مصطفى ليث 🤍

بكل موقف اتذكره وما اكدر اتخطى ، صعبه من يحب انسان انسان ويقهره ! شكد حلوه بدايتنه وشكد سوده نهايتنه عشرتك حلوه بس هانت عليك العشره وكت خلاك تكرهني وتمرد گلبي وتكسره ! وهـيج ايامي تنساها هـيج الحبك تجازي؟ من فوگ السما اتشمره ! - مصطفى ليث

كل ما ارد انام افز من تابوت لا صاحي ولاكادر اغفه افز واسمع ضحك وصريخ وهلاهل ناس تهلي بالزفه ماينفهم حال البيت تابوت وعرس هيج التناقض صار ابنص الحزن فرحه ناس تعيش ناس تموت مو غرفه تحولت ردهه خوف المگبره بنص الليل انه عايش تره برجفه اباوع بالوجوه بلا تعابير واليجاجيني ماعرفه واحد بيكم يكلي هذوله منين واني لوحدي بالغرفه - مصطفى ليث

اريد احجي البگلبي وخايف اتندم ! وكفت ويمي كومة ناس بس اصياح ما افهم فجاة ومن يمي يتلاشون محد يمي هاي الهوسه هوسة جن ما احلم ! ابقى لوحدي بوسط حيطان ابجي وكلنه نتثلم ولو ادري شمسوي ذنب امشي وجسمي يتهدم مجهوله الجثث تتشيع من البيت ماكاتل بشر بس مالي ايديني الدم - مصطفى ليث

وجابولي عنك حجي يكسر الخاطر .. ماندمان يضحك عينه صلفه ! كالوا عايش ومرتاح مامهتم حجو حجو ضليت ساكت ! صعبه اردهم، ماضلك عذر ينگال يا فشلـه ! - مصطفى ليث

سواها ونكر كل الايام السوه عشناها طبگ ذكرياتي مثل طبگه رسايلنه وشمرها اهناك عشرة عمر هيج بلحظه ينساها سواها وطلع حبه جذب بس لعب كضاها والايام الحلوه السوه عشناهن معقوله ينساهن ؟؟ لا والله ما انحسد موقف يحز الگلب حتى العدو يرحمه وسجاجينه عليّ بالحقد حداهن واتلعثم بحلگي الحجي وما اعرف شأحجي ؟ وليغركم الوجه الجذب بضحكاتي چنت ابجي ، مو هـينه حب العمر يطلع بشر عاها ومو هـينه بعد التعب هـيج اتجاها - مصطفى ليث

وبعد مرور أعوامٍ على فراقنا بينما كنت أنا في بداية الفراق الطرف الخاسر سبحان الذي قلب الموازين وجعلك تأكل نفسك من الندم على فراقي، وسبحان الذي اعطاني القوة لأتخطى اعنف ما مررتُ بهِ في حياتي، كنت سعيداً وأنـت بعيداً عني ماذا تغير الان؟ ما الذي جعلك تعود نادماً تتوسل إلي لأحتضانك ولو لمرة واحده؟ ماذا فعلوا لك الاشخاص الذين اخترتهم؟ لقد استطاعوا ان يكسروك بطريقة حَطمت كبريائك وجعلتكَ تعود الي متوسلاً مذلولاً، بينما كان بأمكانك ان تعيش في عزٌ واكتمال اخترت حياة الذل وهذا ماكان يناسبك .

ماجانت حرب سهله شكد سال دمي بس مومهم ماصرت عار ونمت بين الجثث وحدي وواجهت كل الخصم وشكد حاولوا بس ماخفت خافوا ، بوجه السلاح ابتسم من عندي ارتعبوا ! - مصطفى ليث

مامشتاگ بس ندمان شحبيت بيك بهالرخص اغلى شي بيك سواري جان

معقوله ماهمك ؟ معقوله كل هذا الحجي يطلع جذب منك ؟ معقوله تلعب عليّ وحبك مجرد لهو بيه تخلص وكتك؟ هواي عندي اسأله واسالهن المن بعد عايفني يا غالي معقوله يطلع صدگ وتضحك علي تالي؟ معقوله هيج انكسر معقوله كل هالوكت گلبك طلع خالي ؟ ياناس فكرة مسودنه محبوبي كتالي - مصطفى ليث

المن جاي ؟ روح وبعد لاتجي مو اني الاقبلك عذر مو اني ذاك العاطفي اكطع امالك بعد للرجعه ماضل سبب هالمره ماضل وعد ولو يبقى اني اخلف عيشتني بقلق مومال ارجعك ابد وتعرفني من احلف ! كل اختياراتي غلط بس راح اصححهن وخطواتي الـ بلا وعي كلهن احسبلهن ! وهاي اني راح اعترف عندي گلب خالي مابقه عندي اي محب فضلت راحة بالي - مصطفى ليث

سوده الدنيا ماكو الوان ومن كل مكان الوجع بيه يصدي يطحن اعضامي القهر معقولة ماكو مفر؟ لو بيدي اسكت گلبي

اخ يا محزن مصيري تبجي عليه بحضن غيري؟

مجرب تنطلب دم ودين وروحك ماتسد دينك مجرب اهلك يطردوك والك بس الله ليعينك هم فكرت تنتحر بس يمنعك اسلامك هم سولفت للخلگ ونفضحت اسرارك هم جربت تنخذل من ناس تهواهم هم حاولت تبتعد ويحرگك مگفاهم جرب تعاديهم بهاي الناس لتدور كل وفه مابيهم عامل بالمثل لتخاف لا تهتم وانهيها علاقاتك صدگني متتندم اخذ النصيحه وعيش مرتاح بينك وبين الخلگ خلي نهر اليراقب الناس يكتله همه واليعاشرهم يكتله القهر - مصطفى ليث

مو بس حجي لو حبيتني تخاطر وهذا اعتذارك ابد ميطيب الخاطر حجيك راح اطنشه واعتبر ماسامع وصدكني گلبي قوي وانساك من باجر اذا جان الغلط منك لاتنتظر شي مني انته لو رايدني ماضليتلي تكابر موبس طاقتي وياك استنزفت روحي وهاي العلاقه تنتهي لااصبر ولا ابادر اسبها الصدفه ذيج وياها اسب گلبي شتريد مني بعد تريد تشوفني بگبري ! مو انته نفسك جنت من اكبر طموحك تلعب بشعري؟ البيني وبينك مو قصة عشگ بيني وبينك معركة عمري !! - مصطفى ليث

يا حسافه ! عينك بعيني تحطها بكل صلافه جنت اشوفك ندى من كد الترافه جنت معمي جنت امشي ورا گلبي يا خساره ! تنكر العشرة الطويله بكل حقاره . - مصطفى ليث

اجيت اني وحبيبي وايدي بايده فرحه وما راح توصفها القصيده ومتفاجئ من الدنيا هـاي اول مره صار اللي اريده اجينه اني وحبيبي وايدي بيده حققنه احلامنه الكالوا بعيده ولان عشت هواي صدمات جنت اخاف من النهايات السعيده (اضحك للدنيا تضحكلك) ضحكت هواي وبكل مره بجتني واجاني العوض من الله اجتني بنيه تضحكلي وتضحكني ورغم كل الخسارات العشتها هسه مرتاح نسيت الامي كلها من شفتها ومن شفتها الدنيا وگفت وضحكتي وهيه يمي مايخلص وكتها حضي يا وادم حلو وردة البستان اني الخذتها اجيت احجيلكم قصتي الجديده فرحه وماراح توصفها القصيده - مصطفى ليث

انتي وحده بلا شرف سمج اقوه من العكارب انتي حيه مو كلتلج صوني حبنه واعذر اغلاطج واجازف ليش هيجي خنتي بيه ؟ - مصطفى ليث

قبلك محد كدر يوصل لگلبي انته اول بشر ابجيله واشكيله وعندي اسراري محفوظه انته اول شخص بالدنيا احجيله محد كدر يوصل للوصلته انته مامر علي انسان من يزعل اغنيله ولا واحد وصل عيني وسهرت ويا بس انته هذاك الاسهرله والوليله - مصطفى ليث

اباوع بوجهك وابتسم واذكر تفاصيل الحلم تملك كل تفاصيلة فجاة وصرت شي مهم وبناسي ابد ماقارنك عندي صرت كلهم ايام سوده وقهر عايشها قبلك جنت وبيك الله عوضهم - مصطفى ليث