــيرو للخيم اوتادها ••••••••••••••••••❀❀❀••••••••••••••••• يمه عثمان النفل  ... لايگ عليك زعل تفني بالطف كل كتايب ال أميه  صيح يا حيدر مدد  ...   والگبالگ يرتعد وبحسامك ضووگ الجيش المنيه  عيد حملة حيدرة .... هذا وكت الزمجرة صولتك ما تنسي بالغاضرية زلم كلفه وما ترد بعنادها يمه صيرو للخيم اوتادها ••••••••••••••••••❀❀❀••••••••••••••••• ابني عباس الكمر  ...  صير يم اختك نهر حتى زينب ابد ما تعطش والاطفال يمه ذب زنودك  ...  اوفي بيها وعودك انه اعرفنك كلف بحمول الاثكال  سبع تاخذ حيفك  ... الحومه هيه بكيفك بسيفك تأدبها يمه شباه الرجال انتو قادة كربله واسيادها يمه صيرو للخيم اوتادها الخادم غازي الساعدي

فتحة مجلس بحق فاطمة العليلة وي الـهـوى ٭٭ وديت ألك مرسالي گلبي نجوه ٭٭ من سافرت يالغالي ٭ــــــــــــــ❀❀✿❀❀ـــــــــــ٭  طفله وعليلة بالا اهل ظليت اون بداري ويچن علي ليل الاسى يا حسرة انتظاري وحدي ويعذبني البعد يا لوعتي ومراري بعيوني مـا مـيـز الوگت ليلي شبه نهاري راح الضوه ٭٭ الدنيا ظلمة گبالي گلبي نجوه ٭٭ من سافرت يالغالي ٭ــــــــــــــ❀❀✿❀❀ـــــــــــ٭ شيصـبر الفـاگد ابـو نـار الـگـلـب لـهـابـه حزني عليه ماينگضي يادمعتي السچابه هيج ويذكرني العطركل ساعة اشم بثيابه أيست ما عندي امل يوم المشه وسد بابه ماظل دوه ٭٭ دمعي يضل يلالي گلبي نجوه ٭٭ من سافرت يالغالي ٭ــــــــــــــ❀❀✿❀❀ـــــــــــ٭ اكتب رساله بدمعتي وشرح غربتي وخوفي والحبر دم من ناظري والحسره هيه حروفي يانسمة حمليها بعجل وخذيها من چفوفي بلغي الاهل بيه شجره رايح عليهم شوفي جسمي خوه ٭٭ والذكريات أبالي گلبي نجوه ٭٭ من سافرت يالغالي ٭ــــــــــــــ❀❀✿❀❀ـــــــــــ٭ ساعة رحيلك تبتدي يابوية كل احزاني جمرة افراگك تستعر تلهب تظل نيراني من واعدتني برجعتك عشت بأمل أتاني والمدة شو طالت علي ياخوفي لاتنساني ضهري التوه ٭٭ محني يظل للتالي گلبي نجـوه ٭٭ من سافرت يالغالي ٭ــــــــــــــ❀❀✿❀❀ـــــــــــ دلالي بالهم أمنله لمـــــــن يفارك خله ومنين اجيبك ياصبر مودربي مااندله غياب الاهل كلش كلف لا ابد مو محله كملها عبدالله ومـشه خلف بگلبي عله حزني حتوه ٭٭ ضيم والم دلالي گلبي نجوه ٭٭ من سافرت يالغالي ٭ــــــــــــــ❀❀✿❀❀ـــــــــــ٭ الشاعر غازي الساعدي