Group A - 6th Year

يعطيكم العافية هاي العلامات الي تعدلت بالأطفال

هون بتلاقوا كل الميك اب للاطفال

يعطيكم العافية ومبارك إنهاء الامتحانات النظرية يا ريت الكل يرجع يتأكد من تجميعه بالأطفال من هذا الملف حسب طلب الدكتورة هناء واي غلط او مشكلة يحكيلي عشان اقلها تعدله وبالتوفيق بالاورالات 🙏🏻

تفضلوا علامات الميك اب أطفال

يعطيكم العافية جميعا علامات ميك اب الاطفال الي من قروبنا الدكتورة قالت بكرا ان شاء الله بجهزوا

يعطيكم العافية جميعا الدكتور خلص مراجعة كل العلامات قبل شوي وكلها كانت صحيحة للي قدموا طلب مراجعة ورقي او عبوا الفورم تمت مراجعة علامته بشكل مفصل وما فيهم اي خطا للأسف العلامات رح تعتمد وتنزل على السيستم زي ما هي اليوم وبالتوفيق للجميع ان شاء الله

مساء الخير جميعًا، وألف مبارك إنهاء آخر روتيشن إلنا بكلية الطب! هون بتنتهي رحلتي معكم كـ CR لقروب A لمدة ٣ سنين. كان شرف كبير إلي إني أتعرف على كل شخص فيكم، وإني كنت معكم بهاي الرحلة. ما خذلتوني بيوم، وكنتوا دايمًا السند والظهر إلي، وبستمد منكم القوة اللي خلتني أوصل لهاد اليوم. في منكم اللي ضلينا مع بعض ٣ سنين بكل تفاصيلها، الحلوة والمرة، وكنتوا نعم الرفاق، وفي منكم اللي كانت الرحلة معه سنتين وكانوا مليانين مواقف ما بنساها وكانوا نِعم الرفاق، وفي منكم اللي اتشرفت بمعرفته بهاي السنة، وكان مسك الختام وبلسم لهاي النهاية الحلوة. شكرًا من قلبي لكل شخص بيوم ساعد، هَوَّن، شد على إيدي، حتى لو بكلمة حلوة. مرينا سوا بكثير مواقف كنتوا معي فيها بالمرة قبل الحلوة من خوف، وضحك، وبهادل، وشكر وتقدير، وكنتوا دايمًا تحولوا كل شي سيئ لشي حلو. حاولت دايمًا أكون عند حسن ظنكم وأبذل كل جهدي، فاعذروني إذا قصّرت بيوم مع أي حدا، أو تأخرت بالرد، أو ما قدرت أساعد بحل مشكلة، أو زعلت حدا بدون قصد. شكرًا إلكم، لأنه لولاكم ما كنا وصلنا لهون. بلشنا بالجراحة طريقنا، وفيها بننهيه. بتمنى لو بيوم تذكرّتوني، تذكروني بالخير وتدعولي. الله يوفقكم بالمرحلة الجاية، وييسرلكم كل خير، وإن شاء الله دايمًا بشوفكم بأعلى المراتب. بالتوفيق بالفاينال، ونراكم على خير. دمتم بود، والسلام🕊🤍

يسعد مساكم جميعا زي ما انتوا عارفين الفترة الجاي صعب تنزلوا على الجامعة ورح يكون موضوع المراجعة مش سهل فحكيت مع القسم ورتبنا انه ابعثلهم الأسماء بحيث ما يتغلب حد بالموضوع https://forms.gle/p7XL7UciE1USnUwW8 هذا الفورم للمراجعة ياريت الي حابب يراجع علامته يعبيه بأقرب وقت لانه القسم ماشي بسرعة مليون ما شاء الله فنلحق نعمل اشي قبل ما يعتمدوا العلامات ويعطيكم العافية

يعطيكم العافية جميعا بالنسبة لمراجعة العلامات لازم تقديم طلب خطي عند الست ربا بال8c طلاب الميك اب الدكتور قال انه علاماتكم رح تكون الأسبوع الجاي ان شاء الله

الدكتور قالي خلال ساعة بتكون العلامات جاهزة

اسيد يتواصل معي سريعا

مع دخول اخر قروب بقدر اقلكم الف مبروك إنهاء اخر روتيشن يا وحوش